Gosod a symud camerâu i fframio a llunio saethiadau

​Mae'r safon hon yn ymwneud â gosod a symud camerâu i fframio a llunio saethiadau yn unol â gofynion y cynhyrchiad. Fe allai hyn fod yn berthnasol i unrhyw fath o gynhyrchiad gan gynnwys ffilmiau nodwedd, dramâu Teledu, hysbysebion, rhaglenni dogfen, rhaglenni chwaraeon, darllediadau tu allan a digwyddiadau byw neu ar lwyfannau. Fe allai hyn fod yn berthnasol i saethiadau aml-gamera neu gamera unigol.

Mae'n ymwneud â gosod a symud camerâu, fframio a llunio lluniau i fodloni'r gofynion esthetig, technegol a'r gofynion o ran dilyniant, cydweithio gydag eraill i gyflawni'r deilliant dymunol a monitro ansawdd esthetig a thechnegol y llun.  

Mae'r safon hon ar gyfer gweithredwyr Camera ac eraill sydd ynghlwm yn uniongyrchol â'r gwaith o lunio'r saethiad.

---

​

1. dewis safleoedd ar gyfer saethiadau rydych wedi cytuno arnyn nhw gyda'r gweithwyr perthnasol, sy'n ymarferol ac sydd ddim yn amharu gyda safleoedd camerâu eraill
2. dewis safleoedd camerâu lle mae'r persbectif, fframiad a chyfansoddiad y lluniau'n bodloni'r gofynion
3. cynnal y fframiad a'r cyfansoddiad dymunol yn ystod saethiadau
4. gwneud dyfarniad diogel ac annibynnol am yr amryw safleoedd camera angenrheidiol i wneud iawn am newidiadau yn safleoedd y perfformwyr ac amrywiadau eraill
5. dewis onglau lensys (hyd ffocws) sy'n gweddu i arddull y symudiadau camera ac sy'n cyflawni'r fframiad a'r cyfansoddiad dymunol
6. gofalu nad ydy symudiadau'r camera yn amharu ar bobl eraill
7. fframio a llunio lluniau er mwyn bodloni'r arddulliau cynhyrchu gofynnol a'r awyrgylch arfaethedig ar gyfer pob saethiad
8. fframio a llunio pob saethiad er mwyn cydymffurfio gyda'r dilyniant gweledol derbyniol a chydweddu â llinell edrych saethiadau eraill yn y drefn arfaethedig
9. fframio a llunio saethiadau gan ddwyn i ystyriaeth unrhyw brosesau labordy, ôl-gynhyrchu neu effeithiau cymysgu gweledol arfaethedig
10. gwirio bod modd cyflawni unrhyw symudiadau camera dymunol a'r effeithiau technegol dymunol yn unol â'r dulliau diogel o weithio
11. fframio a llunio lluniau gan ystyried y cymhareb (cymarebau) agwedd gofynnol  
12. trefnu llwybr, amseriadau a phwyntiau cychwyn a gorffen unrhyw symudiadau camera sy'n cynnal y cyfansoddiad dymunol a'r arddull y cytunwyd arni drwy gydol pob saethiad 
13. cadarnhau bod ansawdd y llun yn bodloni'r safonau esthetig a thechnegol
14. cofnodi a datrys unrhyw broblemau ymarferol sy'n rhwystro'r cyfansoddiad dymunol
15. cyfathrebu gyda pherfformwyr a'r criw ynghylch amrywiadau o ran safleoedd, symudiadau neu saethiadau cymhleth ar adegau priodol
16. ail-greu saethiadau, a gafodd eu cadarnhau yn ystod unrhyw ymarferion, yn ystod saethu  

17. recordio saethiadau defnyddiadwy gyda chyfansymiau derbyniol o ffilm cyn ac ar ôl saethu 

gofalu bod yr holl symudiadau camera, graddio a newidiadau ffocws arwahanol yn cydweithio  i gyflawni’r deilliannau dymunol

