Darparu triniaeth gofal croen wyneb

​

Trosolwg

Mae'r safon hon yn ymwneud â gwella a chynnal cyflwr croen yr wyneb gan ddefnyddio triniaethau amrywiol.  Mae'r triniaethau hyn yn cynnwys: digennu'r croen, cynhesu'r croen, tynnu pennau duon, tylino'r wyneb a thriniaethau masg.  Bydd angen i chi allu darparu triniaethau o'r fath i ystod o gleientiaid â gwahanol fathau o groen a chyflwr croen, yn ogystal â'r gallu i ddarparu cyngor perthnasol ar ôl y driniaeth.

Er mwyn cyflawni'r safon hon bydd angen i chi gynnal iechyd, diogelwch a hylendid trwy gydol eich gwaith.  Bydd angen i chi hefyd gynnal ymddangosiad personol proffesiynol a dangos sgiliau cyfathrebu da.

Prif ganlyniadau'r safon hon yw:

1. cynnal dulliau gwaith  diogel ac effeithiol wrth wella a chynnal cyflwr croen wyneb

2. ymgynghori, cynllunio a pharatoi ar gyfer triniaethau gofal croen wyneb

3. gwella a chynnal cyflwr y croen​

---

​

Cynnal dulliau gweithio diogel ac effeithiol wrth gynorthwyo gyda thriniaethau i'r wyneb**

1. cynnal eich cyfrifoldebau dros iechyd a diogelwch trwy gydol y driniaeth

2. paratoi eich cleient a'ch hun er mwyn bodloni gofynion cyfreithiol a'r diwydiant

3. sicrhau gwedduster a phreifatrwydd eich cleient

4. gosod eich cleient mewn safle i fodloni gofynion y driniaeth

5. sicrhau bod eich ystum a'ch dulliau gwaith eich hun yn isafu ar y risg o anaf i chi'ch hun ac eraill

6. sicrhau bod yr amodau amgylcheddol yn addas ar gyfer y cleient a'r driniaeth

7. sicrhau bod eich ardal waith yn lân a thaclus drwy'r driniaeth

8. defnyddio dulliau gweithio sy'n lleihau'r risg o groes-heintio

9. sicrhau eich bod yn defnyddio offer a deunyddiau glan

10. hyrwyddo arferion gweithio amgylcheddol a chynaliadwy

11. dilyn cyfarwyddiadau'r gweithle a'r cyflenwyr neu gynhyrchwyr ar gyfer defnyddio offer, deunyddiau a chynnyrch yn ddiogel.

12. cael gwared ar ddeunyddiau gwastraff yn ôl gofynion y gyfraith

13. cynnal y driniaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer triniaethau wyneb**

14. defnyddio technegau ymgynghori i bennu cynllun triniaeth y cleient

15. sicrhau caniatâd wedi'i lofnodi gan riant neu warcheidwad cyn trin plentyn

16. sicrhau bod rhiant neu warcheidwad yn bresennol trwy gydol y gwasanaeth ar gyfer plant sy'n iau na 16 oed

17.adnabod unrhyw wrtharwyddion a chymryd y camau angenrheidiol

18. cytuno ar driniaeth a chanlyniadau sy'n bodloni anghenion y cleient

19. sicrhau caniatâd gwybodus, wedi'i lofnodi gan y cleient cyn unrhyw driniaeth

20. glanhau croen y cleient a chynnal dadansoddiad croen ar y cleient a chofnodi'r math o groen a chyflwr y croen

21. dewis cynnyrch wyneb ac offer ar gyfer math o groen a chyflwr croen y cleient

Cynnal triniaethau i'r wyneb**

22. defnyddio cynnyrch wyneb ac offer yn seiliedig ar ganlyniadau'r dadansoddiad croen

23. glanhau'r croen a chael gwared ar unrhyw olion o golur

24. defnyddio cynnyrch a thechnegau digennu sy'n addas ar gyfer math o groen a chyflwr croen y cleient

25. defnyddio techneg cynhesu'r croen i fodloni gofynion y cleient

26. cynnal techneg tynnu pennau duon gan sicrhau'r anghysur lleiaf a'r niwed lleiaf i'r croen

27. defnyddio ac addasu technegau tylino i fodloni anghenion y cleient a chytuno ar gynllun triniaeth

