Yn ol

Cyflawni adnewyddiad, adfywiad a/neu welliant o’r croen gan ddefnyddio triniaethau llenwad croenol

URN: SKANSC4

Sectorau Busnes (Suites): Therapi Harddwch,Triniaethau Cosmetig nad ydynt yn llawfeddygol

Datblygwyd gan: SkillsActive

Cymeradwy ar: 30 Maw 2021

Lawrlwythwch fel PDF

Trosolwg

Mae'r safon yma'n cydfodoli â, SKANSC1: Gweithredu a chynnal arferion gwaith diogel, glanwaith ac effeithiol yn ystod gweithdrefnau cosmetig dewisol nad ydynt yn llawfeddygol a SKANSC2: Ymgynghori, asesu, cynllunio a pharatoi ar gyfer triniaethau cosmetig dewisiol nad ydynt yn llawfeddygol o fewn yr amgylchedd waith. Mae'r safon yma ar gyfer ymarferwyr esthetig uwch sy'n cyflawni triniaethau. Mae'r safon yma ar gyfer ymarferwyr esthetig uwch sy'n cyflawni triniaethau si'n defnyddio llenwadau croenol er mwyn cuddio arwyddion o heneiddio, diwygio cymesureddau a strwythurau'r wyneb. Bydd gofyn i chi hefyd wneud gwerthusiad ar ôl y driniaeth ac adfyfyrio er mwyn gwelliant parhaus. Rhaid i'r ymarferydd esthetig gael cymhwyster Cymorth Cyntaf yn y Gweithle neu ei gyffelyb a gallu cyflawni'r swyddogaethau o fewn SFHCHS36: Cefnogaeth bywyd sylfaenol a gallu cael gafael ar gyfarpar cefnogi bywyd fel sydd wedi ei nodi yn y cynllun argyfwng. Bydd rhaid i ddefnyddwyr y safon yma wneud yn siwr bod eu harferion yn adlewyrchu'r wybodaeth, y polisïau, y gweithdrefnau a'r cyfarwyddyd am yr arfer orau.

Meini prawf perfformiad

Mae'n rhaid eich bod chi'n gallu:

1. cynnal ymgynghoriad cryno a chynhwysfawr wyneb yn wyneb gyda’r unigolyn a cadw at eich cyfrifoldebau am iechyd a diogelwch cyn, yn ystod ac ar ôl y driniaeth llenwad croenol

2. trafod er mwyn sefydlu amcanion yr unigolyn, ynghŷd â’i bryderon, disgwyliadau a chanlyniadau disgwyliedig yr unigolyn er mwyn hysbysu’r cynllun triniaeth llenwad croenol i gynnwys:

2.1 dewisiadau triniaeth amgen

3. datblygu cynllun argyfwng gyda’r unigolyn proffesiynol ym maes iechyd a nodwyd/rhagnodwr annibynnol sydd wedi ei reoleiddio a’i hyfforddi i ddelio ag adweithiau niweidiol i lenwadau croenol

4. sefydlu’r cynllun triniaeth llenwad croenol yn unol â gofynion deddfwriaethol a pholisïau a gweithdrefnau cyfundrefnol i gynnwys:

4.1 y cynllun triniaeth unigol

4.2 cyngor, cefnogaeth a chyfarwyddyd

4.3 cynllun argyfwng

4.4 strategaeth rheoli poen

5. ailadrodd, cadarnhau a chytuno gyda’r unigolyn, ei fod wedi deall y driniaeth llenwad croenol arfaethedig a rheoli poen i gynnwys:

5.1 gwrth weithredoedd

5.2 adweithiau niweidiol

6. sicrhau cydsyniad gwybodus ysgrifenedig yr unigolyn ar gyfer y driniaeth llenwad corfforol, gan ganiatau amserlen ddigonol i’r unigolyn wneud dewis gwybodus

7. adolygu’r cydsyniad gwybodus ysgrifenedig ar gyfer y driniaeth llenwad corfforol a rheoli poen

8. dewis cynnyrch paratoi glendid effeithiol er mwyn cwrdd ag anghenion yr unigolyn yn unol â chyfarwyddiadau’r gwneuthurwr

