Cynorthwyo gyda gweithrediadau sba

​Mae'r safon hon yn ymwneud â chynorthwyo gweithrediadau sba dan gyfarwyddyd a goruchwyliaeth aelod uwch o staff. Byddwch yn sefydlu, gwirio a chynnal cyflwr cyffredinol a gwedd ystod eang o ardaloedd sba. Bydd hyn yn cynnwys glanhau, ail-lenwi adnoddau, paratoi a chau ardaloedd gwaith i lawr, profi dŵr a chynnal cyfleusterau lletygarwch cleientiaid.

Er mwyn cynnal y safon hon bydd angen i chi gynnal iechyd, diogelwch a hylendid effeithiol trwy gydol eich gwaith.  Bydd angen i chi hefyd gynnal eich ymddangosiad personol a dangos sgiliau cyfathrebu effeithiol.

Prif ganlyniadau'r safon hon yw:

1. cynnal dulliau diogel ac effeithiol wrth gynorthwyo gyda gweithrediadau sba

2. glanhau a pharatoi ardaloedd gwaith sba

3. gwirio a chynnal ardaloedd gwaith sba

4. cau ardaloedd gwaith sba i lawr​

​Cynnal dulliau diogel ac effeithiol wrth gynorthwyo gyda gweithrediadau sba

1. cynnal eich cyfrifoldebau dros iechyd a diogelwch trwy gydol eich gwaith

2. dilyn cyfarwyddiadau uwch aelod o staff a cheisio cymorth yn ôl yr angen

3. sicrhau bod eich hylendid, amddiffyniad ac ymddangosiad personol yn bodloni gofynion derbyniol y diwydiant a'r sefydliad

4. defnyddio dulliau gwaith sy'n isafu ar risg o groes-heintio a niwed neu anaf i chi'ch hun ac eraill

5. dilyn cyfarwyddiadau'r gwneuthurwr a gofynion sefydliadol ar gyfer defnyddio offer, cynnyrch a deunyddiau

6. cael gwared ar ddeunydd gwastraff i fodloni gofynion cyfreithiol

Glanhau a pharatoi ardaloedd gwaith sba

7. paratoi a darparu ardaloedd gwaith i fodloni gweithdrefnau sefydliadol

8. defnyddio deunyddiau a dulliau glanhau sy'n benodol i ardaloedd gwaith

9. cyflawni gweithrediadau glanhau ar gyfer ardaloedd gwaith ar y cyfnodau gofynnol

10. sicrhau bod amodau amgylcheddol yn addas i'r cleient a'r driniaeth

11. gadael yr offer ac ardaloedd gwaith mewn cyflwr glân a hylan sy'n addas ar gyfer defnydd

Gwirio a chynnal ardaloedd gwaith sba

12. gwirio offer a chyflwr ardaloedd gwaith ar y cyfnodau gofynnol

13. cynnal cyflenwadau o adnoddau a deunyddiau trwy gydol y diwrnod gwaith

14. cynorthwyo gyda phrofion dŵr a thymheredd yn ystod y cyfnodau gofynnol

15. gwirio lles y cleient yn rheolaidd yn unol â pholisi sefydliadol

16. sicrhau bod cofnodion gweithredol y sba yr ydych yn gyfrifol amdanynt yn gyfredol, yn unol â gweithdrefnau sefydliadol

Cau ardaloedd gwaith sba i lawr

17. sicrhau bod offer ac ardaloedd gwaith mewn cyflwr addas ar gyfer triniaethau yn y dyfodol

18. cynorthwyo gydag offer a chau ardaloedd gwaith i lawr

19. sicrhau bod ardaloedd triniaeth sba yn cael eu cau i lawr i foddhad yr aelod perthnasol o staff​

​Cynnal dulliau diogel ac effeithiol wrth gynorthwyo gyda gweithrediadau sba

1. eich cyfrifoldebau dros iechyd a diogelwch fel y diffinnir gan unrhyw ddeddfwriaeth ac is-ddeddfau lleol penodol sy'n berthnasol i'ch swydd

2. pam mae hi'n bwysig dilyn cyfarwyddiadau uwch aelod o staff a chanlyniadau peidio â gwneud hynny

3. eich cyfrifoldebau a rhesymau dros gynnal eich hylendid, amddiffyniad ac ymddangosiad personol eich hun yn unol â gofynion derbyniol y diwydiant a'r sefydliad

4. y math o offer amddiffynnol personol y dylid gwisgo ar gyfer gweithrediadau sba a pham ei bod yn bwysig defnyddio offer amddiffynnol personol

5. cyfarwyddiadau'r gwneuthurwr a gofynion sefydliadol ar gyfer defnyddio offer, cynnyrch a deunyddiau

6. y rhesymau dros gynnal safonau hylendid ac osgoi croes-heintio

7. y gofynion cyfreithiol a sefydliadol ar gyfer cael gwared ar wastraff

Glanhau a pharatoi ardaloedd gwaith sba

8. y cyfundrefnau glanhau y mae'n rhaid eu dilyn mewn ardaloedd gwaith sba i osgoi lledaenu heintiau

9. y mathau o ddeunyddiau glanhau ac offer y mae'n rhaid eu defnyddio ar gyfer y gwahanol ardaloedd sba

10. yr amodau amgylcheddol sy'n angenrheidiol ar gyfer ardaloedd gwaith sba a pham mae'r rhain yn bwysig

11. y tymereddau gweithredu a lefelau lleithder a argymhellir ar gyfer ardaloedd gwlyb a thriniaeth

12. y mathau o gyfarwyddiadau ysgrifenedig y mae'n rhaid eu gosod mewn ardaloedd gwaith sba

