Cynnal gwasanaethau celf ewinedd

​

Mae'r safon hon yn ymwneud â chreu cynlluniau celf ewinedd ar ddwylo a thraed y cleient. Mae'n cynnwys ymgynghori â'r cleientiaid i adnabod eu gofynion cynllun celf ewinedd unigol ac adnabod unrhyw wrtharwyddion a allai effeithio ar y gwasanaeth. Mae hefyd yn cynnwys paratoi, taenu a gorffen y cynllun.

Er mwyn cyflawni'r safon hon bydd angen i chi gynnal iechyd, diogelwch a hylendid effeithiol trwy gydol eich gwaith. Bydd angen i chi hefyd gynnal eich ymddangosiad personol a dangos sgiliau cyfathrebu ac ymgynghori da.

Prif ganlyniadau'r safon hon yw:

1. cynnal dulliau gwaith diogel ac effeithiol wrth ddarparu gwasanaeth celf ewinedd

2. ymgynghori, cynllunio a pharatoi ar gyfer gwasanaethau celf ewinedd

3. cynnal gwasanaethau celf ewinedd

​

Cynnal dulliau gwaith diogel ac effeithiol wrth ddarparu gwasanaeth celf ewinedd

* *

1. cynnal eich cyfrifoldebau dros iechyd a diogelwch trwy gydol y gwasanaeth

2. paratoi'ch cleient a'ch hun i fodloni gofynion cyfreithiol a sefydliadol

3. gosod eich cleient mewn safle i fodloni anghenion y gwasanaeth

4. sicrhau bod eich ystum eich hun a'ch dulliau gwaith yn isafu ar flinder a risg o anaf i chi'ch hun ac eraill

5. sicrhau bod amodau amgylcheddol yn addas i'r cleient a'r gwasanaeth

6. cadw'ch ardal waith yn lân ac yn daclus trwy gydol y gwasanaeth

7. defnyddio dulliau gwaith sy'n isafu ar risg o groes-heintio

8. sicrhau defnydd ar gyfarpar a deunydd glân

9. hyrwyddo arferion gwaith amgylcheddol a chynaliadwy

10. dilyn cyfarwyddiadau'r gweithle a chyflenwyr neu gynhyrchwyr ar gyfer defnydd diogel ar gyfarpar, deunyddiau a chynnyrch

11. cael gwared ar ddeunydd gwastraff i fodloni gofynion cyfreithiol

12. cynnal y gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer gwasanaethau celf ewinedd

* *

13. defnyddio technegau ymgynghori i bennu cynllun gwasanaeth y cleient

14. sicrhau caniatâd gwybodus, wedi'i lofnodi gan riant neu warcheidwad ar gyfer plant cyn unrhyw wasanaeth

15. sicrhau bod rhiant neu warcheidwad yn bresennol trwy gydol y gwasanaeth ar gyfer plant sy'n iau na 16 oed

16. adnabod unrhyw wrtharwyddion a chymryd unrhyw gamau angenrheidiol

17. cytuno ar y gwasanaeth a'r canlyniadau sy'n bodloni anghenion y cleient

18. sicrhau caniatâd gwybodus, wedi'i lofnodi gan y cleient cyn cynnal y gwasanaeth

19. adnabod cyflwr yr ewinedd a'r croen

Darparu gwasanaethau celf ewinedd

* *

20. cadarnhau hyd a siâp dymunol yr ewinedd gyda'r cleient

21. siapio'r ewinedd i sicrhau ymyl rhydd llyfn

22. defnyddio offer a chynnyrch i baratoi'r ewin ar gyfer gwasanaeth celf ewinedd

23. taenu haen sylfaenol celf ewinedd yn unol â'r cynllun

24. dewis offer, cynnyrch a'r technegau celf ewinedd ar gyfer y cynllun y cytunwyd arno

25. taenu technegau celf ewinedd er mwyn cyflawni'r cynllun gofynnol

26. gorffen y cynllun celf ewinedd, gan adael y cwtigl a wal yr ewin yn rhydd rhag cynnyrch

27. sicrhau bod y cleient yn fodlon â'r canlyniad gorffenedig a'i fod yn bodloni'r cynllun y cytunwyd arno

28. rhoi cyngor ac argymhellion i'r cleient ar y gwasanaeth a ddarparwyd                                                                               

29. sicrhau bod cofnodion y cleient yn cael eu cwblhau a'u llofnodi gennych chi a'r cleient

​

Cynnal dulliau gwaith diogel ac effeithiol wrth ddarparu gwasanaethau celf ewinedd

* *

1. eich cyfrifoldebau dros iechyd a diogelwch fel y diffinnir gan unrhyw ddeddfwriaeth benodol sy'n berthnasol i'ch swydd

