Cyfrannu tuag at ddatblygiad cydberthynasau effeithiol yn y gwaith

​

Mae'r safon yma'n cydfodoli â, SKAHDBRBNST1 Gweithredu a chynnal arferion gwaith diogel, glanwaith ac effeithiol*.* Mae'r safon yma ar gyfer pobl broffesiynol sy'n gweithio gyda chydweithwyr er mwyn gwella datblygiad personol a hybu rhediad rhwydd y busnes. Bydd gofyn i chi ddangos agwedd gadarnhaol tuag at eich gwaith a defnyddio sgiliau cyfathrebu effeithiol gyda'ch cydweithwyr er mwyn osgoi camddealltwriaeth a chamgyfarwyddiad. Bydd gofyn i chi hefyd wneud gwerthusiad ar ôl y driniaeth ac adfyfyrio er mwyn gwelliant parhaus. Bydd rhaid i ddefnyddwyr y safon yma wneud yn siwr bod eu harferion yn adlewyrchu'r wybodaeth, y polisïau, y gweithdrefnau a'r cyfarwyddyd am yr arfer orau.

Y prif ddeilliannau yw:

1. Gwella eich perfformiad personol yn y gwaith.
2. Gweithio'n effeithiol fel rhan o dîm.

---

​

Gwella eich perfformiad personol yn y gwaith

1. nodi eich cryfderau a'ch gwendidau a'u trafod gyda'r unigolyn perthnasol
2. canfod mwy o wybodaeth gan bobl berthnasol i berfformio tasg pan fo'r cyfarwyddiadau sydd gennych yn aneglur
3. ceisio adborth gan bobl berthnasol ynglŷn â sut gellwch wella eich perfformiad
4. gofyn i'ch cydweithwyr am gymorth a manteisio ar gyfleoedd i ddysgu pan maent ar gael
5. ceisio cymorth a gwybodaeth gan bobl berthnasol pan nad ydych yn medru cael cyfleoedd dysgu sy'n gysylltiedig â'ch gwaith
6. adolygu datblygiadau yn eich diwydiant a meysydd cysylltiedig yn rheolaidd
7. cytuno ar dargedau gwaith realistig gyda'r unigolyn perthnasol
8. adolygu yn rheolaidd eich cynnydd tuag at gyflawni eich targedau a gytunwyd
9. defnyddio canlyniadau eich adolygiadau i ddatblygu eich cynllun datblygiad personol ar gyfer y dyfodol
10. cytuno ar ffyrdd o weithio gyda'ch gilydd er mwyn cyflawni amcanion
11. gofyn am gymorth a gwybodaeth gan eich cydweithwyr pan fo angen
12. ymateb i geisiadau am gymorth gan gydweithwyr
13. rhagweld anghenion pobl eraill a chynnig cymorth o fewn eich gallu
14. gwneud defnydd effeithiol o'ch amser drwy gydol eich diwrnod gwaith
15. adrodd am broblemau sy'n debygol o effeithio ar wasanaethau i'r unigolyn perthnasol
16. datrys camddealltwriaethau gyda'ch cydweithwyr

---

​

1. sut i gael gwybodaeth am eich swydd, eich cyfrifoldebau gwaith a'r safonau a ddisgwylir gennych
2. sut i ganfod gwybodaeth berthnasol am feysydd cyfrifoldeb pobl eraill
3. pam ei bod yn bwysig gweithio o fewn cyfrifoldebau eich swydd a beth all ddigwydd os na wnewch chi hynny
4. sut i nodi eich cryfderau a'ch gwendidau eich hun
5. pwysigrwydd cwrdd â'ch targedau datblygiad personol a chynhyrchiant
6. pwysigrwydd datblygiad proffesiynol parhaus a sut mae'n effeithio ar eich swydd
7. pwy all fod o gymorth i chi i nodi a chael cyfleoedd ar gyfer eich datblygiad a'ch hyfforddiant
8. cyfyngiadau eich awdurdod chi ac eraill pan ddaw i roi cymorth
9. y safonau ymddygiad a ddisgwylir gennych chi o fewn eich amgylchedd waith
10. gweithdrefnau apelio a chwynion eich sefydliad
11. yr amrywiaeth o amseroedd ar gyfer cyflawni gwasanaethau a gynigir ac sy'n fasnachol hyfyw
12. sut gall defnyddio'r Safonau Galwedigaethol Cenedlaethol fod o gymorth i chi ar gyfer nodi eich anghenion datblygiad
13. sut i gadw ymwybyddiaeth o dueddiadau cyfredol a datblygiadau o fewn y diwydiant a rhai sy'n datblygu a pham bod hyn yn bwysig
14. pwysigrwydd defnyddio a diweddaru eich cynllun personol eich hun yn barhaus
15. pam bod cydberthnasau cytûn yn y gwaith yn bwysig
16. sut i ymateb yn gadarnhaol i adolygiadau ac adborth a pham bod hyn yn bwysig
17. sut i gefnogi ffyrdd cydweithredol o weithio
18. sut i reoli eich amser yn effeithiol
19. i bwy dylech adrodd pan 'rydych yn cael trafferthion yn gweithio gydag eraill
20. sut i ddelio gyda thrafferthion mewn cydberthnasau a gwrthdrawiadau pan yn gweithio gydag eraill
21. y sgiliau holi a gwrando yr ydych eu hangen er mwyn dod o hyd i wybodaeth

---

​

---

---

---

---

---

---

---

​

---

---

---

31 Maw 2024

---

Ar hyn o bryd

---

Gwreiddiol

---

SkillsActive

---

SKAG3

---

Trinwyr gwallt a Galwedigaethau Cysylltiedig, Therapydd Harddwch

---

6221

---

Cyfrannu tuag at ddatblygiad cydberthynasau effeithiol yn y gwaith, therapyddion harddwch, trin gwallt a barbro

---