Cynnal a gorffen troshaenau ewinedd gan ddefnyddio ffeil drydan

​

Mae'r safon hon yn ymwneud â defnydd diogel a phriodol ar ffeil drydan yn ystod proses o gynnal a gorffen deunydd troshaen. Mae'n cynnwys ymgynghori, cynllunio a pharatoi at ddefnyddio ffeiliau trydan gan gynnwys cynnal darn llaw ffeil trydan ac atodiadau.

Er mwyn cyflawni'r safon hon bydd angen i chi gynnal iechyd, diogelwch a hylendid effeithiol trwy gydol eich gwaith. Bydd angen i chi hefyd gynnal eich ymddangosiad personol a dangos sgiliau cyfathrebu ac ymgynghori effeithiol.

Prif ganlyniadau'r safon hon yw:

1. cynnal dulliau gwaith diogel ac effeithiol wrth gynnal a gorffen troshaenau ewinedd gan ddefnyddio ffeiliau trydan

2. ymgynghori, cynllunio a pharatoi ar gyfer defnyddio ffeiliau trydan

3. cynnal a gorffen troshaenau ewinedd gan ddefnyddio ffeiliau trydan

​

Cynnal dulliau gwaith diogel ac effeithiol wrth gynnal a gorffen troshaenau ewinedd gan ddefnyddio ffeiliau trydan

* *

1. cynnal eich cyfrifoldebau dros iechyd a diogelwch trwy gydol y gwasanaeth

2. paratoi'ch cleient a'ch hun i fodloni gofynion cyfreithiol a sefydliadol

3. gosod eich cleient mewn safle i fodloni anghenion y gwasanaeth

4. sicrhau bod eich ystum eich hun a'ch dulliau gwaith yn isafu ar flinder a risg o anaf i chi'ch hun ac eraill

5. sicrhau bod amodau amgylcheddol yn addas i'r cleient a'r gwasanaeth

6. cadw'ch ardal waith yn lân ac yn daclus trwy gydol y gwasanaeth

7. defnyddio dulliau gwaith sy'n isafu ar risg o groes-heintio

8. sicrhau defnydd ar gyfarpar a deunydd glân

9. hyrwyddo arferion gwaith amgylcheddol a chynaliadwy

10. dilyn cyfarwyddiadau'r gweithle a chyflenwyr neu gynhyrchwyr ar gyfer defnydd diogel ar gyfarpar, deunyddiau a chynnyrch

11. cael gwared ar ddeunydd gwastraff i fodloni gofynion cyfreithiol

12. cynnal y gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer defnyddio ffeiliau trydan

* *

13.defnyddio technegau ymgynghori i bennu cynllun gwasanaeth y cleient

14. sicrhau caniatâd gwybodus, wedi'i lofnodi gan riant neu warcheidwad ar gyfer plant cyn unrhyw wasanaeth

15. sicrhau bod rhiant neu warcheidwad yn bresennol trwy gydol y gwasanaeth ar gyfer plant sy'n iau na 16

16. adnabod unrhyw wrtharwyddion a chymryd y camau angenrheidiol

17. cytuno ar y gwasanaeth a'r canlyniadau sy'n bodloni anghenion y cleient

18. sicrhau caniatâd gwybodus, wedi'i lofnodi gan y cleient cyn cynnal y technegau llyfnu trydan

19. glanhau'r ardal a fydd yn cael ei thrin a thynnu unrhyw orffeniad sydd ar yr ewinedd yn barod

20. adnabod cyflwr yr ewinedd a'r croen

Cynnal a gorffen troshaenau ewinedd gan ddefnyddio ffeiliau trydan

* *

21. defnyddio atodyn llyfnu ar gyfer y technegau llyfnu gofynnol

22. symud y ffeil drydan ar gyflymder a phwysau sy'n ofynnol ar gyfer y technegau llyfnu

23. symud y ffeil drydan i un cyfeiriad ar draws yr ewin

24. defnyddio'r atodyn ffeil sy'n cylchdroi yn groes i'r ffordd yr ydych chi'n gweithio

25. sicrhau symudiad parhaus y ffeil er mwyn osgoi gwres yn crynhoi ar haen yr ewin

26. defnyddio technegau llyfnu ar droshaen yr ewin ac nid ar yr haen ewin naturiol na'r croen sy'n amgylchynu

27. symud a gosod bys y cleient fel bod y ffeil sy'n troi yn cael ei gadw'n wastad yn erbyn yr ewin

