Darparu gwasanaethau eillio

​Mae'r safon hon yn ymwneud â'r sgiliau sydd eu hangen i ddarparu gwasanaeth eillio proffesiynol. Mae angen paratoi a defnyddio offer eillio proffesiynol, gan gynnwys rhoi cynhyrchion gorffennu i weddu i anghenion eich cleient.

I gyflawni'r safon hon, bydd angen i chi gynnal lefel uchel o iechyd, diogelwch a hylendid trwy gydol eich gwaith. Bydd angen i chi hefyd gynnal ymddangosiad personol proffesiynol ac arddangos sgiliau cyfathrebu da.

Dyma brif ganlyniadau'r safon hon:

1. cynnal dulliau gweithio effeithiol a diogel wrth eillio

2. paratoi'r blew a'r croen ar gyfer eu heillio

3. eillio'r blew a rhoi cynhyrchion gorffennu

---

Cynnal dulliau gweithio effeithiol a diogel wrth eillio

* 
*

1. cynnal eich cyfrifoldebau am iechyd a diogelwch trwy gydol y gwasanaeth

2. paratoi eich cleient yn unol â gofynion y salon

3. gwarchod dillad eich cleient trwy gydol y gwasanaeth

4. gwisgo menig trwy gydol y gwasanaeth eillio

5. sicrhau nad oes gormod o doriadau gwallt yn mynd ar groen eich cleient yn ystod y gwasanaeth

6. gosod eich cleient yn unol â gofynion y gwasanaeth heb achosi unrhyw anghysur iddo

7. sicrhau bod eich ystum a'ch osgo eich hun wrth weithio yn achosi cyn lleied o flinder a risg o anaf â phosibl

8. cadw'ch ardal waith yn lân ac yn daclus trwy gydol y gwasanaeth

9. defnyddio dulliau gweithio sy'n:

9.1 lleihau'r risg o ddifrod i offer a chyfarpar

9.2 lleihau'r risg o groes-heintiad

9.3 gwneud defnydd effeithiol o'ch amser gweithio

9.4 sicrhau bod adnoddau glân yn cael eu defnyddio

9.5 lleihau'r risg o niwed neu anaf i chi'ch hun ac i eraill

9.6 hyrwyddo arferion gweithio amgylcheddol a chynaliadwy

10. sicrhau bod eich hylendid, diogelwch ac ymddangosiad personol yn bodloni gofynion safonol y diwydiant a'r sefydliad

11. dilyn cyfarwyddiadau'r gweithle a'r cyflenwyr neu'r gwneuthurwyr er mwyn gwneud defnydd diogel o offer, defnyddiau a chynhyrchion

12. cael gwared ar ddefnyddiau gwastraff ac offer miniog

13. cwblhau'r gwasanaeth mewn amser sy'n fasnachol ymarferol

Paratoi'r blew a'r croen ar gyfer eu heillio

14. nodi ffactorau a all ddylanwadu ar y gwasanaeth cyn eillio

15. dewis cynhyrchion, offer a chyfarpar yn seiliedig ar ganlyniadau trafodaeth â'ch cleient

16. paratoi, rhoi ac addasu'r defnydd o dywelion poeth i weddu i anghenion y gwasanaeth a chysur eich cleient

17. glanhau a/neu ddigennu (exfoliate) y croen pan fo angen

18. defnyddio cynnyrch cyn-eillio cyn seboni'r cleient

19. paratoi cynhyrchion seboni fel eu bod yn addas mewn pryd i'w defnyddio yn y gwasanaeth eillio

20. rhoi cynhyrchion seboni mewn ffordd sy'n ystyried y ffactorau a nodwyd gennych

21. rhoi cynhyrchion seboni mewn ffordd sy'n sicrhau bod cyn lleied o risg â phosibl iddynt fynd i lygaid neu ar ddillad eich cleient, neu ar yr ardal o gwmpas

22. defnyddio technegau seboni sy'n sicrhau bod y cynnyrch yn gorchuddio'r mannau i'w heillio yn wastad

Eillio blew a rhoi cynhyrchion gorffennu

23. cadarnhau gyda'ch cleient, cyn dechrau eillio, y wedd y cytunwyd arni yn y drafodaeth

