Trin diffygion croen gan ddefnyddio technegau epiladu trydanol uwch

Mae'r safon hon yn ymwneud â'r sgiliau sy'n gysylltiedig â chyflawni triniaethau epiladu trydanol uwch i drin tagiau croen, milia, telangiectasis, angioma corryn a Campbell de Morgan. Byddwch yn cyflawni ymgynghoriad trylwyr gyda'r cleient, yn llunio cynllun triniaeth unigol, darparu triniaeth a chyngor ôl-ofal.

Er mwyn cynnal y safon hon bydd angen i chi gynnal iechyd, diogelwch a hylendid effeithiol trwy gydol eich gwaith. Bydd angen i chi hefyd gynnal eich ymddangosiad personol a dangos sgiliau cyfathrebu ac ymgynghori effeithiol.

Prif ganlyniadau'r safon hon yw:

*
*1. cynnal dulliau diogel ac effeithiol o weithio wrth ddefnyddio offer epiladu trydanol i drin diffygion croen y cleient

2. ymgynghori, cynllunio a pharatoi ar gyfer triniaethau

3. trin diffygion croen​

---

Cynnal dulliau diogel ac effeithiol o weithio wrth ddefnyddio offer epiladu trydanol i drin diffygion croen y cleient

*
*1. cynnal eich cyfrifoldebau dros iechyd a diogelwch trwy gydol y driniaeth

2. paratoi a diogelu'ch cleient a'ch hun gydag offer amddiffynnol personol o fewn yr ardal driniaeth

3. sicrhau urddas, preifatrwydd a chysur eich cleient ar bob amser

4. gosod eich cleient mewn safle i fodloni anghenion y driniaeth heb achosi iddynt deimlo'n anghysurus

5. sicrhau bod eich ystum eich hun a'ch dulliau gwaith yn isafu ar flinder a risg o anaf i chi'ch hun ac eraill

6. sicrhau bod amodau amgylcheddol yn addas i'r cleient a'r driniaeth

7. defnyddio dulliau gwaith sy'n isafu ar risg o groes-heintio

8. sicrhau defnydd ar gyfarpar a deunydd glân

9. hyrwyddo arferion gwaith amgylcheddol a chynaliadwy

10. dilyn cyfarwyddiadau'r gweithle a chyflenwyr neu gynhyrchwyr ar ddefnydd diogel ar gyfarpar, deunydd a chynnyrch

11. cael gwared ar ddeunydd gwastraff i fodloni gofynion cyfreithiol

12. cynnal y driniaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer triniaethau

13. defnyddio technegau ymgynghori i bennu cynllun triniaeth y cleient

14. sicrhau caniatâd gwybodus, wedi'i lofnodi gan riant neu warcheidwad ar gyfer plant cyn unrhyw driniaeth

15. sicrhau bod rhiant neu warcheidwad yn bresennol trwy gydol y gwasanaeth ar gyfer plant sy'n iau na 16 oed

16. adnabod unrhyw wrtharwyddion a chymryd camau angenrheidiol

17. cytuno ar y driniaeth a'r canlyniadau sy'n bodloni anghenion y cleient

18. sicrhau caniatâd gwybodus, wedi'i lofnodi gan y cleient cyn cynnal y driniaeth

19. defnyddio technegau ymgynghori i sefydlu hanes meddygol, dosbarthiad a chyflwr croen y cleient

20. nodi unrhyw ddiffygion croen, yr ardal i'w thrin, disgwyliadau'r cleient ac amcanion y driniaeth

21. cymryd lluniau o'r ardal i'w thrin gan ddilyn arferion sefydliadol

22. esbonio'r teimlad corfforol a achosir gan y driniaeth i'r cleient

23. cyflawni prawf ar ddarn o'r croen cyn triniaeth, gan ddilyn gofynion sefydliadol