28. mireinio a gorffen y droshaen gan ddefnyddio technegau llyfnu

29. sicrhau bod yr ewin yn gytbwys ac i'r siâp a hyd gofynnol

30. defnyddio ffeil i gyflawni arwyneb gwastad llyfn a sglein

31. sicrhau bod y cleient yn fodlon â'r gwasanaeth sydd wedi'i gwblhau

32. rhoi cyngor ac argymhellion i'r cleient ar y gwasanaeth a ddarparwyd

33. sicrhau bod cofnodion y cleient yn cael eu cwblhau a'u llofnodi gennych chi a'r cleient

​

Cynnal dulliau gwaith diogel ac effeithiol wrth gynnal a gorffen troshaenau ewinedd gan ddefnyddio ffeiliau trydan

* *

1. eich cyfrifoldebau dros iechyd a diogelwch fel y diffinnir gan unrhyw ddeddfwriaeth benodol sy'n berthnasol i'ch swydd

2. gofynion cyfreithiol a sefydliadol ar gyfer amddiffyn a pharatoi cleient

3. gofynion cyfreithiol a sefydliadol ar gyfer eich hylendid, amddiffyniad ac ymddangosiad personol

4. technegau gosod eich hun a'ch cleient mewn safle diogel a pham ei bod hi'n bwysig defnyddio'r rhain

5. amodau amgylcheddol angenrheidiol ar gyfer gwasanaethau, megis gwresogi ac awyru a pham bod y rhain yn bwysig

6. pam ei bod hi'n bwysig cadw'ch ardal waith yn lân ac yn daclus

7. dulliau glanhau, diheintio a sterileiddio

8. dulliau gweithio yn ddiogel ac yn lân ac mewn ffordd sy'n isafu ar risg o groes-heintio

9. y peryglon a'r risgiau sy'n bodoli yn eich gweithle a'r arferion gwaith diogel y mae'n rhaid i chi eu dilyn

10. gwahanol fathau o ddulliau gwaith sy'n hyrwyddo arferion gwaith amgylcheddol a chynaliadwy

11. cyfarwyddiadau cyflenwyr a chynhyrchwyr ar gyfer defnydd diogel ar gyfarpar, deunydd a chynnyrch y mae'n rhaid i chi eu dilyn

12. y gofynion cyfreithiol ar gyfer cael gwared ar wastraff

13. y rhesymau dros gwblhau'r gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer defnyddio ffeiliau trydan

* *

14. pwysigrwydd cyfathrebu gyda chleientiaid mewn modd proffesiynol

15. sut i gynnal ymgynghoriad gan ystyried anghenion amrywiol y cleient

16. y gofynion cyfreithiol ar gyfer trin plant sy'n iau na 16 oed

17. yr oed pan fydd unigolyn yn cael ei ystyried yn blentyn a sut mae hynny'n gwahaniaethu yn genedlaethol

18. y rhesymau dros gytuno ar wasanaeth sy'n bodloni anghenion y cleient

19. arwyddocâd cyfreithiol dros sicrhau caniatâd gwybodus, wedi'i lofnodi gan gleient i gynnal y gwasanaeth

20. gofynion deddfwriaethol ar gyfer storio a diogelu data cleient

21. sut i adnabod gwrtharwyddion a fyddai'n atal neu'n cyfyngu ar y gwasanaeth

22. y gwrtharwyddion sy'n gofyn am atgyfeiriad meddygol a pham

23. y camau angenrheidiol i'w cymryd mewn perthynas â gwrtharwyddion penodol wrth atgyfeirio cleientiaid

24. y rhesymau dros beidio ag enwi gwrtharwyddion penodol wrth atgyfeirio cleientiaid

25. sut i adnabod cyflyrau croen ac ewinedd y gellir eu trin

26. sut i gynnal dadansoddiad ewinedd a chroen

Cynnal a gorffen troshaenau ewinedd gan ddefnyddio ewinedd trydan

* *

27. mathau a defnydd ar gyfarpar ac atodiadau llyfnu trydan

28. technegau llyfnu trydan, gan gynnwys teneuo troshaenau, gloywi a defnyddio gwahanol gyflymder cylchdro

29. sut i osod a chefnogi bys eich cleient wrth weithio gyda ffeil drydan

30. pam ei bod hi'n bwysig cynnal cyswllt tri phwynt wrth weithio gyda ffeil drydan

31. sut i addasu'r cyfarpar ar gyfer eu defnyddio â llaw chwith a llaw dde

32. y rhesymau dros weithio i un cyfeiriad ar draws y droshaen

33. pam ei bod hi'n bwysig gweithio yn groes i gylchdro'r atodiad ffeil

34. sut i gynnal cydbwysedd, siâp a lleoliad y pig wrth lyfnu â thrydan

35. y difrod a achosir trwy ddefnydd amhriodol neu gamddefnydd ar ffeiliau trydan

