Yn ol

Gosod, steilio a thrin y gwallt

URN: SKAHD1

Sectorau Busnes (Suites): Trin gwallt

Datblygwyd gan: SkillsActive

Cymeradwy ar: 30 Maw 2021

Lawrlwythwch fel PDF

Trosolwg

Mae'r safon yma yn cydfodoli â, SKAHDBRBNST1 Gweithredu a chynnal arferion gwaith diogel, glanwaith ac effeithiol a SKAHDBRBNS1 Ymgynghori, asesu, cynllunio a pharatoi ar gyfer gwasanaethau Gwallt, Barbro, Harddwch, Ewinedd, Lles a Holistig. Mae'r safon yma'n ymwneud â rhywun proffesiynol o faes trin gwallt sy'n gwneud gosodiad gwlyb neu sych, steilio neu drin y gwallt, mae hyn yn ymgorffori dyluniadau ar gyfer y gwallt. Bydd gofyn i chi hefyd wneud gwerthusiad ar ôl y driniaeth ac adfyfyrio er mwyn gwelliant parhaus. Bydd rhaid i ddefnyddwyr y safon yma wneud yn siwr bod eu harferion yn adlewyrchu'r wybodaeth, y polisïau, y gweithdrefnau a'r cyfarwyddyd am yr arfer orau. Cynghorir defnyddwyr y safon yma i fod yn ymwybodol o, a chydymffurfio gyda gofynion cymorth cyntaf yn unol â deddfwriaeth a pholisïau a gweithdrefnau cyfundrefnol.

Y prif ddeilliannau yw:

Gosod gwallt gwlyb
Gosod gwallt sych
Lapio a gosod y gwallt
Steilio a thrin y gwallt
Gorffen y gwallt

Meini prawf perfformiad

Mae'n rhaid eich bod chi'n gallu:

1. cynnal ymgynghoriad cryno a chynhwysfawr gyda'r unigolyn

2. cadw at eich cyfrifoldebau am iechyd a diogelwch yn unol â deddfwriaeth, rheoliadau, cyfarwyddebau a chanllawiau

3. trafod a darganfod amcanion yr unigolyn a’r canlyniadau a ddymunir, er mwyn cael y wybodaeth ar gyfer y cynllun gwasanaeth gosod, steilio a thrin, i gynnwys:

3.1 hanes triniaethau

3.2 dewisiadau triniaeth amgen

4. gwneud dadansoddiad o’r gwallt a chroen y pen, i gynnwys:

4.1 dosbarthiad cyrls y gwallt

4.2 nodweddion y gwallt

4.3 stad y gwallt

4.4 cyflwr croen y pen

5. gwneud profion er mwyn penderfynu addasrwydd ar gyfer y gwasanaeth, i gynnwys:

5.1 cofnodi’r canlyniadau a’u cadw yn unol â deddfwriaeth data

6. trafod technegau trin ac effeithiau codi’r gwallt i’w defnyddio yn unol â’r cynllun gwasanaeth gosod, steilio a thrin, i gynnwys:

6.1 y cynnyrch, yr offer a’r cyfarpar sydd eu hangen

6.2 yr amser a’r gost a ragwelir

7. cadarnhau a chytuno gyda’r unigolyn, ei fod wedi deall y gwasanaeth gosod, steilio a thrin arfaethedig, i gynnwys:

7.1 gwrth weithredoedd

7.2 adweithiau niweidiol

8. sicrhau cydsyniad gwybodus yr unigolyn ar gyfer y gwasanaeth gosod, steilio a thrin

9. paratoi’r unigolyn a siampwio’r gwallt a chroen y pen yn unol â’r protocol gwasanaeth gosod, steilio a thrin *

10. cribo’r gwallt i baratoi ar gyfer y gwasanaeth yn unol â’r protocol gwasanaeth gosod, steilio a thrin, i gynnwys:

10.1 dodi cynnyrch yn unol â’r cynllun gwasanaeth gosod, steilio a thrin

Gosod gwallt sych/gwlyb

11. chwythsychu’r gwallt, gan gadw’r risg o ddifrod i’r gwallt mor isel â phosibl os yn gwneud gosodiad sych, i gynnwys:

