Cyfrannu at ddatblygu a chynnal cysylltiadau a phartneriaethau gyda plant, pobl ifanc ac eraill yn y lleoliad gwaith chwarae
Trosolwg
Mae a wnelo’r safon hon â datblygu perthynas gyda plant, pobl ifanc ac eraill sy’n defnyddio’r lleoliad gwaith chwarae.
Prif ddeilliannau’r safon hon ydy:
- gweithio ac ymwneud gyda phlant a phobl ifanc
- gweithio ac ymwneud gyda phobl eraill
Mae’r safon hon ar gyfer gweithwyr chwarae sy’n gweithio’n uniongyrchol gyda phlant a phobl ifanc yng nghyd-destun gwaith chwarae gyda’r prif fwriad o ddarparu cyfleoedd chwarae i blant a phobl ifanc y medran nhw eu dewis o’u gwirfodd a’u cymhelliad eu hunain. Mae’r safon ar gyfer staff nad ydyn nhw’n llwyr gyfrifol am y lleoliad chwarae ond sy’n gwneud cyfraniad allweddol i gefnogi chwarae.
*Mae’r safon hon yn ategol i’r ddogfen Egwyddorion Gwaith Chwarae. Mae angen i weithwyr chwarae fod yn gyfarwydd â’r rhain, a lle bo’n bosib, eu defnyddio wrth eu gwaith ac wrth adlewyrchu. *
Meini prawf perfformiad
Mae'n rhaid eich bod chi'n gallu:
Gweithio ac ymuned gyda phlant a phobl ifanc
ymateb i gwestiynau, syniadau ac argymhellion plant a phobl ifanc
helpu plant a phobl ifanc i wneud dewisiadau drostyn nhw eu hunain
helpu plant a phobl ifanc i sefydlu a chynnal perthynas yn y lleolid gwaith chwarae
helpu pob plentyn a pherson ifanc i gyfathrebu’n effeithiol gyda’i gilydd
cyfleu i blant a phobl ifanc fod pawb yn wahanol ac o bosib yn gweld pethau mewn ffordd wahanol iddyn nhw
- helpu plant a phobl ifanc i gytuno ynglŷn â sut maen nhw’n ymwneud â phobl eraill
- cefnogi plant a phobl ifanc sy’n wynebu newidiadau a sefyllfaoedd sy’n effeithio ar eu hymddygiad a’u perthynas.
- cefnogi plant a phobl ifanc sydd wedi eu heffeithio gan ymddygiad plant a phobl ifanc eraill
- annog a chefnogi plant â phobl ifanc i ymdrin eu hunain â gwrthdaro
Gweithio ac ymwneud ag eraill
- ceisio sefydlu perthynas weithio gydag erail*l*, o fewn ffiniau eich swyddogaeth
- cyfnewid gwybodaeth gydag eraill mewn ffyrdd sy’n cwrdd â’u hanghenion
- darparu gwybodaeth i bobl eraill yn unol â pholisïau a threfniadau’ch mudiad
- trosglwyddo gwybodaeth ynglŷn â phobl neu fudiadau eraill yn unol â pholisïau a threfniadau’ch mudiad
- trafod penderfyniadau a gweithgareddau gyda phobl a mudiadau eraill ac ystyried eu sylwadau
- adnabod ac ymateb i swyddogaethau, cyfrifoldebau, diddordebau a phryderon pobl eraill
- ymateb i sefyllfaoedd, anghytundeb, neu gwynion gan eraill yn unol â pholisïau a threfniadau’ch mudiad amserlen waith
- manteisio ar gyfleoedd i annog datblygiad gwaith chwarae er mwyn dal gafael ar weithwyr eraill
- hyrwyddo chwarae a gwaith chwarae i bobl eraill
- anrhydeddu cytundebau wedi eu gwneud ag eraill a rhoi gwybod iddyn nhw beth sy’n digwydd
- rhoi gwybod i eraill am unrhyw anawsterau mawr neu os bydd hi’n amhosib anrhydeddu cytundeb
- adnabod ac adrodd ynglŷn ag gwrthdaro buddiannau neu unrhyw anghydfod ag eraill, yn unol â pholisïau a threfniadau’ch mudiad
- cyfeirio eraill at wasanaethau, asiantaethau neu weithwyr proffesiynol eraill a all fod o ddiddordeb iddyn nhw, yn unol â pholisïau a threfniadau’ch mudiad
Gwybodaeth a Dealltwriaeth
You need to know and understand:
Gweithio ac ymwneud â phlant a phobl ifanc
- yr Egwyddorion Gwaith Chwarae sy’n rhan o fframwaith proffesiynol a moesegol gwaith chwarae a sut mae modd cymhwyso pob un o’r egwyddorion i’ch gwaith chi
- sut i wrando’n fanwl ac ymateb i gyfathrebu geiriol ac di-eiriau
- heriau cyfathrebu a sut i’w goresgyn
- y gwahanol ddulliau cyfathrebu mae modd eu defnyddio gyda phlant a phobl ifanc
- sut i ymateb i gwestiynau, syniadau ac awgrymiadau plant a phobl ifanc
- bod angen i blant a phobl ifanc benderfynu eu hunain gyda phwy maen nhw’n chwarae, a sut i hwyluso hyn
- fod plant a phobl ifanc yn datblygu gwytnwch drwy dderbyn ac ymdopi â’u cyfyngiadau a’u methiannau, a sut i hwyluso hyn.
