Trefnu, cadw ac adfer asedau, data a gwybodaeth yn y diwydiannau creadigol
Trosolwg
Mae’r safon hon yn ymwneud â’ch gallu i brosesu, trefnu cadw asedau a gwybodaeth a ddefnyddir mewn prosiectau cyfryngau creadigol yn ddiogel a’u hadfer. Mae’n bosibl y bydd angen yr asedau a’r wybodaeth ar gyfer y prosiect cyfredol neu eu bod wedi’u harchifo o brosiectau yn y gorffennol.
Gallai asedau olygu asedau ffisegol megis cyfarpar goleuo, rigio a chamera, offer a deunyddiau, celfi, setiau, modelau cymeriadau stop-symudiad, lluniau gwreiddiol, taflenni wedi’u hargraffu, gyriannau caled allanol neu dapiau hŷn.
Gallai data olygu asedau digidol megis ffolderi digidol gyda fersiynau ffeil o waith celf a data wrth gefn, fideos, neu draciau sain.
Gallai gwybodaeth olygu briffiau prosiect, sgript, golygfa, triniaeth, bwrdd stori neu animatig, trac sain; dogfennau sy’n ymwneud â’r cynhyrchiad, megis manyleb, cynlluniau ac amserlenni, y gyllideb, cyfrifon; neu ddogfennau technegol megis llinellau amser animeiddiadau (e.e. arlliw, ffrâm, taflenni bar).
Gellir defnyddio’r safon hon ynghlwm â phob rôl yn y diwydiannau sgrin ac mae hefyd yn berthnasol i rolau diwydiant creadigol ehangach fel enghraifft theatr, digwyddiadau byw, treftadaeth ddiwylliannol a galwedigaethau dylunio.
Meini prawf perfformiad
Mae'n rhaid eich bod chi'n gallu:
- adnabod yr asedau, y data a’r wybodaeth rydych chi’n gyfrifol amdanyn nhw a phryd y bydd eu hangen
- adnabod pa systemau sydd ar waith, a ble a sut y byddwch chi’n cadw’r asedau, y data a’r wybodaeth yn ddiogel
- lle bo angen, llunio system i gadw ac adfer yr asedau, y data a’r wybodaeth berthnasol
- cadw’r asedau, y data a’r wybodaeth yn ddiogel, gan ddefnyddio’r system storio rydych chi wedi’i nodi
- trefnu a chynnal cofnodion i ddangos pa asedau, data a gwybodaeth sydd wedi’u storio a ble
- llunio cofnodion neu ffeiliau newydd pan fo’u hangen
- adfer yr asedau, y data a’r wybodaeth o’r storfeydd i fodloni galwadau’r cynhyrchiad
- dychwelyd yr asedau i’r storfa yn ôl yr angen a chadarnhau bod copïau wrth gefn o’r asedau digidol yn bodoli
- cofnodi pryd y bydd yr asedau, y data a’r wybodaeth wedi’u caffael a phwy sydd wedi’u caffael
- adrodd am unrhyw broblemau gyda’r system storio neu gyfleoedd i’w wella
- trin gwybodaeth a data cyfrinachol yn unol â’r ddeddfwriaeth, a’r gofynion sefydliadol a diogelu data
Gwybodaeth a Dealltwriaeth
You need to know and understand:
- yr asedau, data a’r wybodaeth rydych chi’n gyfrifol amdanyn nhw a’u defnydd ar gyfer y cynhyrchiad
- y mathau o asedau, data a gwybodaeth sydd eu hangen ar gyfer prosiectau cyfredol neu yn y dyfodol, pryd y mae’n debygol y bydd eu hangen a gan bwy
- sut gallai hawliau a chyfrifoldebau newid yn dibynnu ar bwy sy’n meddu ar berchnogaeth gyfreithiol dros yr asedau, y data a’r wybodaeth (e.e. pan gaiff asedau eu benthyg, eu llogi neu eu prynu)
- y dulliau ar gyfer storio gwahanol fathau o asedau, data a gwybodaeth
- pam ei bod hi’n bwysig peidio â cholli neu ddifrodi’r asedau, y data a’r wybodaeth
- pa risgiau neu niwed allai ddigwydd i’r asedau, y data a’r wybodaeth a sut i’w hamddiffyn, megis toriadau, tân, lladrad, methiant pŵer, firysau cyfrifiadur neu agweddau amgylcheddol (e.e. gwres, dŵr)
- y gweithdrefnau ar gyfer sefydlu a chynnal systemau lle nad oes rhai yn bodoli
- pam ei bod hi’n bwysig i’ch adran feddu ar system ffeilio a chadw cofnodion a beth fyddai’n digwydd pe na bai ganddyn nhw system
- y gwahanol fathau o fynegeion ffeilio a sut i’w defnyddio
- pam ei bod hi’n bwysig i ganfod a dychwelyd asedau, data a gwybodaeth heb oedi
- pwysigrwydd cynnal diogelwch data (e.e. cadw copïau wrth gefn, rheoli fersiynau, diogelu data, cyfrineiriau a muriau gwarchod) a chydymffurfio gyda chanllawiau a strwythurau ffeiliau eich sefydliad
- y mathau o ddata a gwybodaeth gyfrinachol a sut i ymdrin â’r rhain yn gywir
- pwysigrwydd cadw nodiadau o ran cysondeb
- y gofynion cyfreithiol ar gyfer storio data a gwybodaeth a chydymffurfio gyda rheoliadau diogelu data