11.1 cadw tyndra gwastad drwy gydol y broses sychu pan yn defnyddio offer

12. paratoi’r rholeri ar gyfer y gwasanaeth gosod

13. dewis y rholeri a/neu faint y pinnau cyrlio yn unol â’r protocol gwasanaeth gosod, steilio a thrin

14. defnyddio’r *technegau gosod a gytunwyd er mwyn rhannu a chordeddu’r gwallt, gan gadw’r risg o ddifrod i groen y pen mor isel â phosibl

14.1 dewis y rhwyllau o wallt sy’n addas ar gyfer maint y rholeri a ddefnyddir

14.2 cadw tyndra gwastad drwy gydol y broses lapio

14.3 sicrhau bod yr holl roleri sydd wedi eu cordeddu yn ddiogel ac ar y sylfaen neu oddi arno er mwyn cwrdd â’r gofynion steil

15. gosod yr amser a bennir yn unol â’r protocol gwasanaeth gosod, steilio a thrin, i gynnwys:

15.1 caniatau sychu â llaw neu ddefnyddio sychwr cwfwl ar gyfer gwasanaeth gosod gwlyb yn unol â’r protocol gwasanaeth gosod, steilio a thrin

16. cael gwared o’r rholeri, gan gadw’r risg o ddifrod i’r gwallt mor isel â phosibl

Gosod y gwallt wedi’i lapio

17. gosod y gwallt wedi’i lapio o amgylch cylchedd y pen a’i wneud yn gadarn, i gynnwys:

17.1 sicrhau bod y rhannau sydd wedi eu lapio yn llyfn, cadarn, silindraidd ac yn llwyr orchuddio’r pen gyda thyndra gwastad drwyddo draw

18. dodi rhwyd gosod er mwyn sicrhau bod y lapiad gorffenedig yn ei safle

Steilio

19. paratoi a dewis cynnyrch, offer steilio gwresol a chyfarpar sy’n addas ar gyfer sicrhau’r steil a gytunwyd gyda’r unigolyn, i gynnwys:

19.1 dodi’r offeryn steilio gwresol ar y tymheredd gweithredol a argymhellwyd ar gyfer dosbarthiad cyrls y gwallt a’i nodweddion

20. rhannu a sicrhau’r gwallt yn unol â’r cynllun gwasanaeth gosod, steilio a thrin

21. cyflawni technegau steilio gwresol gan ddefnyddio eich offer steilio gwresol mewn modd trefnus ar y gwallt, gan gadw’r risg o ddifrod i’r gwallt mor isel â phosibl, i gynnwys:

21.1 dewis rhwyllau o wallt sy’n addas ar gyfer maint y cyfarpar gwresol sydd i’w ddefnyddio

Trin

22. cyflawni technegau trin ac effeithiau codi’r gwallt yn unol â’r protocol gwasanaeth gosod, steilio a thrin, i gynnwys:

23. cadw’r risg o ddifrod i’r gwallt mor isel â phosibl

Gorffen

24. cwblhau’r gwasanaeth yn unol â’r protocol gwasanaeth gosod, steilio a thrin, i gynnwys :

24.1 dodi cynnyrch gorffen

25. cadarnhau gyda’r unigolyn ei fod yn fodlon gyda’r canlyniad terfynol

26. monitro iechyd a lles yr unigolyn drwy gydol y gwasanaeth gosod, steilio a thrin

27. gweithredu yn y modd cywir os bydd adwaith niweidiol

28. cwblhau cofnodion yr unigolyn a’u cadw yn unol â deddfwriaeth data

29. defnyddio ymarfer adfyfyriol i werthuso’r gwasanaeth gosod, steilio a thrin a gweithredu yn y modd priodol

30. rhoi cyfarwyddiadau a chyngor i’r unigolyn, cyn ac ar ôl y gwasanaeth

31. cofnodi canlyniad y gwasanaeth gosod, steilio a thrin a cael gwared ohono a‘r gwerthusiad ohono

Gwybodaeth a Dealltwriaeth

You need to know and understand:

