Gosod a chynnal ychwanegiadau ewinedd i greu gorffeniad naturiol

​

Mae'r safon hon yn ymwneud â darparu gwasanaethau i estyn, cynnal, atgyweirio a thynnu ychwanegiadau ewinedd i greu gorffeniad naturiol. Mae'n cynnwys ymgynghori â'r cleient, cynllunio triniaeth a gosod blaenau naturiol a throshaenau clir naill ai gyda systemau gel wedi'i galedu â golau, hylif a phowdwr neu amlapio.

Er mwyn cyflawni'r safon hon bydd angen i chi gynnal iechyd, diogelwch a hylendid effeithiol trwy gydol eich gwaith. Bydd angen i chi hefyd gynnal eich ymddangosiad personol a dangos sgiliau cyfathrebu ac ymgynghori effeithiol.

Prif ganlyniadau'r safon hon yw:

1. cynnal dulliau gwaith diogel ac effeithiol wrth estyn, cynnal a thynnu ychwanegiadau ewinedd

2. ymgynghori, cynllunio a pharatoi ar gyfer gwasanaethau estyn ewinedd

3. gosod troshaenau naturiol

4. gosod blaenau a throshaenau

5. cynnal a thynnu ychwanegiadau ewinedd

​

Cynnal dulliau gwaith diogel ac effeithiol wrth estyn,*    * *        * *           * cynnal a thynnu ychwanegiadau ewinedd

* *

1. cynnal eich cyfrifoldebau dros iechyd a diogelwch trwy gydol y gwasanaeth

2. paratoi'ch cleient a'ch hun i fodloni gofynion cyfreithiol a sefydliadol

3. gosod eich cleient mewn safle i fodloni anghenion y gwasanaeth

4. sicrhau bod eich ystum eich hun a'ch dulliau gwaith yn isafu ar flinder a risg o anaf i chi'ch hun ac eraill

5. sicrhau bod amodau amgylcheddol yn addas i'r cleient a'r gwasanaeth

6. cadw'ch ardal waith yn lân ac yn daclus trwy gydol y gwasanaeth

7. defnyddio dulliau gwaith sy'n isafu ar risg o groes-heintio

8. sicrhau defnydd ar gyfarpar a deunydd glân

9. hyrwyddo arferion gwaith amgylcheddol a chynaliadwy

10. dilyn cyfarwyddiadau'r gweithle a chyflenwyr neu gynhyrchwyr ar gyfer defnydd diogel ar gyfarpar, deunyddiau a chynnyrch

11. cael gwared ar ddeunydd gwastraff i fodloni gofynion cyfreithiol

12. cynnal y gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer gwasanaethau ychwanegiadau ewinedd

* *

13.defnyddio technegau ymgynghori **i bennu cynllun gwasanaeth y cleient

14. sicrhau caniatâd gwybodus, wedi'i lofnodi gan riant neu warcheidwad ar gyfer plant cyn unrhyw wasanaeth

15. sicrhau bod rhiant neu warcheidwad yn bresennol trwy gydol y gwasanaeth ar gyfer plant sy'n iau na 16 oed

16. adnabod unrhyw wrtharwyddion a chymryd y camau angenrheidiol

17. cytuno ar y gwasanaeth estyn ewinedd a'r canlyniadau sy'n bodloni anghenion y cleient

18. sicrhau caniatâd gwybodus, wedi'i lofnodi gan y cleient cyn cynnal yr ychwanegiadau ewinedd

19. glanhau'r ardal a fydd yn cael ei thrin a thynnu unrhyw orffeniad sydd ar yr ewinedd yn barod

20. dewis a chytuno gyda'r cleient yr ychwanegiadau ewinedd i gyd-fynd â siap a chyflwr yr ewin

21. cadarnhau hyd a siâp dymunol yr ewinedd gyda'r cleient

22. defnyddio offer a chynnyrch cwtigl i dynnu cwtigl gormodol, heb ddifrodi'r croen o'i amgylch

23. paratoi'r ewin naturiol i sicrhau adlyniad gorau'r ychwanegiadau ewin

24. rhoi cyngor ac argymhellion i'r cleient ar y gwasanaeth a ddarparwyd

25. sicrhau bod cofnodion y cleient yn cael eu cwblhau a'u llofnodi gennych chi a'r cleient