28. defnyddio a thynnu triniaethau masg heb unrhyw anghysur i'r cleient a gadael y croen yn lân, wedi'i dynhau ac wedi'i leithio

29. sicrhau bod y cleient yn fodlon â'r canlyniad gorffenedig a'u bod yn fodlon â'r cynllun triniaeth

30. rhoi cyngor ac argymhellion i'ch cleient ar y driniaeth a ddarparwyd

31. sicrhau bod cofnodion y cleient yn cael eu llanw a'u llofnodi gan y cleient a chi​

---

​

 Cynnal dulliau gwaith diogel ac effeithiol wrth gynorthwyo gyda thriniaethau i'r wyneb**

1. eich cyfrifoldebau dros iechyd a diogelwch fel y diffinnir gan

unrhyw ddeddfwriaeth benodol sy'n berthnasol i'ch swydd

2. y gofynion cyfreithiol a sefydliadol ar gyfer diogelu a pharatoi cleientiaid

3. eich cyfrifoldebau dros gynnal eich hylendid, amddiffyniad ac ymddangosiad personol eich hun yn unol â gofynion cyfreithiol a gofyniad y sefydliad

4.y rhesymau dros gynnal gwedduster a phreifatrwydd y cleient

5. technegau gosod y cleient a chithau yn ddiogel er mwyn osgoi anghysur

6. yr amodau amgylcheddol sy'n angenrheidiol ar gyfer triniaethau a pham mae'r rhain yn bwysig

7. pam ei bod yn bwysig cadw eich ardal waith yn lân a thaclus

8. dulliau glanhau, diheintio a sterileiddio

9. dulliau gweithio'n ddiogel a hylan er mwyn osgoi croes-heintio

10. y gwahanol fathau o ddulliau gwaith sy'n hyrwyddo arferion gweithio amgylcheddol a chynaliadwy

11. y peryglon a'r risgiau sy'n bodoli yn eich gweithle a'r arferion gweithio'n ddiogel y mae'n rhaid i chi eu dilyn

12. y cyfarwyddiadau gan gyflenwyr neu gynhyrchwyr y mae'n rhaid i chi eu dilyn ar ddefnyddio offer, deunyddiau a chynnyrch yn ddiogel

13. y gofynion cyfreithiol ar gael gwared â gwastraff

14. y rhesymau dros gwblhau'r driniaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer triniaethau i'r wyneb**

15. pam ei bod yn bwysig cyfathrebu gyda chleientiaid mewn dull proffesiynol

16. sut i gwblhau ymgynghoriad gan ystyried anghenion amrywiol y cleient

17. y gofynion cyfreithiol ar gyfer darparu triniaeth i blant sy'n iau na 16 oed

18. yr oedran y mae unigolyn yn cael ei ystyried yn blentyn a sut mae hyn yn amrywio'n genedlaethol

19. pwysigrwydd cytuno ar driniaeth sy'n bodloni anghenion y cleient

20. arwyddocâd cyfreithiol sicrhau caniatâd gwybodus wedi'i lofnodi gan y cleient cyn derbyn triniaeth

21. y gofynion deddfwriaethol ar gyfer storio a diogelu data cleientiaid

22. y gwrtharwyddion sy'n galw am atgyfeiriad meddygol a pham

23. sut i adnabod y gwrtharwyddion a fyddai'n atal neu'n cyfyngu ar driniaeth

24. y camau angenrheidiol mewn cysylltiad â gwrtharwyddion penodol wrth atgyfeirio cleientiaid

25. y rhesymau dros beidio enwi gwrtharwyddion penodol wrth atgyfeirio cleientiaid

26. sut i adnabod gwahanol fathau o groen a chyflyrau croen wrth gynnal dadansoddiad croen

27. y meini prawf ar gyfer dewis cynnyrch ac offer sy'n addas i fath o groen a chyflwr croen cleientiaid

Cynnal triniaethau i'r wyneb**

28. gwahanol fathau o gynnyrch ac offer sydd ar gael ar gyfer triniaethau gofal wyneb a sut i'w defnyddio

