Caffael gwasanaethau neu gyflenwyr allanol yn y diwydiannau creadigol

​Mae’r Safon hon yn ymwneud â dewis cyflenwyr ar gyfer gwasanaethau neu nwyddau allanol, trafod telerau a rheoli gwasanaethau neu nwyddau wedi’u darparu gan gyflenwyr allanol.

1. ​sicrhau bod y cyfarwyddyd neu'r meini prawf ar gyfer y gwaith i'w gaffael yn gywir ac yn realistig ac wedi'i gytuno gan y bobl briodol

2. sicrhau y caiff cyflenwyr dichonol eu cyfarwyddo'n ddigonol ynghylch gofynion a chyfyngiadau

3. dewis y cyflenwyr mwyaf priodol i fodloni gofynion gan ddehongli gwybodaeth yn ddilys, teg a realistig
4. gofalu bod gwasanaethau neu nwyddau cyfredol neu i'r dyfodol yn bodloni eich gofynion
5. gofalu bod modd cyfiawnhau eich penderfyniadau o ran caffael a'u bod yn cydymffurfio gyda phrotocolau cyfundrefnol 
6. dod i gytundeb gyda chyflenwyr o ran beth fyddan nhw'n ei ddanfon a'r telerau ynghlwm
7. ffurfioli eich disgwyliadau yn ymwneud â chytundebau gyda chymal terfynu os yn briodol
8. gofalu bod yna ffyrdd priodol o gyfathrebu rhwng eich mudiadau a chyflenwyr
9. cadarnhau gyda chyflenwyr sut byddwch chi'n gwirio bod eu perfformiad yn bodloni'r gofynion
10. adnabod a chofnodi’r rhesymau am unrhyw fethiannau i fodloni gofynion
11. cytuno ar unrhyw newidiadau gyda chyflenwyr a'u hysbysu o'r goblygiadau
12. trefnu bod taliadau wedi'u cyflwyno'n brydlon yn unol â graddfeydd amser a pherfformiad cytunedig a chofnodi'r rhesymau dros unrhyw daliad sy'n wahanol i'r cytundeb gwreiddiol 
13. datrys unrhyw fethiannau, cofnodi sut gawson nhw eu datrys a gweithredu i'w hatal rhag digwydd eto yn y dyfodol, gan geisio am gyngor cyfreithiol pan fo'n briodol

1. ​y cyfarwyddyd, meini prawf, cyllideb ac amserlen ar gyfer y gwaith
2. y protocolau a gweithdrefnau cyfundrefnol wrth gaffael gwasanaethau neu nwyddau allanol 
3. camau allweddol y broses dendro a sut i'w rheoli fel bod digon o amser ar gyfer pob cam
4. sut i leihau'r amhariadau posib i fusnes cleientiaid ac asiantau yn sgil caffael
5. sut i ddiffinio meini prawf sgorio ar gyfer dewis cyflenwyr
6. sut mae modd dadansoddi amcangyfrifon a thendrau er mwyn gallu eu cymharu
7. paramedrau ar gyfer newidion allweddol, goddefiadau dichonol neu gyfaddawdau y mae modd eu trafod wrth gaffael gwasanaethau neu nwyddau 
8. sut caiff cytundebau eu strwythuro a sut caiff taliadau eu cyflwyno
9. safonau perfformiad o ran cynnig gwasanaeth neu gyflenwi
10. prosesau newid rheolaeth dderbyniol a sut i'w diffinio
11. sut i fanteisio ar gyngor ynghylch derbyn iawndal am berfformiad anfoddhaol gan gynnwys mynd i gyfraith

12. y systemau ar gyfer cofnodi newidion yn ymwneud â pherfformiad a gweithrediadau cywirol cytunedig

13. y gofynion cyfreithiol yn ymwneud â chydweithio gyda chyflenwyr

14. cynllunio ar gyfer argyfwng  yn ymwneud â'r gwaith wedi'i gaffael
15. pwysigrwydd yswiriant atebolrwydd a phryd mae'n berthnasol
16. dulliau cyfathrebu priodol
17. barn cleientiaid ynghylch cyflenwyr maen nhw wedi cydweithio gyda nhw yn y gorffennol