Gofalu am gyfranogwyr pan fyddant oddi cartref
Trosolwg
Mae a wnelo'r safon hon â darparu gofal bugeiliol sylfaenol i gyfranogwyr sy'n aros oddi cartref. Gallai hyn fod, er enghraifft, mewn llety preswyl fel canolfan gweithgareddau awyr agored, gwesty neu hostel neu mewn pabell.
Mae a wnelo'r safon hon â darparu gwybodaeth am gyfleusterau perthnasol a'u lleoliad, gan gynnwys ardaloedd cyfyngedig a'u lleoliad, gwybodaeth am reolau ymddygiad sylfaenol a sicrhau bod cyfranogwyr yn gwybod am ystyriaethau iechyd a diogelwch, darparu gwybodaeth am weithgareddau wedi'u cynllunio, ac edrych ar ôl lles corfforol ac emosiynol y cyfranogwyr pan fyddant yn eich gofal.
Prif ddeilliannau'r safon hon ydyw:
cynorthwyo pan fydd cyfranogwyr yn cyrraedd
gofalu am les corfforol ac emosiynol cyfranogwyr
cynorthwyo pan fydd cyfranogwyr yn gadael
Mae'r safon hon wedi ei hanelu'n bennaf at staff canolfan gweithgareddau awyr agored neu eraill, fel gweithwyr chwarae sydd yng nghwmni cyfranogwyr pan fyddant oddi cartref.
Meini prawf perfformiad
Mae'n rhaid eich bod chi'n gallu:
Cynorthwyo pan fydd cyfranogwyr yn cyrraedd**
casglu manylion am y cyfranogwyr a'u storio yn unol â gofynion cyfreithiol a pholisïau a gweithdrefnau eich sefydliad
cyfarch a chroesawu cyfranogwyr
cyflwyno eich hun a staff eraill i'r cyfranogwyr a rhoi iddynt yr wybodaeth fydd arnynt ei hangen
goruchwylio a rheoli ymddygiad cyfranogwyr **pan fyddant yn cyrraedd
ymdrin â chwestiynau cyfranogwyr
* *
Gofalu am les corfforol ac emosiynol cyfranogwyr
gwneud yn siŵr y caiff anghenion y cyfranogwyr eu nodi a'u bodloni drwy gydol y rhaglen gan wneud unrhyw addasiadau sydd eu hangen
ymateb i unrhyw broblemau all godi yn ystod arhosiad y cyfranogwyr, yn unol â gofynion cyfreithiol a pholisïau a gweithdrefnau eich sefydliad
rhoi gwybod i'r unigolyn â chyfrifoldeb am unrhyw bryderon, yn unol â pholisïau a gweithdrefnau eich sefydliad
gwneud yn siŵr bod y cyfranogwyr yn cael cyfle i hamddena, gorffwys a chysgu
gwneud yn siŵr bod y cyfranogwyr wedi derbyn yr wybodaeth sydd eu hangen ar gyfer gweithgareddau
cyfrannu at y gwaith o oruchwylio cyfranogwyr pan fyddant yn symud o un gweithgaredd i'r llall
monitro lles cyffredinol y cyfranogwyr pan fyddant yn eich gofal
* *
Cynorthwyo pan fydd cyfranogwyr yn gadael
gwneud yn siŵr bod y cyfranogwyr yn pacio eu holl eiddo personol, a'u hannog i wneud yn siŵr nad ydynt wedi gadael unrhyw beth ar ôl
gwneud yn siŵr bod gan y cyfranogwyr yr wybodaeth sydd ei hangen ar gyfer gadael
gwneud yn siŵr bod yr holl gyfranogwyr yn gadael yr adeilad/eiddo, yn unol â gofynion cyfreithiol a pholisïau a gweithdrefnau eich sefydliad
cyfrannu at y gwaith o adolygu polisïau a gweithdrefnau ar gyfer gofalu am
gyfranogwyr pan fyddant oddi cartref
Gwybodaeth a Dealltwriaeth
You need to know and understand:
Cynorthwyo pan fydd cyfranogwyr yn cyrraedd**
sut a beth i'w wirio mewn perthynas â'r llety a threfniadau arlwyo cyn i'r cyfranogwyr gyrraedd
dulliau o groesawu cyfranogwyr i'r rhaglen a sut i wneud i'r cyfranogwyr deimlo'n gartrefol
unrhyw anghenion meddygol, diwylliannol, dietegol ac emosiynol penodol fydd gan y cyfranogwyr o bosibl
eich cyfrifoldebau mewn perthynas â'r cyfranogwyr, cyfrifoldebau staff eraill a gyda phwy y dylent gysylltu
