Gweithio gan gydymffurfio gyda chyfarwyddyd ar gyfer llunio cynnwys golygyddol

​Mae'r Safon hon yn ymwneud â chydymffurfio gyda chyfarwyddyd penodol ar gyfer cynnwys golygyddol fel aelod o dîm golygyddol, neu, os ydych chi wedi eich comisiynu fel newyddiadurwr llawrydd.

Mae'n ymwneud ag adnabod amcanion, cyllideb a chynulleidfaoedd targed, ynghyd â chydweithio'n effeithiol gyda phwy bynnag sydd wedi gosod y dasg neu gomisiynu'r gwaith. Mae'r safon yn egluro meysydd cyfrifoldeb ac adnabod y cyfryngau a therfynau amser priodol.

Mewn rhai amgylchiadau, gall olygu proses comisiynu cystadleuol.

Mae'r Safon hon yn berthnasol i bawb sy'n cydymffurfio gyda chyfarwyddyd yn y maes newyddiaduriaeth.

1. ​ymwneud â'r person sy'n gyfrifol am osod y cyfarwyddyd, ar gyfer y cynnwys golygyddol, mewn ffordd gadarnhaol
2. defnyddio gwybodaeth gan ffynonellau dibynadwy i adnabod yr amcanion, cyllideb, cynulleidfaoedd targed bwriadedig, graddfeydd amser a chyfrwng ar gyfer y gwaith golygyddol. Hefyd cytuno ar yr adnoddau y mae disgwyl ichi eu defnyddio gyda'r bobl berthnasol
3. cadarnhau a chytuno ar y meysydd cyfrifoldeb gyda'r bobl berthnasol, gan lunio'r cyfarwyddyd pan fo angen establish
4. rhoi gwybod i'r person wnaeth osod y cyfarwyddyd am y cynnydd ar gyfnodau rydych chi wedi cytuno arnyn nhw
5. cynnig dewisiadau dichonol amgen a chytuno ar y camau nesaf gyda'r person wnaeth osod y cyfarwyddyd pan fo problemau neu rwystrau yn codi
6. datblygu cynnwys golygyddol sy'n bodloni amcanion y gwaith
7. cyflwyno'r cynnwys golygyddol yn brydlon a gan lynu at y gyllideb

1. ​cyd-destun y comisiwn, arddull, diwylliant a pholisi golygyddol y mudiad neu frand, y cynulleidfaoedd targed
2. lle i fanteisio ar wybodaeth ddibynadwy am y cyfarwyddyd, amcanion, y gyllideb, cynulleidfa targed, graddfeydd amser a chyfrwng
3. sut i gyfathrebu'n effeithiol gyda golygyddion neu gomisiynwyr a chleientiaid  
4. technegau ar gyfer gwrando a gofyn cwestiynau perthnasol er mwyn cadarnhau elfennau sefydlog a trafodadwy'r cyfarwyddyd
5. gwahanol ffyrdd o ymateb i gyfarwyddyd ar gyfer cynnwys golygyddol
6. sut i ddwyn i ystyriaeth argyfyngau ac ymateb i amgylchiadau newidiol
7. sut i lunio cyfarwyddyd a ffurfiau posib y cyfarwyddiadau
8. y gwahanol brosesau i gydymffurfio gyda nhw pan fo'n gomisiwn cystadleuol