24. addasu'ch technegau eillio i ystyried ffactorau a nodwyd gennych sy'n effeithio ar y gwasanaeth

25. addasu'ch technegau eillio ac osgo'ch cleient trwy gydol y gwasanaeth er mwyn sicrhau diogelwch a chael gwared ar y blew yn effeithiol

26. cynnal neu newid ymyl torri raseli yn ystod y gwasanaeth eillio pan fo angen

27. gweithredu camau adfer priodol i ddatrys unrhyw broblemau sy'n codi yn ystod y gwasanaeth eillio

28. sicrhau nad oes cynhyrchion seboni ar groen eich cleient wedi i chi orffen eillio

29. pan fo'u hangen, defnyddio technegau tylino'r wyneb mewn ffordd sy'n osgoi anghysur

30. rhoi cynhyrchion gorffennu i gyflawni'r effaith a ddymunir

31. sicrhau nad oes gormod o wlybaniaeth ar groen eich cleient ar ddiwedd y gwasanaeth

32. cadarnhau bod eich cleient yn fodlon ar y gwasanaeth gorffenedig

33. rhoi cyngor ac argymhellion i'ch cleient ar y gwasanaeth a ddarparwyd

---

Cynnal dulliau gweithio effeithiol a diogel wrth eillio

* 
*

1. eich cyfrifoldebau am iechyd a diogelwch fel y cânt eu diffinio gan unrhyw ddeddfwriaeth benodol sy'n ymwneud â'ch swydd

2. gofynion eich salon ar gyfer paratoi cleientiaid

3. y dewis o ddillad gwarchod a ddylai fod ar gael ar gyfer cleientiaid

4. pam y mae'n bwysig defnyddio menig tafladwy wrth eillio

5. sut y gall osgo'ch cleient a chithau effeithio ar y canlyniad a ddymunir a lleihau blinder a'r risg o anaf

6. pwysigrwydd defnyddio'r math cywir o gadair barbwr

7. yr ystyriaethau diogelwch y mae'n rhaid talu sylw iddynt wrth eillio blew'r wyneb

8. pam y mae'n bwysig osgoi croes-heintiad a chroes-heigiad

9. pam y mae'n bwysig cadw'ch ardal waith yn lân ac yn daclus

10. defnyddio a chynnal a chadw offer eillio yn gywir

11. y dulliau o lanhau, diheintio a sterileiddio a ddefnyddir mewn salonau

12. pam y mae'n bwysig gosod eich offer eillio wrth law

13. y peryglon a'r risgiau sy'n bodoli yn eich gweithle a'r arferion gweithio diogel y mae'n rhaid i chi eu dilyn

14. y mathau gwahanol o ddulliau gweithio sy'n hyrwyddo arferion gweithio amgylcheddol a chynaliadwy

15. y dulliau o weithio'n ddiogel ac yn hylan sy'n lleihau'r risg o groes-heintiad a chroes-heigiad

16. pwysigrwydd hylendid, diogelwch ac ymddangosiad personol i gynnal iechyd a diogelwch yn eich gweithle

17. cyfarwyddiadau cyflenwyr a gwneuthurwyr y mae'n rhaid i chi eu dilyn er mwyn gwneud defnydd diogel o offer, defnyddiau a chynhyrchion    

18. y dulliau cywir o gael gwared ar wastraff  

19. amserau gwasanaeth disgwyliedig eich salon ar gyfer eillio blew'r wyneb  

Paratoi'r blew a'r croen ar gyfer eu heillio

* 
*

20. y ffactorau y mae'n rhaid eu hystyried cyn ac yn ystod y gwasanaeth eillio

21. y mathau o raseli llafn agored â llafnau tafladwy sydd ar gael ar gyfer defnydd proffesiynol

22. sut i baratoi rasel llafn agored â llafn tafladwy ar gyfer ei ddefnyddio

23. sut i baratoi a defnyddio cynhyrchion seboni yn gywir

24. adeiledd a swyddogaeth y croen

25. yr anhwylderau ar groen y pen a chroen yr wyneb sydd fel arfer yn effeithio ar ddynion, a sut i'w hadnabod

26. pwysigrwydd seboni a'i swyddogaeth ar y croen a'r blew

27. effaith gwres ar y blew a'r croen

28. y risg posibl o flew yn tyfu i'r byw o ganlyniad i eillio'n agos yn rheolaidd

