Llunio rhaglenni chwaraeon a gweithgaredd corfforol yn y gymuned

​Mae'r safon yma'n disgrifio'r medrusrwydd mae ymarferwyr sy'n gweithio o fewn y gymuned ei angen ar gyfer llunio rhaglenni chwaraeon a gweithgaredd corfforol yn y gymuned. Byddwch yn cwrdd ag anghenion grwpiau cymunedol a chytuno ar y rheiny o'r rhaglen tra hefyd yn sicrhau cyfraniad gan gydweithwyr a gwirfoddolwyr. Gan ddefnyddio mewnwelediad, byddwch yn llunio rhaglen chwaraeon a gweithgaredd corfforol atyniadol ac arloesol i ddod â grwpiau cymunedol at ei gilydd ac elwa o fod yn weithgar.

Mae'r safon yma ar gyfer pob ymarferydd sy'n gweithio o fewn y gymuned.

​

1. cyfathrebu gyda'r gymuned, cydweithwyr a gwirfoddolwyr ar gyflymder, mewn ffordd ac ar lefel sy'n briodol i'w dealltwriaeth, hoffter ac anghenion
2. datblygu hinsawdd gymhellol gadarnhaol er mwyn cefnogi anghenion seicolegol a grymuso'r gymuned o ran gwneud penderfyniadau
3. defnyddio mewnwelediad i gefnogi datblygiad rhaglenni chwaraeon a gweithgaredd corfforol deniadol ac arloesol
4. nodi a herio rhagdybiaethau lle bo angen
5. nodi a hyrwyddo'r budd posibl gall chwaraeon a gweithgaredd corfforol eu cael ar grwpiau cymunedol ac unigolion
6. sicrhau bod gan y gymuned, cydweithwyr a gwirfoddolwyr ddealltwriaeth gywir o nodau'r rhaglen a sut maent yn cysylltu â'r amcanion cyffredinol
7. gweithio gyda'r cymunedau, cydweithwyr a gwirfoddolwyr i nodi anghenion, nodau ac amcanion y rhaglen
8. nodi rhwystrau posibl i bobl gymryd rhan a rhoi strategaethau priodol ar waith er mwyn lleihau'r perygl o bobl yn rhoi'r gorau iddi
9. llunio rhaglenni deniadol ac arloesol sy'n cymhwyso gweithgareddau a thechnegau priodol wedi eu cefnogi gan ymchwil a damcaniaethau addas sy'n benodol i anghenion, nodau ac amcanion y grŵp cymunedol
10. dod o hyd i ffynonellau cyllid perthnasol er mwyn cefnogi rhaglenni cymunedol
11. nodi adnoddau sydd eu hangen i gyflawni anghenion, nodau ac amcanion eu rhaglen
12. hwyluso grwpiau cymunedol i feddwl yn arloesol am yr adnoddau a'r asedau sydd ar gael iddynt
13. amlinellu system fonitro a gwerthuso i werthuso'r prosiect/rhaglenni
14. gweithredu o fewn rhychwant eich ymarfer ac yn unol â'r canllawiau
15. dilyn deddfwriaeth gyfredol, canllawiau, polisïau, gweithdrefnau a phrotocolau sy'n berthnasol i ymarfer eich gwaith ac y mae'n rhaid i chi gadw atynt

​

1. amrediad eang o offer cyfathrebu, strategaethau a thechnegau addas sy'n briodol i ddealltwriaeth, hoffter ac anghenion cymunedau, cydweithwyr a gwirfoddolwyr

2. pwysigrwydd grymuso'r gymuned i gymryd lefel o ymreolaeth ac annibyniaeth yn ei hanghenion, nodau ac amcanion

3. damcaniaethau perthnasol sy'n cefnogi hinsawdd gymhellol
4. pwysigrwydd hinsawdd gymhellol a'r effaith gaiff hyn ar grwpiau cymunedol
5. cymhwyso damcaniaethau perthnasol o ddatblygiad dynol a chymdeithasol, wrth gynllunio a llunio rhaglenni arloesol
6. y mathau o fewnwelediad yn ystod y cam datblygu a'u pwysigrwydd
7. sut i ddefnyddio mewnwelediad er mwyn datblygu rhaglenni addas
8. damcaniaethau o newid ymddygiad
9. pwysigrwydd edrych ar ragdybiaethau a'u herio er mwyn sicrhau newid effeithiol mewn ymddygiad
10. pwysigrwydd a manteision chwaraeon a gweithgaredd corfforol i unigolion a chymunedau
11. pwysigrwydd cydweithredu gyda'r gymuned, cydweithwyr a gwirfoddolwyr ynglŷn â gofynion y rhaglen
12. rhwystrau a chymhellyddion ar gyfer amrywiaeth o grwpiau cymunedol
13. egwyddorion llunio rhaglen
14. sut i lunio rhaglenni deniadol ac arloesol sy'n gynhwyol ar draws pob cymuned
15. amrywiaeth eang o ddulliau ar gyfer cwrdd ag anghenion, nodau ac amcanion yr unigolyn a'r gymuned
16. ffynonellau cyllido sydd ar gael ar gyfer cefnogi rhaglenni cymunedol
17. sut i ystyried y gofyn am adnoddau ac asedau sydd ar gael
18. systemau clir ar gyfer monitro a gwerthuso
19. rhychwant a chyfyngiadau eich medrusrwydd, cyfrifoldebau ac atebolrwydd chi eich hun fel ag y mae'n berthnasol i'ch swydd chi
20. deddfwriaeth gyfredol, canllawiau, polisïau, gweithdrefnau a phrotocolau sy'n berthnasol i ymarfer eich gwaith ac y mae'n rhaid i chi gadw atynt

​Mae’r safon yma’n cysylltu â SKAWWC2 and SKAWWC4