Rheoli cyfranwyr yn ystod cynyrchiadau

​Mae'r Safon hon yn ymwneud â chyfarch a chyfarwyddo cyfranwyr cyn recordio cynhyrchiad. Bydd angen eu cefnogi fel sy'n briodol a'u hebrwng o stiwdios neu leoliadau unwaith y byddan nhw wedi gorffen.

Mae'n ymwneud â pharatoi ar gyfer cyfweliadau, monitro eu safon a gwirio'u cynnwys yn erbyn y polisi golygyddol a chyfarwyddyd y cynyrchiad.

Bydd angen ichi lunio a chadw nodiadau cynhwysfawr lle'n briodol.

Mae'r Safon hon yn arbennig ar gyfer y rheiny sy'n gweithio yn y tîm rheoli cynyrchiadau.

1. ​adnabod a chyfarch cyfranwyr gan eu cyflwyno i'r gweithwyr cynhyrchu perthnasol
2. bodloni unrhyw ofynion o ran mynediad neu anghenion arbennig y cyfranwyr yn unol â gweithdrefnau cyfundrefnol
3. cynnig gwybodaeth eglur i gyfranwyr ynghylch unrhyw ymarferion neu reoliadau stiwdios neu leoliadau sy'n berthnasol iddyn nhw 
4. gofalu am gyfranwyr pan fyddwch ar leoliad neu yn y stiwdio yn unol â gofynion y cynhyrchiad
5. cynnig gwybodaeth eglur i gyfranwyr am eu disgwyliadau ynghyd â gwybodaeth am unrhyw newidiadau i'r drefn wreiddiol, amseriad neu gynnwys mewn digon o amser iddyn nhw fedru addasu
6. datblygu cynllun cyfweld cywir i fodloni gofynion
7. cyfarwyddo cyflwynwyr neu holwyr ynghylch perfformiad y cyfrannwr neu ddiben cyfweliadau ar adegau priodol 
8. llunio cofnod cywir o gwestiynau ac atebion, gyda'r amseriadau pan fo'n briodol
9. monitro ansawdd cyfweliadau perfformwyr, gwirio cynnwys yn erbyn y polisi golygyddol a chyfarwyddyd y cynhyrchiad, yn ogystal ag awgrymu newidiadau neu welliannau
10. derbyn ffurflenni rhyddhau neu ganiatâd gan gyfranwyr a phan fo'n briodol, eu stori yn unol â'r gofynion rheoleiddiol a chyfundrefnol
11. bwrw golwg ar drefniadau teithio a thaliadau'r cyfrannwr yn unol â gofynion y cynhyrchiad
12. hebrwng cyfranwyr o stiwdios neu leoliadau pan fyddan nhw wedi cwblhau eu gwaith yn unol â gofynion y cynhyrchiad

1. ​pwy ydy'r cyfranwyr a'r trefniadau ynghlwm â chydweithio gyda nhw
2. pam ei bod hi'n bwysig trin cyfranwyr yn gwrtais
3. gofynion o ran mynediad ac anghenion arbennig y cyfranwyr sydd angen eu hystyried  
4. pa ymarferion stiwdios neu leoliadau sydd angen i'r cyfranwyr fod yn ymwybodol ohonyn nhw
5. cyfarwyddyd y cynhyrchiad a'r polisïau golygyddol
6. cwmpas y wybodaeth cyfarwyddo i'w rhannu gyda chyfranwyr a sut gall hyn amrywio gyda gwahanol gynyrchiadau
7. sut i drin cyfranwyr gyda gwahanol gymeriadau ac ysbryd yn effeithiol ac yn sensitif
8. y ddyletswydd gofal tuag at gyfranwyr
9. sut i fonitro cyfweliadau a pherfformiadau ynghyd â chydnabod arwyddion o orfodaeth

10. sut i awgrymu newidiadau a gwelliannau mewn ffordd sensitif i'r cyfrannwr a'r holwr

11. sut a phryd i dderbyn ffurflenni caniatâd neu ryddhau

12. sut i dderbyn awdurdod i ddefnyddio'r deunydd ar aml-lwyfannau ac ar amryw adegau e.e. ailadroddiadau
13. goblygiadau deddfwriaeth a rheoliadau cyfredol yn ymwneud â Diogelu Data
14. sut i wneud taliadau i gyfranwyr
15.  sut i hebrwng cyfranwyr o'r stiwdio neu o leoliadau pan fyddan nhw wedi cwblhau eu gwaith