Gosod sain orffenedig i ddelwedd

Mae'r Safon hon yn ymwneud â chreu prif gopïau ar gyfer amrywiaeth o bethau y gellir eu cyflawni gyda thrac sain wedi'i gymysgu a fideo wedi'i olygu. Dylai'r sain derfynol fod wedi'i chydamseru a dylai fod iddi'r holl elfennau gofynnol ar gyfer pob elfen y gellir ei chyflawni.

Dylai'r Safon hon fod yn berthnasol i unrhyw un sy'n gysylltiedig â gosod sain orffenedig i ddelwedd.

1. cael gwybodaeth am ofynion technegol cyffredinol a gofynion fformat o ffynonellau dibynadwy
2. nodi gofynion o ran safonau a fformat ar gyfer pob elfen y gellir ei chyflawni
3. nodi prif gopïau sain sy'n briodol ar gyfer prosiectau
4. gwirio bod pob rhan o'r llif gwaith blaenorol wedi'u cwblhau yn unol â chynlluniau'r llif gwaith
5. mwyafu ansawdd sain a chymysgu prif gopïau sain i mewn
6. sicrhau bod cymysgeddau sain yn parhau'n driw i weledigaethau gwreiddiol ac yn adlewyrchu penderfyniadau golygu a wnaed
7. gwirio bod traciau priodol ar brif gopïau yn unol â'r fanyleb gytunedig 
8. gwirio bod y sain derfynol wedi'i chydamseru gyda'r ddelwedd yn ôl safonau technegol disgwyliedig
9. ateb gofynion penodedig ar gyfer gwahanol ddefnyddwyr a gwahanol bethau y gellir eu cyflawni
10. gwneud penderfyniadau critigol am ansawdd sain yn erbyn safonau artistig a thechnegol disgwyliedig
11. logio a throsglwyddo gwaith mewn fformatau penodedig i bobl benodedig
12. cynnal diogelwch ar gyfer ffeiliau a deunyddiau eraill yn unol â gofynion y cwmni

1. sut i asesu ansawdd sain yn ôl safonau artistig a thechnegol disgwyliedig
2. gofynion sain ar gyfer gwahanol fathau o brosiect
3. sut i ddethol offer addas a'i weithredu
4. gwahanol fathau o lif gwaith a'u heffaith ar y broses o greu prif gopïau
5. safonau gwylio presennol a safonau proffesiynol, cenedlaethol a rhyngwladol presennol o ran darparu a datganiadau o arfer gorau ar gyfer yr ystod o lwyfannau a chynnwys
6. pwysigrwydd gallu clywed deialog yn enwedig mewn perthynas â'r nam posibl ar glyw poblogaeth sy'n heneiddio
7. gofynion darparu rhyngwladol
8. cydrannau o'r cymysgedd sain
9. egwyddorion y pethau safonol ac ansafonol y gellir eu cyflawni, fformatau ffeil, rhyng-gysylltedd digidol ac elfennau o signalau sain a fideo
10. sut i fesur elfennau critigol signalau sain a fideo
11. systemau'r cwmni ar gyfer logio, storio, arbed copïau wrth gefn a diogelwch