Darparu gwasanaethau trin ewinedd traed

​

Mae'r safon hon yn ymwneud â darparu gwasanaeth trin ewinedd traed i gleientiaid. Mae'n cynnwys ymgynghori â'r cleient, adnabod unrhyw wrtharwyddion, paratoi ar gyfer y gwasanaeth a chynhyrchu cynllun gwasanaeth. Mae hefyd yn cynnwys siapio'r ewinedd, defnyddio triniaethau croen a chwtigl, glanhau a sychu'r traed, cael gwared ar groen caled gormodol, tylino'r droed a rhan isaf y goes a thaenu gorffeniad addas i'r ewinedd.

Er mwyn cyflawni'r safon hon bydd angen i chi gynnal iechyd, diogelwch a hylendid effeithiol trwy gydol eich gwaith. Bydd angen i chi hefyd gynnal eich ymddangosiad personol a dangos sgiliau cyfathrebu ac ymgynghori effeithiol.

Prif ganlyniadau'r safon hon yw:

1. cynnal dulliau gwaith diogel ac effeithiol wrth ddarparu gwasanaethau trin ewinedd traed

2. ymgynghori, cynllunio a pharatoi ar gyfer gwasanaethau trin ewinedd traed

3. cynnal gwasanaethau trin ewinedd traed

---

​

Cynnal dulliau gwaith diogel ac effeithiol wrth ddarparu gwasanaethau trin ewinedd traed

* *

1. cynnal eich cyfrifoldebau dros iechyd a diogelwch trwy gydol y gwasanaeth

2. paratoi'ch cleient a'ch hun i fodloni gofynion cyfreithiol a sefydliadol

3. gosod eich cleient mewn safle i fodloni anghenion y gwasanaeth

4. sicrhau bod eich ystum eich hun a'ch dulliau gwaith yn isafu ar flinder a risg o anaf i chi'ch hun ac eraill

5. sicrhau bod amodau amgylcheddol yn addas i'r cleient a'r gwasanaeth

6. cadw'ch ardal waith yn lân ac yn daclus trwy gydol y gwasanaeth

7. defnyddio dulliau gwaith sy'n isafu ar risg o groes-heintio

8. sicrhau defnydd ar gyfarpar a deunydd glân

9. hyrwyddo arferion gwaith amgylcheddol a chynaliadwy

10. dilyn cyfarwyddiadau'r gweithle a chyflenwyr neu gynhyrchwyr ar gyfer defnydd diogel ar gyfarpar, deunyddiau a chynnyrch

11. cael gwared ar ddeunydd gwastraff i fodloni gofynion cyfreithiol

12. cynnal y gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer gwasanaethau trin ewinedd traed

* *

13. defnyddio technegau ymgynghori i bennu cynllun gwasanaeth y cleient

14. sicrhau caniatâd gwybodus, wedi'i lofnodi gan riant neu warcheidwad ar gyfer plant cyn unrhyw wasanaeth

15. sicrhau bod rhiant neu warcheidwad yn bresennol trwy gydol y gwasanaeth ar gyfer plant sy'n iau na 16 oed

16. adnabod unrhyw wrtharwyddion a chymryd unrhyw gamau angenrheidiol

17. cytuno ar y gwasanaeth a'r canlyniadau sy'n bodloni anghenion y cleient

18. sicrhau caniatâd gwybodus, wedi'i lofnodi gan y cleient cyn cynnal y gwasanaeth

19. glanhau'r ardal a fydd yn cael ei thrin a thynnu unrhyw orffeniad sydd ar yr ewinedd yn barod

20. adnabod cyflwr yr ewinedd a'r croen

21. argymell triniaethau a chynnyrch ar gyfer math o groen a chyflwr ewinedd y cleient

Cynnal gwasanaethau trin ewinedd traed

* *

22. glanhau a sychu traed y cleient

23. cadarnhau hyd a siâp dymunol yr ewinedd gyda'r cleient

24. siapio'r ewinedd i sicrhau ymyl rhydd llyfn

25. defnyddio offer a chynnyrch i dynnu cwtigl gormodol, heb ddifrodi'r croen o'i amgylch

