Gweithredu stiwdio radio a sain

Mae'r Safon hon yn cynnwys defnyddio stiwdios hunanweithredu (self-op yn Saesneg) a stiwdios a weithredir gan dechnegwyr (tech-op yn Saesneg) - bod yn ymwybodol o'u hystod cyfarpar a'u technegau cynhyrchu.

Mae'n ymwneud nid yn unig â gallu defnyddio darnau unigol o gyfarpar ond hefyd gallu cydlynu eu defnydd o dan bwysau. 

Mae'n gofyn dealltwriaeth o egwyddorion sylfaenol gweithredu stiwdio a'r gallu i ymaddasu i wahanol gyfluniadau, fformatau a chyfuniadau cyfarpar.

Mae'r Safon hon yn berthnasol i bob un sy'n gweithredu stiwdio yn y diwydiannau radio a sain.

1. gweithredu cyfarpar stiwdio i ateb gofynion rhaglen radio neu sain mewn modd proffesiynol
2. dethol ffynonellau sain a gweithredu teclynnau rheoli stiwdio, desg gymysgu a system all-chwarae ddigidol ar yr un pryd, i ateb gofynion rhaglen radio neu sain
3. gweithio gydag eraill yn nhîm cynhyrchu'r stiwdio mewn ffordd gydweithredol a chymwynasgar
4. datblygu atebion ymarferol wrth gefn i leihau risgiau i weithredu effeithiol
5. ymdrin â gwybodaeth neu gyfarwyddyd a roddir drwy glustffonau a meic cyswllt (talkback) heb dorri ar draws llif darllediad byw
6. defnyddio gwybodaeth ddibynadwy i ddiagnosio ffynhonnell debygol problemau darlledu technegol neu fethiant cyfarpar yn ystod y broses ddarlledu
7. unioni methiant cyfarpar neu broblemau darlledu technegol sydd o fewn eich maes arbenigedd
8. ceisio cymorth gan bobl briodol pan fydd problemau darlledu y tu hwnt i'ch arbenigedd eich hun
9. cydymffurfio â gweithdrefnau iechyd a diogelwch perthnasol i leihau'r risg i chi'ch hun ac eraill

1. y gwahaniaethau rhwng stiwdios hunan-weithredu a rhai a weithredir gan dechnegwyr 
2. rolau, cyfrifoldebau a hierarchaeth timau cynhyrchu stiwdios
3. y gwahaniaethau rhwng gweithrediadau stiwdio ar gyfer rhaglenni radio neu sain byw neu rai a recordiwyd
4. y gwahanol fformatau technegol a thechnolegau a ddefnyddir i gysylltu stiwdios
5. egwyddorion sylfaenol gweithredu desg gymysgu, ei chyfarpar ymylol, caledwedd a meddalwedd
6. yr ystod o ffynonellau posibl sain o bell
7. nodweddion a chyfyngiadau gwahanol systemau all-chwarae digidol a sut i'w defnyddio
8. defnydd cywir a diogel o glustffonau a meic cyswllt (talkback), lleoliadau meicroffonau a llinell welediad
9. gosodiad, cyfarpar a thechnoleg sydd ar gael, a chyfluniad unrhyw stiwdio benodol a gaiff ei defnyddio
10. pwysigrwydd disgyblaeth dda mewn stiwdio
11. amrywiol gamau'r broses ddarlledu radio a sain
12. i adnabod pryd yn y broses y gallai problem dechnegol benodol fod wedi codi
13. sut i ymdrin â phroblemau yn ystod darllediadau byw heb dynnu sylw'r gynulleidfa
14. gyda phwy i gysylltu am help gyda phroblemau technegol sydd y tu hwnt i'ch arbenigedd
15. y rheoliadau a'r gweithdrefnau iechyd a diogelwch perthnasol sy'n berthnasol i'r defnydd o bob math o gyfarpar stiwdio