Darparu triniaethau amlder radio cosmetig

Mae'r safon hon yn ymwneud ag amlder radio i ddibenion cosmetig i wella cyflwr croen y corff a'r wyneb. Mae'n trafod y sgiliau sydd ynghlwm wrth ddarparu ymgynghoriad trylwyr gyda'r cleient i sefydlu addasrwydd y cleient ar gyfer triniaeth a ffurfio cynllun triniaeth penodol sy'n addas i anghenion y cleient unigol. Mae gallu i ddarparu cyngor ôl-ofal perthnasol hefyd yn ofynnol.

Er mwyn cynnal y safon hon bydd angen i chi gynnal iechyd, diogelwch a hylendid effeithiol trwy gydol eich gwaith. Bydd angen i chi hefyd gynnal eich ymddangosiad personol a dangos sgiliau cyfathrebu ac ymgynghori effeithiol.

Prif ganlyniadau'r safon hon yw:

1. cynnal dulliau diogel ac effeithiol o weithio wrth ddarparu triniaethau amlder radio cosmetig

2. ymgynghori, cynllunio a pharatoi ar gyfer triniaethau

3. cyflawni triniaethau amlder radio cosmetig

Cynnal dulliau diogel ac effeithiol o weithio wrth ddarparu triniaethau amlder radio cosmetig

*
*1. cynnal eich cyfrifoldebau dros iechyd a diogelwch trwy gydol y driniaeth

2. paratoi a diogelu'ch cleient a'ch hun i fodloni gofynion cyfreithiol a sefydliadol

3. sicrhau urddas a phreifatrwydd eich cleient ar bob amser

4. gosod eich cleient mewn safle i fodloni anghenion y driniaeth heb achosi iddynt deimlo'n anghysurus

5. sicrhau bod eich ystum eich hun a'ch dulliau gwaith yn isafu ar flinder a risg o anaf i chi'ch hun ac eraill

6. sicrhau bod amodau amgylcheddol yn addas i'r cleient a'r driniaeth

7. defnyddio dulliau gwaith sy'n isafu ar risg o groes-heintio a niwed neu anaf i chi'ch hun ac eraill

8. sicrhau y defnyddir offer a deunyddiau glân

9. hyrwyddo arferion gwaith amgylcheddol a chynaliadwy

10. dilyn cyfarwyddiadau'r gweithle a chyflenwyr neu gynhyrchwyr ar ddefnydd diogel ar gyfarpar, deunydd a chynnyrch

11. cael gwared ar ddeunydd gwastraff i fodloni gofynion cyfreithiol

12. cynnal y driniaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer triniaethau

13. defnyddio technegau ymgynghori i bennu cynllun triniaeth y cleient

14. nodi hanes meddygol, nodweddion croen, amcanion trin, ardaloedd i'w trin, cyflwr y croen a sensitifrwydd y cleient

15. adnabod unrhyw wrtharwyddion a chymryd camau angenrheidiol

16. cymryd lluniau cyn y driniaeth o'r mannau i'w trin gan ddilyn gweithdrefnau sefydliadol

17. esbonio teimlad corfforol y driniaeth a golwg y croen wedi'r driniaeth i'r cleient

18. cyflawni profion thermol a chyffyrddol i wirio ymateb croen y cleient i wres ac ysgogiadau gwasgedd

19. nodi anghenion, disgwyliadau ac amcanion triniaeth y cleient, a chytuno arnynt gyda'r cleient

20. sicrhau caniatâd gwybodus, wedi'i lofnodi gan y cleient cyn cynnal y driniaeth

21. dewis offer a chynnyrch cysylltiedig i weddu i amcanion y driniaeth

Cyflawni triniaethau amlder radio cosmetig

22. sicrhau bod yr ardaloedd i'w trin yn lân ac wedi eu taenu â digon o gyfrwng cynnyrch cyswllt cyn triniaeth

23. defnyddio'r gosodiadau a'r taenwyr triniaeth gofynnol sy'n addas i amcanion y driniaeth ac ardaloedd i'w trin