1. eich swyddogaeth a’ch cyfrifoldebau o ran darparu gwasanaethau gosod, steilio a thrin y gwallt a phwysigrwydd gweithio o fewn eich gallu

2. pam ei bod yn rhaid i chi gydymffurfio gydag arfer moesegol a gweithio o fewn gofynion deddfwriaethol, i gynnwys:

2.1 y cyfrifoldebau drosoch chi eich hun a’ch adeiladau o dan reoliadau trwyddedu yr awdurdod lleol

3. pwysigrwydd ymwneud â, a dogfennu datblygiad proffesiynol parhaus, i gynnwys, polisïau gwybodaeth wedi eu diweddaru, gweithdrefnau a chanllawiau ar gyfer arfer gorau

4. yr anatomeg a’r ffisioleg sy’n berthnasol i’r safon yma

5. y gwrtharwyddion cymharol a llwyr sy’n berthnasol i’r gwasanaeth gwallt, i gynnwys:

5.1 y gofynion deddfwriaethol ac yswiriant ar gyfer cael diagnosis meddygol a chyfeirio

6. pwysigrwydd adnabod nodweddion afreolaidd ar y croen a niwed i groen y pen, a’u cyfeirio at weithiwr proffesiynol perthnasol ym maes gofal iechyd

7. y mathau o dechnegau ar gyfer gosod, steilio a thrin y gwallt a’u cyfyngiadau a’r addasiadau sydd eu hangen, mewn perthynas â’r canlynol:

7.1 dosbarthiad cyrls y gwallt

7.2 nodweddion y gwallt

7.3 stad y gwallt

7.4 cyflwr croen y pen

7.5 hanes triniaeth

8. pwysigrwydd gwneud dadansoddiad o’r gwallt a chroen y pen a sut mae hyn yn effeithio ar y dewis o wasanaethau gosod, steilio a thrin y gwallt a’r technegau a ddefnyddir, i gynnwys:

8.1 yr addasiadau sydd eu hangen

9. pwysigrwydd gwneud profion a sut gall canlyniadau’r profion effeithio ar y gwasanaeth gosod, steilio a thrin

10. sut i adnabod gwallt wedi’i orbrosesu, y risgiau cysylltiedig a’r camau i’w cymryd

11. sut i adnabod trichorrhexis nodosa, y risgiau cysylltiedig a pha gamau i’w cymryd

12. pryd a pham bod angen siampwio’r gwallt a chroen y pen cyn y gwasanaeth gosod, steilio a thrin

13. pam dylai gwallt fod yn wastad wlyb cyn y gwasanaeth i sychu’r gwallt

14. sut a pham caiff technegau gosod gwlyb a sych eu cyflawni

15. sut i osod y gwallt wedi’i lapio er mwyn sicrhau ei fod yn gorwedd yn llyfn ac yn wastad yn erbyn croen y pen ac yn y cyfeiriad i sicrhau’r steil a ddymunir

16. sut a phryd defnyddir technegau gosod a thrin o fewn gwasanaethau gosod, steilio a thrin

17. amser y gwasanaeth yn unol â pholisïau a gweithdrefnau cyfundrefnol

18. sut i ddefnyddio ac addasu technegau trin ac effeithiau codi’r gwallt ar gyfer achlysur arbennig

19. sut gall tyndra gormodol ac onglau anghywir pan yn cordeddu ddifrodi’r gwallt a chroen y pen

20. sut i adnadod yr arwyddion cyntaf o alopecia hydyniad

21. y mathau o golli gwallt a’u hachosion

22. pam bod angen brwsio’n drylwyr rannau o’r gwallt sydd wedi eu gosod

23. y dulliau o drin, rheoli a sicrhau gwallt er mwyn sicrhau cyrls rholau

24. y mathau o gynnyrch cyn triniaeth, steilio a gorffen sydd ar gael ar gyfer gwasanaethau gosod, steilio a thrin

