Trwsio ac addasu ategolion i’w defnyddio mewn cynhyrchiad

​Mae'r safon hon yn ymwneud â'ch gallu i drwsio ac addasu ategolion caiff eu defnyddio fel propiau mewn cynhyrchiad. Mae'n ymdrin â'r ystod gyflawn o ategolion gan gynnwys gemwaith a'r propiau gweithredu lle bydd angen talu sylw dyledus i'r ddeddfwriaeth hylendid a diogelwch. Mae'n bosib y bydd gofyn ichi asesu ategolion, rigio a phrofi ategolion, dilyniant ategolion a chynnal a chadw eitemau.

Mae'n debyg y byddai'r safon hon yn berthnasol i oruchwylwyr gwisgoedd, staff sy'n gyfrifol am drwsio gemwaith ac ategolion, cynorthwywyr gwisgoedd a chynorthwywyr wardrob.

---

​

1. adnabod gofynion gwisgoedd y cynhyrchiad
2. asesu'r ategolion a phenderfynu ar y gweithrediadau i'w cyflawni, gan ystyried y cyfyngiadau o ran amser a swyddogaeth
3. cydymffurfio gyda'r manylebau dylunio o ran addasu ategolion blaenorol
4. cytuno ar swyddogaeth ofynnol yr ategolyn ac unrhyw ofynion rigio  
5. defnyddio deunyddiau, offer a chyfarpar i drwsio ac addasu ategolion
6. cyflawni gwaith trwsio / addasu mewn da bryd er mwyn sicrhau bod yr ategolion yn y cyflwr gofynnol pan fo'u hangen
7. hysbysu'r staff gwisgoedd am unrhyw waith trwsio neu addasu i ategolion gan amlygu unrhyw ofynion gwisgo a allai effeithio ar olwg neu berfformiad yr eitem sydd wedi'i thrwsio neu ei haddasu
8. rhoi gwybod i'r awdurdod perthnasol ar unwaith am unrhyw broblemau yn ymwneud â thrwsio ac addasu ategolion a gweithredu'n briodol i sicrhau bod modd i'r cynhyrchiad barhau
9. cymryd cyfrifoldeb dros yr eitemau yn eich gofal a'u cadw'n ddiogel
10. sicrhau bod y lefelau storio a diogelwch yn unol â gofynion y polisi yswiriant
11. sicrhau bod pawb yn cydymffurfio gyda'r rheolau a'r gweithdrefnau cyfrinachedd
12. cyfathrebu'n effeithiol gyda staff y cynhyrchiad ac adrannau neu unigolion perthnasol eraill
13. cydymffurfio gyda'r deddfwriaethau a'r canllawiau iechyd, diogelwch a COSHH bob amser

---

1. ​cyfnod, ffurf, gofynion gwisgoedd a graddfeydd amser y cynhyrchiad
2. sut i asesu eitemau ar gyfer eu trwsio neu eu haddasu  
3. y polisi cyfundrefnol ar gyfer trwsio neu addasu ategolion
4. technegau creu gemwaith ynghyd â sut i osod cerrig yn sownd i ystod o osodiadau
5. y deunyddiau a'r gorffeniadau arbenigol
6. sut i ddefnyddio a dewis yr offer a'r cyfarpar cywir ar gyfer trwsio ac addasu ategolion
7. namau nodweddiadol a allai ddigwydd yn sgil y technegau, prosesau a'r offer byddwch chi'n eu defnyddio a'r gweithdrefnau i'w rhoi ar waith os caiff nam ei adnabod
8. y bobl mae’n rhaid eu hysbysu ynghylch problemau gyda thrwsio neu addasu eitemau a'r gweithdrefnau ar gyfer gwneud hynny
9. y polisïau yswiriant a'r gweithdrefnau diogelwch perthnasol  
10. y rheolau a'r gweithdrefnau cyfrinachedd
11. staff y cynhyrchiad a'r adrannau ynghlwm ynghyd â'r protocol cyfathrebu
12. cyfrifoldebau statudol ynghlwm â'r deddfwriaethau a'r rheoliadau iechyd, diogelwch ac amgylcheddol

---

---

---

---

---

---

---

---

---

---

---

30 Maw 2025

---

Ar hyn o bryd

---

Teilwra

---

ScreenSkills

---

CCSWHM12

---

Gweithwyr Proffesiynol Cysylltiedig a Galwedigaethau Technegol, Y Cyfryngau a Chyhoeddi, Y Celfyddydau, Y Cyfryngau a chyfathrebu, Crefftau, y celfyddydau creadigol a dylunio, Gweithwyr Proffesiynol Cyswllt y Cyfryngau

---

3417

---

gwisgoedd, cynhyrchiad , ategolion, gemwaith, trwsio, addasu

---