24. sicrhau bod y taenwyr yn parhau i fod mewn cysylltiad â'r croen trwy gydol y driniaeth

25. gweithio'n systematig i orchuddio'r ardaloedd i'w trin gan ddefnyddio symudiadau yn y cyfeiriad gofynnol

26. addasu dwyster a hyd y driniaeth pilio i weddu i nodweddion croen a chyflwr corff y cleient

27. monitro adwaith y croen ac ymateb y cleient a rhoi'r gorau i'r driniaeth os ceir adweithiau andwyol

28. gadael yr ardal wedi'i thrin yn lân, wedi'i lleithio a'i diogelu gyda chynnyrch diogelu rhag yr haul

29. cwblhau'r driniaeth trwy droi'r system amlder radio cosmetig yn ôl i'r modd anweithredol

30. cymryd lluniau wedi'r driniaeth o'r man a driniwyd gan ddilyn gweithdrefnau sefydliadol

31. rhoi cyngor ac argymhellion i'ch cleient ar y driniaeth a ddarparwyd

32. sicrhau bod cofnodion y cleient yn cael eu cwblhau a'u llofnodi gennych chi a'r cleient

Cynnal dulliau diogel ac effeithiol o weithio wrth ddarparu triniaethau amlder radio cosmetig

​
1. eich cyfrifoldebau dros iechyd a diogelwch fel y diffinnir gan unrhyw ddeddfwriaeth benodol sy'n berthnasol i'ch swydd

2. y rhesymau dros wirio canllawiau yswiriant cyfredol ar gyfer darparu triniaethau amlder radio cosmetig

3. y gofynion cyfreithiol a sefydliadol ar gyfer diogelu a pharatoi cleient

4. pwysigrwydd hylendid personol, amddiffyniad a chyflwyniad o ran cynnal iechyd a diogelwch yn eich gweithle

5. pam ei bod yn bwysig i gynnal urddas a phreifatrwydd eich cleient

6. sut y gall safle eich cleient a chithau effeithio ar y canlyniad a dymunir a lleihau blinder ar risg o anaf

7. amodau amgylcheddol angenrheidiol ar gyfer triniaethau, megis gwresogi ac awyru a pham bod y rhain yn bwysig

8. dulliau glanhau, diheintio a sterileiddio

9. pam ei bod yn bwysig osgoi traws heintio uniongyrchol ac anuniongyrchol trwy weithio'n ddiogel ac yn lanwaith

10. y peryglon a'r risgiau sy'n gysylltiedig â chyflawni triniaethau amlder radio cosmetig a sut y gellir lleihau'r rhain

11. y gwahanol fathau o ddulliau gwaith sy'n hyrwyddo arferion gwaith amgylcheddol a chynaliadwy

12. cyfarwyddiadau cyflenwyr a chynhyrchwyr ar gyfer defnydd diogel ar gyfarpar, deunydd a chynnyrch y mae'n rhaid i chi eu dilyn

13. y gofynion cyfreithiol ar gyfer cael gwared ar wastraff

14. y rhesymau dros gwblhau'r gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer triniaethau

15. pwysigrwydd cyfathrebu gyda chleientiaid mewn modd proffesiynol

16. sut i gynnal ymgynghoriad gan ystyried anghenion amrywiol y cleient

17. y rhesymau pam na ddylid cyflawni triniaethau amlder radio ar gleientiaid dan 18 oed

18. pwysigrwydd cytuno ar driniaeth sy'n bodloni anghenion y cleient

19. arwyddocâd cyfreithiol dros sicrhau caniatâd gwybodus, wedi'i lofnodi gan gleient i driniaeth

20. y gofynion deddfwriaethol ar gyfer storio a diogelu data cleient

21. sut i adnabod gwrtharwyddion a fyddai'n atal neu'n cyfyngu ar y driniaeth a pham

22. y gwrtharwyddion sy'n gofyn am atgyfeiriad meddygol a pham

23. y camau angenrheidiol i'w cymryd mewn perthynas â gwrtharwyddion penodol wrth gyfeirio cleientiaid