24. dewis a pharatoi offer a chynnyrch i weddu i amcanion y driniaeth

Trin diffygion croen

25. sicrhau bod yr ardal fydd yn cael ei thrin yn lân, rhydd o olew ac yn sych

26. defnyddio'r maint a'r math priodol o nodwydd i drin y gwallau ar y croen

27. llwytho a defnyddio nodwyddau gan osgoi difrod a halogi trwy gydol y driniaeth

28. goleuo'r ardal i'w thrin a defnyddio chwyddhad i sicrhau gwelededd da yn ystod triniaeth

29. sicrhau bod eich technegau triniaeth yn lleihau anghysur i'r cleient

30. gweithio'n systematig i drin diffygion croen o fewn yr ardal a gytunwyd

31. trin y croen, i fodloni anghenion gwahanol ddiffygion croen

32. addasu eich technegau triniaeth yn unol â'r lefel o adwaith i'r croen

33. rhoi cynnyrch neu orchudd di-haint ar yr ardal wedi ei thrin

34. rhoi cyngor ac argymhellion i'ch cleient ar y driniaeth a ddarparwyd

35. sicrhau bod cofnodion y cleient yn cael eu cwblhau a'u llofnodi gennych chi a'r cleient​

---

​Cynnal dulliau diogel ac effeithiol o weithio wrth ddefnyddio offer trydanol i drin diffygion croen y cleient

*
1. eich cyfrifoldebau dros *iechyd a diogelwch fel y diffinnir gan unrhyw ddeddfwriaeth benodol sy'n berthnasol i'ch swydd

2. y rhesymau dros wirio canllawiau yswiriant cyfredol ar gyfer darparu triniaethau epiladu uwch

3. y cyfrifoldebau dan reoliadau trwyddedu awdurdod lleol ar eich cyfer chi a'ch eiddo

4. pam ei bod yn bwysig i gynnal urddas, preifatrwydd a chysur eich cleient

5. sut y gall safle eich cleient a chithau effeithio ar y canlyniad dymunol a lleihau blinder a'r risg o anaf

6. pwysigrwydd hylendid personol, amddiffyniad a chyflwyniad o ran cynnal iechyd a diogelwch yn eich gweithle

7. y mathau o anafiadau cysylltiedig â'r gwaith sy'n gysylltiedig â chyflawniad epiladu uwch a sut y gellir eu hosgoi

8. yr amodau amgylcheddol angenrheidiol ar gyfer gwasanaethau, megis gwresogi ac awyru a pham bod y rhain yn bwysig

9. y dulliau glanhau, diheintio a sterileiddio

10. pam ei bod yn bwysig osgoi traws heintio uniongyrchol ac anuniongyrchol trwy weithio'n ddiogel ac yn lanwaith

11. y peryglon a'r risgiau sy'n gysylltiedig â chyflawni triniaethau epiladu uwch a sut y gellir lleihau'r rhain

12 y gwahanol fathau o ddulliau gwaith sy'n hyrwyddo arferion gwaith amgylcheddol a chynaliadwy

13. cyfarwyddiadau cyflenwyr a chynhyrchwyr ar gyfer defnydd diogel ar gyfarpar, deunydd a chynnyrch y mae'n rhaid i chi eu dilyn

14. y gofynion cyfreithiol ar gyfer cael gwared ar wastraff

15. y rhesymau dros gwblhau'r gwasanaeth o fewn amser sy'n ymarferol yn fasnachol

Ymgynghori, cynllunio a pharatoi ar gyfer triniaethau

16. pwysigrwydd cyfathrebu gyda chleientiaid mewn modd proffesiynol

17. sut i gynnal ymgynghoriad gan ystyried anghenion amrywiol y cleient

18. y gofynion cyfreithiol ar gyfer trin plant sy'n iau na 16 oed

19. yr oed pan fydd unigolyn yn cael ei ystyried yn blentyn a sut mae hynny'n amrywio'n genedlaethol

20. pwysigrwydd cytuno ar driniaeth sy'n bodloni anghenion y cleient

21. arwyddocâd cyfreithiol dros sicrhau caniatâd gwybodus, wedi'i lofnodi gan gleient cyn triniaeth