yr wybodaeth sydd ei hangen ar y cyfranogwyr pan fyddant yn cyrraedd
lefelau gorbryder a chyffro tebygol ymhlith y cyfranogwyr wrth gyrraedd a dulliau o reoli eu hymddygiad
y rheolau sylfaenol yn ymwneud ag ymddygiad cyfranogwyr
* *
Gofalu am les corfforol ac emosiynol cyfranogwyr
sut i annog cyfranogwyr i ofalu am eu hylendid personol yn ystod y rhaglen a sut i addasu hyn ar gyfer mathau gwahanol o gyfranogwyr
pa bryd y dylid gwneud addasiadau a pha fath o addasiadau y gellir eu gwneud i ateb gofynion cyfranogwyr
y gofynion cyfreithiol a'r polisïau a gweithdrefnau sefydliadol y dylid eu dilyn er mwyn:
10.1 ymdrin â'r problemau mwyaf cyffredin y gall cyfranogwyr eu cael yn ystod y rhaglen
10.2 diogelwch cyfranogwyr yn ystod y rhaglen a'r gweithdrefnau cywir i'w dilyn
10.3 ymdrin â'r problemau mwyaf cyffredin y gall cyfranogwyr eu cael yn ystod y rhaglen
pwysigrwydd cyfrinachedd wrth ymdrin â phroblemau a beth yw ystyr cyfrinachedd
sut i annog cyfranogwyr i deimlo'n ddiogel yn gorfforol ac emosiynol
sut i ddangos empathi a dealltwriaeth i gyfranogwyr sy'n wynebu unrhyw broblemau
rheolau sylfaenol eich sefydliad ar gyfer amseroedd heb oruchwyliaeth
sut i oruchwylio cyfranogwyr wrth deithio ar y safle ac oddi ar y safle; ar droed ac wrth deithio mewn cerbydau
pa fath o ddillad arbenigol y gall fod eu hangen ar y cyfranogwyr yn ystod gweithgaredd rhaglenni a'r angen i roi gwybod iddynt ymlaen llaw am eu gofynion
sut i helpu cyfranogwyr i gynllunio'r defnydd o ddillad yn ystod rhaglen a gwneud yn siŵr bod ganddynt yr hyn sydd ei angen arnynt
y peryglon iechyd a diogelwch cyffredin sy'n gysylltiedig â gweithgareddau awyr agored
* *
Cynorthwyo'r cyfranogwyr pan fyddant yn gadael
yr wybodaeth sydd ei hangen wrth adael a pham mae'n bwysig i'r cyfranogwyr dderbyn yr wybodaeth hon
sut i annog cyfranogwyr i gymryd cyfrifoldeb am drefnu a gofalu am eu heiddo personol
sut i ymdrin ag eiddo coll
pwysigrwydd sicrhau bod cyfranogwyr yn gadael yng nghwmni unigolyn awdurdodedig a/neu gludwr awdurdodedig, a goblygiadau peidio â gwneud hynny
y gofyniad cyfreithiol i gynnal adolygiadau rheolaidd o bolisïau a gweithdrefnau ar gyfer gofalu am gyfranogwyr pan fyddant oddi cartref
Cwmpas/ystod
Cwmpas Perfformiad
Cyfranogwyr* (o leiaf 4)
oedolion
plant a phobl ifanc
unigolion ag anghenion penodol
newydd, di-brofiad
y rheini â pheth profiad
grwpiau
unigolion
* *
Problemau
emosiynol
corfforol
Gwybodaeth Cwmpas
Gwybodaeth sydd ei hangen wrth gyrraedd**
rheolau sylfaenol yn ymwneud ag ymddygiad
manylion llety
cyfleusterau perthnasol a'u lleoliad
ardaloedd cyfyngedig a'u lleoliad
trefniadau arlwyo
amser a lleoliad y gweithgaredd cyntaf
ystyriaethau iechyd a diogelwch
* *
Problemau
Corfforol
salwch
damweiniau
colli eiddo
hylendid personol
anghenion personol a meddygol
Emosiynol
ymddygiad gwrthgymdeithasol
ymddygiad gwahaniaethol
hiraeth
bwlio
unigedd o fewn y grŵp
gorbryder ynghylch y gweithgareddau
* *
Gwybodaeth sydd ei hangen wrth adael
amser gadael
man gadael
dull o gasglu a/neu deithio
gweithdrefnau gadael
casglu gan gariwr a/neu unigolyn awdurdodedig
* *
Gwerthoedd
Mae'r gwerthoedd** allweddol canlynol yn sail i ddarpariaeth y gwasanaethau o fewn arweinyddiaeth gweithgaredd a bydd yn helpu arweinwyr gweithgaredd i ddylanwadu'n fwriadol ar y rhai sy'n cymryd rhan.
