Archwilio lleoliadau yn y cyfnod cyn cynhyrchu
Trosolwg
Mae’r safon hwn yn ymwneud â’r gwaith rhagarweiniol ar gyfer archwilio lleoliadau yn ystod y cyfnod cyn cynhyrchu. Mae’n ymwneud â mynychu cyfarfodydd cynhyrchu, ymweld â lleoliadau, cynhyrchu gwybodaeth ar gyfer isgontractwyr, a chysylltu â pherchnogion safleoedd.
Mae’n cynnwys cynghori cydweithwyr cynhyrchu o unrhyw arferion gweithio arbennig ac unrhyw ganiatâd y gallai fod angen ei gael, yn ogystal â chynhyrchu asesiadau risg.
Mae’r safon hwn ar gyfer unrhyw un sydd angen archwilio lleoliadau yn y cyfnod cyn cynhyrchu.
Meini prawf perfformiad
Mae'n rhaid eich bod chi'n gallu:
1 Cyfrannu at gyfarfodydd cyn cynhyrchu ar adegau addas
2 Cynhyrchu asesiadau risg ar gyfer yr holl offer perthnasol ar gyfer pob lleoliad
3 Amcanu a gwerthuso gofynion ar gyfer eich maes cyfrifoldeb chi yn erbyn anghenion cynhyrchu
4 Manylu ar amgylchiadau pob lleoliad a gofynion arbennig ar gyfer cynyrchiadau mewn dogfennau addas
5 Gwirio fod dogfennau a gwblhawyd yn gryno a darllenadwy
6 Cynghori’r cynhyrchwyr ar adegau addas am unrhyw agwedd ar leoliadau a allai achosi problemau i offer, criw cynhyrchu neu unrhyw drydydd parti
7 Cynghori’r cynhyrchwyr am unrhyw fesurau diogelwch neu sicrwydd arbennig a fydd yn angenrheidiol wrth i offer gael ei weithredu neu’i adael heb oruchwyliaeth
8 Rhoi gwybod i gynhyrchwyr a chyflenwyr am unrhyw newidiadau cyn gynted ag y dônt yn amlwg
9 Cael cyngor arbenigol gan ffynonellau dibynadwy yn ôl y galw.
Gwybodaeth a Dealltwriaeth
You need to know and understand:
1 Deddfwriaeth berthnasol, canllawiau ac arfer orau’r diwydiant
2 Sut i ddehongli’r briff cynhyrchu yn ofynion technegol
3 Sut i gynghori ar addasrwydd lleoliadau
4 Sut i ddehongli a gweithredu deddfwriaeth Iechyd a Diogelwch ac arferion gweithio’r diwydiant sy’n berthnasol i’r gwaith
5 Manteision gwaith tîm a sut i gyfathrebu ag eraill
6 Eich cyfrifoldeb i berchnogion offer, personél cynhyrchu, a pherchnogion lleoliadau
7 Sut i asesu diogelwch a sicrwydd offer pan fyddan nhw’n cael eu gweithio neu wedi’u gadael heb oruchwyliaeth
8 Fformatau addas ar gyfer cofnodion
9 Pryd a ble i gael gafael ar gyngor arbenigol
10 Sut i asesu anghenion mynediad ar gyfer trafnidiaeth drom