9. paratoi man triniaeth yr unigolyn yn unol â’r protocol triniaeth triniaeth llenwad corfforol a’r strategaethau cysylltiedig ar gyfer osgoi risg, i gynnwys:

9.1 gwneud marciau cyn triniaeth os yn briodol

10. cael gafael ar y llenwad croen asid hyalwronig a’i ddewis, gan fanylu ar y rhif cysefin G, gludogrwydd a hirhoedledd y cynnyrch er mwyn cwrdd ag anghenion yr unigolyn a’r fan sydd i’w drin, gan gynnwys y risgiau cysylltiedig

11. chwistrellu’r llenwad croen gyda nodwydd ddiheintiedig a gaiff ei defnyddio unwaith a/neu ganwla yn unol â’r protocol triniaeth llenwad croenol i gynnwys:

11.1 addasu technegau chwistrellu, dyfnder a lleoliad

11.2 yn unol â’r marciau cyn y driniaeth os yn berthnasol

12. monitro iechyd, lles ac adwaith croen yr unigolyn drwy gydol y driniaeth llenwad croenol, yn unol â gofynion deddfwriaethol a pholisïau a gweithdrefnau cyfundrefnol

13. os oes yna adwaith neu ddigwyddiad niweidiol, mae’n rhaid i’r ymarferydd esthetig gymryd camau i’w gywiro ar fyrder, fel sydd wedi ei amlinellu o fewn y cynllun argyfwng i gynnwys:

13.1 ceisio a rhoi ar waith ymyrraeth feddygol ar unwaith gan yr unigolyn proffesiynol ym maes iechyd sydd wedi ei nodi a’i hyfforddi i ddelio gyda chymhlethdodau fel sydd wedi eu hamlinellu o fewn y cynllun argyfwng pan fod angen meddyginiaeth na ellir ei gael ond ar bresgripsiwn

14. cwblhau’r driniaeth yn unol â’r protocol triniaeth llenwad croenol, gofynion deddfwriaethol a pholisïau a gweithdrefnau cyfundrefnol, i gynnwys:

14.1 cael gwared o unrhyw farciau cyn triniaeth, os yn berthnasol

15. cymryd a chadw delweddau gweledol cydsyniol o fan triniaeth yr unigolyn yn unol â gofynion yswiriant, polisïau a gweithdrefnau cyfundrefnol

16. cwblhau a chadw cofnodion triniaeth gosemtig yr unigolyn sydd heb fod yn llawfeddygol yn unol â deddfwriaeth

17. defnyddio arfer adfyfyriol i werthuso’r driniaeth llenwad croenol a gweithredu’n briodol

18. rhoi a sicrhau cadarnhad eich bod wedi derbyn cyfarwyddiadau a chyngor geiriol ac ysgrifenedig a roddwyd i’r unigolyn cyn ac ar ôl y driniaeth i gynnwys:

18.1 manylion cyswllt yr ymarferwyr esthetig

18.2 cynllun argyfwng

18.3 cynllun wrth gefn os bydd rhywun yn absennol

19. cofnodi’r canlyniad y driniaeth llenwad croenol a’r gwerthusiad ohoni er mwyn cytuno ar ac hysbysu triniaethau yn y dyfodol

20. trafod a chytuno ar driniaethau yn y dyfodol gyda’r unigolyn

Gwybodaeth a Dealltwriaeth

You need to know and understand:

1. pwysigrwydd cydweithio gyda phobl broffesiynol gymwys er mwyn cefnogi arferion gwaith effeithiol a diogel

2. eich swyddogaeth a’ch cyfrifoldebau pan yn darparu triniaethau cosmetig nad ydynt yn llawfeddygol a phwysigrwydd gweithio o fewn eich gallu

3. pam ei bod yn rhaid i chi gydymffurfio ag arfer moesegol a gweithio o fewn gofynion deddfwriaethol

4. pwysigrwydd ymwneud â, a chofnodi datblygiad proffesiynol parhaus i gynnwys, y polisïau, y wybodaeth, gweithdrefnau a chyfarwyddyd am arfer orau ddiweddaraf

