Recordio deialog ac adroddiad

Mae'r Safon hon yn ymwneud â Recordio deialog ac adroddiad mewn ffordd sy'n cyfleu naws a gwybodaeth sy'n gyson â bwriadau'r cleient. Gellir recordio'r ddeialog o'r newydd neu ei hailrecordio a'i hadnewyddu pan nad oes modd defnyddio recordiadau gwreiddiol. Mae'n cynnwys cydweithio gyda thalentau o amrywiol anianau a rheoli hynny.

Dylai'r Safon hon fod yn berthnasol i unrhyw un sy'n gysylltiedig â recordio neu adnewyddu deialog.

1. datblygu gyda chleientiaid ddulliau gweithredu gyda deialog sy'n ystyried eu gweledigaeth a'u syniadau
2. gwerthuso deunydd sy'n bodoli eisoes o ran ansawdd y sain yn erbyn safonau artistig a thechnegol disgwyliedig
3. adolygu'r amserlen a'r gost i sicrhau bod modd recordio neu ail-recordio'r deunydd gofynnol a'i ymgorffori o fewn cyllidebau cleientiaid
4. cynghori pobl berthnasol ar effaith recordiadau newydd ar y gyllideb, yr amserlen a'r gofynion creadigol
5. cadw ymagwedd ddiplomyddol a phroffesiynol tuag at artistiaid sy'n recordio, gan addasu eich ffordd o weithio yn ôl eu hwyl a'u hanian
6. addasu lefel, cydbwysedd, ansawdd tonyddol, persbectif ac ystod ddeinamig i gyfleu gwybodaeth a naws wrth adrodd ac i gyd-fynd â sefyllfa, symudiadau a hwyl cymeriadau
7. pennu addasrwydd y ddeialog yn erbyn gofynion, gan adolygu gyda chydweithwyr a chleientiaid a yw'n cael yr effaith fwriadedig
8. creu cymysgedd gyda sain arall sy'n cadw'r nodweddion a gyflawnir gyda thraciau llais yn unig 
9. gwneud penderfyniadau critigol am ansawdd y sain derfynol yn erbyn safonau artistig a thechnegol disgwyliedig
10.  cynnal diogelwch ar gyfer ffeiliau a deunyddiau eraill yn unol â gofynion y cwmni

1. sut i gydweithredu a chydweithio gyda chleientiaid mewn sgyrsiau creadigol ynghylch eu syniadau
2. arddull y llais sy'n ofynnol ar gyfer cymeriadau ac adroddwyr
3. sut i ddatblygu syniadau sy'n helpu i ateb gofynion creadigol
4. technegau a gweithdrefnau ar gyfer trin sain
5. sut i asesu ansawdd gweledol a/neu sain yn ôl safonau artistig a thechnegol disgwyliedig
6. nodweddion ansawdd tonyddol a phersbectif
7. gweithrediad y stiwdio sain
8. fformatau recordio, cydamseru a systemau cyfeirio
9. safonau gwylio presennol a safonau proffesiynol, cenedlaethol a rhyngwladol presennol o ran darparu a datganiadau o arfer gorau ar gyfer yr ystod o lwyfannau a chynnwys
10. pryd mae'n briodol ail-recordio ac adnewyddu deialog neu adrodd a'r goblygiadau ar gyfer gwneud hynny
11. nodweddion lleisiau mewn gwahanol amgylcheddau acwstig a phan fydd pobl yn ymddwyn mewn ffyrdd amrywiol
12. pwysigrwydd gallu clywed deialog yn enwedig mewn perthynas â'r nam posibl ar glyw poblogaeth sy'n heneiddio
13. y defnydd o sain fono, stereo ac aml-sianel i wireddu syniadau creadigol
14. galluoedd offer recordio sain a gweithdrefnau ar gyfer ei ddefnyddio 
15. technegau meicroffon
16. technegau ar gyfer amseru a chydamseru cywir
17. sut i adnabod y ffyrdd mae artistiaid yn hoffi gweithio a'u hoffterau o ran trefn sesiwn
18. y gwahaniaethau rhwng lleferydd ac adrodd a sut maent yn cymysgu
19. ffactorau iechyd a diogelwch ar gyfer yr holl offer a'r gweithle
20. systemau'r cwmni ar gyfer storio, arbed copïau wrth gefn a diogelwch