Darparu arweinyddiaeth yn eich sefydliad

​

Mae'r safon yma'n ymwneud â darparu arweinyddiaeth a hwyluso diwylliant cydweithredol yn eich sefydliad. Yr ydych yn rhoi cyfarwyddyd i gydweithwyr a/neu eraill drwy gyfathrebu ac atgyfnerthu pwrpas, gwerthoedd a gweledigaeth eich sefydliad. Yn y cyd-destun yma gall eraill fod yn rhai sy'n fewnol neu'n allanol i'ch sefydliad, budd-ddeiliaid, neu rai sy'n cymryd rhan. Y mae'n canolbwyntio ar yr angen am ddiwylliant sy'n annog, cymhell, a chefnogi cydweithwyr a/neu eraill i gyflawni'r weledigaeth a'r amcanion yn eich sefydliad.

I ddibenion y safon yma, gall 'sefydliad' olygu endid hunan-gynhaliol megis cwmni yn y sector preifat, elusen neu awdurdod lleol, uned weithredol arwyddocaol, gyda lefel gymharol o ymreolaeth, o fewn sefydliad mwy neu fel masnachwr llawrydd/unigol.

Mae'r safon yma ar gyfer rheolwyr neu ymarferwyr uwch yn y sector hamdden weithgar.

​

1. annog ymrwymiad i rannu nodau ac amcanion o fewn cyfyngiadau sy'n bodoli
2. asesu a dadansoddi tueddiadau, cyfleoedd a risgiau cyfredol i'ch sefydliad
3. cyflwyno canlyniadau eich dadansoddiad i gydweithwyr ac/neu eraill
4. cyfathrebu ac atgyfnerthu pwrpas, gwerthoedd a gweledigaeth eich sefydliad i gydweithwyr a/neu eraill
5. gwerthuso effaith eich sefydliad ar yr amgylchedd, y gymuned leol a chymdeithas
6. datblygu cynlluniau sefydliadol sy'n cefnogi pwrpas, gwerthoedd a gweledigaeth eich sefydliad
7. rhannu strategaethau a gytunwyd gyda chydweithwyr a/neu eraill er mwyn sicrhau bod nodau ac amcanion cyffredin yn cael eu cyflawni
8. datblygu dulliau o reoli trafferthion a heriau sefydliadol
9. datblygu amrywiaeth o ddulliau arweinyddiaeth a'u defnyddio nhw mewn modd effeithiol pan yn arwain a rheoli gwahanol gydweithwyr, eraill a/neu sefyllfaoedd
10. nodi a gwerthuso anghenion, chwenychiadau a chymhellion cydweithwyr ac eraill
11. rhoi cefnogaeth er mwyn helpu cydweithwyr a/neu eraill i gyflawni eu hamcanion
12. annog a dathlu creadigrwydd, arloesedd, amrywiaeth a chynhwysedd o fewn maes eich cyfrifoldeb
13. gweithredu fel model rôl pan yn ymwneud â chydweithwyr a/neu eraill
14. defnyddio mewn modd effeithiol amrywiaeth o ddulliau ar gyfer cyfathrebu gyda chydweithwyr a/neu eraill sy'n grymuso ac yn caniatau annibyniaeth o fewn cyfyngiadau a gytunwyd
15. datblygu a chynnal ymddiriedaeth a chefnogaeth ar draws y sefydliad, cydweithwyr a/neu eraill
16. cyfrannu tuag at ddiwylliant o welliant parhaus
17. gofyn am adborth rheolaidd ar eich perfformiad gan gydweithwyr ac eraill
18. monitro cynnydd mewn gweithgaredd yn eich sefydliad
19. dadansoddi adborth a chynnydd er mwyn cynllunio a gweithredu gwelliannau i berfformiad personol
20. dilyn deddfwriaeth gyfredol, canllawiau, polisïau, gweithdrefnau a phrotocolau sy'n berthnasol i ymarfer eich gwaith ac y mae'n rhaid i chi gadw atynt

​

1. gweddau canmoliaethus arweinyddiaeth, rheolaeth, hyfforddiant a mentora a'r defnydd effeithiol ohonynt
2. gwahanol dechnegau ar gyfer gosod cyfeiriad a sefydlu amcanion a chreu strategaethau
3. dulliau o gyfathrebu gyda chydweithwyr a/neu eraill
4. technegau ar gyfer gwella perfformiad mewn arweinyddiaeth
5. methodolegau ar gyfer cynllunio am welliant
6. technegau ar gyfer hwyluso creadigrwydd ac arloesedd
7. technegau ar gyfer gwerthuso effaith y sefydliad ar yr amgylchedd, y gymuned leol a chymdeithas
8. sut i gyflwyno eich hun mewn modd cadarnhaol ac fel model rôl i eraill
9. gofynion ar gyfer cydraddoldeb, amrywiaeth a chynhwysedd a sut i gwrdd â'r rhain pan yn arwain
10. technegau ar gyfer annog eraill i arwain a ffyrdd y gellir gwneud hyn
11. gwahanol ffyrdd a dulliau o arweinyddiaeth ar gyfer datblygu timau a rhai sy'n cymryd rhan
12. eich gwerthoedd, cymhelliad, gweledigaeth, cryfderau a meysydd lle mae lle i wella mewn swydd arweinydd
13. cryfder a meysydd lle mae lle i wella gan gydweithwyr ac eraill
14. gweledigaeth ac amcanion yr holl sefydliad
15. y weledigaeth, yr amcanion, y diwylliant a'r cynlluniau gweithredol ym maes eich cyfrifoldeb
16. diwylliant arweinyddiaeth ar draws y sefydliad a'ch dull eich hun o arweinyddiaeth
17. deddfwriaeth gyfredol, canllawiau, polisïau, gweithdrefnau a phrotocolau sy'n berthnasol i ymarfer eich gwaith ac y mae'n rhaid i chi gadw atynt