22. y gofynion deddfwriaethol ar gyfer storio a diogelu data cleient

23. sut i adnabod gwrtharwyddion a fyddai'n atal neu'n cyfyngu ar y driniaeth a pham

24. y gwrtharwyddion sy'n gofyn am atgyfeiriad meddygol a pham

25. y camau angenrheidiol i'w cymryd mewn perthynas â gwrtharwyddion penodol wrth gyfeirio cleientiaid

26. y rhesymau dros beidio ag enwi gwrtharwyddion penodol wrth atgyfeirio cleientiaid

27. sut i adnabod y gwahanol fathau a dosbarthiadau o groen

28. gwahanol fathau ac achosion diffygion croen

29. pam ei bod yn ddoeth i dynnu lluniau o'r ardal i'w thrin cyn ac wedi'r driniaeth a sut ddylid eu tynnu

30. sut i ddisgrifio teimlad corfforol y driniaeth i'r cleient a beth all effeithio ar drothwy poen y cleient

31. pwysigrwydd cyflawni prawf ar ddarn o groen a darparu cyfarwyddiadau ôl-ofal

32. y cyfyngiadau ar driniaethau epiladu uwch megis cost, amser, nifer o driniaethau, cyfradd wella ac ymroddiad y cleient

33. sut mae triniaethau gofal croen eraill yn effeithio ar sensitifrwydd croen a allai amharu ar driniaeth

34. sut i ddewis a pharatoi'r cynnyrch, offer a deunyddiau ar gyfer y driniaeth

Trin diffygion croen

35. mathau a meintiau'r nodwyddau sydd ar gael i drin diffygion ar y croen

36. sut i lwytho a defnyddio'r nodwyddau i osgoi difrod a halogiad

37. pam ei bod hi'n bwysig defnyddio chwyddiad ac i oleuo'r ardal driniaeth

38. gwahanol fathau ac achosion diffygion croen

39. effeithiau gwahanol geryntau a ddefnyddir ar gyfer diffygion croen

40. sut i ymestyn a thrin y croen i sicrhau canlyniadau triniaeth effeithiol

41. y rhesymau dros weithio'n systematig gyda'r bylchau cywir ar draws yr ardal a fydd yn cael ei thrin

42. pwysigrwydd adnabod a monitro adwaith y croen wrth drin gwahanol fathau o ddiffygion croen

43. pam a sut i gael gwared ar weddillion croen o'r nodwydd yn ystod triniaeth

44. sut i addasu arddwysedd a chyfnod llif y cerrynt yn ystod triniaeth

45. adweithiau posibl a allai ddigwydd, sut i ddelio â hwy a pha gyngor i'w gael

46. anatomi a ffisioleg y croen

47. pwysigrwydd asesiad yn dilyn triniaeth trwy adborth y cleient, fel holiadur, galwad ffôn, ymweliad dilynol nesaf