Dylai Arweinwyr Gweithgareddau wneud y canlynol:
meithrin a datblygu amgylchedd sy'n annog pobl i gymryd rhan, yn rheoli risgiau ac yn ysgogi her, mwynhad, hyder a hunan-barch ac yn fwy na dim cyflawniad
cefnogi bod angen i'r rhai sy'n cymryd rhan fod yng nghanol y gweithgaredd, trwy gydol eu dyletswyddau fel arweinydd
bod yn onest trwy gydol eu gwaith
annog ymddygiad cadarnhaol mewn modd teg, cyson, moesegol ac effeithiol
croesawu amrywiaeth a chynnwys pawb er mwyn cynnwys pob un sydd ag anghenion penodol a neu allu amrywiol
Ymddygiadau
Mae'r ymddygiadau** allweddol canlynol yn sail i ddarpariaeth y gwasanaethau o fewn arweinyddiaeth gweithgaredd. Mae'r ymddygiadau hyn yn sicrhau bod y rhai sy'n cymryd rhan yn cael argraff dda o'r sefydliad a'r unigolyn
Dylai Arweinwyr Gweithgareddau wneud y canlynol:
arsylwi, parchu a bod yn oddefgar tuag at bawb sy'n cymryd rhan, a phawb sydd ynghlwm, er enghraifft, rhieni, staff ac arweinwyr eraill
ymddwyn fel model rôl trwy gynnal y safonau uchaf o ymddygiad personol
gweithredu a dangos esiampl trwy ddilyn rheolau sefydlog ar gyfer ymddygiad yn ystod y sesiwn a neu raglen
dangos empathi tuag at anghenion a gofynion y rhai sy'n cymryd rhan
cadw o fewn y ffiniau ar gyfer cynnal a datblygu perthynas gyda'r rhai sy'n cymryd rhan
parchu swyddogaethau'r staff cefnogi, er enghraifft, gweithwyr gofal, cynorthwywyr cymorth cyntaf, achubwyr bywydau neu gyfeillion a gwybod pryd mae angen cyfeirio unrhyw faterion at yr arbenigwyr hyn
Sgiliau
Mae'r sgiliau** canlynol yn sail i ddarparu y gwasanaethau o fewn arweinyddiaeth gweithgaredd a bydd yn helpu arweinwyr gweithgaredd i ddylanwadu'n fwriadol ar y rhai sy'n cymryd rhan.
Dylai Arweinwyr Gweithgareddau wneud y canlynol:
dylanwadu ar y rhai sy'n cymryd rhan i gymryd gofal o a gwerthfawrogi beth ydy gwerth yr offer gaiff ei ddefnyddio
bod â dull cyfundrefnol o baratoi, arwain, arolygu a gwerthuso gweithgareddau
deall pryd mae angen cynnal cyfrinachedd a phan does dim modd ei sicrhau
myfyrio ar eu harferion eu hunain a chwilio am ffyrdd o wella eu gallu bob tro
gallu meddwl y tu hwnt i'r syniad gwreiddiol a llunio cynlluniau wrth gefn
rheoli disgwyliadau'r rhai sy'n cymryd rhan
bod yn hyderus a gwydn
addasu gweithgareddau er mwyn datblygu gweithgareddau sy'n llawn hwyl a chyda phwrpas i'r rhai sy'n cymryd rhan
gallu rheoli amser yn effeithiol ac effeithlon
adnabod unrhyw beth sy'n rhwystro pobl rhag cymryd rhan a sut mae cael gwared ar y rhwystrau hyn
meithrin gwaith tîm a chydweithio ymysg cyfoedion
dangos diplomyddiaeth wrth herio unrhyw faterion yn ymwneud ag ymddygiad a gwahaniaethu
grymuso a chynnwys y rhai sy'n cymryd rhan yn y sesiwn drwy ddirprwyo tasgau
grymuso y rhai sy'n cymryd rhan i fod yn 'ymwybodol o risgiau' trwy eu cynnwys mewn asesiad risg ymarferol ac unrhyw waith penderfynu
Geirfa
Unigolyn a/neu gariwr awdurdodedig**