Gosod troshaenau naturiol

* *

26. gosod troshaen ewinedd i gyd-fynd â siâp a chyflwr ewin y cleient

27. gadael ymyl rhydd o amgylch ardal y cwtigl a wal ochr yr ewin

28. defnyddio technegau llyfnu i greu'r cydbwysedd, siâp a hyd gofynnol

29. creu arwyneb gwastad llyfn a sglein gan ddefnyddio technegau gloywi

Gosod blaenau a throshaenau

* *

30. dewis a thorri'r blaen a'i addasu i gyd-fynd ag ewin naturiol y cleient

31. adlynu'r blaen i'r ewin naturiol

32. torri, siapio ac asio'r blaenau gan sicrhau nad oes unrhyw ddifrod i'r ewin naturiol, ac nad yw'r blaen i'w weld

33. gosod troshaen i'r ewinedd i gyd-fynd â siâp a chyflwr ewin y cleient

34. gadael ymyl rhydd o amgylch ardal y cwtigl a wal ochr yr ewin

35. defnyddio technegau llyfnu i greu'r cydbwysedd, siâp a hyd gofynnol

36. creu gorffeniad disglair iawn gan ddefnyddio technegau gloywi

Cynnal a thynnu ychwanegiadau ewinedd

* *

37. defnyddio technegau cynnal ewinedd i adfer yr estyniad ewinedd i'w gyflwr gwreiddiol

38. defnyddio technegau tynnu a sicrhau bod yr haen ewin naturiol a'r croen sy'n amgylchynu yn rhydd rhag cynnyrch a heb eu difrodi

​

Cynnal dulliau gwaith diogel ac effeithiol wrth estyn, cynnal a thynnu ychwanegiadau ewinedd

* *

1. eich cyfrifoldebau dros iechyd a diogelwch fel y diffinnir gan unrhyw ddeddfwriaeth benodol sy'n berthnasol i'ch swydd

2. gofynion cyfreithiol a sefydliadol ar gyfer amddiffyn a pharatoi cleient

3. gofynion cyfreithiol a sefydliadol ar gyfer eich hylendid, amddiffyniad ac ymddangosiad personol

4. technegau gosod eich hun a'ch cleient mewn safle diogel a pham ei bod hi'n bwysig defnyddio'r rhain

5. amodau amgylcheddol angenrheidiol ar gyfer gwasanaethau, megis gwresogi ac awyru a pham bod y rhain yn bwysig

6. pam ei bod hi'n bwysig cadw'ch ardal waith yn lân ac yn daclus

7. dulliau glanhau, diheintio a sterileiddio

8. dulliau gweithio yn ddiogel ac yn lân ac mewn ffordd sy'n isafu ar risg o groes-heintio

9. y peryglon a'r risgiau sy'n bodoli yn eich gweithle a'r arferion gwaith diogel y mae'n rhaid i chi eu dilyn

10. gwahanol fathau o ddulliau gwaith sy'n hyrwyddo arferion gwaith amgylcheddol a chynaliadwy

11. cyfarwyddiadau cyflenwyr a chynhyrchwyr ar gyfer defnydd diogel ar gyfarpar, deunydd a chynnyrch y mae'n rhaid i chi eu dilyn

12. y gofynion cyfreithiol ar gyfer cael gwared ar wastraff

13. y rhesymau dros gwblhau'r gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer gwasanaethau estyn ewinedd

* *

14. pwysigrwydd cyfathrebu gyda chleientiaid mewn modd proffesiynol

15. sut i gynnal ymgynghoriad gan ystyried anghenion amrywiol y cleient

16. y gofynion cyfreithiol ar gyfer trin plant sy'n iau na 16 oed

17. yr oed pan fydd unigolyn yn cael ei ystyried yn blentyn a sut mae hynny'n gwahaniaethu yn genedlaethol

18. y rhesymau dros gytuno ar wasanaeth sy'n bodloni anghenion y cleient

19. arwyddocâd cyfreithiol dros sicrhau caniatâd gwybodus, wedi'i lofnodi gan gleient i gynnal y gwasanaeth

