Cael gwared o nodweddion amherffaith o’r croen neu eu lleihau drwy

Mae’r safon yma’n cydfodoli â, SKANSC1: Rhoi arferion gwaith diogel, glanwaith ac effeithiol ar waith a’u cynnal yn ystod triniaethau cosmetig dewisol nad ydynt yn llawfeddygol, SKANSC2: Ymgynghori, asesu, cynllunio a pharatoi ar gyfer triniaethau cosmetig dewisol nad ydynt yn llawfeddygol, SKANSC14 Cyflawni dadansoddiad trylwyr o’r croen gan ddefnyddio technolegau a SKANSC15 Rheoli cymhlethdodau gyda thriniaethau cosmetig nad ydynt yn llawfeddygol. Mae’r safon yma ar gyfer ymarferwyr esthetig sy’n cael gwared o amrywiaeth o frychau neu nodweddion amherffaith ar y croen neu eu lleihau drwy ddefnyddio technegau creioserio. Bydd gofyn i chi hefyd wneud gwerthusiad ôl-driniaethol ac adfyfyrio ar gyfer gwelliant parhaus. Mae’n arfer orau i’r ymarferydd esthetig gael cymhwyster cymorth cyntaf yn y gweithle neu ei gyffelyb a gallu cyflawni’r swyddogaethau o fewn SFHCHS36: Cefnogaeth bywyd sylfaenol a gallu cael gafael ar gyfarpar cefnogi bywyd fel sydd wedi ei nodi yn y cynllun rheoli cymhlethdodau. Bydd angen i ddefnyddwyr y safon yma sicrhau bod eu hymarfer yn adlewyrchu’r diweddaraf o ran gwybodaeth, polisïau, gweithdrefnau a chanllawiau am arfer orau.

1.  cwblhau ymgynghoriad cryno a chynhwysfawr wyneb yn wyneb â’r unigolyn
2.  cadw at eich cyfrifoldebau dros iechyd a diogelwch cyn, yn ystod ac ar ôl y driniaeth greioserio
3.  trafod, cyfeiro a gofyn i’r unigolyn geisio cael a sicrhau diagnosis meddygol ysgrifenedig ar gyfer gwrtharwydd sy’n cael ei amau pan fo angen
4.  trafod a sefydlu amcanion, pryderon a disgwyliadau’r unigolyn a’r canlyniadau mae’n ei ddymuno er mwyn hysbysu’r driniaeth greioserio i gynnwys:
·  4.1 rhaglen baratoadol preimio’r croen
·  4.2 dosbarthiad y croen a nodweddion y croen
·  4.3 nodweddion amherffaith o’r croen
·  4.4 dewisiadau ar gyfer triniaeth amgen
5. trafod a chytuno ar y rhaglen preimio’r croen neu’r argymhellion sydd eu hangen, cyn y driniaeth greioserio
6. datblygu cynllun argyfwng gyda’r person proffesiynol perthnasol ym maes iechyd sydd wedi’i hyfforddi i ddelio gydag adweithiau anffafriol i greioserio
7. ailadrodd, cadarnhau a chytuno gyda’r unigolyn, eu bod wedi deall y driniaeth greioserio arfaethedig i gynnwys:
·  7.1 gwrth weithredoedd
·  7.2 gwrth weithredoedd
8. sicrhau cydsyniad gwybodus wedi’i lofnodi gan yr unigolyn ar gyfer y driniaeth greioserio a rheoli poen, gan ganiatau amserlen ddigonol i’r unigolyn wneud dewis gwybodus
9. taflu goleuni ar fan triniaeth yr unigolyn a’i chwyddo
10. dethol cynnyrch glanwaith effeithiol i gwrdd ag anghenion yr unigolyn yn unol â chyfarwyddiadau’r gwneuthurwr
11. paratoi man triniaeth yr unigolyn yn unol â’r protocol triniaeth greioserio