29. y gwahanol fathau o gynnyrch croen arbenigol a sut i'w defnyddio

30.y rhesymau a'r buddion dros lanhau, tynhau a lleithio'r croen

31. y gwahanol fathau o ddulliau cynhesu'r croen a'u heffeithiau

32. y dulliau gwahanol a ddefnyddir i dynnu pennau duon yn ddiogel o'r croen

33. y gwahanol fathau o dechnegau tylino a'u heffeithiau

34. sut i addasu technegau tylino ar gyfer gwahanol fathau  o groen a chyflyrau croen gwahanol

35. y gwahanol fathau o driniaethau masg a'u heffeithiau

36. y dulliau gwahanol o roi a thynnu triniaethau masg

37. anatomi a ffisioleg yr wyneb a'r gwddf

38. sut mae ffactorau amgylcheddol a ffordd o fyw yn effeithio ar gyflwr y croen

39. sut mae'r broses heneiddio naturiol yn effeithio ar groen yr wyneb a thôn y cyhyrau

40. y gwrtharwyddion posibl a allai ddigwydd, sut i ddelio â hwy a'r cyngor i'w roi i gleientiaid

41. y cyngor a'r argymhellion ar y cynnyrch a'r triniaethau​

---

---

​

Technegau ymgynghori**

1. holi

2. gwrando

3. edrych

4. teimlo

5. ysgrifenedig

Camau angenrheidiol**

1. annog y cleient i ofyn am gyngor meddygol

2. esbonio pam na ellir cynnal y driniaeth

3. addasu'r driniaeth

Math o groen**

1. olewog

2. sych

3. cyfuniad

Cyflwr y croen**

1. sensitif

2. aeddfed

3. dadhydredig

4. ifanc

Cynnyrch y wyneb**

1. hylif tynnu colur llygaid

2. glanhawyr

3. tynhawyr

4. digennwyr

5. lleithyddion

6. cynnyrch croen arbenigol

7. cyfrwng tylino

8. masgiau

Offer**

1. golau chwyddo

2. dyfeisiau cynhesu'r croen

Technegau tylino**

1. effleurage

2. petrissage

3. tapio

4. ffrithiant

5. dirgrynu

Cyngor ac argymhellion**

1. cynnyrch ôl-ofal addas a'u defnydd

2. osgoi gweithgareddau a allai achosi adweithiau

3. y cyfnodau a argymhellir rhwng triniaethau

4. cynnyrch a thriniaethau yn awr ac yn y dyfodol​

---

​

Iechyd a diogelwch**

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau peryglus i Iechyd (COSHH)

7. Rheoliadau Trydan yn y Gweithle

8. Deddf Diogelu'r Amgylchedd

9. Rheoliadau Rheoli Iechyd a Diogelwch yn y Gwaith

10. Rheoliadau Iechyd a Diogelwch (Gwybodaeth i Gyflogeion)

Arferion gweithio amgylcheddol a chynaliadwy**

1. lleihau gwastraff a rheoli gwastraff (ailgylchu, ailddefnyddio, gwaredu diogel)

2. lleihau'r defnydd  ynni (offer ynni effeithlon, goleuadau ynni isel, defnyddio paneli solar)

3. lleihau'r defnydd o ddŵr ac adnoddau eraill

4. atal llygredd

5. defnyddio eitemau untro

6. defnyddio dodrefn ecogyfeillgar, wedi'u hailgylchu

7. defnyddio paent â lefelau isel o gemegau

8. defnyddio cynnyrch organig gwrth-alergedd

9. defnyddio deunydd pecynnu sy'n gyfeillgar i'r amgylchedd

10. dewis cynnyrch domestig cyfrifol (te a choffi Masnach Deg)

