Creu rhannau prostheteg bach a chapiau moel

​Mae'r safon hon yn ymwneud â chreu capiau moel a rhannau prostheteg bach fel nodweddion y wyneb a chreithiau i'w defnyddio mewn cynyrchiadau.  

Gan fod angen cynhyrchu castiau ar gyfer rhannau i greu rhai rhannau prostheteg bach bydd angen ichi ddangos eich bod chi'n gallu castio rhannau.

Mae modd creu rhai rhannau heb orfod creu cast a bydd angen ichi ddangos eich bod chi'n gallu creu'r rheiny hefyd. Bydd gofyn ichi greu patrwm i ffitio siâp pen y perfformiwr unigol er mwyn cynhyrchu cap moel. Yn olaf, bydd gofyn ichi drin y perfformiwr gyda gofal a sicrhau eu bod nhw mor gyfforddus â phosib yn ystod y broses.

Mae'r safon hon yn berthnasol i sawl rôl ond mae'n fwyaf perthnasol i artistiaid colur neu artistiaid prostheteg.

---

1. ​cadarnhau a oes gan y perfformiwr unrhyw gyflyrau meddygol a allai eu hatal rhag derbyn cast
2. caffael cyngor meddygol a chaniatâd y perfformiwr lle'n briodol
3. cynnal gwiriadau ar y croen a gweithredu pan fo adwaith niweidiol ar y croen
4. sicrhau eich bod yn paratoi a gorchuddio croen, gwallt, gwallt yr wyneb a dillad y perfformiwr
5. gosod y perfformiwr gan sicrhau eu bod nhw mor gyfforddus â phosib
6. egluro'r technegau paratoi, castio a thynnu'r brostheteg i'r perfformiwr a chynnig cyfle iddyn nhw ofyn unrhyw gwestiynau
7. sicrhau bod y perfformiwr yn ymwybodol o'r protocol pe bai argyfwng yn ystod y broses gosod a gwisgo'r rhannau prostheteg
8. caffael atgynhyrchiad o nodweddion y perfformiwr heb ddiffygio neu ystumio'r cast
9. tynnu'r cast yn ddiogel ac adfer croen a gwallt y perfformiwr i'w gyflwr gwreiddiol
10. creu cerfluniau a mowldiau gan ddefnyddio'r technegau,  deunyddiau a'r dulliau priodol
11. creu rhannau prostheteg bach y gallwch eu gosod ar y perfformiwr yn uniongyrchol gan ddefnyddio'r dechneg,  deunyddiau a'r dulliau priodol
12. sicrhau bod y cerflun a'r mowld yn bodloni'r holl ofynion technegol er mwyn gallu cynhyrchu'r rhan prostheteg orffenedig
13. creu patrwm ar gyfer y rhannau prostheteg a/neu'r capiau moel sy'n ffitio siâp pen unigryw'r perfformiwr
14. trosglwyddo'r patrwm i flocyn siâp pen
15. creu capiau moel gan ddefnyddio'r technegau, deunyddiau a'r dulliau priodol  
16. gorffen, cadw a thynnu mowldiau a phrostheteg i osgoi dirywiad, ystumiad a difrod
17. cadw cofnodion yn ymwneud â defnyddio mowldiau a phrostheteg
18. cyfathrebu gyda darparwyr trydydd parti i gaffael rhannau prostheteg a chapiau moel fel sy'n ofynnol
19. cydymffurfio gyda'r ddeddfwriaeth, y polisïau a'r canllawiau iechyd a diogelwch wrth greu a gosod rhannau prostheteg a chapiau moel

---

1. ​gofynion y cyfarwyddyd dylunio a chyfyngiadau'r adran
2. yr amserlen a'r gyllideb ar gyfer y cynhyrchiad
3. sut i adnabod a chyfathrebu gyda darparwyr trydydd parti ar gyfer gwaith prostheteg
4. y ddeddfwriaeth, y polisïau a'r canllawiau iechyd a diogelwch sy'n berthnasol i gastio rhannau a chreu rhannau prostheteg bach a chapiau moel
5. pwysigrwydd gwirio oes gan y perfformiwr hanes o alergeddau a sensitifeddau eraill
6. pa wiriadau i'w cynnal i wirio ydy'r croen yn addas ac am adweithiau niweidiol
7. sut i weithredu pan fo adwaith niweidiol
8. symudoldeb a sefydlogrwydd gofynnol y rhannau prostheteg
9. y gwahanol dechnegau, deunyddiau a'r dulliau i'w rhoi ar waith i greu'r mowldiau a'r rhannau prostheteg
10. y prosesau ar gyfer creu rhannau prostheteg bach gan gynnwys; y technegau paratoi, gweithdrefnau castio a thynnu, gweithdrefnau mewn argyfwng, gosod ac uno adrannau a thrimio a marcio'r argraffiad cadarnhaol
11. sut i atgynhyrchu nodweddion y perfformiwr heb ddiffygio neu ystumio'r cast
12. y technegau, deunyddiau a'r dulliau priodol i greu cerfluniau a mowldiau
13. oes angen cyflawni gweithdrefnau castio, cerflunio neu fowldio cyn gosod y rhannau prostheteg
14. sut i sicrhau bod y cerflun a'r mowld yn bodloni'r holl ofynion technegol i gynhyrchu rhan prostheteg terfynol a boddhaol
15. sut i dynnu'r cast yn ddiogel ac adfer croen a gwallt y perfformiwr i'w gyflwr gwreiddiol
16. sut i lunio patrwm i ffitio siâp pen unigryw'r perfformiwr a sut i drosglwyddo'r patrwm i flocyn siâp pren
17. y technegau, deunyddiau a'r dulliau priodol i greu'r capiau moel

---

---

---

---

---

---

---

---

---

---

---

30 Maw 2026

---

Ar hyn o bryd

---

Gwreiddiol

---

ScreenSkills

---

SKSHM10

---

Galwedigaethau Gwasanaeth Personol, Trinwyr gwallt a Galwedigaethau Cysylltiedig, Y Cyfryngau a Chyhoeddi, Y Celfyddydau, Y Cyfryngau a chyfathrebu, Crefftau, y celfyddydau creadigol a dylunio, Y Celfyddydau Perfformio

---

3417

---

capiau moel, rhannau prostheteg, creu, artistiaid colur, artist prostheteg, cast, mowld, perfformiwr, iechyd a diogelwch

---