36. sut i osgoi gwres yn crynhoi wrth ddefnyddio ffeil drydan

37. y gwrtharwyddion a allai ddigwydd a sut i ddelio â hwy

38. pam y dylid ffeilio'r ewinedd naturiol â llaw bob amser cyn gosod y droshaen

39. buddion, defnydd a chyfyngiadau ffeil llaw a ffeil drydan

40. y rhesymau pam na ddylid byth defnyddio ffeiliau trydan i asio blaenau

41. gofalu a chynnal ffeiliau trydan

42. cyngor ac argymhellion ar gynnyrch a gwasanaethau

​

Technegau ymgynghori

* *

1. holi

2. gwrando

3. edrych

4. teimlo

5. ysgrifenedig

Camau angenrheidiol

* *

1. annog y cleient i geisio cyngor meddygol

2. esbonio pam na ellid cynnal y gwasanaeth

3. addasu'r gwasanaeth

Technegau llyfnu

* *

1. gostwng yr hyd

2. mireinio arwynebau

3. teneuo'r ymyl rhydd

4. gloywi

5. gostwng swmp y droshaen

Atodiad ffeil

* *

1. darn carbid neu ddiemwnt

2. darn ôl-lenwi

3. bandiau mandrel a sandio

4. glanhawr dan yr ewin

Cyngor ac argymhellion

* *

1. cynnyrch ôl-ofal addas a'u defnydd

2. osgoi gweithgareddau a allai achosi adweithiau

3. cyfnodau amser a argymhellir rhwng gwasanaethau

4. cynnyrch a gwasanaethau yn awr ac yn y dyfodol

​

Iechyd a diogelwch

* *

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau Peryglus i Iechyd (COSHH)

7. Rheoliadau Trydan yn y Gweithle

8. Deddf Diogelu'r Amgylchedd

9. Rheoliadau Rheoli Iechyd a Diogelwch yn y Gwaith

10. Rheoliadau Iechyd a Diogelwch (Gwybodaeth i Gyflogeion)

Arferion gwaith amgylcheddol a chynaliadwy

* *

1. gostwng gwastraff a rheoli gwastraff (ailgylchu, ailddefnyddio, gwaredu diogel)

2. gostwng defnydd ar ynni (cyfarpar sy'n arbed ynni, goleuadau ynni isel, defnyddio paneli solar)

3. gostwng defnydd ar ddŵr ac adnoddau eraill

4. atal llygredd

5. defnyddio eitemau untro

6. defnyddio dodrefn wedi'u hailgylchu, ecogyfeillgar

7. defnyddio paent â chemegau isel

8. defnyddio pecynnau cynnyrch ecogyfeillgar

9. dewis cynnyrch domestig cyfrifol (te a choffi Masnach Deg)

10. annog siwrneion i'r gwaith sy'n gostwng carbon

Anghenion amrywiol

1. diwylliannol

2. crefyddol

3. oed

4. anabledd

5. rhyw

Gwrtharwyddion sy'n atal

1. heintiau ffyngaidd

2. heintiau feirws

3. heintiau bacterol

4. heintiau parasitig

5. cyflyrau croen difrifol

Gwrtharwyddion sy'n cyfyngu ar

1. psorïasis

2. dermatitis

3. gwahaniad ewinedd difrifol

4. esgyrn wedi torri

5. cochni neu chwyddo heb wybod pam

6. ewinedd wedi'u difrodi

7. ewinedd wedi teneuo

Adweithiau

* *

1. pothellu

2. ffrithiant gwres

3. haen yr ewin yn teneuo

4. briwiau a chrafiadau

Cyngor ac argymhellion

* *

1. gwasanaethau ychwanegol

2. cynnyrch ychwanegol

3. pwysigrwydd dilyn cyfarwyddiadau'r cynhyrchwyr ar gyfer gofalu a chynnal ffeiliau trydan

​

Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd weithio hyblyg

3. gweithiwr tîm

4. agwedd bositif

5. moeseg bersonol a phroffesiynol

​

Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiad hwn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. esbonio'r glir wrth y cleient os na ellir bodloni eu hanghenion neu'u disgwyliadau am unrhyw reswm

10. cynnal dulliau gwaith effeithiol, glân a diogel

11. cadw at gyfarwyddiadau'r gweithle, y cyflenwyr a'r cynhyrchwyr wrth ddefnyddio cyfarpar, deunyddiau a chynnyrch yn ddiogel

12. bodloni safonau ymddangosiad y sefydliad a'r diwydiant.

​

Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a dieiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

6. rhoi gwybodaeth y mae ei hangen ar gleient am wasanaethau a chynnyrch a gynigir gan y sefydliad

​

Darn baril

Mae hwn yn atodiad ffeil drydan sydd naill ai'n carbid neu ddiemwnt

* *

Troshaen

Cot denau o gynnyrch sy'n cael ei thaenu dros yr arwyneb naturiol neu ewin artiffisial cyfan.