Pennu’r cyfarwyddyd ar gyfer gemau a phrosiectau cyfryngau rhyngweithiol
Trosolwg
Mae'r safon hon yn ymwneud â chytuno ar a deall y cyfarwyddyd ar gyfer gemau neu brosiectau cyfryngau rhyngweithiol yn gyfan gwbl. Mae'n broses ailadroddol a allai ymwneud â sawl fersiwn. Gallai ymwneud â gweithio gan gydymffurfio gyda neu fireinio cyfarwyddyd sydd wedi'i lunio eisoes neu fe allai ymwneud â llunio un newydd. Mae'n gam pwysig i sicrhau bod y gwaith yn cydymffurfio gyda'r weledigaeth greadigol, yn ymarferol ac yn gyraeddadwy gan gadw at y gyllideb a'r paramedrau amser ar gyfer gemau neu brosiectau cyfryngau rhyngweithiol.
Mae'r safon hon yn berthnasol i gemau neu gyfryngau rhyngweithiol. Gallai cyfryngau rhyngweithiol ymwneud ag unrhyw fath o gynnwys, cynnyrch neu wasanaethau cyfryngau rhyngweithiol gan gynnwys ond sydd heb ei gyfyngu i wefannau, rhaglenni, neu ymgyrchoedd marchnata ar-lein.
Mae'r safon hon ar gyfer unrhyw un sy'n dylunio gemau neu brosiectau cyfryngau rhyngweithiol.
Meini prawf perfformiad
Mae'n rhaid eich bod chi'n gallu:
- defnyddio gwybodaeth gan ffynonellau dibynadwy i adnabod gweledigaeth a dymuniadau'r cyfarwyddwyr, cynhyrchwyr, arsylwyr a'r timau creadigol
- adnabod gwybodaeth sy'n arwydd o genres ac arddulliau gweledol penodol
- pennu sut caiff cynnwys ei greu a'i ddarparu ichi
- defnyddio'ch profiad a'ch barn ynghylch yr hynny sy'n ymarferol gan fodloni'r weledigaeth greadigol yn ogystal
- awgrymu unrhyw ddiwygiadau, ychwanegiadau neu unrhyw ddewisiadau amgen i wella'r cyfarwyddyd
- ystyried sut byddai gwaith pobl neu adrannau eraill yn effeithio ar eich gwaith chi
- cadarnhau eich bod chi'n deall y cyfarwyddyd gyda'r bobl berthnasol gan ddefnyddio cynrychiolaeth weledol lle byddai'n gwella dealltwriaeth
- sicrhau bod y cyfarwyddyd yn ddichonol yn dechnegol ac adnabod ei oblygiadau ar yr adnoddau a'r dechnoleg sydd ar gael
- sicrhau bod modd cyflawni'r cyfarwyddyd gan gadw at y cyfyngiadau o ran y gyllideb, yr amserlen, y lleoliad, y model busnes, y gofynion cynhyrchu refeniw a'r paramedrau eraill
- adnabod rhannau o'r cyfarwyddyd sy'n amwys neu sy'n debygol o newid ac ymdrin â nhw mewn ffyrdd na fyddai'n anfanteisiol i'ch mudiad chi
- cynnal agwedd gadarnhaol pan fo gofynion newidiol ac awgrymu dewisiadau amgen dichonol
adnabod a rhoi gwybod am oblygiadau’r gofynion newidiol ar y gyllideb, yr amserlen a'r allbynnau gan weithredu i fynd i'r afael â nhw
Gwybodaeth a Dealltwriaeth
You need to know and understand:
- technegau a dewisiadau mwyaf ffafriol y bobl rydych chi'n cydweithio gyda nhw
- sut i gaffael a dehongli'r cyfarwyddyd, pe bai'n ysgrifenedig neu ar lafar
- sut i ddehongli gwybodaeth o sgriptiau neu ddogfennau ar ffurfiau eraill
- y weledigaeth greadigol ar gyfer y gwaith
- lle i gaffael y wybodaeth am y gyllideb, yr amserlen, y model busnes, y gofynion cynhyrchu refeniw a'r gweithgareddau tebygol
- y safonau, yr arferion a'r canllawiau perthnasol gan gynnwys canllawiau a'r ymarfer gorau i sicrhau bod y defnyddwyr yn gyfforddus a bod y profiad yn un o safon
- effaith amrywioldeb, cynhwysiant, hygyrchedd, moeseg, deallusrwydd emosiynol a seicoleg ymddygiad ar brosiectau
- galluoedd, cyfleoedd a chyfyngiadau'r technolegau a'r dulliau sydd ar gael gan gynnwys cymhwyster animeiddiad amser real
- sut i farnu sgiliau, arbenigedd a galluoedd aelodau eraill o'ch tîm
- buddion ac anfanteision y gwahanol gyfarpar y gallwch chi eu defnyddio a phryd mae hi'n briodol ichi eu defnyddio
- y cyfarpar y mae'n bosib bod pobl eraill yn eu defnyddio i weithio ar asedau ar y cyd
- sut i gyflwyno'ch dadleuon er mwyn ategu'ch safbwynt
- sut i adnabod y goblygiadau o ran cost a'r ymarferoldebau ynghylch cyflawni'r cyfarwyddyd gan gynnwys deunyddiau, cyfarpar, lleoliadau a chyllidebau
- sut i ddefnyddio gwaharddiadau neu nodiannau mewn cytundebau er mwyn gwarchod eich mudiad rhag gofynion amwys neu newidiol
- beth i'w asesu er mwyn sicrhau dichonoldeb technegol
- sut i asesu effaith gwahanol newidiadau gan gynnwys toriadau i gyllidebau neu weledigaeth greadigol newidiol
- sut i asesu gwerth cymharol costau gosod neu adeiladu graddfa fawr yn erbyn gwaith saethu penodol