24. pwysigrwydd a'r rhesymau dros beidio ag enwi gwrtharwyddion penodol wrth atgyfeirio cleientiaid

25. sut i nodi'r nodweddion croen ac amodau corfforol a fyddai'n elwa o driniaethau amlder radio cosmetig

26. pwysigrwydd cynhyrchu tystiolaeth ffotograffig cyn ac wedi triniaeth yn unol ag arferion sefydliadol

27. y gweithdrefnau ar gyfer cyflawni profion thermol a chyffyrddol ar y cleient a pham ei bod yn bwysig

28. sut i ddisgrifio teimlad corfforol y driniaeth i'r cleient

29. paratoi offer a chynnyrch ar gyfer triniaethau amlder radio cosmetig

Cyflawni triniaethau amlder radio cosmetig

30. pwysigrwydd glanhau'r croen cyn y driniaeth

31. y rhesymau dros ddefnyddio cyfrwng cynnyrch cyswllt ar y cyd â thriniaethau amlder radio cosmetig

32. sut i ddefnyddio ac addasu defnydd o offer amlder radio cosmetig i weddu i wahanol fathau o groen, amodau corfforol ac amcanion triniaeth

33. yr effeithiau corfforol a grëwyd gan offer amlder radio cosmetig

34. sut mae amlder radio cosmetig yn cael ei fesur a'i berthynas â'r sbectrwm electromagnetig

35. amlder radio cosmetig a rhyngweithio gyda meinwe

36. y gwahaniaeth rhwng amlder radio cosmetig un pegwn, deubegwn a thri phegwn

37. y mathau o driniaethau y gellid eu rhoi ar y cyd ag, neu wedi, triniaethau amlder radio cosmetig

38. defnydd a chyfyngiadau cynnyrch ac offer a ddefnyddir ar gyfer triniaethau amlder radio cosmetig

39. anatomi a ffisioleg y croen a'r wyneb

40. adweithiau posibl a allai ddigwydd, sut i ddelio â hwy a pha gyngor i'w roi i gleientiaid

41. y mathau o gynnyrch ôl-driniaeth sydd ar gael a manteision eu defnyddio

42. y cyngor a'r argymhellion ar gynnyrch a gwasanaeth

Technegau ymgynghori

1. holi

2. gwrando

3. edrych

4. teimlo

5. ysgrifenedig

Amcanion y driniaeth

1. lleihau mân linellau a chrychau

2. gwella cyflwr y croen

3. amlinellu'r corff

4. tynhau croen yr wyneb

5. gwella gwedd llid yr isgroen

6. lleihad cylchedd

Mannau i'w trin

1. wyneb

2. gwddf

3. abdomen

4. pengliniau

5. cluniau

6. pen ôl

7. bonion breichiau

Camau angenrheidiol

1. esbonio pam na ellid cynnal y driniaeth

2. annog y cleient i geisio cyngor meddygol

3. addasu'r driniaeth

Cyfarpar

1. dyfais amlder radio cosmetig yn unig

2. dyfais amlder radio cosmetig gyda sugnedd gwactod

3. taenwr wyneb

4. taenwr corff

**

Nodweddion Croen**

1. lefel sensitifrwydd

2. trwch

3. lefelau hydradu

Cyflyrau corfforol

1. llid yr isgroen

2. dyddodion braster anwastad

3. diffygion amlinellu'r corff

4. llacrwydd croen

Cyngor ac argymhellion

1. cynnyrch ôl-ofal addas a'u defnydd

2. osgoi gweithgareddau a allai achosi adweithiau

3. y cyfnodau amser a argymhellir rhwng triniaethau

4. cynnyrch a thriniaethau yn awr ac yn y dyfodol

​Iechyd a diogelwch

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau Peryglus i Iechyd (COSHH)

7. Rheoliadau Trydan yn y Gweithle

8. Deddf Diogelu'r Amgylchedd

9. Y Rheoliadau Rheoli Iechyd a Diogelwch yn y Gweithle

10. Rheoliadau Iechyd a Diogelwch (Gwybodaeth i Gyflogeion)

Arferion gwaith amgylcheddol a chynaliadwy

1. gostwng gwastraff a rheoli gwastraff (ailgylchu, ailddefnyddio, gwaredu diogel)

