Cynhyrchu darllediadau radio a sain allanol

Mae'r Safon hon yn ymwneud â chynhyrchu darllediadau radio neu sain allanol. Mae'n cynnwys pennu'r hyn sy'n ofynnol i adnabod, dethol a pharatoi lleoliadau i'w defnyddio ar gyfer darllediadau allanol.

Mae'n ymwneud ag adnabod a chadarnhau a yw cyfarpar a gwasanaethau ar gael ac yn gweithredu'n llawn, a phennu'r cynnwys ar gyfer pob cynhyrchiad neu raglen.

Mae'n ymwneud â chyfarwyddo a monitro darllediadau gan ddefnyddio gwahanol systemau cyfathrebu. Mae'n ymwneud â monitro ansawdd yr allbwn darlledu, a sicrhau bod y cyfarpar a ddefnyddir yn cael ei ddefnyddio'n ddiogel. 

Mae'r Safon hon yn berthnasol i bob un sy'n cynhyrchu darllediadau allanol ar gyfer radio neu sain.

1. cydlynu paratoadau ar gyfer darllediadau allanol yn unol â gofynion cynhyrchu radio neu sain neu ofynion rhaglenni
2. cyfathrebu manylion y lleoliadau a gaiff eu defnyddio i'r personél perthnasol
3. cadarnhau bod yr holl drefniadau ar gyfer y cynhyrchiad radio neu sain yn bodloni rheoliadau iechyd a diogelwch statudol
4. profi a chadarnhau bod dulliau cyfathrebu gyda stiwdios cartref yn weithredol ac yn eglur
5. gwirio a chadarnhau argaeledd cyfranwyr ar yr amser ac yn y lleoliad gofynnol
6. gwirio a chadarnhau y bydd trefniadau 'bod wrth law' yn ymdrin ag anawsterau o ran cael gafael ar gyfranogwyr yn ystod rhaglenni
7. cadarnhau bod yr holl gyfranogwyr yn deall y gweithdrefnau i'w dilyn os bydd methiant cylched
8. gwirio a chadarnhau bod trefniadau digonol yn eu lle i gynnal diogelwch personél cynhyrchu a'r cyhoedd
9. sicrhau bod arwyddion a hysbysiadau sy'n esbonio ac yn pennu gofynion a chyfyngiadau mynediad yn eglur, yn gyfoes ac wedi'u lleoli fel y byddant yn denu sylw pobl
10. cadw cofnodion cywir a chyfoes o awdurdodau, gofynion a chyfyngiadau mynediad a symudiadau pobl ar y safle
11. dethol cynnwys sy'n cynnig y cyfle gorau i ateb gofynion cynhyrchu neu raglen radio neu sain o fewn cyfyngiadau pob cynhyrchiad o ran amser, fformat, cyllideb a chyfyngiadau cyfreithiol
12. strwythuro'r cynnwys i fwyafu'r effaith ar y gynulleidfa a gwireddu syniad pob cynhyrchiad neu raglen
13. darparu gwybodaeth eglur a chryno i gyfranwyr am eu rolau a'u cyfrifoldebau yn ymwneud â'r cynhyrchiad neu'r rhaglen radio neu sain
14. sicrhau bod cryfderau a gwendidau cyfranwyr yn cael eu hasesu'n gywir
15. sicrhau bod cefnogaeth briodol yn cael ei chynnig i gyfranwyr pan fydd angen, a hynny mewn ffordd sensitif a chwrtais
16. esbonio newidiadau i drefn gynhyrchu, amser a chynnwys y cynhyrchiad, mewn da bryd i unigolion ymaddasu i'r newid
17. cyflwyno ciwiau sy'n eglur, yn fanwl ac ar amser
18. cytuno manylion trosglwyddo rhwng stiwdios cartref a chyflwynwyr ymlaen llaw - gan eu dogfennu'n unol â gofynion sefydliadol perthnasol
19. monitro ansawdd technegol allbwn radio neu sain yn barhaus, gan adnabod ac adrodd unrhyw achos o golli ansawdd
20. sicrhau bod y defnydd o unrhyw gerddoriaeth neu ddeunydd hawlfraint yn cael ei gofnodi yn unol â gweithdrefnau sefydliadol

1. cynnwys a strwythur pob cynhyrchiad neu raglen radio neu sain, gan gynnwys ei ddiben a'i ddeilliannau bwriadedig
2. y cynllun cynhyrchu a gofynion yswiriant
3. nodweddion y lleoliadau a gaiff eu defnyddio a sut i asesu eu hymarferoldeb
4. gofynion darlledu neu ofynion ac amserlenni dosbarthu eraill
5. pa gysylltiadau stiwdio sydd eu hangen â'r darllediad allanol
6. y cyfleusterau 'bod wrth law' sydd ar gael
7. y tywydd tebygol ac unrhyw amodau eraill a allai effeithio ar ddiogelwch a/neu ddiogeledd a'r angen am drefniadau 'bod wrth law'
8. pa ofynion cyfreithiol ac ystyriaethau moesegol perthnasol sy'n effeithio ar y defnydd o wybodaeth mewn cynyrchiadau a rhaglenni radio neu sain
9. y gweithdrefnau ar gyfer cysylltu â'r heddlu, cwmnïau diogeledd preifat ac asiantaethau eraill mewn perthynas â mynediad
10. y gweithdrefnau a'r systemau ar gyfer awdurdodi mynediad i safleoedd darlledu allanol
11. rôl fwriadedig pob cyfrannwr
12. dyddiad, amser a lleoliad cyfranogiad pob cyfrannwr
13. cynnwys y drefn: ciwiau, cysylltiadau ac amseriadau cysylltiedig
14. y cyfathrebiadau sy'n ofynnol gyda stiwdios cartref 
15. y rheoliadau a'r gweithdrefnau iechyd a diogelwch sy'n berthnasol i'r defnydd o gyfarpar ar ddarllediadau allanol
16. cyfrifoldebau'r cyflogwyr, y cyflogeion a'r contractwyr ar gyfer iechyd a diogelwch o dan y rheoliadau iechyd a diogelwch perthnasol
17. pa drwyddedau, cliriadau a chaniatadau sy'n ofynnol, a sut i gael hyd iddynt
18. gofynion adrodd ar gyfer y defnydd o gerddoriaeth a deunyddiau hawlfraint