11. annog teithiau lleihau carbon i'r gwaith

Anghenion amrywiol**

1. diwylliannol

2. crefyddol

3. oedran

4. anabledd

5. rhyw

Gwrtharwyddion sy'n galw am atgyfeiriad meddygol**

1. haint bacteriol – impetigo

2. haint feirol – crachen annwyd

3. haint ffwngaidd - tinea

4. cyflyrau meddygol systemig

5. llid yr amrannau

6. cyflyrau croen difrifol

7. heintiau llygaid

8. acne

9. plorod

10. yr eryr a dafadennau

11. haint parasitedd yn cynnwys pla llau a sgabies

Gwrtharwyddion a fyddai'n atal neu'n cyfyngu**

1. meinwe craith ddiweddar

2. ecsema

3. psorïasis

4. hyperkeratosis

5. alergeddau croen

6. briwiau

7. crafiadau

8. cleisiau

9. llefrithod/llefelod

Anatomi a ffisioleg**

1. strwythur a swyddogaethau'r croen

2. gweithredoedd cyhyrau'r wyneb, gwddw a'r ysgwyddau, yn cynnwys y frontlais, y crychwr, temporalis, orbicularis oculi, levators labii y wefus uchaf, orbicularis oris, cyhyr boch, risorius, mentalis, zygomaticus, masseter, cyhyryn gostyngol y wefus isaf, sternocleidomastoid, platysma, trapezius, pectoralis a deltoid

3. esgyrn y pen, gwddw a gwregys yr ysgwyddau, yn cynnwys:

a – ar gyfer y penglog: y gwegil, talcennol, parwydol, arleisiol, asgwrn sffenoid, ethmoidol

b - ar gyfer y wyneb: sygomatig, gên, maxillae, trwyn, fomer, cogwrn, lacrimal, asgwrn y daflod

c – ar gyfer y gwddw: asgwrn cefn serfigol

ch – ar gyfer gwregys yr ysgwyddau: pont yr ysgwydd, asgwrn y balfais, asgwrn y fraich

d – ar gyfer y frest: sternwm

4. ystum esgyrn y pen, wyneb, gwddw, y frest a'r ysgwyddau

5. ystum cyhyrau'r pen, wyneb, gwddw ac ysgwyddau

6. cyfansoddiad a swyddogaeth y gwaed a'r lymff a'u rôl yn gwella cyflyrau'r croen a'r cyhyrau

 **

Cyngor ac argymhellion**

1. gwasanaethu ychwanegol

2. cynnyrch ychwanegol

3. cynnyrch at ddefnydd y cartref a fydd o fudd i'r cleient a'r rheini i'w hosgoi a pham

4. yr adweithiau a allai ddigwydd ar ôl triniaethau wyneb a pha gyngor i'w roi i gleientiaid

5. y cyfnodau a argymhellir rhwng triniaethau i'r wyneb​

---

​

Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd gweithio hyblyg

3. gweithiwr tîm

4. agwedd bositif

5. moeseg bersonol a phroffesiynol​

---

​

Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiad hwn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. bodloni safonau ymddangosiad y sefydliad a'r diwydiant.​

---

​

Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a dieiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

 6. rhoi gwybodaeth y mae ei hangen ar gleient am wasanaethau a chynnyrch a gynigir gan y sefydliad​

---

​

Adweithiau**

Adweithiau negyddol i'r driniaeth neu gynnyrch megis cochni gormodol neu adweithiau alergaidd.

Gwrtharwyddion**

Amodau neu gyfyngiadau sy'n nodi na ddylid cynnal gwasanaeth penodol.

Digennu**

Cael gwared ar gelloedd arwyneb y croen.

Triniaethau masg**

Y rhai sy'n caledu (yn cynnwys clai, thermol, paraffin a geloids). Y rhai nad ydynt yn caledu (yn cynnwys geliau a hufenau).

Dyfeisiau cynhesu'r croen**

Gall y rhain gynnwys stemwyr, tyweli poeth, cwpwrdd tyweli poeth.

Cynnyrch croen arbenigol**

Mae'r rhain yn cynnwys hufenau llygaid, geliau llygaid, hufenau gwddw, serwm, cynnyrch acne, balm gwefus

Pennau duon**

Mae pennau duon i'w gweld yn aml ar yr wyneb o amgylch y t-barth.  Mae ceratin yn cyfuno gydag olewau a bacteria i greu rhwystr i ffoligl blew'r croendwll, sydd â 'phen du'.  Gellir tynnu pennu duon o'r croen gyda dyfais tynnu pennau duon.​

---

---

---

---

29 Ebr 2020

---

Ar hyn o bryd

---

Gwreiddiol

---

SkillsActive

---

SKAB4

---

Therapydd Harddwch, Therapydd Sba, Arbenigwr Gofal Croen Wyneb

---

---

triniaethau wyneb; triniaeth i’r wyneb; gofal croen wyneb

---