13. sut i brofi a dehongli canlyniadau crynodiadau dŵr a chemegau

14. y prif fathau o heintiau a gludir yn yr aer ac mewn dŵr sy'n gallu effeithio ar amgylcheddau a chleientiaid y sba

Gwirio, cynnal a chau ardaloedd gwaith sba i lawr

15. y gwiriadau offer sy'n ofynnol ar gyfer ardaloedd gwaith sba

16. pwysigrwydd cynnal lefelau stoc yn rheolaidd ac adrodd unrhyw ofynion ail archebu

17. lefelau cynhwysedd cleientiaid ar gyfer ardaloedd gwlyb

18. pwysigrwydd gwirio lles cleientiaid yn rheolaidd

19. peryglon posibl camddefnydd o gemegau ac offer

20. pwysigrwydd yfed dŵr yn rheolaidd yn ystod triniaethau sba i staff a chleientiaid

21. yr amserau triniaeth sba a argymhellir ar gyfer ardaloedd gwlyb a'r risgiau posibl wrth ragori arnynt

22. adweithiau posibl a allai ddigwydd yn ystod sesiynau triniaethau sba a sut i ddelio â hwy

23. y gofynion cyfreithiol a sefydliadol ar gyfer cau ardaloedd triniaeth sba i lawr a chwblhau cofnodion gweithredol yr ydych yn gyfrifol amdanynt​

​Ardaloedd gwaith

1. ardaloedd gwlyb

2. ardaloedd triniaeth

3. ystafelloedd newid

4. ardaloedd ymlacio

5. ardaloedd gwasanaethau​

​Iechyd a diogelwch

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau Peryglus i Iechyd (COSHH)

7. Rheoliadau Trydan yn y Gweithle

8. Deddf Diogelu'r Amgylchedd

9. Y Rheoliadau Rheoli Iechyd a Diogelwch yn y Gweithle

10. Rheoliadau Iechyd a Diogelwch (Gwybodaeth i Gyflogeion)

Amodau amgylcheddol

1. golau

2. gwres

3. awyru

4. cysur cyffredinol

Adweithiau**

1. teimlo'n wan

2. pwys

3. llid y croen

4. cur pen​

​Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd hyblyg i weithio

3. gweithiwr tîm

4. agwedd bositif

5. moeseg bersonol a phroffesiynol​

​Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiad hwn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. esbonio'n glir wrth y cleient os na ellir bodloni eu hanghenion neu'u disgwyliadau am unrhyw reswm

10. cynnal dulliau gwaith effeithiol, glân a diogel

11. cadw at gyfarwyddiadau'r gweithle, y cyflenwyr a'r cynhyrchwyr wrth ddefnyddio cyfarpar, deunyddiau a chynnyrch yn ddiogel

12. bodloni safonau ymddangosiad y sefydliad a'r diwydiant​

​Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a di-eiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

6. rhoi gwybodaeth y mae ei hangen ar gleient am wasanaethau a chynnyrch a gynigir gan y sefydliad​

​Adweithiau

Adweithiau negyddol i'r driniaeth neu gynnyrch megis cochni gormodol, adweithiau alergaidd.

Gwrtharwyddion

Amodau neu gyfyngiadau sy'n nodi na ddylid cynnal gwasanaeth penodol.

Croes-heintio

Trosglwyddo micro-organebau trwy arferion hylendid gwael trwy gyswllt uniongyrchol gydag unigolyn arall neu gyswllt anuniongyrchol trwy offer a chyfarpar wedi'u heintio.

Diheintio

Atal twf micro-organebau (ac eithrio sborau) sy'n achosi salwch gan ddefnyddio cyfryngau cemegol.

Glanhau dwylo

Glanhau neu olchi dwylo i lefel antiseptig er mwyn atal twf bacteria.

Gofynion cyfreithiol

Mae hyn yn cyfeirio at y cyfreithiau sy'n effeithio ar y ffordd y mae busnesau yn gweithredu, sut mae'r salon neu'r gweithle yn cael ei sefydlu a'i gynnal, pobl sy'n cael eu cyflogi a'r systemau gwaith y mae'n rhaid eu cynnal. Ymhlith yr enghreifftiau y mae rheoliadau COSHH, Rheoliadau Trydan yn y Gweithle a'r Rheoliadau Cynnyrch Cosmetig (Diogelwch).

Cyfarwyddiadau'r cynhyrchwyr

Arweiniad a gyhoeddir gan gynhyrchwyr neu gyflenwyr cynnyrch neu gyfarpar yn ymwneud â'u defnydd diogel ac effeithiol.

Cyfarpar diogelu personol (PPE)

Mae'n ofynnol i chi ddefnyddio a gwisgo cyfarpar neu ddillad diogelu personol wrth ddefnyddio neu weithio gyda chemegau megis ar gyfer glanhau neu ddelio â gwastraff peryglus. Mae menig a ffedog diogelu yn ofyniad cyffredin ar gyfer y mathau hyn o weithgareddau.

Cyflwyniad personol

Mae hyn y​n cynnwys hylendid personol; defnyddio cyfarpar amddiffyn personol; dillad ac ategolion sy'n addas i'r gweithle penodol.

Ardal ymlacio

Ystafell neu ardal yn y sba sy'n caniatáu amser i'r cleient ymlacio, gorffwys ac oeri rhwng triniaethau mewn amgylchedd diogel. Mae'r ardal hon yn gadael i'r cleientiaid yfed dŵr/hylifau i ail hydradu'r corff a darllen yn dawel.

Sterileiddio

Dulliau glanhau a ddefnyddir er mwyn dinistrio micro-organebau yn llwyr.