48. y cyngor a'r argymhellion ar gynnyrch a gwasanaethau​

---

---

​Technegau ymgynghori

1. holi

2. gwrando

3. edrych

4. teimlo

5. ysgrifenedig

Diffygion croen

1. milia

2. tag croen

3. telangiectasis

4. angioma corryn

5. Campbell de Morgan

Technegau triniaeth

1. dyfnder a gwasgedd nodwydd

2. dwyster cerrynt

3. cyfnod llif y cerrynt

4. dethol nodwydd

5. bylchiad ardaloedd i'w trin

Cyngor ac argymhellion

1. cynnyrch ôl-ofal addas a'u defnydd

2. osgoi gweithgareddau a allai achosi adweithiau

3. y cyfnodau amser a argymhellir rhwng triniaethau

4. cynnyrch a thriniaethau yn awr ac yn y dyfodol​

---

​Iechyd a diogelwch

1. Deddf Iechyd a Diogelwch yn y Gwaith

2. Rheoliadau Adrodd ar Anafiadau, Clefydau neu Ddigwyddiadau Peryglus (RIDDOR)

3. Rheoliadau Iechyd a Diogelwch (Cymorth Cyntaf)

4. Gorchymyn Diwygio Rheoleiddio (Diogelwch Tân)

5. Rheoliadau Gweithredoedd Codi a Chario

6. Rheoliadau Rheoli Sylweddau Peryglus i Iechyd (COSHH)

8. Rheoliadau Trydan yn y Gweithle

9. Deddf Diogelu'r Amgylchedd

10. Y Rheoliadau Rheoli Iechyd a Diogelwch yn y Gweithle

11. Rheoliadau Iechyd a Diogelwch (Gwybodaeth i Gyflogeion)

Arferion gwaith amgylcheddol a chynaliadwy

1. gostwng gwastraff a rheoli gwastraff (ailgylchu, ailddefnyddio, gwaredu diogel)

2. gostwng defnydd ar ynni (cyfarpar sy'n arbed ynni, goleuadau ynni isel, defnyddio paneli solar)

3. gostwng defnydd ar ddŵr ac adnoddau eraill

4. atal llygredd

5. defnyddio eitemau untro

6. defnyddio dodrefn wedi'u hailgylchu, ecogyfeillgar

7. defnyddio paent â chemegau isel

8. defnyddio pecynnau cynnyrch ecogyfeillgar

9. dewis cynnyrch domestig cyfrifol (te a choffi Masnach Deg)

10. annog siwrneion i'r gwaith sy'n gostwng carbon

Anghenion amrywiol

1. diwylliannol

2. crefyddol

3. oed

4. anabledd

5. rhyw

Gwrtharwyddion sy'n atal

1. rheoliaduron y galon

2. haemoffilia

Gwrtharwyddion sy'n cyfyngu

1. soriasis

2. ecsema

3. acne

4. epilepsi

5. clefyd siwgr

6. clefyd heintus ac ymledol​

**

Gwrtheffeithiau**

1. cochni

2. oedema

3. blansio

4. gwaedu

Anatomi a ffisioleg

1. strwythur a swyddogaethau'r croen

2. egwyddorion trwsio cellol ac adnewyddiad

3. egwyddorion y system nerfol awtonomig

4. strwythur a swyddogaeth y system gylchredol

5. strwythur a swyddogaeth y system lymffatig

6. strwythur, swyddogaeth a diffyg y system endocrinaidd

7. sut mae melanin yn effeithio ar driniaeth

Cyngor ac argymhellion

1. gwasanaethau ychwanegol

2. cynnyrch ychwanegol

3. adweithiau arferol a all ddigwydd wedi triniaeth a sut i ddelio â hwy

4. y ffactorau ffordd o fyw a newidiadau a allai fod yn ofynnol i wella effeithlonrwydd y driniaeth

5. pwysigrwydd triniaethau yn y dyfodol i gynnal y canlyniadau gorau

6. pwysigrwydd osgoi cynnyrch penodol yn ystod proses gwella'r croen, megis cynnyrch persawrus neu seiliedig ar gemegau, asiantau diblisgo

7. pwysigrwydd osgoi cyffwrdd yr ardal sydd wedi ei thrin a chael gwared ar grach

8. pwysigrwydd defnyddio cynnyrch addas i gynorthwyo'r broses wella

9. triniaethau pellach i hybu canlyniadau'r driniaeth, er enghraifft, triniaeth wynebol, adnewyddiad ffoto

10. pwysigrwydd rhoi cyngor ôl-ofal manwl a chywir i gleientiaid, i osgoi difrod yn dilyn triniaeth

11. pwysigrwydd asesiad yn dilyn triniaeth trwy adborth y cleient, er enghraifft holiadur, galwad ffôn, ymweliad dilynol nesaf

---

​Mae'r gwerthoedd allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. parodrwydd i ddysgu

2. agwedd weithio hyblyg

3. gweithiwr tîm

4. agwedd bositif

5. moeseg bersonol a phroffesiynol

---

​Mae'r ymddygiad a ganlyn yn sail i gyflwyno gwasanaethau yn y sectorau harddwch, ewinedd a sba. Mae'r ymddygiadau hyn yn sicrhau bod cleientiaid yn cael argraff gadarnhaol o'r sefydliad a'r unigolyn