26. tynnu croen caled gormodol, heb achosi poen i'r cleient

27. dethol a thaenu triniaethau traed ac ewinedd i gyd-fynd â math o groen a chyflwr ewinedd eich cleient  

28. defnyddio dilyniant tylino i fodloni anghenion y cleient a'r cynllun gwasanaeth

29. sicrhau bod ardal yr ewin yn lân, yn sych ac yn rhydd rhag cynnyrch

30. taenu haen sylfaenol sy'n berthnasol i anghenion y cleient

31. taenu gorffeniad ewinedd ac uwch haen, yn y drefn ofynnol

32. sicrhau bod y cwtigl a wal yr ewin yn rhydd rhag cynnyrch

33. sicrhau bod y cleient yn fodlon â gorffeniad yr ewinedd a'i fod yn bodloni'r cynllun gwasanaeth y cytunwyd arno

34. rhoi cyngor ac argymhellion i'r cleient ar y gwasanaeth a ddarparwyd

35. sicrhau bod cofnodion y cleient yn cael eu cwblhau a'u llofnodi gennych chi a'r cleient

---

​

Cynnal dulliau gwaith diogel ac effeithiol wrth ddarparu gwasanaeth trin ewinedd traed

* *

1. eich cyfrifoldebau dros iechyd a diogelwch fel y diffinnir gan unrhyw ddeddfwriaeth benodol sy'n berthnasol i'ch swydd

2. gofynion cyfreithiol a sefydliadol ar gyfer paratoi cleient

3. gofynion cyfreithiol a sefydliadol ar gyfer eich hylendid, amddiffyniad ac ymddangosiad personol

4. technegau gosod eich hun a'ch cleient mewn safle diogel a pham ei bod hi'n bwysig defnyddio'r rhain

5. amodau amgylcheddol angenrheidiol ar gyfer gwasanaethau, megis gwresogi ac awyru a pham bod y rhain yn bwysig

6. pam ei bod hi'n bwysig cadw'ch ardal waith yn lân ac yn daclus

7. dulliau glanhau, diheintio a sterileiddio

8. dulliau gweithio yn ddiogel ac yn lân ac mewn ffordd sy'n isafu ar risg o groes-heintio

9. gwahanol fathau o ddulliau gwaith sy'n hyrwyddo arferion gwaith amgylcheddol a chynaliadwy

10. yr adweithiau a allai ddigwydd, sut i ddelio â hwy a pha gyngor i'w roi i'r cleientiaid

11. y peryglon a'r risgiau sy'n bodoli yn eich gweithle a'r arferion gwaith diogel y mae'n rhaid i chi eu dilyn

12. cyfarwyddiadau cyflenwyr a chynhyrchwyr ar gyfer defnydd diogel ar gyfarpar, deunydd a chynnyrch y mae'n rhaid i chi eu dilyn

13. y gofynion cyfreithiol ar gyfer cael gwared ar wastraff

14. rhesymau dros gwblhau'r gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer gwasanaethau trin ewinedd traed

* *

15. pwysigrwydd cyfathrebu gyda chleientiaid mewn modd proffesiynol

16. sut i gynnal ymgynghoriad gan ystyried anghenion amrywiol y cleient

17. y gofynion cyfreithiol ar gyfer trin plant sy'n iau na 16 oed

18. yr oed pan fydd unigolyn yn cael ei ystyried yn blentyn a sut mae hynny'n gwahaniaethu yn genedlaethol

19. y rhesymau dros gytuno ar wasanaeth sy'n bodloni anghenion y cleient

20. arwyddocâd cyfreithiol sicrhau caniatâd gwybodus, wedi'i lofnodi gan gleient i gynnal y gwasanaeth

21. gofynion cyfreithiol dros storio a diogelu data cleient

22. y camau angenrheidiol i'w cymryd mewn perthynas â gwrtharwyddion penodol wrth gyfeirio cleientiaid

