Ysgrifennu sgriptiau ar gyfer cynnwys sain neu fideo

​Mae'r Safon hon yn ymwneud ag ysgrifennu sgriptiau ar gyfer defnydd sain neu fideo – i'w darllen gan ohebydd, cyflwynydd neu berfformiwr.

Mae angen defnyddio iaith, cynnwys ac arddull sy'n addas i'r math, ffurf a chynulleidfaoedd targed.

Mae'n ymwneud ag adnabod a ydy'r deunydd ysgrifennu yn naratif adrodd stori greadigol neu'n sgript weithredol gyda chiwiau, cyflwyniadau a chyhoeddiadau.

Mae'n ymwneud â chadarnhau a gweithio tuag at ddyddiadau cau gan ofalu eich bod yn cydymffurfio gyda chyfreithiau, rheoliadau a chanllawiau cyfundrefnol perthnasol.

Mae'r Safon hon yn berthnasol i bawb sy'n ysgrifennu sgriptiau ar gyfer defnydd aml-lwyfan.

1. ysgrifennu mewn arddull eglur, sgyrsiol a darllenadwy gan osgoi iaith dechnegol ac ystrydeb
2. defnyddio atalnodi, gramadeg a sillafu disgwyliedig gan gynnig seineg pan fo'i angen er mwyn ynganu geiriau penodol
3. amrywio'r iaith, cynnwys a dull er mwyn bodloni gofynion y dull, ffurf a chynulleidfaoedd targed neu arddull cyflwynydd y mae'r sgriptiau wedi'u cynhyrchu ar eu cyfer
4. gwirio bod gwybodaeth y sgript yn gywir
5. defnyddio'r cynllun a nodiadau perthnasol ar gyfer y dull a'r diben
6. ysgrifennu cyflwyniadau, ciwiau, 'outro' neu gyhoeddiadau cefn, gan osgoi dyblygu rhwng y ciw a'r sgript
7. gofalu fod cynnwys y sgript sain neu weledol yn cydymffurfio gyda chyfreithiau, rheoliadau a chanllawiau cyfundrefnol perthnasol
8. rhoi gwybod i gydweithwyr perthnasol ar unwaith pan fo trafferthion yn codi ynghylch cynhyrchu sgriptiau
9. cyflwyno sgriptiau o hyd wedi'i gytuno ac erbyn y dyddiadau cau

​

1. pwysigrwydd amrywio iaith, cynnwys ac arddull er mwyn gofalu ei fod yn gweddu i'r dull, ffurf, gorsafoedd gwahanol, cynnwys rhaglen neu arddull cyflwynydd, er mwyn ymwneud gyda chynulleidfaoedd targed
2. egwyddorion gramadeg, atalnodi, sillafu a seineg ynghyd â'r adnoddau a dulliau i wirio'r rhain
3. diben a defnydd bwriadedig sgriptiau aml-lwyfan neu ddeunydd ysgrifenedig a sut i ddefnyddio cynlluniau neu nodiadau perthnasol
4. sut i adrodd stori, cyflwyno dadleuon, crynhoi gwybodaeth gymhleth ac adnabod a chyflwyno pwyntiau allweddol drwy ysgrifennu wedi'i strwythuro'n effeithiol
5. y gwahaniaeth rhwng ffeithiau a sylwadau
6. pryd i ychwanegu sgript i sŵn naturiol er mwyn ychwanegu at y broses adrodd straeon
7. sut i ysgrifennu sgriptiau sy'n addas i ddull lleisiol cyflwynydd neu berfformiwr
8. cyfraith, rheoliadau diwydiant a chanllawiau cyfundrefnol perthnasol
9. y graddfeydd amser, dyddiadau cau a hyd sgriptiau aml-lwyfan gofynnol