25. effeithiau lleithder ar y gwallt

26. y newidiadau ffisiolegol i strwythur y gwallt yn ystod y broses osod

27. sut gall triniaethau gwresol gyflymu amser y broses

28. sut mae gwarchodwyr gwres yn amddiffyn y gwallt cyn gwasanaethau gwresol

29. sut i gadw’r steil a gytunwyd a sicrhau ei fod yn parhau yn hir

30. sut i gael gwared o roleri mewn modd diogel er mwyn osgoi difrod i’r gwallt

31. pwysigrwydd ymgynghori gyda’r unigolyn drwy gydol y gwasanaeth gosod, steilio a thrin y gwallt

32. yr adweithiau niweidiol a gysylltir â’r gwasanaethau gosod, steilio a thrin y gwallt a sut i ymateb iddynt

33. y cyfrifoldebau iechyd a diogelwch yn unol â deddfwriaeth cyn, yn ystod ac ar ôl y gwasanaeth

34. y gofynion cyfreithiol ar gyfer darparu gwasanaethau i’r gwallt i blant dan oed ac oedolion bregus

35. pam ei bod hi'n bwysig trafod a sefydlu amcanion yr unigolyn, ei bryderon, disgwyliadau, y canlyniadau y mae'n eu dymuno a chytuno ar y cynllun gwasanaeth gosod, steilio a thrin y gwallt

36. y strwythurau taliadau a’r dewisiadau ar gyfer gwasanaeth

37. y gofynion deddfwriaethol a digollediad er mwyn sicrhau cydsyniad gwybodus wedi'i lofnodi ar gyfer y gwasanaeth

38. y rhesymau dros gymryd delweddau gweledol gyda chydsyniad o fan triniaeth yr unigolyn, a'u cadw yn unol â gofynion y gwasanaeth, deddfwriaethol, yswiriant a chyfundrefnol

39. pwysigrwydd cadw at y protocol gwasanaeth gosod, steilio a thrin y gwallt

40. pwysigrwydd monitro iechyd a lles yr unigolyn yn ystod ac ar ôl y gwasanaeth

41. canlyniadau disgwyliedig gwasanaethau gosod, steilio a thrin y gwallt

42. diben ymarfer adfyfyriol a gwerthuso a’r modd y mae’n darparu gwybodaeth ar gyfer gwasanaethau yn y dyfodol

43. y cyfarwyddiadau a’r cyngor, cyn ac ar ôl y gwasanaethau gosod, steilio a thrin y gwallt

Cwmpas/ystod

Dosbarthiad cyrls y gwallt

1. syth
2. tonnog
3. cyrliog
4. cyrls
5. cyfuniad

Nodweddion y gwallt

1. dwysedd y gwallt
2. gwëad y gwallt
3. hydwythedd y gwallt
4. mandylledd y gwallt
5. patrymau tŵf y gwallt

Stad y gwallt

1. gwallt sydd heb ei drin yn gemegol
2. gwallt sydd wedi ei drin yn rhannol â chemegion
3. gwallt sydd wedi ei drin yn gemegol

Profion

1. mandylledd
2. hydwythedd

Technegau trin ac effeithiau codi’r gwallt

1. cyrls
2. rholau
3. llyfnhau
4. cribo am yn ôl
5. brwsio am yn ôl
6. plethu

Cyfarpar

1. rholeri
2. clipiau cyrl pin
3. cyfarpar gwresol

Protocol gwasanaeth gosod, steilio a thrin y gwallt

1. amgylchedd waith
2. iechyd a diogelwch
3. atal a rheoli haint
4. cynllun gwasanaeth
5. cyfarwyddiadau’r gwneuthurwr
6. cydsyniad gwybodus
7. canlyniadau profion
8. rheoli data
9. archwilio ac atebolrwydd
10. cyfarwyddiadau a chyngor
11. cynaliadwyedd
12. rheoli gwastraff
13. ymarfer wedi’i seilio ar dystiolaeth
14. ymarfer adfyfyriol

Technegau gosod

1. dodi rholer
2. spiral cyrlio troellog
3. gosod y gwallt i’w lapio
4. cyrlio â phin er mwyn rhoi maint
5. cyrlio â phin er mwyn rhoi symudiad gwastad a llai o faint

Rhannu a choreddu

1. pwynt i’r gwraidd
2. gwraidd i’r pwynt
3. ar y sylfaen
4. oddi ar y sylfaen
5. cyfeiriol
6. bric