- sut mae modd i bresenoldeb oedolion weithiau lesteirio annibyniaeth plant a phobl ifanc a sut maen nhw’n dod i benderfyniad
- fod pob plentyn a pherson ifanc yn wahanol
- fod plant a phobl ifanc yn aml yn gweld y byd mewn ffordd wahanol i oedolion
- pwysigrwydd peidio â rhagdybio
- sut i feithrin perthynas gyda phlant a phobl ifanc sy’n seiliedig ar onestrwydd, parch ac ymddiriedaeth
- sut i annog amrywiaeth a sicrhau fod pawb yn cael eu cynnwys
- sut i helpu plant a phobl ifanc i barchu teimladau a safbwyntiau pobl eraill a sut i hwyluso hyn
- y profiadau, y sefyllfaoedd a'r newidiadau, o fewn a’r tu allan i’r lleoliad gwaith chwarae, sy’n effeithio ar berthynas ac ymddygiad plant a phobl ifanc
- ffyrdd o gefnogi plant a phobl ifanc sydd wedi eu heffeithio gan ymddygiad pobl eraill
- sut i gefnogi plant i ymdrin eu hunain â gwrthdaro, a pham bod hyn yn bwysig
Gweithio ac ymwneud â phobl eraill
- pam ei bod hi’n bwysig datblygu perthynas onest, agored a ffyddiog gyda phobl eraill
- sut i sefydlu a chynnal perthynas waith gyda phobl eraill
- anghenion gwahanol pobl eraill wrth gyfnewid gwybodaeth
- polisïau, gweithdrefnau a gofynion eich mudiad o ran cyfrinachedd a gwarchod data
- y mathau o wybodaeth sydd ei hangen i alluogi pobl eraill i gefnogi anghenion plant a phobl ifanc a sut i ddarparu hynny, gan gadw mewn cof lles pennaf y plentyn a / neu’r person ifanc.
- sut i penderfyniadau a gweithgareddau gyda phobl eraill ac ystyried eu safbwyntiau
- swyddogaethau, cyfrifoldebau, diddordebau a phryderon posib pobl eraill
- materion sy’n effeithio ar rieni a gofalwyr
- sut i adnabod anawsterau cyfathrebu gydag eraill a strategaethau mae modd eu defnyddio i oresgyn y rhain
- polisïau a gweithdrefnau eich mudiad mewn perthynas a materion, anghydfodau neu gwynion gan bobl eraill
- cadw staff a datblygu polisïau a gweithdrefnau
- sut i hyrwyddo chwarae a gwaith chwarae i bobl eraill
- pwysigrwydd anrhydeddu cytundebau gyda phobl eraill a thrafod gyda nhw
- sut a phryd i roi gwybod i bobl eraill am unrhyw anawsterau mawr neu achosion lle bydd hi’n amhosib anrhydeddu cytundebau
- sut a phryd i adrodd am wrthdaro buddiannau ac anghytundebau gydag eraill
- gwasanaethau, asiantaethau a gweithwyr proffesiynol eraill y gllai pobl eraill eu cael yn ddefnyddiol a phryd i’w cyfeirio atyn nhw
- eich medrau a’ch cymwyseddau o ran gweithio gyda phlant, pobl ifanc a phobl eraill a chyfyngiadau hyn
Cwmpas/ystod
Cwmpas Perfformiad
Eraill
1. staff
2. ymwelwyr
3. rhieni a / neu ofalwyr
Gwybodaeth (dim llai na 3 allan o 5)
1. ynglŷn â chwarae a gwaith chware
2. ynglŷn â phrofiadau’r plant a’r bobl ifanc
3. ynglŷn â’r cyfleoedd sydd ar gael yn y lleoliad gwaith chwarae
4. ynglŷn â gwerthoedd a gweithdrefnau cytunedig
5. ynglŷn â ffyrdd mae modd cynnwys rhieni a gofalwyr yn y
lleoliad gwaith chwarae
Safbwyntiau (PC14)
1. blaenoriaethau
2. disgwyliadau
3. agweddau tuag at risgiau posib
Materion (dim llai na 3 allan o 4)
1. cymdeithasol
2. diwylliannol
3. addysg
4. pwysau economaidd
Gwybodaeth Cwmpas
Heriau
1. diwylliannol
2. cymdeithasol
3. corfforol
4. emosiynol
5. datblygol
Ffyrdd o gyfathrebu
1. ieithoedd confensiynol
2. ieithoedd anghonfensiynol
3. cyfathrebu di-eiriau
Materion (KU15)
1. cymdeithasol
2. diwylliannol
3. addysg
4. pwysau economaidd
Eraill
1. staff
2. ymwelwyr
3. rhieni a / neu ofalwyr
Safbwyntiau
1. blaenoriaethau
2. disgwyliadau
3. agweddau tuag at risgiau posib
Gwerthoedd
Mae'r Gweithwyr Chwarae oedd yn rhan o ysgrifennu'r safon hon, law yn llaw â SkillsActive, wedi cytuno i fabwysiadu'r canlynol fel y gwerthoedd fydd yn berthnasol i bawb sy'n gweithio yn y sector gwaith chwarae.