5. yr anatomeg a’r ffisioleg *sy’n berthnasol i’r safon yma

6. y mathau o, cyfansoddiad ac effeithiau ffarmacolegol y cyfansoddion cemegol mewn toddiadau llenwad croenol, i gynnwys:

6.1. effaith ffisiolegol y toddiant asid hyalwronig ar anatomeg yr wyneb, meinwe’r croen a’r cyflenwad gwaed

7. sut i addasu technegau chwistrellu er mwyn dodi toddiant asid hyalwronig yn ddiogel o dan feinwe’r croen i mewn i’r stwythurau gwaelodol er cwrdd ag anghenion yr unigolyn

8. yr *adweithiau niweidiol sy’n gysylltiedig â’r driniaeth llenwad croenol i gynnwys:

8.1 gwybodaeth o fannau peryglus a sut i’w hosgoi

8.2 llenwadau croenol Asid nad yw’n Hyalwronig (lled barhaol)

9. sut i gymryd y camau cywir os bydd yna adwaith neu ddigwyddiad niweidiol i gynnwys:

9.1 pam a pha bryd mae angen ymyrraeth feddygol

10. y strategaethau ar gyfer osgoi risg

11. pwysigrwydd derbyn a dilyn cyfarwyddiadau gan yr unigolyn proffesiynol ym maes gofal iechyd /rhagnodwr annibynnol sy’n cael ei reoleiddio os bydd adwaith niweidiol

12. diben, defnydd a chyfyngiadau triniaethau llenwad croenol, mewn perthynas â’r canlynol:

12.1 hanes meddygol o’r gorffennol a chyfredol

12.2 hanes trinaethau cosmetig blaenorol nad oeddynt yn llawfeddygol a/neu driniaethau deintyddol

12.3 ffactorau perthnasol sy’n ymwneud â’r ffordd o fyw

12.4 meddyginiaethau a chyflyrau meddygol wedi eu gwrtharwyddo

12.5 addasrwydd corfforol a seicolegol yr unigolyn ar gyfer y driniaeth gosmetig nad yw’n llawfeddygol

12.6 disgwyliadau’r unigolyn

12.7 rheoli ymateb gorimiwnedd

12.8 rheoli anaffylacsis

13. y gofynion rheoleiddiol a deddfwriaethol ar gyfer 'dyfeisiadau meddygol'

14. y gofynion rheoleiddiol a deddfwriaethol ar gyfer cael gafael ar, cofnodi a gweinyddu llenwad croenol, i gynnwys:

14.1 enw’r cynnyrch

14.2 rhif y llwyth

14.3 dyddiad y daw i ben

14.4 dalennau data’r deunyddiau

14.5 cadw

14.6 gwarediad

14.7 archwilio ac atebolrwydd

15. y mathau o reolaeth poen a’r risgiau cysylltiedig

16. y gofynion deddfwriaethol a chyfyngiadau ar gyfer canfod, cadw a defnyddio anesthetigion argroenol wedi eu trwyddedu

17. y cyfrifoldebau am iechyd a diogelwch yn unol â deddfwriaeth cyn, yn ystod ac ar ôl y driniaeth llenwad croenol

18. pam ei bod yn bwysig trafod ac adnabod amcanion, pryderon, disgwyliadau’r unigolyn a’r canlyniadau a ddymunir a chytuno ar y cynllun triniaeth cosmetig nad yw’n llawfeddygol

19. pwysigrwydd defnyddio cymhorthion gweledol i hysbysu’r unigolyn o’r effeithiau corfforol

20. y strwythurau taliadau a’r dewisiadau ar gyfer triniaeth

21. y gofynion deddfwriaethol a digollediad ar gyfer sicrhau cydsyniad gwybodus wedi’i lofnodi ar gyfer y driniaeth llenwad croenol

22. pam ei bod yn bwysig caniatau amser i’r unigolyn ystyried cyn cadarnhau a chytuno i dderbyn triniaeth gosmetig ddewisiol nad yw’n llawfeddygol

23. pwysigrwydd sicrhau cydsyniad ysgifenedig ar gyfer triniaeth llenwad croenol a strategaeth rheoli poen

24. y mathau o gynnyrch glendid ar gyfer y croen a phwysigrwydd dilyn cyfarwyddiadau’r gwneuthurwr

