Pennu cost prosiect a chyd-drafod gyda chleient

Mae'r Safon hon yn ymwneud â chael archeb sydd o fudd ac yn dderbyniol i'r ddau barti. Mae'r dull o drafod yn gyfuniad o broffesiynoldeb a diplomyddiaeth.

Gall y Safon hon fod yn berthnasol i unrhyw un sy'n ymgysylltu â chleientiaid o ran darpar waith.

1. ​cadarnhau eich dealltwriaeth o'r cais, yr ymholiad neu brosiect posibl gan ddefnyddio gwybodaeth o ffynonellau arbenigedd dibynadwy

2. nodi'r manteision i'r busnes ar gyfer prosiectau unigol yn unol â strategaeth y cwmni

3. defnyddio gwybodaeth ddibynnadwy i amcangyfrif cyllidebau sydd ar gael ar gyfer y cam cynhyrchu rydych yn gysylltiedig â hi

4. nodi posibiliadau sy'n dechnegol ymarferol ac o fewn cyfyngiadau prosiect ac sy'n gyson â'r hyn y mae cleientiaid am ei gyflawni

5. adnabod argyfyngau a sgiliau neu offer ychwanegol y gall fod eu hangen o ffynonellau allanol sy'n gyson â pholisi'r cwmni

6. cynnig costau ac amserlen ar gyfer y prosiect sydd yn unol â'r manteision ar gyfer y busnes a pha anghenion y mae angen i'r cleient eu cyflawni

7. cynnig atebion i gleientiaid mewn ffyrdd sy'n dangos sut mae'r nodweddion a'r manteision yn ddeniadol iddynt ac yn cwrdd â'u hanghenion

8. rhoi digon o amser i gleientiaid drafod cynigion a'u goblygiadau'n llawn

9.  ymateb i anghenion y cleient a'i sefyllfa o ran cyd-drafod drwy ddarparu gwybodaeth ddilys, dangos parch tuag at eu dyheadau a dangos bwriad i ddatrys unrhyw wahaniaethau

10. ymateb i gwestiynau a chynigion cleientiaid mewn ffyrdd y byddant yn eu deall

11. cofnodi, olrhain a dilyn gohebiaeth yn unol â gofynion y cwmni

12. cytuno gyda chleientiaid ar y gwaith i'w wneud, yr amserlen a'r pris yn unol â gweithrefnau'r cwmni

13. cwblhau a storio gwybodaeth sy'n gysylltiedig â'r contract yn unol â gofynion y cwmni

14. nodi cyfleoedd i gynnig gwasanaethau ychwanegol a fydd o fudd i gleientiaid a'ch sefydliad

1. ​sut mae deall anghenion cleientiaid y tu hwnt i'w ceisiadau cychwynnol
2. strategaeth y cwmni o ran proffidioldeb, proffil cwmni (enw da) a datblygu neu gynnal perthynas â chleientiaid

3. cyfyngiadau prosiect, gan gynnwys cost, yr hyn sydd i'w gyflawni, amseru ac adnoddau sydd ar gael

4. polisi'r cwmni a chonfensiynau ar gyfer pennu costau prosiectau gan gynnwys cyfraddau ar gyfer mewnbwn creadigol

5. yr hyn y gellir ei gynnig sy'n rhoi 'gwerth ychwanegol' i gleientiaid

6. sgiliau ac offer y gellir eu ffynonellu yn allanol a pholisi y cwmni mewn perthynas â'u caffael

7. safonau gwylio cyfredol a'r safonau cyflwyno proffesiynol, cenedlaethol a rhyngwladol cyfredol ac arferion gorau ar gyfer ystod o lwyfannau a chynnwys

8. sut i nodi a chydbwyso'ch meini prawf ar gyfer derbyn prosiectau fel elw, gwella enw da, digon o amser i wneud gwaith safonol, gan weithio i bobl arbennig

9. cynllunio llif gwaith a'r dewis o lif gwaith 

10.  problemau a risgiau sy'n gysylltiedig â gwahanol fathau o brosiectau ac ymagweddau a sut i gynllunio gogyfer ag argyfwng posib. 

11. galluoedd technegol a'r cyfraniad creadigol y gall y bobl sydd ar gael ei wneud i brosiectau

12.  gyda phwy i ymgynghori i gael rhagor o wybodaeth ac arweiniad ar wahanol fathau o brosiectau a gofynion technegol 

13. technegau cyd-drafod 

14. pryd y mae hi'n briodol i gynghori cleientiaid i ddefnyddio gwasanaethau amgen mwy cost-effeithiol

15. gofynion y cwmni ar gyfer cadw cofnodion a dogfennau contract

16. systemau storio, cefnogi a diogelwch y cwmni