Cynllunio a threfnu cynyrchiadau

​Mae'r Safon hon yn ymwneud â llunio amserlenni cynyrchiadau sy'n caniatau digon o amser i fodloni amcanion a defnyddio adnoddau yn effeithiol.

Mae'n ymwneud ag ystyried ffactorau sy'n debygol o oedi'r cynhyrchiad a chadw cynlluniau ac amserlenni cywir a diweddar. Gallai'r y rhain gynnwys cytundebau contract a chydymffurfio gyda rheoliadau, gofynion amrywioldeb, gwyliau crefyddol a diwylliannol, gwahaniaethau diwylliannol, yr hinsawdd ddaearyddol a'r oriau ffilmio sydd ar gael.

Bydd angen ichi feddu ar ddealltwriaeth gref o weledigaeth y Cyfarwyddwr a sut mae ef neu hi yn bwriadu cyflawni hynny ar gyfer y cynhyrchiad.

1. ​neilltuo digon o amser ar gyfer pob cam o'r broses cynhyrchu er mwyn gofalu y caiff amcanion eu bodloni ac er mwyn gwneud defnydd effeithiol o'r adnoddau
2. adnabod cyfrifoldebau sylweddol a threfn a hyd y gweithgareddau a thasgau i gyflwyno cynyrchiadau oddi fewn y gyllideb ac ar amser
3. adnabod a chadarnhau lle priodol ar gyfer ffilmio a lle priodol ar gyfer cynhyrchu
4. cydweithio gydag adrannau eraill er mwyn pennu'r prif elfennau a graddfeydd amser gofynnol i fodloni cyfarwyddiadau creadigol
5. defnyddio gwybodaeth ddibynadwy i wirio pryd mae'r cast a'r criw ar gael i weithio
6. defnyddio adnoddau priodol er mwyn trefnu amserlenni ffilmio
7. datblygu cynlluniau ac amserlenni sy'n dwyn i ystyriaeth ffactorau sy'n debygol o achosi oedi yn y gweithgareddau cynhyrchu
8. llunio cynlluniau mewn argyfwng sy'n realistig i fynd i'r afael gydag unrhyw oedi
9. gwirio gyda phobl briodol eich bod chi wedi derbyn y caniatâd a hawliau angenrheidiol
10. gwirio bod y cynlluniau a'r amserlenni cynhyrchu'n gywir ac yn cynnwys yr holl wybodaeth hanfodol
11. cyflwyno cynlluniau ac amserlenni eglur yn y ffurfiau priodol
12. dosbarthu cynlluniau ac amserlenni i bobl berthnasol heb oedi, gan eu hannog i adnabod a mynegi unrhyw bryderon sydd ganddyn nhw ynghylch dichonolrwydd cynlluniau ac amserlenni
13. awgrymu datrysiadau realistig pan gaiff trafferthion gyda rhoi cynlluniau ar waith eu hadnabod
14. rhoi gwybod am newidiadau i amserlenni i'r holl bobl briodol ar unwaith
15. llunio neu gymeradwyo dogfennau asesu risg priodol
16. cynnig gofynion a mynediad penodol ar gyfer y rheiny sydd ag anghenion gwahanol
17. cadarnhau bod amserlenni yn dwyn i ystyriaeth iechyd a diogelwch y cast a'r criw
18. cadw amserlenni cynhyrchu mewn man diogel yn unol â'r ddeddfwriaeth a'r rheoliadau perthnasol

1. ​sut i adnabod gwybodaeth am y cyfarwyddyd creadigol a gweledigaeth y cyfarwyddwr gan gynnwys y gyllideb a'r dyddiad cyflwyno arfaethedig ar gyfer y cynhyrchiad
2. sut i lunio amserlen ar gyfer y cynhyrchiad gan ddefnyddio'r adnoddau priodol
3. sut i ddewis y lleoliad daearyddol mwyaf priodol ar gyfer ffilmio a'r safle ar gyfer cynyrchiadau
4. y drefn ofynnol a hyd tebygol y gweithgareddau yn ystod gwahanol gamau'r broses cynhyrchu
5. natur a phwysigrwydd gweithgareddau sy'n digwydd yn ystod gwahanol gamau'r broses cynhyrchu
6. ffactorau a all olygu na fydd y cast a'r  criw ar gael fel gwyliau crefyddol neu ddiwylliannol
7. canllawiau yn ymwneud â dewis cast  a chriw  
8. y gweithdrefnau ar gyfer casglu data ar gyfer cynhyrchiad, fel amrywioldeb neu effaith carbon
9. sut mae gwahanol amgylcheddau cynyrchiadau, mathau a maint cynhyrchiad cynhyrchu yn debygol o effeithio ar amserlennugweithgareddau  
10. effaith tebygol ffilmio dramor ar amserlenni, fel amser teithio, gwahaniaethau amser, hinsawdd ac oriau ffilmio
11. pryd bydd angen derbyn caniatâd a hawliau a sut i fynd ati i'w derbyn
12. y mathau o argyfyngau all ddigwydd, a sut i gynllunio ymlaen llaw ar gyfer y rhain yn yr amserlen
13. ffactorau dylid eu cynnwys mewn amserlen cynhyrchu
14. pwy ddylai dderbyn copïau o'r amserlen a phryd
15. y mathau o drafferthion allai ymddangos wrth roi'r amserlenni ar waith a sut mae modd mynd i'r afael â nhw
16. pwy sydd angen ichi eu hysbysu ynghylch newidiadau i amserlen
17. sut i gynnal asesiad risg ar gyfer y cynhyrchiad

18. unrhyw ofynion arbennig ar gyfer anghenion amrywiol unigolion a sut i roi'r wybodaeth i'r cast a'r criw 

19. ​goblygiadau’r ddeddfwriaeth a’r rheoliadau cyfredol sy’n ymdrin â Diogelu Data