25. pwysigrwydd cadw at y protocol triniaeth llenwad croenol *

26. pwysigrwydd monitro iechyd a lles yr yr unigolyn yn ystod ac ar ôl y driniaeth

27. pwysigrwydd cadw at y cynllun argyfwng os bydd yna adwaith niweidiol

28. y gofynion deddfwriaethol, yswiriant a chyfundrefnol ar gyfer cymryd a chadw delweddau gweledol o fan triniaeth yr unigolyn

29. y gofynion deddfwriaethol a rheoleiddiol ar gyfer cwblhau a chadw cofnodion meddygol yr unigolyn a’i driniaeth gosmetig nad yw’n llawfeddygol

30. canlyniadau disgwyliedig y driniaeth llenwad croenol

31. diben ymarfer adfyfyriol a gwerthuso a sut y mae’n darparu gwybodaeth ar gyfer triniaethau yn y dyfodol

32. sut i goladu, dadansoddi, crynhoi a chofnodi adborth gwerthuso mewn modd clir a chryno

33. pwysigrwydd cofnodi canlyniad y driniaeth llenwad croenol a’r gwerthusiad ohoni

34. y *cyfarwyddiadau a’r cyngor, cyn ac ar ôl y driniaeth llenwad croenol

Cwmpas/ystod

Gwybodaeth Ychwanegol

Disgwylir bod yr ymarferydd estheteg sy'n ymgeisio am y safon yma eisoes â'r sgiliau, yr wybodaeth a'r ymddygiadau a nodir o fewn canllawiau triniaeth yr ymarferydd estheteg a'r Safonau Galwedigaethol Cenedlaethol cosmetig nad yw'n llawfeddygol.

Disgwylir i'r ymarferydd fod eisoes yn gallu dangos gallu mewn penderfynu'r gwrtharwyddion cymharol (cyfyngol) **a llwyr (ataliol) ar gyfer y triniaethau cosmetig nad ydynt yn llawfeddygol. Yn ogystal â hyn, dylai'r ymarferydd esthetig allu adnabod adweithiau neu ddigwyddiadau niweidiol a gweithredu ar fyrder i'w cywiro fel ag y cytunwyd o fewn y cynllun argyfwng.

Disgwylir i'r safon yma gael ei defnyddio ar y cyd â SKANSC1: Rhoi arferion gwaith diogel, glanwaith ac effeithiol ar waith a'u cynnal yn ystod triniaethau cosmetig dewisiol nad ydynt yn llawfeddygol a SKANSC2: Ymgynghori, asesu, cynllunio a pharatoi ar gyfer triniaethau cosmetig dewisiol nad ydynt yn llawfeddygol.

Dylai tystiolaeth ar gyfer eitemau a restrir o fewn yr amrediad/rhychwant gael ei ddangos yn unol â'r math penodol o driniaeth gosmetig nad yw'n llawfeddygol sy'n cael ei chyflawni.

Amcanion yr unigolyn

1. diogelwch

2. gwrth heneiddio

3. ychwanegiad at feinwe’r croen

4. adferol

Gwrth weithredoedd

1. hyperemia

2. anafiadau

3. cleisio

4. chwydd gwyn

Technegau chwistrellu

1. bolws

2. mewngroenol

3. meicro-bapwlaidd

4. edafu unionlin

5. croedlinellu

6. gwyntyllu

7. pabellu

Anatomeg a ffisioleg

1. strwythur a swyddogaeth holl systemau’r corff a’u cyd-ddibynniaeth ar ei gilydd

2. patholegau’r croen a systemig

3. patholegau digwyddiad niweidiol difrifol

4. gwybodaeth sylfaenol am ffarmacoleg a gwyddorau

5. yr effeithiau gaiff meddyginiaethau ar y croen a chyhyrau

6. astudiaeth o broses heneiddio’r croen a’r meinwe oddi tano/effeithiau adamsugnad yr asgwrn a dealltwriaeth o anatomeg cymhleth yr wyneb a cyflenwad gwythiennol a rhedwelïol o’r gwaed