29. sut y mae'r broses heneiddio naturiol yn effeithio ar groen yr wyneb a ffyrfder y cyhyrau

30. sut y mae ffactorau amgylcheddol a ffordd o fyw unigolyn yn effeithio ar gyflwr y croen

31. pryd i beidio ag eillio

Eillio blew a defnyddio cynhyrchion gorffennu

32. pwysigrwydd cadarnhau gyda'ch cleient, cyn dechrau eillio, y wedd y cytunwyd arni yn y drafodaeth

33. pryd a pham y mae'n angenrheidiol cwtogi hyd y farf cyn eillio

34. sut i gyflawni technegau eillio gwahanol

35. pam y mae'n rhaid tensiynu croen yn ystod y broses eillio

36. pwysigrwydd gweithio mewn ffordd sy'n cynnal tymheredd cywir y croen trwy gydol y broses eillio

37. pwysigrwydd addasu technegau eillio mewn perthynas â chyfeiriad tyfiant y gwallt

38. pryd a pham y dylid defnyddio technegau brwsio a thylino i roi cynhyrchion seboni

39. pryd a pham y dylid eillio â sbwnj

40. y rhesymau dros ddefnyddio tywelion claear ar ôl eillio, a'u heffeithiau

41. pam na ddylid defnyddio tywelion oer os yw'r wyneb i gael ei dylino

42. y mathau o gynhyrchion gorffennu sydd ar gael i'w defnyddio a'u heffeithiau ar y croen

43. sut i gyflawni'r technegau tylino sydd yn y maes

44. budd ac effeithiau tylino'r wyneb

45. sut a pham y dylai technegau tylino amrywio ar rannau gwahanol o'r wyneb

46. problemau a all godi yn ystod y broses eillio, er enghraifft eillio'r blew yn rhy agos neu niweidio croen y cleient neu'ch croen eich hun, a ffyrdd o ddatrys problemau o'r fath

47. pwysigrwydd darparu cyngor ac argymhellion ar y cynhyrchion a'r gwasanaethau a ddarperir yn y salon

---

---

1. Gwasanaeth eillio

1.1 eilliad llawn

1.2 eilliad rhannol

1.3 amlinellau barf

2. Offer a chyfarpar

2.1 raseli llafn agored, gyda llafnau tafladwy

2.2 brwshis eillio

2.3 sbwnjis

3. Ffactorau

3.1 y dosbarthiadau o walltiau

3.2 nodweddion gwallt

3.3 cyflyrau croen anffafriol

3.4 nodweddion anghyffredin

3.5 elastigedd y croen

3.6 amlinell yr wyneb

3.7 tyllau cosmetig i'r wyneb

3.8 dymuniadau'r cleient

4. Cynhyrchion seboni

4.1 hufennau

4.2 olewau

4.3 gel

4.4 sebon

5. Technegau seboni

5.1 rhoi gyda brwsh

5.2 rhoi trwy dylino

6. Technegau eillio

6.1 tensiynu'r croen

6.2 eillio gyda chledr y llaw

6.3 eillio gyda chefn y llaw

6.4 eillio â sbwnj

* 
*

7. Technegau tylino'r wyneb

7.1 effleurage

7.2 petrissage

7.3 tapotement

8. Cynhyrchion gorffennu

8.1 styptigion

8.2 hufen gwlybyru

8.3 balm ôl-eillio

8.4 powdr

9. Cyngor ac argymhellion

9.1 sut i gynnal y wedd

9.2 yr ysbaid rhwng gwasanaethau

9.3 cynhyrchion a gwasanaethau cyfredol ac yn y dyfodol

9.4 gofalu am y croen

---

1. Iechyd a diogelwch

eich cyfrifoldebau am iechyd a diogelwch fel y cânt eu diffinio gan unrhyw ddeddfwriaeth benodol sy'n ymwneud â'ch swydd