Technegau steilio gwresol

1. cyrlio
2. tonnio
3. sythu

Cyfarwyddiadau

1. hawliau cyfreithiol a chyfrifoldebau yr unigolyn a’r ymarferydd
2. cyfarwyddiadau a gofal cyn ac ar ôl y gwasanaeth
3. cyfyngiadau a risgiau cysylltiedig
4. triniaethau yn y dyfodol

Anatomeg a ffisioleg

1. strwythur a swyddogaeth y gwallt a chylch tŵf y gwallt
2. strwythur a swyddogaeth y croen
3. strwythur anatomegol sylfaenol y pen, gwddf a’r ysgwyddau
4. gwrtharwyddion cymharol a llwyr a phatholegau cysylltiedig

Cynnyrch steilio a gorffen

1. gwarchodwyr gwres
2. mousse
3. hufennau
4. sera
5. gel
6. chwistrellydd gwallt
7. olew
8. pomadau
9. chwistrellydd gwella gweadu
10. golchdrwythau gosod

11. cwyr

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Gwrtharwydd llwyr

Mae gwrtharwydd llwyr yn gyflwr sy'n rhwystro'r gwasanaeth rhag cael ei gyflawni ac a all fod angen cael ei gyfeirio

Adwaith niweidiol

**Adwaith niweidiol yw adwaith 'annisgwyl' neu ganlyniad yn dilyn

gwasanaeth e.e. llewygu

Gwrth weithred

Gwrth weithred yw adwaith neu ganlyniad 'disgwyliedig' yn dilyn gwasanaeth,

e.e. erythema

Ymarfer wedi ei seilio ar dystiolaeth

** Mae ymarfer wedi ei seilio ar dystiolaeth yn seiliedig ar y dystiolaeth orau gyfredol, ddilys a pherthnasol sydd ar gael

Cymorth Cyntaf

**Gall cymorth cyntaf gyfeirio at gymwysterau cymorth cyntaf yn y gwaith neu ei gyffelyb neu ymwybyddiaeth o gymorth cyntaf iechyd meddyliol

Dosbarthiad cyrls y gwallt

Gellir cyfeirio at ddosbarthiad cyrls y gwallt fel Math 1 – 4.

Protocol

Protocol yw gweithdrefn safonol er mwyn sicrhau arfer gorau a

chydymffurfiad pan yn darparu gwasanaethau h.y. dilyn cyfarwyddiadau'r gwneuthurwr

Gwrtharwydd cymharol

Gwrtharwydd cymharol yw cyflwr sy'n gofyn am asesiad o addasrwydd ar gyfer y gwasanaeth a/neu os oes angen addasiadau.

Achlysur arbennig

Gellir dosbarthu achlysur arbennig fel digwyddiadau priodasol, prom, ffurfiol neu anffurfiol.

Gosod a'i lapio

Gellir gosod gwallt a'i lapio pan fo'r gwallt yn wlyb neu yn sych ac fe'i defnyddir yn bennaf er mwyn lleihau maint. Gellir cyfeirio at lapiad sych fel lapiad sidan.

Dolenni I NOS Eraill

SKAHDBRBNST1, SKAHDBRBNS1, SKAHDBR1, SKAHD2 SKAHDBR2, SKAHDBR3, SKAHDBR4, SKAHDBR5, SKAHDBR6, SKAHDBR7, SKAHDBR8, SKAHDBR9, SKAHDBR10, SKAHDBR11, SKAHDBR12, SKAHDBR13, SKAHDBR14, SKAHDBR15,

SKAHDB16, SKAHDB19, SKAHDB20, SKAHDB21, SKABR5

SKAHD1

Cysylltiadau Allanol

Fersiwn rhif

Dyddiad Adolygu Dangosol

31 Maw 2024

Dilysrwydd

Ar hyn o bryd

Statws

Gwreiddiol

Sefydliad Cychwynnol

SkillsActive

URN gwreiddiol

SKACH2

Galwedigaethau Perthnasol

Trinwyr gwallt a Galwedigaethau Cysylltiedig

Cod SOC

6221

Geiriau Allweddol

Trin gwallt, gosod, steilio, trin gwallt