12. dethol cyfarpar, dull, dwysedd a pharhad yn unol â’r protocol triniaeth greioserio a chyfarwyddiadau’r gwneuthurwr
13. dilyn y weithdrefn a’r protocol greioserio er mwyn cael gwared o nodweddion amherffaith o’r croen neu eu lleihau i gynnwys:
·  13.1 cefnogi’r croen â llaw
·  13.2 addasu technegau ar gyfer man triniaeth yr unigolyn
14. monitro iechyd, lles ac adwaith croen yr unigolyn drwy gydol y driniaeth greioserio yn unol â gofynion deddfwriaethol a pholisïau a gweithdrefnau cyfundrefnol
15. cymryd y camau cywir os bydd adwaith anffafriol
16. cwblhau’r driniaeth yn unol â’r protocol triniaeth greioserio, gofynion deddfwriaethol a pholisïau a gweithdrefnau cyfundrefnol
17. cymryd a chadw delweddau gweledol cydsyniol o fan triniaeth yr unigolyn yn unol â gofynion yswiriant, polisïau a gweithdrefnau cyfundrefnol
18. cwblhau a chadw cofnodion triniaeth gosmetig yr unigolyn sydd heb fod yn llawfeddygol yn unol â deddfwriaeth gwybodaeth
19. defnyddio ymarfer adfyfyriol i werthuso’r driniaeth greioserio a gweithredu’n briodol
20. rhoi a sicrhau cadarnhad eich bod wedi derbyn cyfarwyddiadau a chyngor geiriol ac ysgrifenedig a roddwyd i’r unigolyn cyn ac ar ôl y driniaeth
21. cofnodi’r canlyniad y driniaeth greioserio a’r gwerthusiad ohoni er mwyn cytuno ar ac hysbysu triniaethau yn y dyfodol
22. trafod a chytuno ar driniaethau yn y dyfodol gyda’r unigolyn

1. pwysigrwydd cydweithio gyda phobl broffesiynol gymwys er mwyn cefnogi arferion gwaith effeithiol a diogel
2. eich swyddogaeth a’ch cyfrifoldebau pan fyddwch yn cyflawni triniaethau cosmetig nad ydynt yn llawfeddygol a phwysigrwydd gweithio o fewn eich gallu
3. pam ei bod yn rhaid i chi gydymffurfio ag arfer moesegol a gweithio o fewn y gofynion deddfwriaethol i gynnwys:
   ·    3.1 y cyfrifoldebau o dan reoliadau trwyddedu’r awdurdod lleol ar eich cyfer chi eich hun a’ch adeilad
4. pwysigrwydd ymwneud â, a chofnodi datblygiad proffesiynol parhaus i gynnwys, y polisïau, y wybodaeth, gweithdrefnau a chanllawiau am arfer orau ddiweddaraf
5. yr anatomeg a’r ffisioleg sy’n berthnasol i’r safon yma
6. y gwrtharwyddion cymharol a llwyr sy’n berthnasol i driniaethau creioserio, i gynnwys:
   ·    6.1 y gofynion deddfwriaethol ac yswiriant ar gyfer sicrhau diagnosis a chyfeirio meddygol
7. pwysigrwydd adnabod nodweddion afreolaidd ac anafiadau o’r croen, a chyfeirio at berson proffesiynol ym maes gofal iechyd
8. sut gall rhaglen preimio’r croen ac argymhellion cyn triniaeth fod o fudd i ganlyniadau’r driniaeth greioserio
9. y broses heneiddio gronolegol o’r croen a’r berthynas gyda ffactorau cynhenid ac anghynhenid
10. diben, defnydd a chyfyngiadau triniaethau creiserio mewn perthynas â:
    ·    10.1 hanes meddygol y gorffennol a chyfredol
    ·    10.2 ffactorau perthnasol sy’n ymwneud â ffordd o fyw
