Defnyddio a datblygu'r llais ar gyfer cyflwyno radio a sain

Mae'r Safon hon yn ymwneud â defnyddio a datblygu'r llais fel teclyn allweddol cyflwynwyr radio a sain.

Mae'n cynnwys dealltwriaeth o sut mae'r llais dynol yn gweithio, sut i ofalu amdano a sut i'w ddefnyddio'n effeithiol ar gyfer radio a sain. 

Mae'r Safon hon yn berthnasol i bob un sy'n cyflwyno neu'n gohebu ar gyfer radio neu sain; gan gynnwys y rhai hynny sydd mewn rolau cynhyrchu sy'n cynhyrchu cyflwynwyr neu ohebwyr, ac y gallai fod gofyn iddynt gyflwyno neu ohebu eu hunain o bryd i'w gilydd yn rhan o'u rôl.

1. rheoli'r anadl wrth gyflwyno ar lafar fel bod yr anadlu'n digwydd ar adegau priodol ac nad yw'n ymwthgar ac mae'r llais yn llifo'n rhydd
2. mabwysiadu ystum hawdd, cytbwys a diogel ar gyfer darllen a siarad
3. mabwysiadu tôn llais ac arddull cyflwyno sy'n briodol i'r pwnc, fformat y rhaglen, amser y dydd a'r gynulleidfa darged ar gyfer y cyflwyniad radio a sain
4. ynganu geiriau'n eglur a chydag egni a chyflymder, traw, uchder, grym a hwyl amrywiol wrth gyfathrebu'r bwriad i wrandawyr
5. darllen ar goedd wrth weld rhywbeth, a hynny gyda sicrwydd ac eglurder
6. addasu'r cyflwyno i ganiatáu ar gyfer yr amgylchedd acwstig a'r math o ddarlledu a chyfarpar recordio sy'n cael ei ddefnyddio

1. sut i gynnal ystum hawdd, cytbwys a diogel, a manteision gwneud hynny
2. y berthynas rhwng anadlu a chynhyrchu llais
3. sut i reoli'r anadl yn effeithlon wrth gyflwyno ar lafar ar gyfer cyflwyniadau radio a sain
4. sut i ddatblygu medrusrwydd lleisiol; megis rheoli cyflymdra, oedi, geirio, goslef, tôn a hwyl, er mwyn cynnal sylw
5. effeithiau gwahanol donau ac arddulliau cyflwyno, a'u heffaith ar wrandawyr cyflwyniadau radio a sain
6. sut i ofalu am y llais a'i gadw'n iach; sut i adnabod arwyddion sy'n rhybuddio am broblemau neu niwed a sut i'w rheoli
7. arwyddocâd arddull lleisiol a dull cyflwyno mewn perthynas â'r broses recordio a meicroffonau, yr amgylchedd acwstig a'r lleoliad
8. sut i addasu'r llais ar gyfer gwahanol amgylcheddau acwstig a'r gwahanol fathau o gyfarpar darlledu a recordio ym maes radio a sain