Adnabod a dewis perfformwyr a chyfranwyr cefnogol ar gyfer cynyrchiadau

​Mae'r Safon hon yn ymwneud ag adnabod nifer a natur y perfformwyr a chyfranwyr cefnogol angenrheidiol ar gyfer y cynhyrchiad.

Mae'n ymwneud ag asesu a dewis perfformwyr cefnogol. Bydd angen cynnwys cynnal clyweliadau a gwirio bod y perfformwyr cefnogol dewisol ar gael ar adegau sy'n addas ar gyfer graddfeydd amser y cynhyrchiad. Hefyd bydd angen gwirio bod eu cost oddi fewn cyllideb y cynhyrchiad.

Mae'n ymwneud â chydnabod ffactorau o ymarfer da a gwybod sut i fanteisio ar wybodaeth berthnasol ynghylch y ffactorau hynny.

Mae'r Safon hon yn arbennig ar gyfer y rheiny sy'n gweithio yn nhîm rheoli'r cynhyrchiad.

1. ​amcan a chytuno ar y nifer a mathau o berfformwyr ategol sy'n angenrheidiol ar gyfer cynyrchiadau gyda'r bobl berthnasol
2. adnabod amseriad a hyd perfformiadau neu gyfraniadau o'r sgriptiau ac amserlenni ffilmio
3. adnabod perfformwyr a chyfranwyr ategol sy'n debygol o fodloni'r gofynion
4. gwirio a chadarnhau ydy'r perfformwyr cefnogol ar gael i fynychu clyweliadau pan fo'u hangen
5. dod o hyd i berfformwyr a chyfranwyr addas pan nad ydy'r rheiny rydych wedi'u cytundebu'n wreiddiol ar gael mwyach
6. defnyddio dull dewis sy'n briodol i'r rôl neu gyfraniad gofynnol 
7. gwirio ydy perfformwyr a chyfranwyr cefnogol ar gael ynghyd â gwirio'u cost

8. dewis y perfformwyr a chyfranwyr cefnogol sy'n fwyaf tebygol o fodloni gofynion y cynyrchiadau

9. trin a thrafod a chytuno ar y nifer terfynol o berfformwyr cefnogol gallwch fanteisio arnyn nhw yn unol â'r gyllideb

10. cadarnhau ffioedd gyda pherfformwyr cefnogol neu eu hasiantau a threfnu cyflwyno cytundebau
11. gwirio gyda pherfformwyr cefnogol oes ganddyn nhw unrhyw ofynion o ran mynediad neu unrhyw anghenion arbennig.
12. cadw cofnodion o gytundebau a'u storio mewn man diogel yn unol â'r gofynion rheoleiddiol a chyfundrefnol

1. ​y gofynion a'r nodweddion ar gyfer perfformwyr neu gyfranwyr cefnogol
2. ffynonellau gwybodaeth am berfformwyr neu gyfranwyr cefnogol a sut i fanteisio ar y ffynonellau
3. y meini prawf masnachol ac esthetig i'w roi ar waith wrth ddewis perfformwyr a chyfranwyr cefnogol
4. pryd a sut i gysylltu gyda pherfformwyr cefnogol neu eu cynrychiolwyr
5. trefniadau a gweithdrefnau cytundebol, a gofynion a rhwymedigaethau cyfreithiol a moesegol yn ymwneud â chydweithio gyda pherfformwyr a chyfranwyr cefnogol
6. rôl cyfarwyddwyr castio a sut i'w penodi
7. gofynion a rheoliadau sy'n effeithio ar gymhwysedd perfformwyr cefnogol i weithio mewn gwahanol wledydd
8. gofynion a rheoliadau i'w hystyried wrth gyflogi pobl ifanc
9. gofynion a rheoliadau i'w hystyried wrth gyflogi pobl gyda gwahanol alluoedd a chefndiroedd
10. gofynion o ran mynediad ac anghenion arbennig y perfformwyr cefnogol mae'n debyg bydd angen eu hystyried
11. goblygiadau'r ddeddfwriaeth a rheoliadau cyfredol yn ymwneud â diogelu data