23. sut i adnabod gwrtharwyddion a fyddai'n atal neu'n cyfyngu ar y gwasanaeth

24. y gwrtharwyddion sy'n gofyn am atgyfeiriad meddygol a pham

25. y rhesymau dros beidio ag enwi gwrtharwyddion penodol wrth atgyfeirio cleientiaid

26. y gwahanol fathau o gyflyrau ewinedd a chroen y gellir eu trin

27. sut i gynnal dadansoddiad ewinedd a chroen

Cynnal gwasanaeth trin ewinedd traed

* *

28. y gwahanol siapiau ewinedd naturiol yr ydych chi'n debygol o ddod ar eu traws yn ystod gwasanaethau trin ewinedd traed

29. y technegau a ddefnyddir o fewn trin ewinedd traed a sut i'w cynnal

30. y gwahanol fathau o gynnyrch, offer a chyfarpar trin ewinedd traed a sut i'w defnyddio

31. yr effaith ar yr ewinedd a'r croen wrth ddefnyddio cynnyrch a chyfarpar yn anghywir

32. nodweddion a buddion gwahanol gynnyrch, gwasanaethau a thriniaethau traed ac ewinedd

33. sut i addasu'r gwasanaeth trin ewinedd traed i gyd-fynd ag anghenion y cleient unigol

34. y gwahanol fathau o dechnegau tylino a ddefnyddir gyda gwasanaeth trin ewinedd traed

35. effeithiau technegau tylino ar yr ewinedd, croen, cyhyrau ac adeiladweithiau gwaelodol

36. pam ei bod hi'n bwysig glanhau a sychu'r ewinedd naturiol cyn taenu gorffeniad ar yr ewin

37. pwysigrwydd argymell gorffeniad i'r ewinedd sy'n addas i anghenion y cleient

38. dulliau taenu gwahanol fathau o orffeniadau i'r ewinedd

39. y dulliau a ddefnyddir i dynnu gwahanol orffeniadau ewinedd, gan gynnwys farnis gel a chelf ewinedd

40. anatomi'r droed a rhan isaf y goes

41. adeiladwaith yr ewin

42. proses twf yr ewin

43. swyddogaeth ac adeiladwaith y croen

44. yr adweithiau a allai ddigwydd, sut i ddelio â hwy a pha gyngor i'w roi i gleientiaid

45. y cyngor a'r argymhellion ar gynnyrch a gwasanaethau

---

---

​

Technegau ymgynghori

* *

1. holi

2. gwrando

3. edrych

4. teimlo

5. ysgrifenedig

Camau angenrheidiol

* *

1. annog y cleient i geisio cyngor meddygol

2. esbonio pam na ellid cynnal y gwasanaeth

3. addasu'r gwasanaeth

Triniaethau traed ac ewinedd

* *

1. cwyr paraffîn

2. mygydau traed

3. esgidiau thermal

4. digenwyr

Gorffeniad ewinedd

* *

1. lliw tywyll

2. Ffrengig

3. wedi'u gloywi

Cyngor ac argymhellion

* *

1. cynnyrch ôl-ofal addas a'u defnydd

2. osgoi gweithgareddau a allai achosi adweithiau

3. y cyfnodau amser a argymhellir rhwng gwasanaethau

4. cynnyrch a gwasanaethau yn awr ac yn y dyfodol

---

​

Iechyd a diogelwch

* *

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau Peryglus i Iechyd (COSHH)

7. Rheoliadau Trydan yn y Gweithle

8. Deddf Diogelu'r Amgylchedd

9. Rheoliadau Rheoli Iechyd a Diogelwch yn y Gwaith

10. Rheoliadau Iechyd a Diogelwch (Gwybodaeth i Gyflogeion)

Arferion gwaith amgylcheddol a chynaliadwy

* *

1. gostwng gwastraff a rheoli gwastraff (ailgylchu, ailddefnyddio, gwaredu diogel)

2. gostwng defnydd ar ynni (cyfarpar sy'n arbed ynni, goleuadau ynni isel, defnyddio paneli solar)