1.1 Deddf Iechyd a Diogelwch yn y Gwaith

1.2 Rheoliadau Cofnodi Anafiadau, Afiechydon a Digwyddiadau Peryglus (RIDDOR)

1.3 Rheoliadau Iechyd a Diogelwch (Cymorth Cyntaf)

1.4 Gorchymyn Diwygio Rheoleiddio (Diogelwch Tân)

1.5 Rheoliadau Gweithrediadau Trafod â Llaw

1.6 Rheoliadau Rheoli Sylweddau Peryglus i Iechyd (COSHH)

1.7 Rheoliadau Trydan yn y Gweithle

1.8 Deddf Diogelu'r Amgylchedd

1.9 Rheoliadau Rheoli Iechyd a Diogelwch yn y Gweithle

1.10 Rheoliadau Iechyd a Diogelwch (Gwybodaeth i Weithwyr)

2. Arferion gweithio amgylcheddol a chynaliadwy

y mathau gwahanol o ddulliau gweithio sy'n hyrwyddo arferion gweithio amgylcheddol a chynaliadwy

2.1 lleihau a rheoli gwastraff (ailgylchu, ailddefnyddio, gwaredu diogel)

2.2 lleihau'r defnydd o ynni (sychwyr gwallt sy'n defnyddio ynni'n effeithlon, goleuadau ynni isel, defnyddio paneli solar)

2.3 lleihau'r defnydd o ddŵr ac adnoddau eraill

2.4 atal llygredd

2.5 defnyddio eitemau tafladwy (tywelion sy'n sychu'n hawdd)

2.6 defnyddio dodrefn wedi'i ailgylchu, ecogyfeillgar

2.7 defnyddio paent heb lawer o gemegion ynddo

2.8 defnyddio cynhyrchion gwallt organig a di-alergedd

2.9 defnyddio lliwyddion gwallt heb fawr ddim amonia ynddynt

2.10 defnyddio defnyddiau pacio cyfeillgar i'r amgylchedd

2.11 dewis cynhyrchion domestig cyfrifol (te a choffi Masnach Deg)

2.12 annog defnyddio llai o garbon wrth deithio i'r gwaith

3. Ffactorau

y ffactorau gwahanol y mae'n rhaid eu hystyried cyn ac yn ystod eillio, a sut y gall y rhain effeithio ar y gwasanaeth eillio

3.1 nodweddion gwalltiau

3.2 y dosbarthiadau o walltiau

3.3 siâp y pen a'r wyneb

3.4 steil y gwallt

3.5 cyflyrau croen anffafriol

3.6 tyllau cosmetig i'r wyneb

3.7 dymuniadau'r cleient

3.8 blew yn tyfu i'r byw

3.9 elastigedd y croen

4. Cyngor ac argymhellion

* 
*

4.1 gwasanaethau ychwanegol

4.2 cynhyrchion ychwanegol​

---

1. Mae'r gwerthoedd allweddol canlynol wrth wraidd gwasanaethau yn y sector gwallt a barbro:

1.1 parodrwydd i ddysgu

1.2 cwblhau gwasanaethau mewn amser sy'n fasnachol ymarferol

1.3 bodloni safonau ymddangosiad y sefydliad a'r diwydiant

1.4 sicrhau bod hylendid a diogelwch personol yn bodloni gofynion safonol y diwydiant a'r sefydliad

1.5 agwedd hyblyg at waith

1.6 gweithiwr tîm

1.7 cynnal gofal cwsmeriaid

1.8 agwedd gadarnhaol

1.9 moeseg bersonol a phroffesiynol

1.10 y gallu i hunanreoli

1.11 sgiliau creadigol

1.12 sgiliau cyfathrebu llafar a dieiriau da

1.13 cynnal dulliau gweithio effeithiol, hylan a diogel

1.14 cadw at gyfarwyddiadau'r gweithle, y cyflenwyr neu'r gwneuthurwyr er mwyn gwneud defnydd diogel o gyfarpar, defnyddiau a chynhyrchion

---

​1. Mae'r ymddygiadau canlynol wrth wraidd darparu gwasanaethau yn y sector gwallt a barbro. Mae'r ymddygiadau hyn yn sicrhau bod cleientiaid yn cael argraff gadarnhaol o'r salon a'r unigolyn:

1.1 bodloni safonau ymddygiad y salon

1.2 cyfarch y cleient yn barchus ac mewn ffordd gyfeillgar

1.3 cyfathrebu â'r cleient mewn ffordd sy'n gwneud iddo deimlo'i fod yn cael ei werthfawrogi a'i barchu

