Cyflawni gwasanaeth ymgynghori triciolegol

​Mae'r safon yma yn cydfodoli â, SKAHDBRBNST1 Gweithredu a chynnal arferion gwaith diogel, glanwaith ac effeithiol. Mae'r safon yma'n ymwneud ag ymarferwyr sy'n darparu gwasanaeth ymgynghori triciolegol drwy ymchwilio, archwilio, dadansoddi a synthesis er mwyn rheoli a gwella cyflyrau o groen y pen a'r gwallt o fewn rhychwant eich maes ymarfer. Bydd gofyn i ddefnyddwyr y safon yma i adnabod, nodi, penderfynu'r etioleg a chyfeirio neu gymeradwyo triniaeth ar gyfer anhwylderau a chyflyrau o groen y pen a'r gwallt. Bydd angen i ddefnyddwyr y safon yma sicrhau bod eu harferion yn adlewyrchu'r wybodaeth, polisïau, gweithdrefnau a'r canllawiau arferion gorau diweddaraf. Caiff defnyddwyr y safon yma eu cynghori i fod yn ymwybodol o, a chydymffurfio â, gofynion cymorth cyntaf, yn unol â deddfwriaeth a pholisïau a gweithdrefnau.

1. cadw at eich cyfrifoldebau am iechyd a diogelwch cyn, yn ystod ac ar ôl y gwasanaeth ymgynghori triciolegol yn unol â deddfwriaeth, rheoliadau, cyfarwyddebau a chanllawiau, i gynnwys:

1.1 cyfrifoldebau dros blant dan oed ac oedolion bregus

2. gwneud ymgynghoriad cryno a chynhwysfawr ac asesiad cychwynnol a/neu adolygiad gyda'r unigolyn er mwyn ffurfio cofnod ymchwilio triciolegol, i gynnwys:

2.1 cydsyniad gwybodus

2.2 y pryderon, arwyddion a'r symptomau a brofir gan yr unigolyn

2.3 disgwyliadau a chanlyniadau disgwyliedig yr unigolyn

2.4 hanes meddygol cyfredol, meddyginiaeth a chyflyrau sydd wedi eu datguddio

2.5 gwrtharwyddion cymharol a llwyr

2.6 hanes triniaeth o'r gwallt a chroen y pen a'r defnydd o gynnyrch

2.7 maethiad ac ymborth

2.8 ffordd o fyw

2.9 ysteried lles corfforol a seicolegol yr unigolyn

2.10 dewisiadau posibl ar gyfer triniaeth

3. egluro'r broses ymchwilio a'r gweithdrefnau ymchwilio perthnasol, i gynnwys:

3.1 sicrhau dealltwriaeth yr unigolyn a chael cydsyniad gwybodus ar gyfer gweithdrefnau ymchwilio sydd wedi eu cymeradwyo  

4. cyflawni'r gweithdrefnau ymchwilio perthnasol yn unol ag amcanion gwasaanaeth yr unigolyn, polisïau a gweithdrefnau cyfundrefnol a'r protocol ymgynghori triciolegol

5. monitro iechyd a lles yr unigolyn drwy gydol y gweithdrefnau ymchwilio

6. cofnofi'r canlyniadau gwasanaeth triciolegol a delweddau gweledol a'u cadw yn unol â deddfwriaeth data, gofynion yswiriant a pholisïau a gweithdrefnau cyfundrefnol 

7. dadansoddi a dehongli canlyniadau'r gweithdrefnau ymchwilio a gyflawnir er mwyn cadarnhau cyflwr croen pen a/neu wallt yr unigolyn a gwneud penderfyniad wedi ei hysbysu, i gynnwys:

7.1 sylfaen y dystiolaaeth sydd ar gael

8. adolygu, arsylwi a chymharu cynnydd cyflwr croen y pen a'r gwallt yn ôl y gofyn