2. gostwng defnydd ar ynni (cyfarpar sy'n arbed ynni, goleuadau ynni isel, defnyddio paneli solar)

3. gostwng defnydd ar ddŵr ac adnoddau eraill

4. atal llygredd

5. defnyddio eitemau untro (tywelion hawdd eu sychu)

6. defnyddio dodrefn wedi'u hailgylchu, ecogyfeillgar

7. defnyddio paent â chemegau isel

8. defnyddio pecynnau cynnyrch ecogyfeillgar

9. dewis cynnyrch domestig cyfrifol (te a choffi Masnach Deg)

10. annog siwrneion i'r gwaith sy'n gostwng carbon

Anghenion amrywiol

1. diwylliannol

2. crefyddol

3. oed

4. anabledd

5. rhyw

Gwrtharwyddion sy'n atal

1. clefyd siwgr

2. afiechydon croen heintus

3. camweithrediad y system nerfol

4. clefyd/anhwylder y galon

5. rheoliadur y galon

6. unrhyw driniaethau yn ymwneud â chanser

7. meinwe craith diweddar yn ardal y driniaeth

8. lympiau heb ddiagnosis

9. chwyddiadau a llidau

10. meddyginiaethau sy'n achosi teneuo neu lid i'r croen megis steroidau a roaccutane

11. diagnosis o scleroderma

12. beichiogrwydd

13. acne

14. rosacea

15. diffyg gweithrediad yr iau

16. diffyg gweithrediad yr aren

Gwrtharwyddion sy'n cyfyngu

1. epilepsi

2. hanes o anhwylderau cylchredol

3. pinnau neu blatiau metel

4. mewnblaniadau ac IUDs (penodol i'r ddyfais a ddefnyddir)

5. llanwyddion silicon neu dermol

6. meddyginiaethau

7. tyllau addurniadau corff

8. gorbryder

9. gwythiennau faricos

10. toriadau

11. crafiadau

12. cleisiau

13. sgrafellu'r croen neu driniaeth pilio cemegol diweddar

14. IPL neu laser

15. tocsinau botwlinwm

16. epileiddio

Anatomi a ffisioleg

1. strwythur a swyddogaethau'r croen

2. amrywiaethau a lleoliad trwch y croen a gwaddodion meinwe blonegog o fewn gwahanol rannau o'r wyneb a'r gwddf

3. strwythur a swyddogaeth y system lymffatig

4. strwythur a swyddogaeth y system gylchredol

5. rhyngweithio rhwng y lymff a gwaed yn y system gylchredol

6. egwyddorion a swyddogaethau y systemau endocrin, treulio ac ysgarthol a pham bod y rhain yn berthnasol i driniaethau amlder radio cosmetig

7. proses heneiddio'r croen yn cynnwys effeithiau geneteg, ffordd o fyw a'r amgylchedd

8. proses synthesis colagen ac elastin yn cynnwys ysgogiad ffibroblastig

9. proses wella'r croen

10. ffisioleg a graddio llid yr isgroen

11. strwythur a swyddogaeth celloedd blonegog a lipolysis

12. effeithiau ffisiolegol a manteision triniaethau amlder radio cosmetig ar feinwe meddal a strwythurau ysgerbydol sylfaenol

Adweithiau

1. cochni

2. poen gormodol

3. llid

4. llosgiadau

5. pothellu

6. cleisio

7. creithio

8. llid

9. adwaith alergaidd

10. oedema gormodol

11. gorbigmentiad

Cyngor ac argymhellion

1. gwasanaethau ychwanegol

2. cynnyrch ychwanegol

3. newidiadau gweledol i'r croen ac amser adfer

4. y ffactorau ffordd o fyw a newidiadau a allai fod yn ofynnol i wella effeithlonrwydd y driniaeth

5. cyfyngiadau yn dilyn triniaeth ac anghenion triniaeth yn y dyfodol (yn cynnwys osgoi llanwyddion dermol, retinol argroenol)