1.4 nodi a chadarnhau disgwyliadau'r cleient

1.5 trin y cleient yn foneddigaidd ac yn gymwynasgar bob amser

1.6 rhoi gwybodaeth a sicrwydd cyson i'r cleient

1.7 addasu'r ymddygiad er mwyn ymateb yn effeithiol i ymddygiadau gwahanol gan gleientiaid

1.8 ymateb yn ddi-oed i gleient sy'n holi am gymorth

1.9 dewis y ffordd fwyaf addas o gyfathrebu â'r cleient

1.10 gwirio gyda'r cleient eich bod wedi deall ei ddisgwyliadau'n llwyr

1.11 ymateb yn ddi-oed ac yn gadarnhaol i gwestiynau a sylwadau'r cleient

1.12 caniatáu amser i'r cleient ystyried yr ymateb a rhoi eglurhad ychwanegol pan fo'n addas

1.13 bod yn gyflym wrth ddod o hyd i wybodaeth a fydd o gymorth i'r cleient

1.14 rhoi i'r cleient yr wybodaeth y mae arno ei hangen ynglŷn â'r gwasanaethau neu'r cynhyrchion a gynigir gan y salon

1.15 bod yn ymwybodol o unrhyw wybodaeth a allai fod yn gymhleth i'r cleient a gwirio ei fod wedi ei deall yn iawn

1.16 os bydd unrhyw resymau pam na ellir bodloni gofynion neu ddisgwyliadau'r cleient, dylid eu hesbonio'n glir wrtho

---

---

​1. Y dosbarthiadau o walltiau (canllaw yn unig yw hwn)

Math 1 – Gwallt syth

1.1 Main/Tenau – mae'r gwallt yn tueddu i fod yn feddal iawn, yn sgleiniog ac yn olewog, a gall fod yn anodd cynnal cyrlen ynddo.

1.2 Canolig – mae gan y gwallt lawer o gyfaint.

1.3 Bras – mae'r gwallt fel arfer yn hynod o syth ac mae'n anodd rhoi cyrls ynddo.

Math 2 – Gwallt tonnog

2.1 Main/Tenau – mae yna batrwm "S" pendant i'r gwallt. Gellir ei steilio mewn sawl ffordd fel arfer.

2.2 Canolig – mae'r gwallt yn tueddu i fod yn grychlyd ac yn anodd ei steilio.

2.3 Bras – mae hwn hefyd yn wallt sy'n anodd ei steilio ac fel arfer yn grychlyd iawn; mae'r tonnau'n tueddu i fod yn fwy trwchus.

Math 3 – Gwallt cyrliog

3.1 Cyrls rhydd – mae gweadedd y gwallt yn gyfuniad o fathau gwahanol. Gall fod yn drwchus gyda llawer o gyfaint a phatrwm "S" pendant. Mae hefyd yn tueddu i fod yn grychlyd.

3.2 Cyrls tyn – mae gweadedd hwn hefyd yn gyfuniad o fathau gwahanol o walltiau, ac mae iddo swm cymedrol o gyrls.

Math 4 – Gwallt cyrliog iawn

4.1 Meddal – mae'r gwallt yn tueddu i fod yn fregus iawn, yn dorchau tyn, ac mae iddo batrwm cyrliog mwy pendant.

4.2 Gwrychog – mae hwn hefyd yn fregus iawn ac yn dorchau tyn; fodd bynnag, nid yw'r patrwm cyrliog mor bendant – mae'n debycach i siâp patrwm "Z".

2. Mae nodweddion gwallt yn cynnwys y canlynol:

2.1 trwch y gwallt

2.2 gweadedd y gwallt

2.3 elastigedd y gwallt

2.4 mandylledd y gwallt

2.5 cyflwr y gwallt

2.6 patrymau tyfu gwallt

---

---

---

---

2018

---

Ar hyn o bryd

---

Gwreiddiol

---

SkillsActive

---

SKAGB6

---

Mentrau mân-werthu a masnachol, Mentrau Gwasanaeth, Galwedigaethau Gwasanaeth Personol, Trinwyr gwallt a Galwedigaethau Cysylltiedig

---

---

Eillio; dynion; barbro

---