Gosod cyfarpar goleuo gan ddefnyddio ategolion a chyfarpar gosod
Trosolwg
Mae'r safon hon yn ymwneud â gosod gosodion goleuo a'r isadeiledd yn y safle gofynnol yn dilyn cyfarwyddiadau ar lafar gan y person perthnasol fel y Giaffar neu Giaffar Rigio neu gan ddefnyddio cynllun rigio goleuo.
Mae'r safon hefyd yn ymdrin â gosod strwythurau i adeiladau ac ychwanegu ategolion a gorffeniadau mewn dull diogel.
Yn ogystal, mae'r safon hon yn ymwneud â sut i dderbyn caniatâd i osod ategolion ar adeiladau, a gofalu bod eraill yn ymwybodol o'r gweithrediadau gofalus wrth weithio yn yr ardal rigio.
Mae'r safon hon ar gyfer y rheiny sy'n gweithio fel Technegwyr Goleuo, 'Best Boys' a Giaffars.
Meini prawf perfformiad
Mae'n rhaid eich bod chi'n gallu:
- cyfrifo pwysau a llwyth uchaf yr holl gyfarpar penodedig yn gywir
- dewis a defnyddio nwyddau gafael ar gyfer gosod systemau goleuo'n eu hunion safle gofynnol
- gofalu fod y cyfarpar diogelu personol sydd wedi'i ddewis ar gyfer defnydd yn bodloni'r gofynion diogelwch ar gyfer gweithio ar uchder
- gofalu bod y pyst neu'r cyfarpar goleuadau wedi'u gosod yn unol â'r cynllun rigio goleuo
- diogelu a chlymu lampau gan ddefnyddio'r clymau cywir
- gofyn am ganiatâd gan y personol penodol a / neu fudiad i osod ategolion a gorffeniadau ar adeiladau
- marcio mannau gwaith i'r adeilad ac er mwyn aelodau eraill eich tîm
- hysbysu'r tîm cynhyrchu a'r holl bobl berthnasol am y gweithrediadau gofynnol pan fydd angen cymryd gofal arbennig yn yr ardal rigio
Gwybodaeth a Dealltwriaeth
You need to know and understand:
- manylion canfyddiadau'r asesiad risg er mwyn gofalu eich bod yn gosod y cyfarpar goleuo'n ddiogel
- sut i osod llwythi cyfarpar goleuo'n ddiogel gan ddefnyddio cyfarpar gosod neu gyfarpar crogi
- llwyth uchaf y nwyddau gafael goleuo a'r pyst goleuadau
- sut mae llwyth uchaf cyfarpar gafael goleuo yn newid wrth ei symud
- sut i withredu a symud pyst neu gyfarpar goleuo ar bob math o dir
- sut i ofalu bod unrhyw system cefnogi wedi'i osod yn gwbl ganolog er mwyn atal damweiniau
- sut i weithredu gan gydymffurfio gyda chynllun rigio goleuo neu drwy wrando ar gyfarwyddiadau gan y person sy'n gyfrifol am y goleuo
- y rhesymau dros a goblygiadau rheoliadau yn ymwneud â defnyddio cyfarpar goleuo a gosod
y rhesymau dros oblygiadau rheoliadau yn ymwneud â gweithrediadau codi a chyfarpar codi
- pwysigrwydd gwirio cyfarpar diogelu personol cyn ei ddefnyddio pan fyddwch yn gweithio ar uchder
- rheoliadau iechyd a diogelwch yn ymwneud ag ymarferion gweithio'n ddiogel ar uchder
yr ystod o wahanol glymau sy'n bodloni safon y diwydiant a sut i'w defnyddio
pwysigrwydd hysbysu'r tîm cynhyrchu a phobl berthnasol o'r rhagofalon hanfodol wrth rigio mannau