Yn ol

Datblygu perthynas waith gynhyrchiol gyda chydweithwyr a rhanddeiliaid

URN: SFS9W

Sectorau Busnes (Suites): Gweithrediadau Diogelwch Digwyddiad

Datblygwyd gan: Skills for Security

Cymeradwy ar: 31 Maw 2009

Lawrlwythwch fel PDF

Trosolwg

Mae’r safon hon yn ymwneud â datblygu perthynas waith gynhyrchiol gyda chydweithwyr, yn eich sefydliad eich hun ac mewn sefydliadau eraill sy’n gweithio â’ch sefydliad chi, a chyda rhanddeiliaid a nodir.

Mae’n ymwneud â bod yn ymwybodol â rolau, cyfrifoldebau, diddordebau a phryderon cydweithwyr a rhanddeiliaid, a gweithio gyda hwy a’u cefnogi mewn amrywiol ffyrdd. Mae’r angen i fonitro ac adolygu effeithiolrwydd y berthynas waith gyda chydweithwyr a rhanddeiliaid hefyd yn un o brif ofynion yr uned hon.

Ystyrir bod ‘cydweithwyr’ yn unrhyw bobl y mae disgwyl i chi weithio a hwy, boed hwy’n gweithio mewn swydd debyg i chi neu mewn swydd arall o ran lefel cyfrifoldeb, gan gynnwys eich rheolwr.

At ddiben yr uned hon, mae ‘rhanddeiliaid’ yn cyfeirio at unigolion neu sefydliadau sydd â diddordeb sylweddol, cyfreithiol neu wleidyddol yng ngweithgareddau a pherfformiad eich sefydliad neu yr effeithir arnynt gan hynny.

Daw’r safon hon o’r gyfres o safonau Rheoli a Dysgu y Ganolfan Safonau Rheoli (MSC) lle mae’n ymddangos fel Uned D2.

Mae’r uned hon yn cynnwys y gweithgaredd canlynol:

• Datblygu perthynas waith gynhyrchiol gyda chydweithwyr a rhanddeiliaid

Grŵp Targed

Cydweithwyr, yn eich sefydliad eich hun ac mewn sefydliadau eraill sy’n gweithio â’ch sefydliad chi, a chyda rhanddeiliaid a nodir.

Daw’r safon hon o’r gyfres o safonau Rheoli a Dysgu y Ganolfan Safonau Rheoli (MSC) lle mae’n ymddangos fel Uned D2.

Meini prawf perfformiad

Mae'n rhaid eich bod chi'n gallu:

Datblygu perthynas waith gynhyrchiol gyda chydweithwyr a rhanddeiliaid

adnabod rhanddeiliaid a nodi cefndir a natur eu diddordeb yng ngweithgareddau a pherfformiad y sefydliad
sefydlu perthynas waith gyda chydweithwyr a rhanddeiliaid perthnasol
cydnabod a pharchu rolau, cyfrifoldebau, diddordebau a phryderon cydweithwyr a rhanddeiliaid ac, yn benodol, mewn sefyllfaoedd rheoli ar sail matrics, a gofynion eu rheolwyr
creu amgylchedd o ymddiriedaeth a chyd-barch lle nad oes gennych awdurdod, neu eich bod yn rhannu awdurdod, dros y rheini sy’n gweithio gyda chi
deall sefyllfaoedd a materion anodd o safbwynt eich cydweithiwr a rhoi cymorth, pan fo angen, i symud pethau ymlaen
darparu gwybodaeth briodol i gydweithwyr a rhanddeiliaid er mwyn iddynt allu perfformio’n effeithiol
ymgynghori â chydweithwyr a rhanddeiliaid ynghylch penderfyniadau a gweithgareddau allweddol a rhoi sylw i’w barn, gan gynnwys eu blaenoriaethau, eu disgwyliadau a’u hagweddau at risgiau posibl
cyflawni cytundebau a wneir gyda chydweithwyr a rhanddeiliaid, a rhoi gwybod iddynt
rhoi gwybod yn syth i gydweithwyr a rhanddeiliaid am unrhyw anhawster neu os bydd yn amhosibl cyflawni cytundebau
nodi a datrys unrhyw wrthdaro rhwng buddiannau ac anghytundebau â chydweithwyr a rhanddeiliaid mewn ffyrdd sy’n lliniaru’r niwed i waith a gweithgareddau ac i’r unigolion a’r sefydliadau dan sylw
monitro ac adolygu effeithiolrwydd y berthynas waith gyda chydweithwyr a rhanddeiliaid, gofyn am adborth a’i roi, er mwyn gweld pa feysydd y gellid eu gwella
monitro datblygiadau pellach er mwyn nodi materion o ddiddordeb neu bryder posibl i randdeiliaid yn y dyfodol ac i adnabod rhanddeiliaid newydd

Gwybodaeth a Dealltwriaeth

You need to know and understand:

Gwybodaeth a dealltwriaeth gyffredinol

1. manteision datblygu perthynas waith gynhyrchiol gyda chydweithwyr a rhanddeiliaid

2. gwahanol fathau o randdeiliaid a phrif egwyddorion sy’n sail i’r cysyniad o ‘randdeiliad’

3. sut mae adnabod rhanddeiliaid eich sefydliad, gan gynnwys gwybodaeth gefndir a natur eu diddordeb yn eich sefydliad

4. egwyddorion cyfathrebu effeithiol a sut mae eu rhoi ar waith er mwyn cyfathrebu’n effeithiol â chydweithwyr a rhanddeiliaid

