Ysgrifennu sgriptiau ar gyfer radio a sain

Mae'r Safon hon yn cynnwys ysgrifennu sgriptiau ar gyfer radio a sain - i'w darllen gan newyddiadurwr, cyflwynydd neu berfformiwr ac a gaiff eu clywed gan wrandawyr.

Mae'n mynnu amrywio iaith, cynnwys ac arddull i gyd-fynd â gwahanol genres a fformatau a gwahanol gynulleidfaoedd targed.

Mae'n ymwneud â deall diben yr ysgrifennu, e.e. naratif adrodd stori mewn ffordd greadigol neu sgript ymarferol gyda chiwiau, rhagarweiniad ac ôl-gyhoeddiadau.

Mae'n cynnwys sefydlu a gweithio yn ôl terfynau amser wrth sicrhau cydymffurfiaeth â chyfreithiau perthnasol, rheoliadau a chanllawiau sefydliadol.

Mae'r Safon hon yn berthnasol i bob un sy'n ysgrifennu sgriptiau ar gyfer radio a sain.

1. ysgrifennu mewn arddull eglur, ar ffurf sgwrs y gellir ei darllen, gan osgoi jargon a cliché
2. defnyddio atalnodi, gramadeg a sillafu disgwyliedig - gan ddarparu seineg er mwyn ynganu pan fydd angen
3. amrywio iaith, cynnwys a dull gweithredu i gyd-fynd â gofynion y genre, y fformat a'r gynulleidfa darged neu arddull cyflwynydd y mae sgriptiau radio neu sain yn cael eu cynhyrchu ar ei gyfer/chyfer
4. sicrhau bod gwybodaeth sydd wedi'i chynnwys yn y sgript radio neu sain yn gywir
5. defnyddio'r gosodiad a'r anodiad perthnasol ar gyfer y genre a'r diben
6. ysgrifennu rhagarweiniadau, ciwiau, cyhoeddiadau diweddglo neu ôl-gyhoeddiadau, gan osgoi dyblygu rhwng y ciw a'r sgript
7. sicrhau bod cynnwys y sgript radio neu sain yn cydymffurfio â chyfreithiau perthnasol, rheoliadau a chanllawiau sefydliadol
8. hysbysu cydweithwyr perthnasol yn ddi-oed pan fydd anawsterau'n codi wrth gynhyrchu'r sgript radio neu sain
9. cyflwyno sgriptiau radio neu sain yn unol â hyd gytunedig a therfynau amser

1. technegau ysgrifennu i'r glust gan ddefnyddio iaith syml, uniongyrchol er mwyn annerch pob gwrandäwr unigol
2. pwysigrwydd amrywio iaith, cynnwys ac arddull i gyd-fynd â genre, fformat, gwahanol orsafoedd, cynnwys rhaglen neu arddull cyflwynydd, er mwyn ymgysylltu â'r gynulleidfa darged
3. egwyddorion gramadeg, atalnodi, sillafu a seineg, a'r teclynnau a'r dulliau i wirio'r rhain
4. diben a defnydd bwriadedig y sgript radio neu sain neu'r deunydd ysgrifenedig a sut i ddefnyddio gosodiad neu anodiadau perthnasol
5. sut i adrodd stori, cyflwyno dadleuon, crynhoi gwybodaeth gymhleth, adnabod a chyfathrebu pwyntiau allweddol drwy ysgrifennu sydd wedi'i strwythuro'n dda
6. y gwahaniaeth rhwng ffaith a sylw
7. pryd i ychwanegu sgript i sain naturiol i ddwysáu'r ffordd o adrodd y stori
8. sut i ysgrifennu sgriptiau radio neu sain sy'n briodol i arddull lleisiol cyflwynydd neu berfformiwr
9. cyfreithiau perthnasol, rheoliadau'r diwydiant a chanllawiau sefydliadol
10. amserlenni, terfynau amser a hyd y sgript radio neu sain ofynnol