Dethol a chyfarwyddo cyflwynwyr radio a sain, perfformwyr ac artistiaid trosleisio

Mae'r Safon hon ymwneud â dethol cyflwynwyr, perfformwyr neu artistiaid trosleisio ar gyfer amrywiaeth o rolau fel sy'n ofynnol ar gyfer cynyrchiadau radio a sain.

Mae'n cynnwys asesu eu haddasrwydd ar gyfer y rôl arbennig a'r allbwn bwriadedig, a'u cynghori ynghylch yr hyn sy'n ofynnol neu a ddisgwylir ganddynt.

Mae'n ymwneud â'u cyfarwyddo er mwyn sicrhau'r perfformiad mwyaf ffafriol yn unol â gofynion cynhyrchu, a rhoi adborth eglur, cywir ac adeiladol iddynt.

Mae'r Safon hon yn berthnasol i bob un sy'n dethol ac yn cyfarwyddo cyflwynwyr, perfformwyr neu artistiaid trosleisio ar gyfer radio a sain.

1. sefydlu'r fanyleb ar gyfer y gofynion cyflwyno gan ddefnyddio gwybodaeth o ffynonellau dibynadwy
2. canfod a gweithio o fewn ffiniau cyllidebol a chytundebol
3. adnabod a chyrchu ffynonellau gwybodaeth dibynadwy am gyflwynwyr, perfformwyr neu artistiaid trosleisio posibl
4. adnabod a dethol cyflwynwyr, perfformwyr neu artistiaid trosleisio y mae eu nodweddion yn cyd-fynd â'r fanyleb ar gyfer y cynhyrchiad radio neu sain
5. canfod argaeledd cyflwynwyr, perfformwyr neu artistiaid trosleisio posibl drwy gysylltu â phobl briodol
6. dethol cyflwynwyr, artistiaid trosleisio neu berfformwyr sy'n arddangos y potensial mwyaf i ateb gofynion y cynhyrchiad radio neu sain
7. sicrhau bod pobl berthnasol yn cael yr wybodaeth ddiweddaraf ynghylch dethol artistiaid trosleisio, cyflwynwyr neu berfformwyr
8. briffio artistiaid trosleisio, cyflwynwyr neu berfformwyr gyda'r wybodaeth sydd ei hangen arnynt cyn recordio 
9. cyfarwyddo artistiaid trosleisio, cyflwynwyr neu berfformwyr yn ystod y recordio er mwyn cyflawni'r gofynion cynhyrchu radio neu sain
10. rhoi adborth eglur a chywir i gyflwynwyr, perfformwyr ac artistiaid trosleisio pan gwblheir pob perfformiad

1. gofynion yr orsaf neu'r rhaglen ar gyfer defnyddio cyflwynwyr, perfformwyr neu artistiaid trosleisio mewn cynyrchiadau radio neu sain
2. ffynonellau gwybodaeth am gyflwynwyr, perfformwyr neu artistiaid trosleisio a sut i'w cyrchu
3. sut i gysylltu â chyflwynwyr, perfformwyr neu artistiaid trosleisio a'u hasiantau
4. ffiniau cyllidebol a chytundebol
5. gofynion a rhwymedigaethau cyfreithiol a moesegol yn ymwneud â chytundebu ag artistiaid trosleisio, cyflwynwyr a pherfformwyr
6. sut i gynnig adborth adeiladol ac annog gwella perfformiad
7. sut i ymdrin yn effeithiol â chyflwynwyr, perfformwyr ac artistiaid trosleisio o wahanol anian ac ysbryd
8. natur a graddau'r gefnogaeth a allai fod yn briodol i wahanol bobl, a sut gellir cynnig hyn orau
9. sut i adnabod, cyd-drafod a datrys achosion o wrthdaro creadigol
10. y gwahaniaeth rhwng cyfarwyddo cyflwynwyr, perfformwyr ac artistiaid trosleisio, wyneb yn wyneb neu o bell