Paratoi a gohebu o leoliadau eraill

​Mae'r Safon hon yn ymwneud â gohebu o leoliadau ar draws lwyfannau.

Mae'n ymwneud â chynllunio tua'r dyfodol i sicrhau pan fyddwch chi ar leoliad eich bod yn ymwybodol o'r cyfleusterau sydd ar gael ichi i olygu, ffrydio neu ddarlledu eich gwaith.

Mae'n ofynnol eich bod yn ymwybodol o'r lleoliad y byddwch yn gohebu ohono, a gofynion y cynhyrchiad, gan gynnwys dyddiadau terfyn, graddfeydd amser, ciwiau a dolenni.

Mae'n ymwneud â gofalu bod trefniadau logistaidd mewn lle a, cyn ichi deithio i'r lleoliad y byddwch yn gohebu ohono, eich bod yn ymwybodol o'r cyfleusterau gallwch fanteisio arnyn nhw er mwyn ichi ohebu'n ôl i'ch stiwdio.

Mae'r Safon hon yn berthnasol i bawb sy'n gohebu o leoliadau eraill y tu hwnt i'r stiwdio.

​

1. cydlynu trefniadau ar gyfer darllediadau allanol, yn unol â gofynion gohebu neu gynhyrchu
2. rhoi manylion am y lleoliadau sydd i’w defnyddio i’r gweithwyr perthnasol
3. cadarnhau bod yr holl drefniadau ar gyfer gohebu yn bodloni'r gofynion yswiriant a rheoliadau iechyd a diogelwch statudol perthnasol
4. gwirio a chadarnhau bod y cyfathrebiadau gyda'ch stiwdio yn weithredol ac eglur
5. gwirio a chadarnhau bod cyfranwyr ar gael ar yr amser ac yn y lleoliad gofynnol
6. gwirio a chadarnhau y bydd trefniadau wrth gefn yn ymdrin â thrafferthion yn cysylltu gyda phobl yn ystod rhaglenni
7. gwirio bod cynlluniau wrthgefn mewn lle pan fo methiannau technegol
8. `gwirio a chadarnhau bod trefniadau digonol mewn lle er mwyn cynnal diogelwch gweithwyr gohebu a'r cyhoedd
9. gofalu fod arwyddion a hysbysiadau yn egluro a rhagnodi gofynion a chyfyngiadau mynediad yn glir, wedi'u diweddaru ac mewn lle a fydd yn tynnu sylw pobl
10. cadw cofnodion cywir a diweddar o awdurdodiadau, gofynion mynediad a chyfyngiadau yn ogystal â symudiadau'r bobl ar y safle
11. dewis cynnwys sy'n cynnig y cyfle gorau ar gyfer bodloni gofynion y cynhyrchiad neu raglen o ran amser, ffurf, cyllideb a chyfyngiadau cyfreithiol pob cynhyrchiad
12. cynnig gwybodaeth eglur a chryno i gyfranwyr am eu dyletswyddau a'u cyfrifoldebau yn ymwneud â'r cynhyrchiad neu'r rhaglen
13. egluro newidiadau i drefn, amser a chynnwys y cynhyrchiad mewn digon o amser er mwyn i unigolion fedru addasu i'r newid
14. cynnig ciwiau sy'n eglur, manwl-gywir ac ar amser
15. cytuno ar fanylion trosglwyddo rhwng y stiwdio a'r cyflwynwyr ymlaen llaw, gan  gofnodi'r manylion pan fo angen

1. cynnwys a strwythur y cynhyrchiad neu raglen gan gynnwys ei ddiben a deilliannau bwriadedig
2. gofynion iechyd a diogelwch ac yswiriant ar leoliad
3. priodweddau'r lleoliadau i'w defnyddio a sut i asesu eu dichonolrwydd
4. y cyfleusterau wrth gefn sydd ar gael
5. amodau tywydd ac amodau tebygol eraill allai effeithio ar ddiogelwch a'r angen am drefniadau modd segur
6. pa ofynion cyfreithiol perthnasol ac ystyriaethau moesegol sy'n effeithio ar y defnydd o wybodaeth mewn cynyrchiadau a rhaglenni sain neu weledol
7. y gweithdrefnau ar gyfer trafod mynediad gyda'r heddlu, cwmnïau diogelwch preifat ac asiantaethau eraill
8. dyletswydd bwriadedig pob cyfrannwr

9. dyddiad, amser a lleoliad cyfranogiad pob cyfrannwr

10. cynnwys trefn y darllediad gan gynnwys ciwiau, dolenni ac amseriadau cysylltiedig

11. y cyfathrebiadau angenrheidiol gyda'r stiwdio