19. cydweithio gyda'r criw a'ch cydweithwyr cynhyrchu'n barhau

---

​

1. egwyddorion cyfansoddiad lluniau: sut i lunio lluniau o ran y siâp, llinell, gwead, arlliw, lliw a chymesuredd; a'u perthynas gyda'i gilydd, yn enwedig pan fo nhw'n berthnasol i luniau sy'n symud
2. sut mae safle'r camera, uchder y lens, y pellter o'r goddrych a safle ochrol yn effeithio ar fframiad a chyfansoddiad y saethiad
3. sut mae safle'r camera, ongl y lens a symudiadau'r camera yn effeithio ar bersbectif y saethiadau o ran màs, llinell, arlliw, gwead, lliw a pharalacs  
4. sut i gyflawni'r dyfnder maes gofynnol
5. pa gymhareb agwedd sydd ei angen ar gyfer y saethiad, a oes modd gweld y llun mewn unrhyw gymhareb neu gymarebau agwedd arall yn dilyn hynny a sut i addasu'r fframiad a chyfansoddiad i ystyried gwahanol gymarebau agwedd
6. sut i bennu'r cyfyngiadau a ellir eu gosod ar symudiadau'r camerâu a'r cyfarpar ategol
7. y problemau technegol neu ymarferol arfaethedig a all rwystro'r cyfansoddiad dymunol a sut gellir ymdrîn â'r rhain yn effeithiol
8. sut y caiff saethiadau eu gosod mewn trefn a sut mae trefn saethiadau yn effeithio ar gyfansoddiad pob llun unigol
9. sut i fframio saethiadau er mwyn caniatáu unrhyw gymysgiadau, toddiadau, disodliadau neu drosiadau eraill
10. sut allai prosesau labordy, ôl-gynhyrchu neu effeithiau cymysgu gweledol effeithio ar y fframiad a chyfansoddiad pan fo troslythreniadau neu sgriniau-hollt fel rhan o ddilyniannau
11. sut i fframio a llunio saethiadau a chynnal y llun wedi'i gyfansoddi drwy unrhyw gamera, goddrych neu symudiadau'r perfformwyr
12. pa onglau lensys (hyd ffocws) sy'n gweddu i wahanol fathau o symudiadau camera
13. sut mae llinell edrych y perfformwyr yn effeithio ar y cyfansoddiad a'r fframiad
14. lle i ganfod gwybodaeth am arddull y cynhyrchiad y cytunwyd arni ac awyrgylch arfaethedig y saethiad
15. pryd mae hi'n briodol i gyfathrebu gyda pherfformwyr ac eraill, un ai'n uniongyrchol neu drwy drydydd parti, yn ymwneud ag amrywiadau mewn safleoedd a symudiadau, i gyflawni'r cyfansoddiad gofynnol a sut i wneud hynny mewn ffordd adeiladol
16. sut i gyfathrebu gyda'ch cydweithwyr sy'n rhan o'r cynhyrchiad yn ystod saethiadau cymhleth i gyflawni'r saethiadau dymunol gan gynnwys saethiadau craen
17. yr holl ddulliau cyfredol o ymdrin â dilyniant gweledol 
18. yr holl fodelau camera, ategolion a lensys caiff eu defnyddio'n gyfredol ynghyd â hen fodelau
19. sut i glosio, newid ffocws a symudiadau camera arwahanol gan gynnwys panio, gwyro, craenio neu dracio
20. diben a buddion recordio ffilm cyn ac ar ôl saethu
21. goblygiadau gor-saethu ar yr amser amlyncu a golygu 
22. y ddeddfwriaeth iechyd a diogelwch cyfredol, asesiadau risg a'r cyfarwyddiadau a gweithdrefnau eraill ar gyfer ffyrdd diogel o weithio a phwy i gysylltu gyda nhw ynghylch y rhain
23. unrhyw ffactorau neu ofynion ynghylch technegau symudiadau camera a all effeithio ar yr amgylchedd saethu neu effeithio ar eich iechyd a diogelwch chi ac eraill

---

---

---

---

---

---

---

---

---

---

---

2024

---

Ar hyn o bryd

---

Gwreiddiol

---

ScreenSkills

---

SKSC28

---

Y Cyfryngau a Chyhoeddi, Y Celfyddydau, Y Cyfryngau a chyfathrebu, Gweithwyr Proffesiynol Cysylltiedig â’r Cyfryngau

---

3417

---

camera; mewnbwn artistig; lluniau symudol; gofynion y cynhyrchiad; agweddau artistig; llun; saethiad

---