6. cynnyrch i'w defnyddio yn y cartref a fydd o fudd i'r cleient a'r rheini i osgoi a pham (yn cynnwys isafswm amddiffyniad croen UVA ac UVB SPF30)

7. sut y gall arferion gofal croen, bwyta, yfed ac ymarfer corff presennol effeithio ar effeithlonrwydd y driniaeth

8. adweithiau yn dilyn triniaeth a sut i ddelio â hwy

9. cynnal a chadw parhaus i sicrhau'r canlyniadau gorau posibl

10. pwysigrwydd rhoi cyngor gofal dilynol ysgrifenedig i'r cleient

11. pwysigrwydd sicrhau bod y cleient yn derbyn pwynt cyswllt yn dilyn triniaeth

12. manteision derbyn cwrs o driniaeth

​Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd hyblyg i weithio

3. gweithiwr tîm

4. agwedd bositif

5. moeseg bersonol a phroffesiynol

​Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiadau hyn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. esbonio'n glir wrth y cleient os na ellir bodloni eu hanghenion neu'u disgwyliadau am unrhyw reswm

10. cynnal dulliau gwaith effeithiol, glân a diogel

11. cadw at gyfarwyddiadau'r gweithle, y cyflenwyr a'r cynhyrchwyr wrth ddefnyddio cyfarpar, deunyddiau a chynnyrch yn ddiogel

12. bodloni safonau ymddangosiad y sefydliad a'r diwydiant.

​Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a di-eiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

6. rhoi gwybodaeth y mae ei hangen ar gleient am wasanaethau a chynnyrch a gynigir gan y sefydliad

​Amlder radio (RF) deubegwn

I ddibenion triniaethau esthetig, cyflenwir amlder radio deubegwn trwy osod dau electrod wedi eu lleoli'n ofalus i'r ardal i'w thrin. Mae'r cerrynt yn teithio o un electrod trwy'r meinwe ac yn ôl i fyny i'r electrod arall; mae'r cerrynt sy'n mynd rhwng yr electrodau yn fach a bas. O ganlyniad, mae'r meinwe yn yr ardal i'w thrin yn cael ei wresogi'n llai dwfn a llai dwys nag un pegwn (RF). Mewn triniaeth esthetig, mae RF deubegwn fel arfer wedi ei gyfuno gyda ffynonellau seiliedig ar olau neu egni, yn cynnwys laser, golau pwls dwys, golau isgoch neu gyda chymorth gwactod. Mae golau isgoch yn gwresogi'r meinwe i lawr i'r dermis dwys ac yn cynhesu'r meinwe er mwyn gwella treiddiad (RF).

Sbectrwm electromagnetig

Mae'r sbectrwm electromagnetig yn cynnwys dau brif fath o belydriad. Uwch fioled, a ddefnyddir yn bennaf ar gyfer effeithiau lliw haul ac isgoch a ddefnyddir fel modd o gynhesu'r meinwe i ddibenion therapiwtig.

Amlder radio (RF) un pegwn

I ddibenion triniaethau esthetig, cyflenwir amlder radio un pegwn trwy osod un electrod i'r ardal i'w thrin ac electrod gwrthwynebol sy'n gymharol bell fel bod y cerrynt yn mynd yn ddwfn trwy'r corff. Defnyddir RF un pegwn i ddelio â'r broblem o lacrwydd croen trwy gyflenwi ynni RF i dynhau'r croen gan oeri'r cyswllt i ddiogelu'r epidermis.

*
Amlder radio (RF) tri phegwn*

Mae technoleg RF tri phegwn yn trin llid yr isgroen ar wraidd y broblem. Mae ffurfweddiad tri phegwn yn cynhesu'r celloedd braster dan y croen yn ddetholus heb effeithio'n andwyol ar y meinwe amgylchynol, gan gynyddu metaboledd a secretiad braster hylifol.  Ar yr un pryd, mae'n cynhesu haenau dwfn ac arwynebol o fraster, trwy gyfuno effeithiau deuol RF un pegwn ac RF deubegwn mewn un taenwr.