20. gofynion deddfwriaethol ar gyfer storio a diogelu data cleient

21. sut i adnabod gwrtharwyddion a fyddai'n atal neu'n cyfyngu ar y gwasanaeth

22. y gwrtharwyddion sy'n gofyn am atgyfeiriad meddygol a pham

23. y camau angenrheidiol i'w cymryd mewn perthynas â gwrtharwyddion penodol wrth atgyfeirio cleientiaid

24. y rhesymau dros beidio ag enwi gwrtharwyddion penodol wrth atgyfeirio cleientiaid

25. sut i adnabod cyflyrau ewinedd a chroen y gellir eu trin

26. sut i gynnal dadansoddiad ewinedd a chroen

27. y gwahanol ddulliau a ddefnyddir i baratoi'r ewin naturiol ar gyfer ychwanegiadau ewinedd

28. y cyngor a'r argymhellion ar gynnyrch a gwasanaethau

Gosod, cynnal a thynnu ychwanegiadau ewinedd

* *

29. y gwahanol siapiau ewinedd naturiol yr ydych chi'n debygol o ddod ar eu traws yn ystod gwasanaethau estyn ewinedd

30. sut i ddewis a defnyddio gwahanol fathau o gynnyrch, offer a chyfarpar ar gyfer gwasanaethau estyn ewinedd

31. technegau dewis blaenau ewinedd, eu gosod a'u hasio

32. y technegau a ddefnyddir i sicrhau cryfder a hirhoedledd uchaf blaenau'r ewinedd

33. sut i addasu technegau gosod blaenau ewinedd i gyd-fynd â gwahanol siapiau a chyflyrau ewinedd

34. y rhesymau dros adael ymyl rhydd o amgylch ardal y cwtigl a'r wal ochr

35. y gwahanol fathau o gyfryngau gludo sydd ar gael a'u defnydd

36. dulliau a thechnegau a ddefnyddir i osgoi gormod o gysylltiad â chemegau

37. y gwahaniaethau allweddol wrth osod ac yng nghyfansoddiad cemegol ychwanegiadau gel, hylif a phowdrau ac amlapiau  

38. sut y gall gosod ychwanegiadau ewinedd a'u tynnu yn anghywir ddifrodi'r ewinedd naturiol a'r meinwe meddal amgylchynol

39. y technegau ar gyfer atgyweirio ewinedd naturiol gan gynnwys holltau, craciau, fflawio a thoriadau

40. y technegau ar gyfer atgyweirio ychwanegiadau ewinedd gan gynnwys codi, cracio a cholli cyn amser

41. y gwrtharwyddion a allai ddigwydd, sut i ddelio â hwy a'r cyngor i roi i gleientiaid

42. y technegau a ddefnyddir ar gyfer cynnal a thynnu gwahanol ychwanegiadau ewinedd

43. adeiladwaith yr ewin

44. proses twf yr ewin

45. swyddogaeth ac adeiladwaith y croen

​

Technegau ymgynghori

* *

1. holi

2. gwrando

3. edrych

4. teimlo

5. ysgrifenedig

Camau angenrheidiol

* *

1. annog y cleient i geisio cyngor meddygol

2. esbonio pam na ellid cynnal y gwasanaeth

3. addasu'r gwasanaeth

Ychwanegiadau ewinedd

1. set lawn o droshaenau ewinedd naturiol

2. set lawn o flaenau a throshaenau naturiol

Cyngor ac argymhellion

* *

1. cynnyrch ôl-ofal addas a'u defnydd

2. osgoi gweithgareddau a allai achosi adweithiau

3. cyfnodau amser a argymhellir rhwng gwasanaethau

4. cynnyrch a gwasanaethau yn awr ac yn y dyfodol

Technegau cynnal ewinedd

* *

1. mewnlenwi

2. ail gydbwyso

​

Iechyd a diogelwch

* *

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau Peryglus i Iechyd (COSHH)

7. Rheoliadau Trydan yn y Gweithle

8. Deddf Diogelu'r Amgylchedd

9. Rheoliadau Rheoli Iechyd a Diogelwch yn y Gwaith

10. Rheoliadau Iechyd a Diogelwch (Gwybodaeth i Gyflogeion)

Arferion gwaith amgylcheddol a chynaliadwy

* *

1. gostwng gwastraff a rheoli gwastraff (ailgylchu, ailddefnyddio, gwaredu diogel)