9. ystyried addasiadau i'r cynllun rheolaeth

10. egluro a chyfathrebu'r canfyddiadau gyda'r unigolyn

11. trafod y dewisiadau ar gyfer y cynllun rheoli ar gyfer anhwylder a chyflwr croen y pen a/neu’r gwallt, i gynnwys:

11.1 y driniaeth(au)

11.2 cyfeirio at bobl broffesiynol eraill lle bo hynny'n briodol

11.3 cyngor ar ofalu am groen y pen a'r gwallt

11.4 cyngor yn ymwneud â maethiad ac ymborth hanfodol

11.5 y strwythurau taliadau

11.6) dewis(iadau) amgen ar gyfer gwasanaeth

11.7 caniatau amser i'r unigolyn i wneud dewis gwybodus

12. ffurfio a chytuno ar gynllun rheoli sydd wedi ei wneud yn bwrpasol ar gyfer yr unigolyn:

12.1 crynodeb o'r cyngor a'r argymhellion gan gynnwys triniaeth(au) sydd wedi eu hargymhell

12.2 diweddaru cofnodion gwasanaeth triciolegol yr unigolyn a'u cadw yn unol â deddfwriaeth data

12.3 cyfeiriad ffurfiol at rywun proffesiynol perthnasol er mwyn rhagor o ymchwiliad, profion a/neu driniaeth

13. defnyddio arfer adfyfyriol er mwyn gwerthuso'r gwasanaeth triciolegol a chymryd camau priodol

14. cytuno ar apwyntiadau amserol er mwyn arsylwi cynnydd cyflwr croen y pen a/neu'r gwallt yn unol â'r cynllun rheoli sydd wedi ei wneud yn bwrpasol ar gyfer yr unigolyn

​1. pwysigrwydd cydweithredu gyda phobl broffesiynol gymwys er mwyn cefnogi arferion gwaith effeithiol a diogel

2. pwysigrwydd ymwneud â a dogfennu datblygiad proffesiynol parhaus, polisïau gwybodaeth, gweithdrefnau a chanllawiau arfer gorau wedi eu diweddaru

3. eich swyddogaeth a’ch cyfrifoldebau o ran cyflawni gwasanaethau ymgynghori triciolegol a phwysigrwydd gweithio o fewn eich gallu, i gynnwys:

3.1 eich lles corfforol a seicolegol a sut y gall hyn effeithio ar y ddarpariaeth o wasnaaeth ymgynghori triciolegol 

4. pam ei bod yn rhaid i chi gydymffurfio gydag arfer foesegol a gweithio o fewn y gofynion deddfwriaethol

5. y cyfrifoldebau o dan reolau trwyddedu'r awdurdod lleol drosoch chi eich hunan a'ch adeiladau

6. yr anatomeg a'r ffisioleg a gwyddorau cysylltiol sy'n berthnasol i'r safon yma

7. y gwrtharwyddion cymharol a llwyr sy’n berthnasol i wasnaethau triciolegol  

7.1 y gofynion deddfwriaethol ac yswiriant ar gyfer cael diagnosis a chyfeirio meddygol

7.2 sut a phryd i gyfathrebu a/neu gyfeirio at bobl broffesiynol o fewn ac oddi allan i'r maes gofal iechyd

8. y cyflyrau triciolegol cyffredin a gaiff eu cyflwyno a'u potensial ar gyfer triniaethau ffarmacolegol cysylltiedig

9. y ffactorau cynhenid ac anghynhenid sy'n dylanwadu ar gyflwr y gwallt, tŵf y gwallt a chroen y pen

10. y mathau a'r etiolegau o
10.1 afiechydon y croen

10.2 anhwylderau a chyflyrau'r croen
10.3 anhwylderau a chyflyrau o strwythur y gwallt gweladwy

10.4 anhwylderau colli gwallt
10.5 cyflyrau meddygol

11. pathogenesis o anhwylderau strwythur y gwallt gweladwy, tŵf y gwallt a chroen y pen