    ·    10.3 meddyginiaeth a chyflyrau meddygol wedi’u gwrtharwyddo
    ·    10.4 pha mor addas yw’r unigolyn yn gorfforol ac yn seicolegol ar gyfer triniaeth gosmetig nad yw’n llawfeddygol a chydymffurfiad ag ôl-ofal
    ·    10.5 disgwyliadau’r unigolyn
    ·    10.6 rheoli ymateb gorimiwnaidd
11. y mathau o reolaeth poen a’r risgiau cysylltiedig
12. yr adweithiau anffafriol a gysylltir â thriniaeth greioserio a sut i ymateb iddynt
13. y cyfrifoldebau iechyd a diogelwch yn unol â deddfwriaeth cyn, yn ystod ac ar ôl y driniaeth greioserio
14. y gofynion cyfreithiol ar gyfer darparu triniaeth gosmetig nad yw’n llawfeddygol i rai dan oed ac oedolion bregus
    pam ei bod yn bwysig trafod a sefydlu amcanion, pryderon, disgwyliadau’r unigolyn a’r canlyniadau y mae’n ei ddymuno a chytuno ar y cynllun triniaeth gosmetig nad yw’n llawfeddygol
15. pwysigrwydd defnyddio cymhorthion gweledol i hysbysu’r unigolyn o’r effeithiau corfforol
16. y strwythurau taliadau a’r dewisiadau ar gyfer triniaeth
17. y gofynion deddfwriaethol a digollediad er mwyn sicrhau cydsyniad gwybodus wedi’i lofnodi ar gyfer y driniaeth greioserio
18. cadw, trin, defnyddio, chael gwared o gyfarpar creioserio a nwyddau diheintiedig a ddefnyddir unwaith gan ddilyn cyfarwyddiadau’r gwneuthurwr a gofynion deddfwriaethol
19. pwysigrwydd cadw at y protocol triniaeth creioserio
20. pwysigrwydd chwyddo, goleuo a pharatoi man triniaeth yr unigolyn
21. y mathau o gynnyrch glanwaith ar gyfer y croen a phwysigrwydd dilyn cyfarwyddiadau’r gwneuthurwr
22. yr amrywiaeth o dechnegau a ddefnyddir i gael gwared o bob nodwedd amherffaith o’r croen neu eu lleihau
23. y mathau o gyfarpar sydd ar gael
24. sut i baratoi’r cyfarpar yn unol â’r protocol triniaeth creioserio
25. effeithiau’r driniaeth ar y croen
26. y rhesymau dros weithio’n systemnatig gyda gofodi cywir ar draws man yr unigolyn sydd I’w drin
27. pwysigrwydd monitro iechyd a lles yr unigolyn yn ystod ac ar ôl y driniaeth
28. y gofynion deddfwriaethol, yswiriant a chyfundrefnol ynglŷn â chymryd a chadw delweddau gweledol o fan triniaeth yr unigolyn
29. y gofynion deddfwriaethol a rheoleiddiol ynglŷn â chwblhau a chadw cofnodion triniaeth yr unigolyn nad yw’n llawfeddygol
30. canlyniadau disgwyliedig cael gwared o nodweddion amherffaith o’r croen neu eu lleihau gan ddefnyddio technegau creioserio
31. pwysigrwydd ymarfer adfyfyriol a gwerthuso a sut mae’n hysbysu triniaethau yn y dyfodol
32. sut i goladu, dadansoddi, crynhoi a chofnodi adborth gwerthusol mewn modd clir a chryno
33. pwysigrwydd cofnodi canlyniad y driniaeth greioserio
34. y cyfarwyddiadau a’r cyngor cyn ac ar ôl y driniaeth greioserio

Dosbarthiad y croen
1.  Graddfa Fitzpatrick
2.  Ffenotip a genoteip