2. gostwng defnydd ar ynni (cyfarpar sy'n arbed ynni, goleuadau ynni isel, defnyddio paneli solar)

3. gostwng defnydd ar ddŵr ac adnoddau eraill

4. atal llygredd

5. defnyddio eitemau untro

6. defnyddio dodrefn wedi'u hailgylchu, ecogyfeillgar

7. defnyddio paent â chemegau isel

8. defnyddio pecynnau cynnyrch ecogyfeillgar

9. dewis cynnyrch domestig cyfrifol (te a choffi Masnach Deg)

10. annog siwrneion i'r gwaith sy'n gostwng carbon

Anghenion amrywiol

1. diwylliannol

2. crefyddol

3. oed

4. anabledd

5. rhyw

Gwrtharwyddion sy'n atal

1. heintiau ffyngaidd

2. heintiau feirws

3. heintiau bacterol

4. heintiau parasitig

5. cyflyrau croen difrifol

Gwrtharwyddion sy'n cyfyngu ar

1. psorïasis

2. dermatitis

3. gwahaniad ewinedd difrifol

4. esgyrn wedi torri

5. cochni neu chwyddo heb wybod pam

6. ewinedd wedi'u difrodi

7. ewinedd wedi teneuo

Cyngor ac argymhellion

* *

1. gwasanaethau ychwanegol

2. cynnyrch ychwanegol

3. gofynion ôl-ofal a chynnal ar gyfer ychwanegiadau ewinedd

4. cyfnodau a argymhellir rhwng gwasanaethau estyn ewinedd

Siapiau ewinedd naturiol

* *

1. ffan

2. bachyn

3. llwy

4. hirgrwn

5. sgwâr

Adweithiau

* *

1. adweithiau alergaidd

2. cysylltiad gormodol ac adwaith ecsothermig

3. heintiau bacterol

4. gwahaniad ewinedd

5. codi cynnyrch

6. colli ychwanegiadau cyn amser

Adeiladwaith yr ewin

* *

1. haen ewin

2. gwely'r ewin

3. matrics

4. cwtigl

5. gwyn yr ewinedd

6. hyponychium

7. eponychium

8. perionychium

9. ymyl rhydd

10. plyg ewin ochr

Twf yr ewin

* *

1. ffurfiant yr ewin

2. cyfradd dyfu

3. ffactorau sy'n effeithio ar dwf

4. effeithiau difrod ar dwf

5. trwch yr ewin

Adeiladwaith y croen

* *

1. dermis

2. uwchgroen

3. haen tan y croen

4. atodion

​

Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd weithio hyblyg

3. gweithiwr tîm

4. agwedd bositif

5. moeseg bersonol a phroffesiynol

​

Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiad hwn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. esbonio'r glir wrth y cleient os na ellir bodloni eu hanghenion neu'u disgwyliadau am unrhyw reswm

10. cynnal dulliau gwaith effeithiol, glân a diogel

11. cadw at gyfarwyddiadau'r gweithle, y cyflenwyr a'r cynhyrchwyr wrth ddefnyddio cyfarpar, deunyddiau a chynnyrch yn ddiogel

12. bodloni safonau ymddangosiad y sefydliad a'r diwydiant.

​

Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a dieiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

6. rhoi gwybodaeth y mae ei hangen ar gleient am wasanaethau a chynnyrch a gynigir gan y sefydliad

​

Mewnlenwi

Taenu cynnyrch newydd yn y bwlch bach sy'n digwydd rhwng y cwtigl a phen yr ychwanegiad, wrth i'r ewin naturiol dyfu. Gwneir hyn bob tua 2-3 wythnos.

Troshaen

Cot denau sy'n cael ei thaenu ar yr ewin naturiol neu dros yr ewin naturiol a'r blaen.

Ail gyd-bwyso

Cynnal yr adeiladwaith ewinedd cyfan, gan gynnwys ardal bwysau, ymyl rhydd a chwtigl. Gwneir hyn bob 4-6 wythnos.