Darparu sbot-effeithiau sain ac awyrgylch

Mae'r Safon hon yn ymwneud â darparu sain sy'n gwella uniongyrchedd, cyffro ac sy'n helpu i roi cyflymdra a naws i gynnwys gweledol. Mae'n bosibl bydd angen creu sbot-effeithiau ac awyrgylch o'r newydd neu eu cael o lyfrgell sain.

Dylai'r Safon hon fod yn berthnasol i unrhyw un sy'n gysylltiedig â chreu neu ddethol sbot-effeithiau sain ac awyrgylch, ac yn enwedig i artistiaid Foley.

1. nodi a chytuno gyda phobl berthnasol rôl sain atmosfferig a seiniau penodol yn y naratif
2. datblygu syniadau sy'n helpu i adrodd y stori; ystyried penderfyniadau ffilmio a golygu sydd eisoes wedi'u gwneud
3. cytuno ar ddulliau gweithredu gyda chleientiaid sy'n ystyried eu gweledigaeth a'u syniadau ynghylch sut gall effeithiau sain amlygu neu wella'u deunydd
4. gwerthuso deunydd sy'n bodoli sydd wedi'i recordio eisoes o ran ansawdd y sain yn erbyn safonau technegol ac artistig cytunedig a chynghori a ellid ei ddefnyddio a phryd mae angen sbot-effeithiau ac awyrgylch newydd
5. cynghori pobl berthnasol am yr amserlen a'r gost er mwyn sicrhau bod modd cael gafael ar y deunydd gofynnol a'i ymgorffori o fewn cyllideb ac amserlen cleientiaid
6. rhannu syniadau gyda chydweithwyr sy'n gweithio ar effeithiau 2D, 3D, graddio lliw a sain gysylltiedig gan ddefnyddio sianeli cyfathrebu priodol
7. dod o hyd i effeithiau sain neu ac awyrgylch sy'n cyd-fynd â gweithrediadau neu ddigwyddiadau a saethwyd cynt 
8. dethol deunydd sy'n ateb gofynion cynhyrchu, gan gynnwys bwriad y sgript, ac sydd yn ddigon hir ar gyfer y sain ofynnol
9. dod o hyd i sain atmosfferig sy'n cyd-fynd â'r gosodiadau gweledol a'r amgylcheddau acwstig penodedig
10. trin neu acennu sain er mwyn cyfleu naws, awyrgylch, effaith a dilysrwydd yn unol â'r brîff
11. gwirio bod y deunydd mewn fformat a chyfrwng sy'n addas ar gyfer y sain ofynnol a'r offer a ddefnyddir, gan drosi rhwng fformatau neu gyfryngau lle bo rhaid
12. cydymffurfio â hawliau a chonfensiynau hawlfraint a throsglwyddo unrhyw wybodaeth berthnasol i bobl briodol
13. cynnal diogelwch ar gyfer ffeiliau a deunyddiau eraill yn unol â gofynion y cwmni
14. cadw ffeiliau cywir o ddeunydd rydych yn ei ddefnyddio a'i ffynonellau
15. dychwelyd deunydd a fenthycwyd erbyn terfynau amser cytunedig ac mewn cyflwr sy'n dderbyniol i'r benthycwyr

1. gofynion y cleient neu'r cynhyrchiad, gan gynnwys unrhyw ofynion o ran y sgript
2. y gofynion technegol ac artistig, gan gynnwys unrhyw fanyleb dechnegol
3. amserlenni, terfynau amser a chyfyngiadau gweithredol eraill y cynhyrchiad
4. sut i asesu ansawdd sain yn ôl safonau artistig a thechnegol disgwyliedig
5. llyfrgelloedd sain, sut maent wedi'u trefnu a sut i'w chyrchu
6. cyfarpar ar gyfer creu seiniau gan gynnwys sut i ddefnyddio gwrthrychau a deunyddiau cyffredin i greu seiniau
7. technegau a gweithdrefnau ar gyfer trin sain
8. sut i drin ac ymestyn sain
9. sut i gyfrifo amseru
10. technegau ar gyfer recordio sain a defnyddio offer recordio sain
11. fformatau recordio, cydamseru a systemau cyfeirio
12. y defnydd o sain fono, stereo ac aml-sianel i wireddu syniadau creadigol
13. safonau gwylio presennol a safonau proffesiynol, cenedlaethol a rhyngwladol o ran darparu a datganiadau o arfer gorau ar gyfer yr ystod o lwyfannau a chynnwys
14. nodweddion sain mewn gwahanol amgylcheddau acwstig
15. gofynion o ran dogfennu a labelu 
16. pa gyfreithiau a chonfensiynau hawlfraint sy'n berthnasol, sut i gael nwyddau newydd neu drwyddedau
17. systemau'r cwmni ar gyfer storio, arbed copïau wrth gefn a diogelwch