Dylunio a chynhyrchu cynllun tudalen

​Mae'r Safon hon yn ymwneud â dylunio cynlluniau tudalen er mwyn bodloni gofynion golygyddol y mudiad neu frand, i ddenu sylw a diddordeb ac i wella profiad y darllenydd.

Mae'n ymwneud â chynhyrchu cynlluniau ar gyfer cyhoeddiadau a manteisio i'r eithaf ar y deunydd sydd ar gael. Mae'n ymwneud â chydymffurfio gydag arddull dyluniad sy'n bodoli eisoes ar gyfer y cyhoeddiad neu frand a dwyn i ystyriaeth y broses cynhyrchu.

Mae hefyd disgwyl ichi fod yn ymwybodol o gyfanswm a gosodiad tebygol copi hysbysebu.

​

1. gofalu eich bod yn meddu ar yr holl ddeunydd angenrheidiol ar y ffurfiau gofynnol
2. cydnabod unrhyw broblemau cyfreithiol a moesegol sy'n debygol o godi o ddewis y cynnwys a chynllun a do di gytundeb gyda chydweithwyr perthnasol ar sut i fynd i'r afael â nhw
3. addasu cynlluniau gosodiad er mwyn dwyn i ystyriaeth newidiadau o ran blaenoriaethau golygyddol fel y newyddion diweddaraf, hysbysebu newidiadau a'r deunydd sydd ar gael
4. gofalu eich bod yn hysbysu cydweithwyr am unrhyw newidiadau o ran gosodiad neu oedi tebygol
5. manteisio i'r eithaf ar luniau a graffeg ac adnabod cyfleoedd i ddefnyddio technegau er mwyn gwella deunydd lle maen nhw'n cyfrannu at ddyluniad y dudalen
6. cynhyrchu cynlluniau sy'n bodloni gofynion golygyddol y mudiad neu frand, yn gweddu i'r deunydd a chyfrwng, ar y ffurf gywir ar gyfer cynhyrchu ac y denu a chynnal diddordeb
7. gofalu fod pob tudalen wedi'i labelu a'i osod yn gywir a gwirio unrhyw gwrthdaro o fewn a rhwng tudalennau
8. cynhyrchu cynlluniau tudalen yn brydlon, eu cadw'n gywir a'u hanfon ymlaen at y tîm cynhyrchu
9. cynnig awgrymiadau am gynllun a dyluniad y dudalen a all wella ansawdd cyffredinol y dyluniad 
10. cydnabod unrhyw broblemau cyfreithiol a moesegol gall godi o'r cynnwys golygyddol a masnachol a manteisio ar gyngor priodol
11. asesu unrhyw beryglon iechyd a diogelwch yn ymwneud â defnyddio cyfarpar ar gyfer dylunio a chynhyrchu cynlluniau tudalen yn gywir a mynd ati i geisio lleihau'r peryglon

​

1. gofynion y mudiad o ran cynnwys, triniaeth a ffurf
2. y gynulleidfa targed a'i phriodweddau a disgwyliadau
3. sut i farnu gwerth golygyddol deunydd a'i allu i ddiwallu anghenion y gynulleidfa targed
4. sut i gyflwyno syniadau'n effeithiol i gydweithwyr
5. y ffurf dylid llunio deunydd i'w gynhyrchu
6. egwyddorion dyluniad, teipograffeg a damcaniaeth lliw'r dudalen yn gysylltiedig â'r cyfrwng 
7. y teip, mesurau a meintiau pwynt cywir
8. sut i fanteisio i'r eithaf ar luniau a graffeg drwy eu tocio ac addasu eu maint
9. defnyddiau gwahanol dechnegau cynlluniau tudalen gan gynnwys paneli, 'ragout', bar ochr, blychau ffeithiau a dyfyniadau
10. gofynion dylunio gwahanol adrannau'r cyhoeddiad
11. sut i ddefnyddio meddalwedd priodol i ddylunio cynlluniau tudalen, pan fo'i angen
12. amserlen cynhyrchu'r mudiad a phroses cynhyrchu'r cyhoeddiad
13. sut mae adrannau masnachol y cyhoeddiad yn gweithredu a'u perthnasau gyda'r adran olygyddol
14. y problemau iechyd a diogelwch yn gysylltiedig â defnyddio cyfarpar ar gyfer dylunio a chynhyrchu cynlluniau tudalen a ffyrdd o leihau'r problemau
15. y problemau cyfreithiol, moesegol a masnachol sy'n debygol o godi o'r cynnwys golygyddol