Llunio cynnwys aml-lwyfan er defnydd golygyddol

​Mae'r Safon hon yn ymwneud â llunio cynnwys i'w ddefnyddio ar aml-lwyfannau.

Mae'n ymwneud â dylunio a chreu cynnwys, gan gyfuno testun a sain gydag asedau digidol eraill fel fideo, lluniau ffeithluniau data neu raffeg er mwyn denu sylw cynulleidfaoedd ar draws holl lwyfannau a dyfeisiau - er mwyn cyfannu, cefnogi a hyrwyddo cynnwys golygyddol.

Mae'n ymwneud ag adnabod cynulleidfaoedd targed – a'r llwyfannau a dyfeisiau y dylid gwylio'r cynnwys arnyn nhw.  

Mae'n ymwneud â rhagnodi adnoddau a chyflawni gwaith gan ystyried y cyllidebau a therfynau amser sydd wedi'u cytuno.

Mae'r Safon hon yn berthnasol i bawb sy'n cynhyrchu cynnwys aml-lwyfan.

​

1. defnyddio gwybodaeth cynulleidfa berthnasol er mwyn adnabod pwysigrwydd perthynol llwyfannau a dyfeisiau sydd ar gael er mwyn cyflwyno cynnwys aml-gyfrwng
2. adnabod priodweddau, ymddygiad a disgwyliadau cynulleidfaoedd targed o wybodaeth olygyddol berthnasol
3. rhagnodi adnoddau digonol i gynnal y cynnwys aml-gyfrwng hyd y diwedd
4. gweithio gan gadw at y cyllidebau a therfynau amser wedi'u cytuno
5. cynnig cynnwys ar gyfer y we, cyfryngau cymdeithasol a defnyddiau eraill ar ffurf hawdd ei ddeall ac sy'n bodloni gofynion cynulleidfaoedd targed
6. defnyddio meddalwedd priodol i baratoi cynnwys sain a gweledol ar gyfer y we a defnyddiau llwyfannau cyfryngau eraill
7. uwch lwytho cynnwys golygyddol a gofalu ei fod ar gael i bobl berthnasol
8. meddiannu, dewis neu gomisiynu deunydd gweledol perthnasol er mwyn cefnogi cynnwys ar-lein
9. paratoi lluniau a fideo fel eu bod yn barod i'w defnyddio ar-lein
10. monitro gwaith eraill er mwyn gofalu bod unrhyw gynnwys aml-gyfrwng sydd wedi'i gynhyrchu yn bodloni gofynion y cynhyrchiad
11. gwirio bod y deunydd yn ddilys, cywir ac yn addas i'w bwrpas
12. cadarnhau eich bod wedi holi am a derbyn y rhyddhad a chaniatâd gofynnol
13. cofnodi awdurdodiad am ddefnyddio'r deunydd ar draws aml-lwyfannau mewn systemau cyfundrefnol
14. cadw deunydd yn unol â gweithdrefnau cyfundrefnol
15. cadw cofnodion cywir o'r deunydd a ddefnyddiwyd, gan gynnwys manylion am olygu deunydd a hawlfraint

​

1. y dechnoleg berthnasol sydd ar gael, ei ddefnyddiau ymarferol a dichonolrwydd creadigol
2. cyd-destun a diben y cynnwys aml-gyfrwng er defnydd aml-lwyfan
3. sut i wirio a gwerthuso gwahanol gynulleidfaoedd ar gyfer cynnwys aml-gyfrwng a'u disgwyliadau
4. sut i ysgrifennu cynnwys i'w ddefnyddio ar-lein 
5. sut i ddefnyddio meddalwedd codio sain a gweledol ac uwch lwytho cynnwys sain a fideo
6. yr asedau ychwanegol all ffurfio rhan o'r cynnwys gan gynnwys clipiau sain a fideo, lluniau, ffeithluniau, data neu raffeg i ategu testun
7. sut i feddu ar gynnwys, pe bydd angen addasu cynnwys presennol neu lunio cynnwys newydd
8. pa drwyddedau, gorchmynion a chaniatâd sydd eu hangen, a sut i'w derbyn
9. rheoliadau, canllawiau a chodau ymddygiad yn ymwneud â chyfryngau gan gynnwys rheoliadau, canllawiau a chodau ymddygiad yn ymwneud â diogelu data
10. pam ei fod yn bwysig dosbarthu a chofnodi symud deunydd
11. y lefelau mynediad a defnydd priodol i'r cynnwys sydd wedi'i gadw gan gynnwys cyfyngiadau masnachol, cyfreithiol a llywodraethol