Oedolyn neu gwmni a drefnwyd ymlaen llaw, y byddai'r plentyn yn cael ei roi yn eu gofal
*
*
*
*
Ymddygiad gwahaniaethol neu wrthgymdeithasol
Ymddygiad sydd yn annheg, anghyfiawn, sarhaus, ac weithiau yn anghyfreithlon, yn erbyn unigolion, er enghraifft, ar sail rhyw, oed, cyfeiriadedd rhywiol, gallu, ethnigrwydd, diwylliant, cefndir sosioeconomaidd, maint, tarddiad cenedlaethol, neu gredoau crefyddol
*
*
*
*
Problemau emosiynol
Yn y safon hon, cyfyngir y rhain i broblemau sy'n gysylltiedig â'r rhaglen, er enghraifft, hiraeth, unigrwydd, bwlio neu gorbryder ynghylch gweithgareddau penodol; nid oes disgwyl i chi ymdrin â materion emosiynol ehangach
*
*
*
*
Empathi
Dangos eich bod yn gallu dychmygu ac uniaethu â theimladau rhywun arall
*
*
*
*
Unigolion ag anghenion penodol
Pobl y gall y sesiwn fod yn fwy heriol iddynt nag sy'n arferol, er enghraifft, pobl â chyflyrau meddygol, pobl sydd dros eu pwysau, pobl sy'n anarferol o swil neu nerfus, menywod beichiog; cyfranogwyr anabl, a phobl ag anghenion amrywiol neu ddiwylliannol. Efallai bydd angen sylw arbennig ar rai unigolion yn y grwpiau yn dilyn damweiniau ac achosion brys
*
*
*
*
Anghenion meddygol
Anghenion sy'n gofyn am feddyginiaeth arbennig neu gymorth corfforol i gymryd rhan mewn rhai gweithgareddau
*
*
*
*
Polisïau a gweithdrefnau sefydliadol
Yn ogystal â gofynion cyfreithiol statudol, y rhain yw'r gweithdrefnau gweithio a gytunwyd y mae'n rhaid eu dilyn, er enghraifft, mewn perthynas ag asesiadau risg, ymdrin ag eiddo personol, ymdrin â chwynion, cyfrinachedd, lefelau cyfrifoldeb, diogelu, codau ymarfer ynghylch cymarebau goruchwyliaeth, a'r camau i'w cymryd os na fydd gweithgaredd wedi ei gynnwys yng nghylch gorchwyl Corff Llywodraethu Cenedlaethol
*
*
*
*
Cyfranogwyr
Y bobl rydych yn eu harwain yn ystod y gweithgaredd
*
*
*
*
Anghenion cyfranogwyr
Pan fydd cyfranogwyr oddi cartref, mae'n bosibl y bydd amrywiaeth eang o anghenion y bydd yn rhaid eu hystyried, fel gofynion dietegol, llety, dillad sydd ar gael a lleoedd storio, esgidiau sydd ar gael a lleoedd storio ac addasiadau fydd eu hangen ar gyfer anableddau a/neu ofynion arbennig
*
*
*
*
Lefel gymesur a/neu gymhareb goruchwyliaeth
Mae lefel yr oruchwyliaeth fel arfer yn seiliedig ar gymarebau, fodd bynnag, yr arfer gorau yw seilio hyn ar ystyriaeth gywir o'r gweithgareddau i'w cynnal a lefel gallu'r cyfranogwyr sy'n cymryd rhan
*
*
*
*
Unigolyn â chyfrifoldeb
Yr unigolyn dynodedig; fel goruchwyliwr, swyddog dyletswydd, rheolwr llinell, hyfforddwr gweithredol ar ddyletswydd, arweinydd y rhaglen. Mae sawl term y gellid eu defnyddio i ddisgrifio rôl yr unigolyn â chyfrifoldeb a bydd yn amrywio yn ôl eich sefydliad penodol
*
*
*
*
Dillad arbennig
Er enghraifft, dillad ar gyfer tywydd gwlyb, siwtiau gwlyb, esgidiau glaw/cerdded ac ati.
*
*
*
*
Pobl ifanc
Yn gyffredinol, cyfranogwyr o dan 18 oed, fodd bynnag dylech gyfeirio at bolisïau eich sefydliad