2. y gofynion cyfreithiol a sefydliadol ar gyfer diogelu a pharatoi cleient

3. y gofynion cyfreithiol a sefydliadol ar gyfer eich hylendid, amddiffyniad ac ymddangosiad personol

4. technegau gosod eich hun a'ch cleient mewn safle diogel a pham ei bod hi'n bwysig defnyddio'r rhain

5. amodau amgylcheddol angenrheidiol ar gyfer gwasanaethau, megis gwresogi ac awyru a pham bod y rhain yn bwysig

6. pam ei bod hi'n bwysig cadw'ch ardal waith yn lân ac yn daclus

7. dulliau glanhau, diheintio a sterileiddio

8. dulliau gweithio yn ddiogel ac yn lân ac mewn ffordd sy'n isafu ar risg o groes-heintio

9. y gwahanol fathau o ddulliau gwaith sy'n hyrwyddo arferion gwaith amgylcheddol a chynaliadwy

10. yr adweithiau a allai ddigwydd, sut i ddelio â hwy a pha gyngor i'w roi i'r cleientiaid

11. y peryglon a'r risgiau sy'n bodoli yn eich gweithle a'r arferion gwaith diogel y mae'n rhaid i chi eu dilyn

12. cyfarwyddiadau cyflenwyr a chynhyrchwyr ar gyfer defnydd diogel ar gyfarpar, deunydd a chynnyrch y mae'n rhaid i chi eu dilyn

13. y gofynion cyfreithiol ar gyfer cael gwared ar wastraff

14. y rhesymau dros gwblhau'r gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer gwasanaethau celf ewinedd

* *

15. pwysigrwydd cyfathrebu gyda chleientiaid mewn modd proffesiynol

16. sut i gynnal ymgynghoriad gan ystyried anghenion amrywiol y cleient

17. y gofynion cyfreithiol ar gyfer trin plant sy'n iau na 16 oed

18. yr oed pan fydd unigolyn yn cael ei ystyried yn blentyn a sut mae hynny'n gwahaniaethu yn genedlaethol

19. y rhesymau dros gytuno ar wasanaeth sy'n bodloni anghenion y cleient

20. arwyddocâd cyfreithiol dros sicrhau caniatâd gwybodus, wedi'i lofnodi gan gleient i gynnal y gwasanaeth

21. y gofynion cyfreithiol ar gyfer storio a diogelu data cleient

22. sut i adnabod gwrtharwyddion a fyddai'n atal neu'n cyfyngu ar y gwasanaeth a pham

23. y gwrtharwyddion sy'n gofyn am atgyfeiriad meddygol a pham

24. y camau angenrheidiol i'w cymryd mewn perthynas â gwrtharwyddion penodol wrth atgyfeirio cleientiaid

25. y rhesymau dros beidio ag enwi gwrtharwyddion penodol wrth atgyfeirio cleientiaid

26. sut i adnabod cyflyrau ewinedd a chroen y gellir eu trin

27. sut i gynnal dadansoddiad ewinedd a chroen

Cynnal gwasanaethau celf ewinedd

* *

28. y gwahanol ddulliau a ddefnyddir i baratoi'r ewinedd ar gyfer taenu celf ewinedd

29. y gwahanol dechnegau taenu a thynnu a ddefnyddir o fewn gwasanaethau celf ewinedd a sut i'w cynnal

30. ystod a defnydd cynnyrch ac offer celf ewinedd

31. y gwahanol arddulliau a themâu cynllun sydd ar gael

32. sut i ddewis a chyfuno lliwiau er mwyn ategu at y cynllun

33. sut y gall cyflwr a siâp ewin y cleient gyfyngu ar y dewis o gynllun

34. adeiladwaith yr ewin

35. proses twf yr ewin

36. swyddogaeth ac adeiladwaith y croen

37. adweithiau posibl a allai ddigwydd, sut i ddelio â hwy a pha gyngor i'w roi i gleientiaid * *

38. y cyngor a'r argymhellion ar gynnyrch a gwasanaethau

​

Technegau ymgynghori

* *

1. holi

2. gwrando

3. edrych

4. teimlo

5. ysgrifenedig

Camau angenrheidiol

* *

1. annog y cleient i geisio cyngor meddygol

2. esbonio pam na ellid cynnal y gwasanaeth

3. addasu'r gwasanaeth

Technegau celf ewinedd

1. trosluniau

2. amlapiau

3. llewyrch

4. addurniadau

5. britho

6. streipio

7. dotio

8. llaw rydd

Cyngor ac argymhellion

* *

1. cynnyrch ôl-ofal addas a'u defnydd

2. osgoi gweithgareddau a allai achosi adweithiau

3. y cyfnodau amser a argymhellir rhwng gwasanaethau

4. cynnyrch a gwasanaethau yn awr ac yn y dyfodol

​

Iechyd a diogelwch

* *

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau Peryglus i Iechyd (COSHH)