12. pwysigrwydd adnabod nodweddion afreolaidd o'r croen a niwed i groen y pen  a'u cyfeirio i rywun  proffesiynol perthnasol ym maes iechyd

13. y cyfrifoldebau iechyd a diogelwch yn unol â deddfwriaeth cyn, yn ystod ac ar ôl y gwasanaeth ymgynghori triciolegol

14. pam ei bod yn bwysig trafod a sefydlu amcanion yr unigolyn, pryderon ynghylch y gwallt a chroen y pen, disgwyliadau a'r canlyniadau a ddymunir, er mwyn cael y wybodaeth ar gyfer y gwasanaeth ymgynghori triciolegol

15. y gofynion cyfreithiol ar gyfer darparu gwasanaethau ymgynghori triciolegol a chynlluniau rheolaeth a argymhellir ar gyfer plan o dan oed ac oedolion bregus

16. y damcaniaethau cymdeithasol ddiwylliannol ynglŷn â delwedd y corff a newid ymddygiad iechyd sy'n ymwnud â chroen y pen a'r gwallt, i gynnwys:

16.1 y gefnogaeth sydd ar gael

16.2 sut i gyfathrebu mewn modd sensitif gyda'r unigolyn drwy gydol y gwasanaeth ymgynghori triciolegol

17. pwysigrwydd cadw at y protocol gwasanaeth triciolegol

18. y gweithdrefnau ymchwilio a ddefnyddir mewn gwasanaethau ymgynghori triciolegol a sut i'w cyflawni

19. sut i ddehongli canlyniadau o weithdrefnau ymchwilio

20. sut i adolygu a monitro datblygiad anhwylderau a chyflyrau o groen y pen a/neu'r gwallt

21. rhan ymarfer sy'n seiliedig ar dystiolaeth

22. sut mae’r asesiad cychwynnol, y sail tystiolaeth sydd ar gael a chanlyniadau’r weithdrefn ymchwio, gyda’i gilydd yn darparu gwybodaeth ar gyfer cynllun rheolaeth sydd wedi ei wneud yn bwrpasol 

23. y defnydd o raddfeydd priodol er mwyn asesu a dosbarthu o fewn gweithdrefnau ymchwlio triciolegol

24. y dewisiadau ar gyfer y cynllun rheoli a thriniaeth*(au) ***

25. y ffyrdd y gellir gwella a rheoli anhwylderau a chyflyrau o groen y pen a'r gwallt

26. yr amrediad o ddewisiadau cuddliwio sydd ar gael ar hyn o bryd

27. y dosbarthiadau mwyaf o faetholion a sut maent yn effeithio ar iechyd croen y pen, y gwallt a thŵf y gwallt

28. y triniaethau, gweithdrefnau a'r cyngor sy'n gysylltiedig â gwasanaethau triciolegol

29. cyfansoddiad cemegol ac effeithiau cynnyrch a gaiff eu defnyddio o fewn gwasanaethau triciolegol sydd yn cael eu hargymhell

30. diben, defnydd a chynnal  a chadw offer a chyfarpar a ddefnyddir o fewn gwasanaeth ymgynghori triciolegol 

31. yr effeithiau niweidiol y gall cemegolion a chynnyrch prosesu’r gwallt eu cael ar y gwallt a chroen y pen i gynnwys:

31.1 alergeddau a sensitifeddau

31.2 diraddiad o strwythur y gwallt gweladwy

32. pwysigrwydd trafod a chael cytundeb ynglŷn â’r cynllun rheolaeth sydd wedi ei gymeradwyo, i gynnwys:

32.1 y strwythurau taliadau

32.2 gallu'r unigolyn i ddeall y wybodaeth

32.3 caniatau digon o amser i'r unigolyn wneud penderfyniad wedi ei hysbysu

32.4 rheoli disgwyliadau'r unigolyn

32.5 y sylfaen dystiolaeth sydd ar gael

33. pwysigrwydd monitro iechyd a lles yr unigolyn yn ystod ac ar ôl y gwasanaeth ymgynghori triciolegol

