Adnabod ac argymell cyfranwyr ar gyfer cynyrchiadau

​Mae'r Safon hon yn ymwneud ag adnabod a chysylltu gyda chyfranwyr dichonol a threfnu eu bod yn ymddangos ar y cynhyrchiad gan gydymffurfio â'r cyfyngiadau o ran amser a chost.

Mae'n ymwneud â chyfweld â phobl dros y ffôn ac wyneb yn wyneb er mwyn asesu eu haddasrwydd i fod yn rhan o'r cynhyrchiad ynghyd â chynnig argymhellion i wneuthurwyr penderfyniadau.

Mae'n ymwneud â bod yn ymwybodol o gyfrifoldebau cyfreithiol, moesegol a chytundebol cyfranwyr a chydymffurfio gyda safonau ymarfer da.

Mae'r Safon hon yn arbennig ar gyfer Ymchwilwyr sydd ynghlwm â chynyrchiadau.

1. ​pennu'r math a'r amrywiaeth o gyfranwyr sydd eu hangen ar gyfer cynyrchiadau gyda'r bobl briodol
2. adnabod cyfranwyr dichonol gan ffynonellau dibynadwy
3. cysylltu gyda chyfranwyr dichonol er mwyn trefnu cyfweliadau, mewn amser digonol er mwyn bodloni gofynion y cynhyrchiad
4. gwneud a chadarnhau trefniadau er mwyn gan ofalu eu bod yn gyfleus i'r cyfranwyr dichonol ac yn diwallu anghenion y cynhyrchiad
5. cynnal cyfweliadau gyda chyfranwyr dichonol yn unol â gweithdrefnau cyfundrefnol
6. llunio nodiadau cywir a chyfoes o'r holl sgyrsiau gyda chyfranwyr a chyfranwyr dichonol
7. asesu cyfweledigion o ran eu dichonolrwydd i gyfrannu tuag at gynyrchiadau a'u haddasrwydd ar gyfer rhaglen darlledu
8. gwirio cyfranwyr yn unol â gofynion y cynhyrchiad
9. argymell a chyfiawnhau cyfranwyr sydd mwyaf tebygol o fodloni gofynion cynyrchiadau
10. defnyddio gweithdrefnau cyfundrefnol er mwyn cadarnhau gyda chyfranwyr bod eu hangen nhw, gan roi gwybod iddyn nhw am y trefniadau o ran teithio a mynediad
11. gwneud trefniadau priodol o ran cyllid, teithio a llety ar gyfer cyfranwyr
12. gwirio gyda chyfranwyr oes ganddyn nhw unrhyw ofynion o ran mynediad neu anghenion arbennig yn unol â gweithdrefnau cyfundrefnol
13. cofnodi a chadw manylion cywir ynghylch cyfranwyr fel sy'n ofynnol gan eich mudiad
14. gwneud trefniadau ynghylch cyflwyno cytundebau pan fo'u hangen
15. derbyn ffurflenni rhyddhau a chofnodi awdurdodaeth er mwyn defnyddio deunydd ar aml-lwyfannau yn unol â gofynion cyfundrefnol
16. cynnig cytundeb i unrhyw blant sydd eu hangen yn unol â deddfau a rheoliadau perthnasol
17. cynnig awgrymiadau eraill pan nad ydy'r cyfranwyr dewisol ar gael, gan hysbysu'r cynhyrchwyr bob amser

1. ​dulliau o gysylltu gyda chyfranwyr dichonol
2. sut i fanteisio ar asiantaethau a ffynonellau dibynadwy er mwyn dod o hyd i gyfranwyr dichonol
3. sut i wirio ffynonellau a chyfranwyr yn unol â gofynion y cynhyrchiad
4. y nodweddion sy'n gofalu bod cyfranwyr dichonol yn addas ar gyfer rhaglen wedi'i darlledu
5. sut i strwythuro cyfweliadau a geirio cwestiynau er mwyn ysgogi'r wybodaeth angenrheidiol
6. sut i gynnal agwedd cwrtais ac addysgiadol wyneb yn wyneb a dros y ffôn
7. y goblygiadau cyfreithiol, moesegol, cytundebol ac ariannol yn ymwneud â chyfweld â phobl benodol
8. sut i lunio nodiadau cywir a chyfoes ar yr holl sgyrsiau sydd wedi'u cynnal
9. agweddau perthnasol cyfreithiau yn ymwneud â pherfformiadau gan blant
10. pam ei bod hi'n bwysig cynnal a chadw cofnodion cynhwysol a chywir o gyfweliadau
11. dulliau cyflwyno'ch gofynion i wneuthurwyr penderfyniadau
12. y gofynion rhyddhau a chaniatâd sy'n angenrheidiol a pham eu bod yn bwysig
13. sut i drwyddedu cyfranwyr sy'n blant ac unrhyw drefniadau hebrwng sy'n ofynnol
14. sut i wneud trefniadau o ran teithio a llety
15. gofynion mynediad ac anghenion arbennig y cyfranwyr sydd angen eu hystyried 
16. y trefniadau angenrheidiol er mwyn defnyddio anifeiliaid
17. sut i gytundebu gyda chyfranwyr