Adweithiau niweidiol

1. haint

2. afreoleiddrau lliwiad

3. cyfog

4. adwaith alergaidd

5. anaffylacsis

6. gwenwyndra moddion/anghydnawsedd/ gwrtharwyddion

7. llesmair fasofagol

8. anghymesuredd

9. cyffyrddadwyedd y llenwad

10. dallineb

11. necrosis

12. nodwlau

13. achludiad fasgwlaidd

14. effaith tindal

15. achludiad rhedwelïol

16. achludiad cywasgiad

17. mudiad o’r llenwad croenol

18. dysmorphia o’r corff

19. llai o ddraeniad lymffatig

20. gronyndyfiannau

21. anafiadau wedi eu hachosi gan nodwyddau

22. strôc

23. marwolaeth

24. emboledd yr ysgyfaint

Strategaethau i osgoi risg

1. cynllun argyfwng

2. asesiad(au) risg

3. hanes meddygol caffaeledig

4. cynllun(iau) triniaeth

5. mannau triniaeth cyfyngol

6. cyfarwyddiadau a chyngor cyn ac ar ôl

7. osgoi defnyddio heb drwydded

8. brechiadau

9. cymhwyster cymorth cyntaf yn y gwaith a chefnogaeth bywyd sylfaenol neu ei gyffelyb

10. arferion gwaith iechyd a diogelwch cyffredinol

11. atal a rheoli haint

12. amgylchedd waith

13. cydweithrediad gyda rhywun proffesiynol ym maes gofal iechyd, rhagnodwr annibynnol wedi ei reoleiddio/pobl broffesiynol berthnasol

14. protocol presgripsiwn deddfwriaethol

15. rheoli moddion

16. cydsyniad gwybodus

17. rheoli data

18. archwiliad ac atebolrwydd

19. dealltwriaeth o’r ffarmacoleg

20. gwybodaeth weithio o anatomeg yr wyneb a’r gwddf

21. rheoli gwastraff

22. asesiad o les corfforol ac emosiynol yr unigolyn

Cymhorthion gweledol

1. delweddau esboniadol

2. diagramau esboniadol

3. marciau cyn triniaeth

Protocol triniaeth llenwad croenol

1. amgylchedd waith

2. iechyd a diogelwch

3. cynllun rheoli risg

4. atal a rheoli haint

5. unigolyn proffesiynol ym maes gofal iechyd /rhagnodwr annibynnol sy’n cael ei reoleiddio

6. cynllun argyfwng
7. cynllun triniaeth
8. cydsyniad gwybodus
9. pobl broffesiynol briodol
10. rheoli data
11. archwilio ac atebolrwydd
12. cyfarwyddiadau a chyngor
13. rheoli gwastraff
14. ymarfer adfyfyriol wedi ei seilio ar dystiolaeth

Cyfarwyddiadau

1. hawliau a chyfrifoldebau cyfreithiol y rhagnodwr annibynnol wedi ei reoleiddio unigol a’r ymarferydd esthetig

2. cynllun argyfwng

3. disgwyliadau ar ôl triniaeth ac amserlenni cysylltiedig

4. cyfarwyddiadau a gofal cyn ac ar ôl triniaeth

5. cyfyngiadau a risgiau cysylltiedig

6. triniaethau yn y dyfodol

7. gweithdrefn cwynion neu brotocol pryderon

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Adweithiau niweidiol *

Caiff adweithiau niweidiol hefyd eu hadnabod fel digwyddiadau niweidiol neu risgiau cysylltiedig. Adwaith niweidiol yw adwaith gorfforol neu ffisiolegol annisgwyl i driniaeth sy’n cael ei chyflawni

Gwrth-weithred

Gwrth weithred yw adwaith dros dro ddisgwyliedig o driniaeth

Cynllun Argyfwng

Cyfrifoldeb yr ymarferydd asthetig yw’r cynllun argyfwng sy’n cynnwys y defydd o a mynediad i’r pecyn argyfwng. Bydd rhywun proffesiynol ym maes iechyd sydd wedi ei nodi yn gweithredu fel rhagnodwr annibynnol wedi ei reoleiddio os bydd angen meddyginiaeth na ellir ond ei gael ar bresgripsiwn os bydd adwaith niweidiol Mae gan y rhagnodwr annibynnol sy’n cael ei reoleiddio ddyletswydd o ofal tuag at ei gleifion ac i ddilyn y canllawiau rheoleiddiol a osodir allan gan eu Corff Proffesiynol, Statudol a Rheoleiddiedig