3.  Graddfa Lancer
4.  Graddfa Glogau
5.  Graddfa gwëad croen Monk
6.  Graddfa Rubins
Nodweddion y croen
1.  sensitifrwydd y croen
2.  cyflwr y croen
3.  dwysedd y croen
Nodweddion amherffaith o’r croen
1.  caleden seborrheic
2.  dafadennau
3.  verruca vulgaris
4.  molluscum contagiosum
5.  tagiau’r croen
6.  Campbell de morgans/angiomas ceirios
7.  lentigo solar /smotiau ar yr iau/gorliwiad
8.  caleden actinig
Anatomeg a ffisioleg
1.  strwythur a swyddogaeth systemau’r corff a’u cyd-ddibyniaeth ar ei gilydd
2.  patholegau’r croen a systemig
3.  patholegau digwyddiad anffafriol difrifol
4.  gwybodaeth sylfaenol o ffarmacoleg
5.  effeithiau meddyginiaethau ar y croen
6.  ffisioleg ceulo’r gwaed, serio a dysychiad o’r meinwe
Protocolau triniaeth creioserio
1.  amgylchedd waith
2.  iechyd a diogelwch
3.  cynllun rheolaeth risg
4.  atal a rheoli haint
5.  rheolaeth cymhlethdodau
6.  cynllun triniaeth
7.  cydsyniad gwybodus
8.  rheolaeth data
9.  archwiliad ac atebolrwydd
10. cyfarwyddiadau a chyngor
11. rheolaeth gwastraff
12. ymarfer yn seiliedig ar dystiolaeth ac ymarfer adfyfyriol
Cyfarwyddiadau
1.  hawliau a chyfrifoldebau cyfreithiol yr unigolyn a’r ymarferydd
2.  rheolaeth cymhlethdodau
3.  disgwyliadau wedi triniaeth ac amserlenni cysylltiedig
4.  cyfarwyddiadau cyn ac ar ôl y driniaeth
5.  cyfyngiadau a risgiau cysyslltiedig
6.  triniaethau yn y dyfodol
7.  gweithdrefn cwynion neu brotocol pryderon

Dosbarthiad y croen
Gellir cyfeirio at raddfeydd dosbarthu’r croen fel graddfa Fitzpatrick, graddfa Lancer a ffenoteip a genoteip, graddfa glogau, graddfa ffyrder croen Monk a graddfa rubins.
Man Triniaeth
Y man mynegol i’w drin, gellir hefyd cyfeirio ato fel man y driniaeth neu ei enw anatomegol
Rhagofalon cyffredinol a rhagofalon safonol
Mae rhagofalon cyffredinol yn berthnasol os yw’r ymarferydd yn dod i gysylltiad â gwaed a/neu rywfaint o hylif corfforol. Cyfrifoldeb yr ymarferydd yw rhoi mesurau atal a rheoli haint ar waith er mwyn atal dod i gysylltiad â phathogenau a drosglwyddir drwy waed neu Ddeunyddiau Eraill all fod yn Heintus (OPIM).
Rhagofalon safonol yw’r lefel sylfaenol o reoli haint ddylai gael ei ddefnyddio bob amser o fewn yr amgylchedd waith, megis glendid dwylo, cyfarpar amddiffyn personol, atal anafiadau gan nodwyddau neu declynnau miniog, asesiad risg, glendid anadlol ac ymddygiad safonol ynghylch pesychu, glanhau amgylcheddol a chael gwared o wastraff.
Delweddau gweledol
Delweddau gweledol yw tystiolaeth sydd wedi’i chynhyrchu drwy ffotograffau neu fideo.

fideo.
Cysylltiadau gyda SGC eraill
SKANSC1, SKANSC2, SKANSC3, SKANSC4, SKANSC5, SKANSC6, SKANSC7, SKANSC8, SKANSC9, SKANSC10, SKANSC11, SKANSC12, SKANSC13, SKANSC15, SKANSC16, SKANSC17, SKANSC18, SKANSC19, SKANSC20, SKANSC21, SKANSC23