3. gostwng defnydd ar ddŵr ac adnoddau eraill

4. atal llygredd

5. defnyddio eitemau untro

6. defnyddio dodrefn wedi'u hailgylchu, ecogyfeillgar

7. defnyddio paent â chemegau isel

8. defnyddio pecynnau cynnyrch ecogyfeillgar

9. dewis cynnyrch domestig cyfrifol (te a choffi Masnach Deg)

10. annog siwrneion i'r gwaith sy'n gostwng carbon

Anghenion amrywiol

 

1. diwylliannol

2. crefyddol

3. oed

4. anabledd

5. rhyw

Gwrtharwyddion sy'n atal

1. heintiau ffyngaidd

2. heintiau feirws

3. heintiau parasitig

4. cyflyrau croen difrifol

Gwrtharwyddion sy'n cyfyngu ar

1. heintiau bacterol

2. psorïasis

3. dermatitis

4. gwahaniad ewinedd difrifol

5. esgyrn wedi torri

6. ewin wedi tyfu i'r byw

7. bynions

8. bodiau cam

Cyflyrau ewinedd

* *

1. newid lliw

2. di-siâp

3. wedi hollti

4. gwrymiog

5. sych

6. dadhydradedig

7. brau

8. tyllog

Siapiau ewinedd naturiol

* *

1. ffan

2. bachyn

3. llwy

4. hirgrwn

5. sgwâr

Anatomi

* *

1. esgyrn y droed a rhan isaf y goes

2. cyhyrau'r droed a rhan isaf y goes

3. cylchrediad y gwaed i'r droed a rhan isaf y goes

 

* *

* *

Adeiladwaith yr ewin

* *

1. haen yr ewin

2. gwely'r ewin

3. matrics

4. cwtigl

5. gwyn yr ewinedd

6. hyponychium

7. eponychium

8. wal yr ewin

9. ymyl rhydd

10. plyg ewin ochr

Twf yr ewin

* *

1. ffurfiant yr ewin

2. cyfradd dyfu

3. ffactorau sy'n effeithio ar dwf

4. effeithiau difrod ar dwf

5. trwch yr ewin

Adeiladwaith y croen

* *

1. dermis

2. uwchgroen

3. haen tan y croen

4. atodion

Cyngor ac argymhellion

* *

1. gwasanaethau ychwanegol

2. cynnyrch ychwanegol

---

​

Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd weithio hyblyg

3. gweithiwr tîm

4. agwedd bositif

5. moeseg bersonol a phroffesiynol

---

​

Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiad hwn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. esbonio'r glir wrth y cleient os na ellir bodloni eu hanghenion neu'u disgwyliadau am unrhyw reswm

10. cynnal dulliau gwaith effeithiol, glân a diogel

11. cadw at gyfarwyddiadau'r gweithle, y cyflenwyr a'r cynhyrchwyr wrth ddefnyddio cyfarpar, deunyddiau a chynnyrch yn ddiogel

12. bodloni safonau ymddangosiad y sefydliad a'r diwydiant.

---

​

Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a dieiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

6. rhoi gwybodaeth y mae ei hangen ar gleient am wasanaethau a chynnyrch a gynigir gan y sefydliad

---

​

Wedi gloywi

Gorffeniad satin neu sglein gan ddefnyddio 2 i 4 ffordd o loywi.

Glanhau'r dwylo

Mae hyn yn cyfeirio at lanhau neu olchi'r dwylo i lefel antiseptig er mwyn rhwystro bacteria.

Gorffeniad Ffrengig

Techneg o fewn gwasanaethau ewinedd sy'n creu llinell wenu ddiffiniedig ar ymyl rhydd yr ewin.

---

---

---

---

31 Maw 2020

---

Ar hyn o bryd

---

Gwreiddiol

---

SkillsActive

---

SKAN3

---

Technegydd ewinedd, Therapydd Harddwch

---

---

trin ewinedd traed; tylino traed; gorffeniad ewinedd;

---