Egwyddorion Gwaith Chwarae
Mae'r Egwyddorion hyn yn sefydlu fframwaith proffesiynol a moesegol ar gyfer gwaith chwarae ac yn hynny o beth fe ddylid eu hystyried yn eu cyfanrwydd. Maen nhw'n disgrifio yr hyn sy'n unigryw am chwarae a gwaith chwarae, ac yn rhoi sylw i waith chwarae yng ngoleuni gweithio gyda phlant a phobl ifanc. Mae'r safonau yn seiliedig ar yr adnabyddiaeth y bydd modd i blant a phobl ifanc ddatblygu'n well os cawn nhw'r dewis ehangaf posib o gyfleoedd chware a mannau i chwarae ynddyn nhw.
Mae angen i bob plentyn a pherson ifanc chwarae. Mae chwarae yn rhywbeth greddfol a chynhenid. Mae chwarae yn anghenraid biolegol, seicolegol a chymdeithasol, ac mae'n hanfodol i les a datblygiad pobl a chymunedau.
Mae chwarae yn broses wirfoddol, bersonol ac yn cael ei wneud er ei fwyn ei hun. Hynny ydy, mae plant a phobl ifanc yn penderfynu ac yn siapio sut a pham maen nhw'n chwarae, drwy ddilyn eu cyneddfau, eu syniadau a'u diddordebau eu hunain, yn eu ffordd eu hunain ac am eu rhesymau eu hunain.
Prif amcan a hanfod gwaith chwarae ydy cefnogi a hwyluso'r broses o chwarae. Dylai hyn ddylanwadu ar ddatblygiad polisiau, strategaethau, hyfforddiant ac addysg yn ymwneud â chwarae.
Gyda gweithwyr chwarae, y broses chwarae sy'n cael blaenoriaeth ac mae gweithwyr chwarae yn gweithredu fel eiriolwyr chwarae wrth ymwneud ag agweddau sy'n edrych ar bethau drwy lygaid oedolion.
Swyddogaeth y gweithiwr chwarae ydy cefnogi pob plentyn a pherson ifanc i greu man lle mae modd iddyn nhw chwarae.
Mae ymateb gweithiwr chwarae i'r ffordd mae plant a phobl ifanc yn chwarae yn seiliedig ar ddealltwriaeth gadarn a chyfoes o'r broses chwarae, ac adlewyrchu ar ei brofiadau ei hun.
Mae gweithwyr chwarae yn adnabod eu heffaith eu hunain ar y lle chwarae ac hefyd yr effaith mae chwarae'r plant a'r bobl ifanc yn ei gael ar y gweithiwr chwarae.
Mae gweithwyr chwarae yn dewis ymyrryd mewn ffordd sy'n caniatáu i blant a phobl ifanc ehangu eu chwarae. Pob tro mae gweithiwr chwarae yn ymyrryd, rhaid iddo gydbwyso'r perygl o wneud hynny gyda'r fantais i les a datblygiad y plant.
Caiff yr Egwyddorion Gwaith Chwarae eu dal mewn ymddiriedaeth ar gyfer Proffesiwn Gwaith Chwarae y Deyrnas Gyfunol gan y Grŵp Craffu. Roedd y grŵp hwn yn gweithredu fel canolwr onest oedd yn goruchwylio'r ymgynghoriadau lle cafodd y safonau eu llunio.
Ymddygiadau
Sgiliau
Geirfa
Man chwarae
Man chwarae sy’n cael ei ffurfio gan blant a phobl ifanc. Mae modd iddo fod yn gorfforol, yn ymwneud â theimladau neu emosiynau, fod yn barhaol, dros dro neu yn ymwneud â’r byd seibr.
Lleoliad gwaith chwarae
Rhywle lle mae cyfle i blant a phobl ifanc chwarae a lle mae gweithwyr chwarae yn gweithio.
Staff
Y bobl rydych chi’n gweithio gyda nhw, y bobl rydych chi’n gyfrifol amdanyn nhw, gweithwyr cyflog neu wirfoddol, myfyrwyr neu o dan hyfforddiant.