7. Rheoliadau Trydan yn y Gweithle

8. Deddf Diogelu'r Amgylchedd

9. Rheoliadau Rheoli Iechyd a Diogelwch yn y Gwaith

10. Rheoliadau Iechyd a Diogelwch (Gwybodaeth i Gyflogeion)

Arferion gwaith amgylcheddol a chynaliadwy

* *

1. gostwng gwastraff a rheoli gwastraff (ailgylchu, ailddefnyddio, gwaredu diogel)

2. gostwng defnydd ar ynni (cyfarpar sy'n arbed ynni, goleuadau ynni isel, defnyddio paneli solar)

3. gostwng defnydd ar ddŵr ac adnoddau eraill

4. atal llygredd

5. defnyddio eitemau untro

6. defnyddio dodrefn wedi'u hailgylchu, ecogyfeillgar

7. defnyddio paent â chemegau isel

8. defnyddio pecynnau cynnyrch ecogyfeillgar

9. dewis cynnyrch domestig cyfrifol (te a choffi Masnach Deg)

10. annog siwrneion i'r gwaith sy'n gostwng carbon

Anghenion amrywiol

1. diwylliannol

2. crefyddol

3. oed

4. anabledd

5. rhyw

Gwrtharwyddion sy'n atal

1. heintiau ffyngaidd

2. heintiau feirws

3. heintiau parasitig

4. cyflyrau croen difrifol

5. ewinedd wedi'u cnoi yn ddifrifol

Gwrtharwyddion sy'n cyfyngu ar

1. heintiau bacterol

2. psorïasis

3. dermatitis

4. gwahaniad ewinedd difrifol

5. esgyrn wedi torri

6. cochni neu chwyddo heb wybod pam

7. ewinedd wedi'u difrodi

Siapiau ewinedd naturiol

* *

1. ffan

2. bachyn

3. llwy

4. hirgrwn

5. sgwâr

Adeiladwaith yr ewin

1. haen ewin

2. gwely'r ewin

3. matrics

4. cwtigl

5. gwyn yr ewinedd

6. hyponychium

7. eponychium

8. wal yr ewin

9. ymyl rhydd

10. plyg ewin ochr

Twf yr ewin

* *

1. ffurfiant yr ewin

2. cyfradd dyfu

3. ffactorau sy'n effeithio ar dwf

4. effeithiau difrod ar dwf

5. trwch yr ewin

Adeiladwaith y croen

* *

1. dermis

2. uwchgroen

3. haen tan y croen

4. atodion

Adweithiau

* *

1. adwaith alergaidd

2. colli cynllun celf ewinedd cyn amser

3. difrod i gynllun celf ewinedd

Cyngor ac argymhellion

1. gwasanaethau ychwanegol

2. cynnyrch ychwanegol

3. ôl-ofal a gofynion cynnal i sicrhau hirhoedledd y cynllun

​

Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd weithio hyblyg

3. gweithiwr tîm

4. agwedd bositif

5. moeseg bersonol a phroffesiynol

​

Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiad hwn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. esbonio'r glir wrth y cleient os na ellir bodloni eu hanghenion neu'u disgwyliadau am unrhyw reswm

10. cynnal dulliau gwaith effeithiol, glân a diogel

11. cadw at gyfarwyddiadau'r gweithle, y cyflenwyr a'r cynhyrchwyr wrth ddefnyddio cyfarpar, deunyddiau a chynnyrch yn ddiogel

12. bodloni safonau ymddangosiad y sefydliad a'r diwydiant.

​

Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a dieiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

6. rhoi gwybodaeth y mae ei hangen ar gleient am wasanaethau a chynnyrch a gynigir gan y sefydliad

​

Addurniadau

Gall y rhain gynnwys rheinstonau, cerrig gwastad neu unrhyw gynnyrch celf parod megis dolenni a blodau.

Llaw rydd

Tynnu lluniau â llaw rydd gan ddefnyddio unrhyw gyfrwng celf ewinedd.

Britho

Dau liw neu'n fwy i greu effaith frith gan ddefnyddio ystod o gynnyrch.

Trosluniau

Gall trosluniau naill ai fod yn ddeunydd sy'n cael eu rhyddhau â dŵr, deunydd sydd â chefn glynu neu ddeunydd y gellir eu gludo gan ddefnyddio glud ar wahân.

Amlapiau

Gall amlapiau fod yn ddeunydd sy'n cael eu rhyddhau â gwres neu'n rhai â chefn glynu.