Cyd-drefnu dogfennau’r cynhyrchiad

​Mae'r Safon hon yn ymwneud â llunio dogfennau cynhyrchu perthnasol ar gyfer cynyrchiadau ffilm neu deledu. Ymysg y dogfennau bydd amserlenni, sgriptiau, taflenni galwadau, archebion technegol, taflenni camera a rhestri'r cast a chriw.

Mae'n ymwneud â derbyn gwybodaeth ar gynnydd cynyrchiadau, casglu'r holl wybodaeth angenrheidiol ar gyfer dogfennau'n ymwneud â'r cynhyrchiad a'i gyflwyno'n brydlon ar y ffurf ofynnol i bawb sydd eu hangen yn unol â'r ddeddfwriaeth a'r rheoliadau yn ymwneud â diogelu data.

Mae'n ymwneud â gofalu bod yr wybodaeth yn gywir ac yn ddiweddar ynghyd â rhoi gwybod i bobl am unrhyw newidiadau.

Mae'n ymwneud â rhannu amserlenni cynhyrchu gyda chydweithwyr cynhyrchu, a darparu unrhyw gyfarwyddiadau angenrheidiol.

Mae'r Safon hon yn arbennig ar gyfer Cydlynwyr Cynhyrchu.

1. ​cadarnhau pa wybodaeth sydd angen ei chynnwys yn y dogfennau ategol ynghyd â'r ffurf ofynnol gyda'r bobl briodol
2. derbyn yr wybodaeth i'w chynnwys gan ffynonellau perthnasol
3. gwirio bod yr wybodaeth rydych wedi'i chasgllu'n gywir ac yn ddiweddar
4. gwirio bod unrhyw gyfrifiadau yn yr wybodaeth yn gywir
5. adnabod unrhyw newidiadau i ddogfennau o gymharu â fersiynau blaenorol
6. cynhyrchu dogfennau ategol eglur a chywir ar y ffurf ofynnol ac sy'n cynnwys yr holl wybodaeth berthnasol
7. dosbarthu dogfennau ategol heb oedi i'r holl  bobl sydd eu hangen, gan eu hysbysu am unrhyw newidiadau o gymharu â'r fersiynau blaenorol
8. rhannu gofynion cynlluniau, amserlenni a sgriptiau'r cynhyrchiad gydag aelodau'r tîm cynhyrchu mewn pryd fel bod modd iddyn nhw weithredu'n briodol
9. cynnal yr wybodaeth ddiweddaraf am gynnydd y cynhyrchiad
10. cymharu'r cynnydd gyda chynlluniau ac amserlenni'n barhaus
11. casglu gwybodaeth gywir ar gyfer adroddiadau cynnydd dyddiol

12. cyd-drefnu gwybodaeth berthnasol ar gyfer taflenni galw

13. cynnal cyfrinachedd gwybodaeth sensitif yn unol â gofynion cyfundrefnol a rheoleiddiol

1. ​gofynion y cynhyrchiad gan gynnwys newidiadau i amserlenni blaenorol
2. ffynonellau gwybodaeth perthnasol ar gynnydd y cynhyrchiad
3. pwy sydd angen yr wybodaeth sy'n ymddangos yn y dogfennau ategol
4. y gwahanol fathau o waith papur ategol sydd eu hangen ar wahanol adegau yn ystod y broses cynhyrchu.
5. ffurfiau safonol ar gyfer cyflwyno gwybodaeth a phryd i'w defnyddio
6. y terfynau amser a'r gweithdrefnau ar gyfer dosbarthu gwaith papur
7. y gofynion ar gyfer storio dogfennau am y cynhyrchiad gan gynnwys goblygiadau'r ddeddfwriaeth a'r rheoliadau cyfredol yn ymwneud â diogelu data a manylion cyswllt y perfformwyr
8. pwy sydd angen yr wybodaeth am gynllun ac amserlen y cynhyrchiad a phryd y mae ei hangen arnyn nhw
9. yr wybodaeth angenrheidiol ar daflen alwad
10. sut i gydweithio'n agos gyda chydweithwyr wrth ffilmio