5. pam ei bod yn bwysig cydnabod a pharchu rolau, cyfrifoldebau, diddordebau a phryderon cydweithwyr a rhanddeiliaid

6. pwysigrwydd creu amgylchedd o ymddiriedaeth a chyd-barch lle nad oes gennych awdurdod, neu eich bod yn rhannu awdurdod, dros y rheini sy’n gweithio gyda chi

7. pwysigrwydd deall sefyllfaoedd a materion anodd o safbwynt eich cydweithiwr a rhoi cymorth, pan fo angen, i symud pethau ymlaen

8. sut mae adnabod anghenion gwybodaeth cydweithwyr a rhanddeiliaid a diwallu'r anghenion hynny

9. pa wybodaeth sy’n briodol ei darparu ar gyfer cydweithwyr a rhanddeiliaid a’r ffactorau y mae angen eu hystyried

10. sut mae ymgynghori â chydweithwyr a rhanddeiliaid ynghylch penderfyniadau a gweithgareddau allweddol

11. pwysigrwydd ystyried a chael eich gweld yn ystyried, barn cydweithwyr a rhanddeiliaid, yn enwedig gyda golwg ar eu blaenoriaethau, eu disgwyliadau a’u hagweddau at risgiau posibl

12. pam ei bod yn bwysig cyfathrebu â chydweithwyr a rhanddeiliaid ynglŷn â chyflawni cytundebau neu ynglŷn ag unrhyw broblemau sy’n effeithio ar eu cyflawni neu’n atal hynny

13. sut mae gweld bod gwrthdaro rhwng buddiannau cydweithwyr a rhanddeiliaid a’r technegau y gellir eu defnyddio i’w reoli neu gael gwared ar hynny

14. sut mae adnabod anghytundebau gyda chydweithwyr a rhanddeiliaid a’r technegau ar gyfer eu datrys

15. y niwed y gall gwrthdaro rhwng buddiannau ac anghytundebau gyda chydweithwyr a rhanddeiliaid ei achosi i unigolion a sefydliadau

16. sut mae rhoi sylw i faterion yn ymwneud ag amrywiaeth wrth ddatblygu perthynas waith â chydweithwyr a rhanddeiliaid

17. sut mae adnabod a rhoi sylw i faterion gwleidyddol wrth ymdrin â chydweithwyr a rhanddeiliaid

18. sut mae rheoli disgwyliadau cydweithwyr a rhanddeiliaid

19. sut mae monitro ac adolygu effeithiolrwydd y berthynas waith gyda chydweithwyr a rhanddeiliaid

20. sut mae cael adborth am effeithiolrwydd y berthynas waith gyda chydweithwyr a rhanddeiliaid a defnyddio’r adborth hwnnw’n effeithiol

21. sut mae rhoi adborth defnyddiol i gydweithwyr a rhanddeiliaid ynghylch effeithiolrwydd y berthynas waith

22. pwysigrwydd monitro datblygiadau pellach mewn perthynas â rhanddeiliaid a sut mae gwneud hynny'n effeithiol

Gwybodaeth a dealltwriaeth sy’n berthnasol i ddiogelwch

23. datblygiadau presennol a newydd mewn materion gwleidyddol, economaidd, cymdeithasol, technolegol, cyfreithiol ac amgylcheddol yn eich maes diogelwch

24. deddfwriaeth, rheoliadau, canllawiau a chodau ymarfer sy’n berthnasol i i’ch maes diogelwch

25. safonau ymddygiad a pherfformiad yn eich maes diogelwch

26. diwylliant eich maes diogelwch

27. datblygiadau, materion a phynciau o bwys i randdeiliaid yn eich maes diogelwch

Gwybodaeth a dealltwriaeth sy’n berthnasol i gyd-destun penodol

28. gweledigaeth, gwerthoedd, amcanion, cynlluniau, strwythur a diwylliant eich sefydliad

29. cydweithwyr perthnasol, eu rolau gwaith a’u cyfrifoldebau

30. rhanddeiliaid a nodir, eu cefndir a’u diddordeb yng ngweithgareddau a pherfformiad y sefydliad

31. cytundebau â chydweithwyr a rhanddeiliaid

32. y wybodaeth y nodwyd bod ei hangen ar gydweithwyr a rhanddeiliaid

33. mecanweithiau ar gyfer ymgynghori â chydweithwyr a rhanddeiliaid am benderfyniadau a gweithgareddau allweddol

34. prosesau cynllunio a gwneud penderfyniadau’r sefydliad

35. mecanweithiau cyfathrebu â chydweithwyr a rhanddeiliaid

36. grym, dylanwad a gwleidyddiaeth o fewn y sefydliad

37. safonau ymddygiad a pherfformiad disgwyliedig yn y sefydliad

38. mecanweithiau ar gyfer monitro ac adolygu effeithiolrwydd y berthynas waith gyda chydweithwyr a rhanddeiliaid

Datblygu perthynas waith gynhyrchiol gyda chydweithwyr a rhanddeiliaid

Trosolwg

Meini prawf perfformiad

Gwybodaeth a Dealltwriaeth

Cwmpas/ystod

Cwmpas Perfformiad

Gwybodaeth Cwmpas

Gwerthoedd

Ymddygiadau

Sgiliau

Geirfa

Dolenni I NOS Eraill

Cysylltiadau Allanol

Fersiwn rhif

Dyddiad Adolygu Dangosol

Dilysrwydd

Statws

Sefydliad Cychwynnol

URN gwreiddiol

Galwedigaethau Perthnasol

Cod SOC

Geiriau Allweddol