Marciau cyn triniaeth*

Dylid gwneud marciau cyn triniaeth drwy ddefnyddio pen ysgrifennu lawfeddygol ddiheintiedig a ddefnyddir unwaith. Defnyddir marciau cyn triniaeth er mwyn creu canllawiau ar gyfer nodi mannau i roi pigiadau fel ag sydd wedi ei osod allan yn y cynllun triniaeth gosmetig nad yw’n llawfeddygol.

Man triniaeth

Y man mynegol i gael ei drin, gellir hefyd gyfeirio ato fel safle’r driniaeth neu’r enw anatomegol.

Rhagofalon cyffredinol a rhagofalon safonol *

Mae rhagofalon cyffredinol yn berthnasol os yw’r ymarferydd yn dod i gysylltiad â gwaed a/neu rywfaint o hylif corfforol. Cyfrifoldeb yr ymarferydd yw rhoi mesurau atal a rheoli haint ar waith er mwyn atal dod i gysylltiad â phathogenau neu Ddeunyddiau Eraill all fod yn Heintus (OPIM).

Rhagofalon safonol yw’r lefel sylfaenol o reoli haint ddylai gael ei ddefnyddio bob amser o fewn yr amgylchedd waith, megis glendid dwylo, cyfarpar amddiffyn personol, atal anafiadau gan nodwyddau neu declynnau miniog, asesiad risg, glendid anadlol ac ymddygiad safonol ynghylch pesychu, glanhau amgylcheddol a chael gwared o wastraff.

Delweddau gweledol
Delweddau gweledol yw tystiolaeth sydd wedi’i chynhyrchu drwy ffotograffau neu fideo.

Amgylchedd waith*

Dylai gofynion am yr amgylchedd waith gydymffurfio â deddfwriaeth Iechyd a Diogelwch a bod yn unol â’r canllawiau sydd wedi cael eu gosod allan naill ai gan eich awdurdod lleol neu gorff llywodraethu.

Dylid gwneud asesiadau risg, a dylai dulliau rheoli gael eu rhoi ar waith a’u cofnodi, a’u diweddaru yn rheolaidd a/os oes newidiadau yn digwydd. Dylai’r amgylchedd waith fod yn lanwaith ac yn addas i’w diben er mwyn i driniaethau cosmetig nad ydynt yn llawfeddygol gael eu cwblhau mewn modd diogel ac effeithiol gan ddefnyddio technegau aseptic. Mae angen i weithdrefnau i atal a rheoli haint gadw’r risg o heintio a throsglwyddo meicrobau mor isel â phosibl. Rhaid i gyfarpar a chynnyrch gael eu cynnal a’u cadw yn unol â chyfarwyddiadau’r gwneuthurwr a gofynion deddfwriaethol.

Mae’n ddoeth creu cynllun ar gyfer rheoli cymhlethdodau a/neu argyfwng ar gyfer pob triniaeth gosmetig nad yw’n llawfeddygol os bydd adwaith neu ddigwyddiad niweidiol.

Dolenni I NOS Eraill

SKANSC1, SKANSC2, SKANSC3, SKANSC5, SKANSC6, SKANSC7, SKANSC8, SKANSC9

Cysylltiadau Allanol

Fersiwn rhif

Dyddiad Adolygu Dangosol

31 Maw 2024

Dilysrwydd

Ar hyn o bryd

Statws

Gwreiddiol

Sefydliad Cychwynnol

SkillsActive

URN gwreiddiol

SKANSC4

Galwedigaethau Perthnasol

Therapydd Harddwch, Estheteg Harddwch, Ymarferydd Estheteg

Cod SOC

6222

Geiriau Allweddol

llenwadau croenol, deunyddiau chwistrelladwy, technegau chwistrellu, canwla, cynllun argyfwng, asid hyalwronig, rheoli poen, triniaethau cosmetig dewisiol nad ydynt yn llawfeddygol, rheoleiddiad, ffarmacoleg