1. bodloni safonau ymddygiad y sefydliad

2. cyfarch y cleient yn barchus ac mewn modd cyfeillgar

3. cyfathrebu gyda'r cleient mewn ffordd sy'n gwneud iddynt deimlo eu bod yn cael eu gwerthfawrogi a'u parchu

4. trin y cleient yn gwrtais ac yn wasanaethgar bob amser

5. addasu'r ymddygiad i ymateb yn effeithiol i wahanol ymddygiad gan y cleient

6. gwirio gyda'r cleient eich bod chi wedi deall eu disgwyliadau yn llawn

7. ymateb yn brydlon ac yn gadarnhaol i gwestiynau a sylwadau'r cleient

8. adnabod gwybodaeth y gallai'r cleient ei chael yn gymhleth a gwirio a ydynt wedi deall yn llawn

9. esbonio'n glir wrth y cleient os na ellir bodloni eu hanghenion neu'u disgwyliadau am unrhyw reswm

10. cynnal dulliau gwaith effeithiol, glân a diogel

11. cadw at gyfarwyddiadau'r gweithle, y cyflenwyr a'r cynhyrchwyr wrth ddefnyddio cyfarpar, deunyddiau a chynnyrch yn ddiogel

12. bodloni safonau ymddangosiad y sefydliad a'r diwydiant.

---

​Mae'r sgiliau allweddol a ganlyn yn sail i gyflwyno gwasanaethau yn y sectorau harddwch, ewinedd a sba

1. y gallu i hunan-reoli

2. cyfathrebu llafar a di-eiriau gwych

3. defnyddio'r ffyrdd mwyaf priodol o gyfathrebu gyda chleient

4. ymateb yn brydlon i gleient sy'n gofyn am gymorth

5. canfod gwybodaeth yn gyflym a fydd o gymorth i'r cleient

6. rhoi gwybodaeth y mae ei hangen ar y cleient am wasanaethau a chynnyrch a gynigir gan y sefydliad​

---

​Blansio

Gwynnu'r epidermis.

Campbell de Morgan

Crynodiadau aflinol o waed sy'n bresennol ar arwyneb y croen, gyda haen dryloyw o groen drosto; gall fod wedi'i godi neu'n fflat ac mae'n amrywio o ran maint.

Gelwir hefyd yn Angioma Ceirios neu sbotiau gwaed.

Tagiau croen

Cyflwr croen ffibrog a geir yn unigol neu mewn grwpiau. Yn cynnwys meinwe ffibrog o faint a lliw amrywiol. Ceir fel arfer ar y gwddf, cesail a'r forddwyd ac fe elwir hefyd yn bapiloma coesynnog, papiloma epithelaidd ffibro neu simplecs polyp neu ffibroma wedi'i godi.

Angioma Corryn (Angioma Telangiectasis)

Llestr gwaed agored canolog gyda chapliarïau llai yn rheiddio ohono, fel coesau pry cop.

Telangiectasis

Capilari sy'n agored yn barhaol neu grŵp o gapliarïau sy'n weladwy ar arwyneb y croen. Gelwir yn gyffredin yn wythiennau edau.

Clwt prawf

Hwn yw'r prawf sy'n pennu gradd ymateb y croen a'r sensitifrwydd. Gellir defnyddio clytiau prawf i brofi graddau sensitifrwydd gwres ac ymateb i boen ynghyd ac ymateb y croen. Gall clwt prawf cynnwys prawf clwt, prawf thermol neu brawf cyffwrdd.​

---

---

---

---

31 Maw 2020

---

Ar hyn o bryd

---

Gwreiddiol

---

SkillsActive

---

SKAB33

---

Therapydd Harddwch, Arbenigwr Gofal Croen Wyneb, Electrolegydd

---

---

Trydanol; epiladu; croen;

---