Cyflwyno rhaglen neu bodlediad radio neu sain

Mae'r Safon hon yn ymwneud â bod yn gyflwynydd radio a sain effeithiol - drwy adeiladu hygrededd a pherthynas, a thrwy gyfathrebu'n gryno, yn wybodus ac yn ddengar gyda chynulleidfaoedd.

Mae'n cynnwys deall amrywiol rolau cyflwynwyr radio a sain ym maes radio a sain cerddoriaeth a llais.

Mae'n golygu deall cynulleidfaoedd targed a datblygu perthnasau gyda nhw. 

Mae hefyd yn gofyn ymwybyddiaeth o rym, dylanwad a chyfrifoldebau cyflwynwyr. 

Mae'r Safon hon yn berthnasol i bob un sy'n cyflwyno rhaglen neu bodlediad radio neu sain.

1. defnyddio gwybodaeth ddibynadwy i ganfod cyd-destun a diben eich rôl fel cyflwynydd y rhaglen neu bodlediad radio neu sain
2. datblygu perthynas gyda'ch cynulleidfa ar sail yr wybodaeth sydd gennych am eu nodweddion, eu diddordebau a'u disgwyliadau
3. paratoi, ymchwilio a chynnal sylwebaeth ar ddigwyddiadau mewn arddull priodol ar gyfer y rhaglen/podlediad radio neu sain, ei gynulleidfa a'r pwnc
4. dangos ymgysylltiad gyda'r pwnc, a gwybodaeth amdano, a chyd-destun y rhaglen radio neu sain mewn ffyrdd sy'n adeiladu eich hygrededd gyda'r gynulleidfa fyw neu'r gynulleidfa sy'n gwrando
5. gweithredu stiwdios, cyfarpar recordio a chyfarpar technegol arall yn unol â chyfarwyddiadau gan weithgynhyrchwyr a chydweithwyr technegol
6. gweithio o fewn gofynion cynhyrchu radio neu sain, ac arsylwi disgyblaethau'r broses gynhyrchu, gan gynnwys amseriadau
7. cydymffurfio â'r cyfreithiau a'r rheoliadau perthnasol a chodau ymddygiad sefydliadol
8. sicrhau bod eich ymddangosiad personol a'ch edrychiad yn gweddu i'r achlysur a'r lleoliad wrth weithio wyneb yn wyneb gyda chynulleidfaoedd neu'r cyhoedd
9. adolygu adborth y gwrandäwr/cynulleidfa a chyfrannu at unrhyw ymatebion yn unol â gofynion sefydliadol ar gyfer y rhaglen/podlediad
10. gwrando ar yr allbwn ac adolygu eich perfformiad eich hun yn barhaus
11. ceisio a derbyn adborth am eich perfformiad gan eich rheolwr a'ch cydweithwyr cynhyrchu'n rheolaidd
12. adnabod cyfleoedd ymarferol i ddatblygu a gwella'ch perfformiad

1. yr ystod o arddulliau gorsafoedd, genres a fformatau rhaglenni a phodlediadau ym maes radio a sain, a'r gwahanol rolau cyflwyno maen nhw'n eu mynnu
2. y disgyblaethau cyflwyno sy'n berthnasol i'r gwahanol genres gan gynnwys cerddoriaeth, newyddion neu raglenni dogfen
3. ffynonellau gwybodaeth am y gynulleidfa, yn arbennig y rhai sy'n benodol i bob cynulleidfa gwrandäwr/targed
4. sut i ddatblygu arddull cyflwyno naturiol sy'n briodol i bob cynulleidfa gwrandäwr/targed
5. sut i addasu eich arddull yn dibynnu ar y pwnc ac ar fformat allbwn y rhaglen neu bodlediad
6. pwysigrwydd iaith briodol - gan gynnwys deall ethnigrwydd, rhywedd, oedran a gogwydd rhywiol
7. y grym a'r dylanwad y gall cyflwynwyr eu cael dros gynulleidfaoedd/gwrandawyr a chyfrifoldebau cyflwynwyr o ran rheoli'r rhain
8. y cyfreithiau perthnasol, y rheoliadau a'r codau ymarfer sefydliadol sy'n berthnasol, a'ch cyfrifoldebau arbennig chi fel cyflwynydd
9. y broses dechnegol o recordio sain a nodweddion arwyddocaol amrywiol fathau o gyfarpar recordio
10. sut i asesu eich perfformiad eich hun yn erbyn meini prawf cynhyrchu radio neu sain a dysgu o brofiad a chamgymeriadau
11. pwysigrwydd adolygu eich perfformiad yn barhaus er mwyn datblygu eich sgiliau