Paratoi, gosod, tynnu a glanhau wigiau, darnau gwallt ac estyniadau gwallt i newid edrychiad y perfformiwr

​Mae'r safon hon yn ymwneud â'ch gallu i weithredu amryw ddulliau a thechnegau i addasu edrychiad perfformwyr gyda wigiau, darnau gwallt ac estyniadau gwallt.

Bydd gofyn ichi sicrhau bod y detholiad o wigiau a darnau gwallt y byddwch chi'n eu defnyddio'n dwyn i ystyriaeth y canlynol:

• dyluniad
• croen y perfformwyr
• amserlen a chyllideb y cynhyrchiad
• effeithiau arfaethedig ar wigiau a darnau gwallt yn sgil yr amodau saethu
• y technegau torri gofynnol
• effaith nwyddau steilio a gorffen ar y wigiau a'r darnau gwallt

Mae'r safon hon hefyd yn ymdrin ag egluro'r broses o osod a ffitio wigiau a darnau gwallt. Mae'n ymwneud â gosod wigiau a darnau gwallt i fodloni'r gofyniad dylunio a'r effaith ddymunol.

Mae'n ymwneud â sicrhau bod y wigiau a'r darnau gwallt yn lân ac yn sych.

Yn ogystal, mae'n ymdrin â defnyddio offer a chyfarpar i dorri, gosod ac addurno wigiau a darnau gwallt i gyflawni'r effaith ofynnol.

Mae'r safon hon yn berthnasol i'r holl rolau ac mae gofyn ichi fod wedi cwblhau hyfforddiant a meddu ar brofiad mewn trin gwallt.

---

1. ​gweithio yn unol â'r cyfarwyddyd dylunio a chydymffurfio gyda chyfyngiadau'r cynhyrchiad o ran yr amserlen a'r gyllideb
2. gwirio croen y perfformwyr am unrhyw adweithiau niweidiol posib i ludion, tynwyr a gwallt wigiau
3. gweithredu os ydy'r glud yn achosi unrhyw niwed i'r croen
4. sicrhau eich bod yn dewis y wig neu'r darn gwallt priodol
5. hysbysu'r perfformwyr o'r broses i osod wigiau, darnau gwallt ac estyniadau gwallt
6. cadarnhau prydliw a lliw gwallt y perfformiwr fel sy'n briodol
7. sicrhau bod y perfformwyr yn gyfforddus er mwyn gosod wigiau, darnau gwallt ac estyniadau gwallt gan darfu cyn lleied â phosib ar bobl eraill 
8. dewis y wigiau a'r darnau gwallt y byddwch yn eu defnyddio gan ddwyn i ystyriaeth croen y perfformwyr ac anghenion y cynhyrchiad
9. ystyried y technegau gofynnol ac effaith torri, steilio a chynnyrch gorffennu ar wigiau, darnau gwallt ac estyniadau gwallt
10. dewis y mathau o ddeunyddiau a gludion gwallt i osod wigiau a darnau gwallt wedi ichi ystyried yr adweithiau niweidiol i'r croen ynghyd â symudedd a sefydlogrwydd wigiau a darnau gwallt
11. defnyddio'r dulliau, cyfarpar a'r deunyddiau cywir i lanhau, sychu, torri a gosod wigiau, lesys a darnau gwallt cyn eu trin
12. blocio neu osod wigiau a darnau gwallt i fodloni'r gofynion dylunio a'r math o wigiau a darnau gwallt rydych yn eu defnyddio
13. sicrhau eich bod yn tynnu'r wigiau a'r darnau gwallt gan gydymffurfio gyda'r canllawiau
14. cofnodi'r holl wybodaeth angenrheidiol ynghylch y wigiau a'r darnau gwallt
15. gosod yr estyniadau gwallt gan ddwyn i ystyriaeth y mathau o estyniadau gwallt rydych chi'n eu defnyddio a chyflwr math gwallt y perfformiwr
16. tynnu estyniadau gwallt gan gydymffurfio gyda'r canllawiau
17. cynnal a chadw'r cyfarpar a'r offer rydych chi'n eu defnyddio
18. glanhau a chadw wigiau, darnau gwallt ac estyniadau gwallt
19. cydymffurfio gyda'r polisïau a chanllawiau iechyd a diogelwch pan fyddwch yn gweithio gyda wigiau, darnau gwallt ac estyniadau gwallt

---

​

1. gofynion y cyfarwyddyd dylunio, gan gynnwys wyneb a siâp pen y perfformiwr
2. y meini prawf i'w ystyried wrth ddewis wigiau a darnau gwallt
3. sut i gynnal gwiriadau ar groen a sut i weithredu pan fo adwaith niweidiol i'r croen
4. y cyfyngiadau amser a chyllidebol i'w dwyn i ystyriaeth wrth baratoi i ffitio wigiau a gwallt
5. y broses ffitio'r wigiau, darnau gwallt ac estyniadau gwallt
6. sut i fanteisio ar wybodaeth i gadarnhau prydliw a lliw gwallt y perfformiwr
7. sut i gofnodi gwybodaeth wedi'i gaffael yn ystod ffitiad
8. sut i gaffael a chyfathrebu gyda chyflenwyr wigiau a darnau gwallt
9. y meini prawf i'w hystyried wrth ddewis deunyddiau gwallt a gludion
10. symudedd a sefydlogrwydd gofynnol wigiau, darnau gwallt ac estyniadau gwallt
11. sut i lanhau'r les a golchi'r wig, y darnau gwallt neu'r estyniadau gwallt
12. y gwahaniaeth rhwng dulliau steilio a chynnal a chadw gwallt artiffisial a gwallt go iawn
13. y technegau torri gwahanol sy'n ofynnol ar gyfer gwallt artiffisial a gwallt go iawn
14. sut i flocio neu osod wigiau a darnau gwallt i fodloni'r gofynion dylunio
15. sut i drin wigiau a darnau gwallt er mwyn bodloni'r gofynion dylunio
16. sut i ddefnyddio popty wigiau
17. lle a sut i gadw a glanhau wigiau, darnau gwallt ac estyniadau gwallt
18. y ffactorau i'w hystyried wrth ddewis estyniadau gwallt, gan gynnwys pwysau'r estyniadau a faint o wallt y perfformiwr fydd i'w weld
19. sut fyddai defnyddio estyniadau gwallt yn effeithio ar gyflwr gwallt gwreiddiol y perfformiwr a sut byddai hyn yn effeithio ar y deunyddiau a'r dulliau rydych chi'n eu dewis
20. y dulliau a'r technegau ar gyfer gosod estyniadau gwallt
21. sut i dynnu estyniadau gwallt yn ddiogel ac yn ofalus
22. sut i gynnal a chadw'r offer a'r cyfarpar
23. y ddeddfwriaeth, y polisïau a'r canllawiau iechyd a diogelwch sy'n berthnasol i weithio gyda wigiau, darnau gwallt ac estyniadau gwallt

---

---

---

---

---

---

---

---

---

---

---

30 Maw 2026

---

Ar hyn o bryd

---

Gwreiddiol

---

ScreenSkills

---

SKSHM8

---

Galwedigaethau Gwasanaeth Personol, Trinwyr gwallt a Galwedigaethau Cysylltiedig, Y Cyfryngau a Chyhoeddi, Y Celfyddydau, Y Cyfryngau a chyfathrebu, Crefftau, y celfyddydau creadigol a dylunio, Y Celfyddydau Perfformio

---

3417

---

wigiau, darnau gwallt, estyniadau gwallt, gwallt, edrychiad, gosod, tynnu, perfformiwr, iechyd a diogelwch

---