34. y gofynion deddfwriaethol, rheoleiddiol a digollediad ar gyfer darparu gwasanaeth ymgynghori triciolegol i gynnwys:

34.1 cwblhau a chadw cofnodion gwasanaeth yr unigolyn

34.2 cymryd a chadw cofnodion gweledol o fan triniaeth yr unigolyn

34.3 archwilio ac atebolrwydd

34.4 hawliau'r unigolyn

34.5 cydsyniad wedi ei hysbysu ar gyfer y gwasanaeth ymgynghori triciolegol a gweithdrefnau ymchwilio

35. diben ymarfer adfyfyriol a gwerthuso a'r modd y mae'n darparu gwybodaeth er mwyn gwella darpariaeth y gwasanaeth yn y dyfodol

​Gweithdrefnau Ymchwilio

      1. archwilio'r gwallt a chroen y pen drwy edrych arnynt ac â llaw
      2. y defnydd o dricoscopeg
      3. meicroscopeg gyda golau o strwythur y gwallt gweladwy
      4. diflewiad
      5. delweddau gweledol
      6. prawf tynnu
      7. asesu mandylledd
      8. asesu hydwythedd
      9. dwysder a mesuriadau'r gwallt
      10. y defnydd o raddfeydd/sgorisu cydnabyddiedig 

Cyfryngau Gweledol

1. ffotograffig
2. fideo, gan gynnwys recordiadau o gyfathrebu arlein

​

Gwrtharwydd llwyr

* *Mae gwrtharwydd llwyr yn gyflwr sy'n rhwystro'r gwasanaeth rhag cael ei gyflawni ac a all fod angen cael ei gyfeirio.

 Adwaith niweidiol

Adwaith niweidiol yw adwaith 'annisgwyl' neu ganlyniad yn dilyn gwasanaeth e.e. llewygu

 Etioleg

Gellir hefyd alw etioleg y nachos neu reswm a gyflwr o'r gwallt neu groen y pen

 Gwrth weithred

Gwrth weithred yw adwaith neu ganlyniad 'disgwyliedig' yn dilyn gwasanaeth, e.e. erythema

Ymarfer wedi ei seilio ar dystiolaeth

Mae ymarfer wedi ei seilio ar dystiolaeth yn seiliedig ar y dystiolaeth orau cyfredol, dilys a pherthnasol sydd ar gael.

 Cymorth Cyntaf

Gall cymorth cyntaf gyfeirio at gymwysterau cymorth cyntaf yn y gwaith neu ei gyffelyb neu ymwybyddiaeth o gymorth cyntaf iechyd meddyliol.

 Colli gwallt ac anhwlylderau’r gwallt gweladwy

Protocol

Protocol yw gweithdrefn safonol er mwyn sicrhau arfer gorau a chydymffurfiad pan yn darparu gwasanaethau h.y. dilyn cyfarwyddiadau'r gwneuthurwr.

 Graddfeydd

Caiff graddfeydd eu defnyddio i fesur datblygiad colli gwallt. Gall y raddfa Hamilton Norwood fod yn enghraifft o hyn

Anhwylderau croen y pen

Mae anhwylderau croen y pen yn deillio o ffynhonell gynradd neu eilaidd Cant eu categoreiddio fel llidiol, anllidiol, presenoldeb anafiadau ar y croen, haint a/neu bla.

Gwrtharwydd cymharol

Gwrtharwydd cymharol yw cyflwr sy'n gofyn am asesiad o addasrwydd ar gyfer y gwasanaeth a/neu os oes angen addasiadau.

*
*

​SKAHDBRBNST1 SKATCS1 SKAHDBRBNST2 SKAHDBRBNST3 SKAHDBRBNT1 SKANSC7 SKABA4 SKABA8