Gosod a rheoli goleuadau ar gyfer saethiadau camera unigol

​Mae'r safon hon yn ymwneud â defnyddio goleuadau i amlygu lluniau ar gyfer saethiadau camera unigol. Fe allai hyn fod yn berthnasol i unrhyw fath o gynhyrchiad gan gynnwys ffilmiau nodwedd, dramâu Teledu, hysbysebion, rhaglenni dogfen, rhaglenni chwaraeon, darllediadau tu allan a digwyddiadau byw neu ar lwyfannau.  

Mae hyn yn cynnwys dewis goleuadau, ategolion, hidlwyr a'r cyfarpar, eu gosod yn ddiogel, defnyddio rheolyddion a gosodiadau camera a fydd yn effeithio ar yr amlygiad, datrys problemau a chofnodi gwybodaeth ar gyfer ail-gynhyrchu.

Mae'r safon hon ar gyfer gweithredwyr Camera sy'n gyfrifol am osod a rheoli goleuadau ar gyfer saethiadau camera unigol.

---

​

1. cadarnhau gofynion saethiadau gan ddefnyddio gwybodaeth gan ffynonellau perthnasol
2. dewis goleuadau ac ategolion sy'n gweddu i'r pŵer sydd ar gael a'r gofynion technegol
3. gwirio bod y goleuadau a'r ategolion yn ddiogel i'w defnyddio ac yn addas i'r diben
4. dewis safleoedd ar gyfer goleuadau a'r cyfarpar rheoli sy'n diwallu anghenion y cynhyrchiad
5. rigio a gosod goleuadau yn unol â'r dulliau diogel o weithio ichi ac eraill heb ddifrodi'r eiddo  
6. gofalu bod y goleuadau'n cynnig y tymheredd lliw gofynnol i ddiwallu anghenion y cynhyrchiad drwy gydol y saethiadau
7. dewis hidlwyr, ategolion ac effeithiau sy'n cyflawni'r deilliannau artistig a thechnegol
8. cyflawni'r effeithiau gofynnol drwy gydbwysedd gwyn, cynnydd (gain) a rheolyddion y glicied caead drwy gydol y saethiadau
9. gosod gosodiadau amlygu sy'n diwallu'r anghenion o ran ffocws ac sy'n briodol ar gyfer hidlwyr ac effeithiau
10. canfod datrysiadau effeithiol pan fo amodau'n peri problemau
11. monitro ac addasu amlygiad i fodloni'r gofynion drwy gydol y saethiadau
12. bodloni'r gofynion goleuo gan gadw at y cyllidebau y cytunwyd arnyn nhw
13. cofnodi gwybodaeth am oleuo fel bod modd ail-gynhyrchu saethiadau pan fo'n briodol

---

​

1. y ffynonellau gwybodaeth am ofynion saethiadau gan gynnwys sgriptiau a'ch cydweithwyr ar y cynhyrchiad
2. y mathau o oleuadau sy'n addas ar gyfer camerâu gan ystyried y maint, pŵer, manylion technegol, dosbarthiad, goleuder a system rheoli'r goleuadau
3. y problemau gyda gwaith y tu hwnt i'r stiwdio gan gynnwys y cyfanswm pŵer sydd ar gael, llwythi a goblygiadau defnyddio nifer o oleuadau ar y prif gyflenwad pŵer
4. y ffynonellau pŵer a'r trefniadau pan nad ydyn nhw ar gael
5. egwyddorion sylfaenol sinematograffi a ffotograffiaeth
6. y ddeddfwriaeth iechyd diogelwch perthnasol, asesiadau risg a'r cyfarwyddiadau eraill ar gyfer ffynonellau pŵer a'r cyfarpar rydych yn ei ddefnyddio ynghyd â sut i weithredu ffyrdd diogel o weithio gan gynnwys pryd fydd angen tystysgrif Profi Offer Cludadwy (PAT) a sut i wirio ei fod o wedi'i gyflawni
7. y problemau cyffredin gydag amodau goleuo a sut i'w datrys nhw ynghyd ag effeithiau lleoliadau, amodau hinsoddol ac amser y dydd ar y goleuo
8. sut i rigio goleuadau
9. y cysyniadau sylfaenol ynghlwm â goleuo ac amlygiad, gofynion amlygu'r saethiad a nodweddion y camera a all effeithio ar yr amlygiad
10. y dulliau hwyluso symudiadau rhwng goleuadau mewnol ac allanol
11. y mathau cyffredin o hidlwyr, eu defnyddiau a ffactorau amlygu ynghyd â defnyddiau a chyfyngiadau systemau amlygiad awtomatig
12. ble i ganfod gwybodaeth am gyllidebau cynyrchiadau
13. beth sydd angen ei gofnodi er mwyn hwyluso cydweddu gydag unrhyw ddeunydd dilynol gofynnol eraill

---

---

---

---

---

---

---

---

---

---

---

31 Maw 2024

---

Ar hyn o bryd

---

Gwreiddiol

---

ScreenSkills

---

SKSC22

---

Y Cyfryngau a Chyhoeddi, Y Celfyddydau, Y Cyfryngau a chyfathrebu, Gweithwyr Proffesiynol Cysylltiedig â’r Cyfryngau

---

3417

---

camera; rheolyddion camera; gosodiadau; effeithiau; amlygiad; awyrgylch y saethiad; hidlwyr; hidlwr; cyfarpar goleuo; cywiro lliw

---