Creu effeithiau ffrwydrol a phyrotechnig

Mae'r Safon hon yn ymwneud â'ch gallu chi i gynllunio a chreu effaith ffrwydrol neu byrotechnig yn ddiogel. Fe all ymwneud â thanio ffrwydron unigol neu luosog a phrofi cylchedau.

Mae'n cymryd yn ganiataol fod gennych brofiad o effeithiau arbennig ffisegol yn barod a bod angen i chi gymhwyso'r profiad hwn i'r maes arbenigedd penodol hwn yn eich gwaith.

Bydd angen i chi wybod am y peryglon sydd ynghlwm â defnyddio deunyddiau ffrwydrol gwahanol, y dulliau tanio a diffodd a'r rheolaeth iechyd a diogelwch sydd ynghlwm â'r maes gwaith hwn.

Mae'r Safon hon ar eich cyfer chi os ydych chi'n creu effeithiau arbennig ffrwydrol neu byrotechnig.

---

1. creu effeithiau ffrwydrol a phyrotechnig yn unol â manyleb cynhyrchu a chyfyngiadau cyllidebol
2. adnabod a defnyddio technegau pyrotechnig neu ffrwydrol sydd fwyaf priodol ar gyfer y gwaith
3. ffynonellu, pwrcasu, storio a symud deunyddiau ffrwydrol a phyrotechnig mewn modd sy'n cydymffurfio â deddfwriaeth gyfredol
4. darparu a chadw dogfennaeth angenrheidiol mewn fformatau disgwyliedig
5. cyfrifo cerrynt, foltedd, gwrthiant, ynni, gyda chylcheddau cyfochrog a chyfresol gan ddefnyddio gwybodaeth gywir
6. dewis a defnyddio systemau tanio a ffynonellau cynnau sy'n briodol i'r gwaith
7. paratoi ffrwydron mewn morteri i gynyddu neu leihau effeithiau ffrwydrol
8. dylunio cymysgeddau cemegol a ffrwydrol sy'n ail-greu'r raddfa faintioli a ddymunir
9. dogfennu pob agwedd ar reoli ac asesu risg mewn fformatau priodol
10. sicrhau fod parthau diogelwch wedi cael eu nodi a bod pawb yn glynu atynt
11. cyfathrebu gyda'r cast a'r criw i gynnal diogelwch bob amser
12. sicrhau fod Offer Diogelu Personol (PPE) yn cael ei ddefnyddio gan bawb yn ôl galw'r gwaith 
13. atal saethiad ar unwaith pan ystyriwch ei bod hi'n rhy beryglus i barhau
14. nodi pob anghenraid diogelwch gyda safle tanio clir a llinell weld glir
15. creu effeithiau sy'n bodloni gofynion cyfarwyddwyr
16. defnyddio gwybodaeth ddibynadwy i asesu effaith effeithiau ar y lleoliad a'i amgylchedd
17. cysylltu ag awdurdodau gorfodi i sicrhau fod pob protocol cyfreithiol wedi cael ei gadw
18. sicrhau fod pob deunydd a ddefnyddir y cael eu gwaredu'n unol â'r gofynion cyfreithiol a chynhyrchu
19. sicrhau fod lleoliadau'n cael eu hadfer i gyflwr diogel
20. sicrhau fod gwarant tân addas a chymwys yn bresennol
21. darparu atebion amgen o fewn y gyllideb a'r amserlen pan na ellir cynhyrchu effeithiau yn unol â'r dyluniad neu'r gyllideb wreiddiol

---

1. manyleb y sgript, cyllideb ac amserlen ar gyfer yr effaith ffisegol arbennig
2. rheoliadau a deddfwriaeth iechyd a diogelwch sy'n berthnasol i ddeunyddiau ffrwydrol a phyrotechneg gan gynnwys: storio, trwyddedu, symud, pwrcasu a thrwyddedu i weithgynhyrchu
3. awdurdodau gorfodi a chyrff perthnasol eraill y bydd angen i chi gysylltu â nhw a'r protocolau cyfreithiol y bydd angen i chi gydymffurfio â nhw wrth ddefnyddio ffrwydron
4. sut i drawsnewid syniad mewn sgript yn rhywbeth go iawn drwy ddefnyddio ffrwydron a phyrotechnig
5. y peryglon sy'n ymwneud â defnyddio mathau gwahanol o ddeunyddiau ffrwydrol a'r cynnyrch sydd ar gael yn fasnachol, a sut y gellir eu defnyddio
6. egwyddorion cyffredinol defnyddio'r grym lleiaf i gyflawni effaith weledol
7. diogelwch sylfaenol sy'n ymwneud â defnyddio ffrwydron gan gynnwys: dulliau dechrau, osgoi dechrau anfwriadol, storio addas, arferion trin a gweithio diogel
8. sut i gyfathrebu'n effeithiol â'r tîm cynhyrchu a phob adran berthnasol
9. y cyflymderau ffilm mwyaf priodol i'w defnyddio ar gyfer yr effaith, yn enwedig yn achos pethau bychain a graddau maintioli gwahanol
10. sut i greu argraff o effaith maint llawn gyda phethau bychain
11. ystyriaethau amgylcheddol ac effaith ar leoliad yn ystod y gwaith profi a'r gwaith terfynol 
12. sut i ddylunio cylchedau trydanol i'w defnyddio gydag offer pyrotechnig
13. sut i ddefnyddio morteri i gyfyngu ar ffrwydradau a'u cyfeirio, ac i reoli egni
14. sut i wisgo ffrwydrad i ychwanegu effaith weledol
15. y modd y bydd bwledi'n taro pobl a gwrthrychau
16. adeiladwaith a deunyddiau arbenigol mewn gwaith pyrotechnig bychan
17. sut i reoli a goruchwylio effaith ar set
18. safleoedd gweithredu diogel ar gyfer criwiau effeithiau arbennig ar set
19. sut i wneud setiau'n ddiogel ar ôl i effaith ddigwydd
20. gweithdrefn delio â cham-danio a gwneud yn ddiogel
21. y mathau gwahanol o ddillad diogelwch ac Offer Diogelu Personol (PPE) ar gyfer cast a chriw
22. sut i sicrhau bod y camera wedi'i ddiogelu'n briodol
23. sut i weithredu mewn argyfwng neu ddamwain
24. pethau y gellid o bosib eu defnyddio yn lle pyrotechnegau, a phryd y gellir eu gweithredu, gan gynnwys: morteri aer, trawiadau bwledi llinell awyr, a rigiau mecanyddol
25. sut i gysylltu gyda'r gwasanaethau tân a pharamedig, a sut i'w cynghori
26. y lefelau priodol o staff effeithiau arbennig fydd eu hangen i sicrhau diogelwch y cast a'r criw ar bob adeg

---

---

---

---

---

---

---

---

---

---

---

01 Maw 2020

---

Ar hyn o bryd

---

Gwreiddiol

---

Creative Skillset

---

SKSSFX10

---

Celfyddydau, Cyfryngau a Chyhoeddi, Gweithwyr Proffesiynol Effeithiau Arbennig Ffisegol , Uwch Dechnegydd Effeithiau Arbennig , Hyfforddai Effeithiau Arbennig , Technegydd Effeithiau Arbennig, Goruchwyliwr Effeithiau Arbennig

---

---

Effeithiau Arbennig Ffisegol, Dylunio, Cynllunio, Effaith tân ymarferol, Pyrotechnegau, Cyllidebau, Datgymalu

---